🌹دائرة الانتــقــام 🌹(كرونيك باللهجة التونسية : مكتمــلة )

__💜part 15 💜__

__💜💜__

بدات تبعد على الكلينيك وبدات دموعها تزيد اكثر واكثر الشي ايلي هبل خالتها " بربي علاش تبكي ،علاه تموتو على الذل ،اووووف "

"خالتي يعيشك خلينا نرجعو ...مانحبش بنتي تتحرم من بوها "

"نعم نعم ،ياخا بعقلك والا بلاش؟!... ترص فم واسكت ..."

رجعت مركزة في الطريق وبعد لحظات شدت فران وهي تسب " خراوات ياخا هكاكا تسوقو... معايا صغار رااااو "

شافت مولى الكرهبة ايلي قص قدامها يحبس ويسد عليها الطريق " يا خرا تحرك  ابعد"
دق قلب نادين وموش مصدقة ايلي راتو، الكرهبة كرهبة يحي وشافتو يخرج منها ووجهو مقلوب ،مشى خطوات لناحيتها ،خالتها وجها لخلخ وتقلب ،اعصابها تلفت وهي ترا فيه يحل الباب ناحية نادين وياخذ ريحان من يديها ،و يعاونها باش تهبط

"مانسمحلكش راو ...تهبطها من كرهبتي و بكل قلة احترام ،"
هبطت وضربت الباب وراها بقوة ،وقفت قدامهم وهي تغلي "رجع الطفلة لامها ،ماتنجمش تحرمها منها ولا تنجم تلعب بعقلها "

شدت فيه نادين كي الغريق  وهو حاول يتحكم في اعصابو بايلي نجم"يا هيام ...من الاحسن تبعد من قدامنا باقل مشكل "

قدام الكراهب ايلي بدات تزمر ،تعدا من جنبها ومشى لكرهبتو ،سكرت الباب بيدها تمنع فيه واتكت عليه "مستحيل نخليك تاخوها "

نفخ بقوة صبر ومد ريحان لامها ،قدم خطوات وبكل خفة بعدها جابها بعيدة زوز ميترو " نادين مرتي وريحان بنتي افهمها يعيشك ...وموش من مصلحتك انك تدخل بيناتنا لانو انا خذيت عهد على روحي موش باش نرحم اي حد يقرب من عايلتي ..واضح "

لمعت عين هيام بالدموع "خليتها قبل وشكيت فيها و الاكيد باش يجي نهار واطيشها ،مانسمحلكش "

خزرت لنادين ايلي محمية بيه " ياخا ..انت ...بجدك باش ترجعلو ؟! "

دارت بكل عصبية تخبي في دموعها ايلي ضعفت قدامهم ،مسحتهم وسيطرت على روحها" برا معاه ...ومن اليوم تنساها خالتك كيما نسيتها قبل ،وباش ننساك كيما نسينا امك ..."

خزرت اخر خزرة للبنية في يدين امها ايلي تبكي ،رجعت تنطر لكرهبتها " تزمير تزمير ،اصبر ربي ماعطاكش الصبر ..خراوااات "

وقفت  نادين موش منجمة تتحرك خطوة اخرى وعيونها اتبع في خالتها  ،جبدها ليه وضمهم الزوز " نادين مستحيل نخليك ..."

"انا حاولت نمنعها ومانجمتش نجرحها خفت نراها هكا...خالتي هي ايلي بقات من عايلة امي "

"نادين اخزرلي "
شد وجها بين كفوفو " انا عايلتك وانت عايلتي تتفكر كي قلتهالي  قبل ...،انت جنتي و حياتي ...يا نادين "

غطست راسها في صدرو وحاولت تنسى ايلي صار من دقايق دعات من قلبها انو ماتقساش خالتها وترجعلها وتقبل انو يحي لازم يعيش مع بنتو سمعتو يتمتم " كان الموت ايلي يمنعني منك ".