الحلقة الثانية 2️⃣ من رواية
#معشوقتي_السمراء 🙈💜
يالله نبي تعليقات طويلة وحلوة زيكم باش معاش نعطل عليكم 🙈
................::................
يوسف :: ثواني ونكون عندك ...
..............................
( في حوش أمل )
أمل :: شن تبو انتو نديرلكم ؟
رؤى :: عادي ماما اي حاجة ...
فطيمة :: شن غداكم امس ؟
رؤى :: كسكسي ...
فطيمة :: خلاص ديري صلصه اليوم ... حلوة
أمل :: باه ...
:::::::::::::::::::::::::::::::
( في حوش منى )
نغم :: كملت فوق انا تعالي نسيقو جنان ...
زينب :: باه دقيقه نكمل لغداء ونجيك ...
نغم :: ( قعمزت تشرب ف طاسة مياه ) ماقلتلكش ماما امتى بيروحو ؟
زينب :: لا قالت كان في وقت بنروحو بكري مع تسعة وكانه هذا بيباتو غادي ...
نغم :: باه و احنى امتى بنمشو لي حوش حناي ؟
زينب :: مزال نتغدو ونكملو ضمان الحوش ونمشو ...
نغم :: باه ولي ام(قص)
زينب :: شنوووو لوك لوك لوك ماتعيش ... شن فاطرة اسئلة ولا شن ؟
نغم :: خلعتيني معاش تصيحي ... نسـأل انا شن قلت ...
زينب :: نوضي خلي نسيقو نوضي ...
..........................:::.......................
( في حوش فطيمة )
فتحي :: نسيم !
نسيم :: ( طالعة من المطبخ ) نعم ؟
فتحي :: مش امس قلتلك حددي سوريتي سماوية ولا ؟ ... خير دعوتك تهزي زي لحمار وخلاص ؟
نسيم :: لكن بابا حددتها انا في دارك حطيتها
فتحي :: ( شادها في ايده ) اي هذا حديد هذا حديد هذا تسمي فيه ي حمارة ... ( حدفها ) والله تخلو الواحد يكفر ....
( الباب .. ترن ترن ... ترن ترن
فتحي :: امشي شوفي منو ....
....
نسيم :: ( وجهه اسود دموعها في عيونها هيا اصلاً تخاف من بوها هلبه ) ... ( فتحت الباب )
<؛>×؛<>×
أحياناً تأتينا السعادة على هيئة أشخاص
و راحة في عيون من نحب
<؛>×؛<>؛×
يوسف :: ( قعد يشبحلها )
نسيم :: أهلاً ( ابتسامة بريئة وسعادة عامرة تأتيني عند رأيتك )
يوسف :: شن صار ؟ ...
نسيم :: تفضل خوش بابا الداخل ... تفضل
يوسف :: ( خش وسكر الباب ... قرب منها وحط ايديه ع خدودها ) خيره عيونك حمر ؟ ... صار معاك حاجة ؟
نسيم :: لا ابداً ... يالله خوش ...
فتحي :: نسيييم ...
نسيم :: نعم بابا ...
( وخشو )
فتحي :: من(قص ) ... أهلاً ... اهلاً يوسف كيف الحال ؟
يوسف :: ( يرد من غير نية ) تمام الحمد لله
فتحي :: خوش قعمز تفضل ...
يوسف :: ( خش قعمز )
فتحي :: ( شبح لي بنته ويكلم فيها بطريقة مش حلوة كالعادة ) امشي ديري قهوة ...
يوسف :: ( بعصبية خفيفه من تصرفات بوها ) مانبيش .. كيف شربت
نسيم :: ( تبتسم مرتاحة )
فتحي :: لا عاد جيت لازم تشرب قهوتنا .... امشي شن قاعدة واقفة ..
يوسف :: لا بجديات مانبيش ... ( شبحلها ) صحيتي ...
نسيم :: ( تبتسم )
فتحي :: باه براحتك ... كيف حالك وكيف حال الخدمة ...
يوسف :: الحمد لله تمام ماشي حالها ...
( يوسف في لوقت هذا كيف كان شعورة ... شعور غريب يعني مش عارف كيف خاف عليها وجي يجري وبعدين القاها فرحانه بي وجده كان يرد على فتحي وهوا يخطف في نظرة لي نسيم صح يبتسم ويجاوب بس في داخله كان يفكر ليش قالتله تعالى وعلاش كانت تبكي كان يتكلم وايديه يلعب بيهم ويعصر فيهم )
فتحي :: صار باهي الي لحقت عليك كيف كنت طالع ...
يوسف :: ااه خدمة ؟
فتحي :: لا والله عندي سهرية مع جماعة و بايتين في لحوازة وهكي زردة هه
يوسف :: ااه هه كويس .. انا جيت بناخد شوية حاجات لي خالتي ... يعني قالتلي نقولك كلميها ( ويشبح لي نسيم )
نسيم :: تمام تو نتصل بيها ....
( خشت نسيم الداخل ع اساس كلمت امها لانه هيا تعرف انه جيت يوسف عشان شنو ... فاحطت لي امها حاجات و دواها وطلعت )
نسيم :: أهما ...
يوسف :: تمام ... ( شبح لي بوها ) كانك طالع توا نطلعو مع بعض ..
فتحي :: ااه لا عادي بنمشي بي سيارتي انا .. غير اهو نسيم تلبس وتمشي بي سيارتها وراك خير ماتقعد بروحها هنا ...
نسيم :: ( فرحت ) تمام شوية بس ونجي ...
فتحي :: خوفي روحك ....
يوسف :: تمام ... يالله مع سلامة نتلاقو ع خير
فتحي :: ان شاء الله يوسف بارك الله فيك يالله مع سلامه ...
:...................................................................:
( في حوش منى )
زينب :: نغم هيا عاد .....
نغم :: جيت جيت ... ندور في شحني مالقيتاش ...
زينب :: في مكتبة الي في مكتب بابا ...
نغم :: باه ....
زينب :: بسرعة ..
:::::::::::::::::::::................................::::::::::::::
( في مكان تاني )
( في مكان اشبه بي مصنع مهجور .. في شخص مقعمز على كرسي و مد رجليه على كرسي تاني ويدخن مع شوية عصبية ... شخص الي يبيه يجيبه ومافيش شئ حلم بيه الا وحققه جبروته و دكتاتوريته غريبة ... شخصية غامضة مخيف ومطلوب من قبل العدالة ... رئيس عصابة .. مهمته الخطف وطلب الفدية .. بعيد كل البعد عن القتل ... حاجتبن معروف عنهم انه مستحيل يفكر فيهم .. الاوله القتل ومقتنع انه حرام ههههههه .. تانياً الحب لانه يشبه في بي القتل .... اسم شخص هذا .. ><>؛؛× #كرم )
كرم :: كأنه اليومين هاذم الجو ممل ولا انا نتخيل ؟
سند :: ( #صديق_العمر ) تعرف انه اخر عملية فشلت يعني مانعتقدش انك ناوي ادير عملية توا ؟
كرم :: يعني العمليه الي فشلت ليها 4 شهور يعني حتى انا نسيتها معقولة شرطة مش حاينسوها ....
سند :: شن فيه في راسك ..؟
كرم :: الي مش موجود في راسك
سند :: زي ؟
كرم :: في بنت تقرا في كلية الهندسة من عيلة غنية وهيا راس بنت عند عيلتها بعتت واحد من شباب يزيد يسأل عليها ... يعني كانه امورها طيبة انت عارف شن طبخه ؟
سند :: ولا يهمك لما يجبلك المعلومات ماتنسانيش ...
كرم :: ننساك كيف ماتجيش ...
سند :: تمام ... ( ناض وجي ماشي )
كرم :: وين ؟
سند :: للحوش وين يعني .
كرم :: تمام سلام
..................................
( في حوش امل .... مع وصول سيارة يوسف وسيارة نسيم )
( أول مانزلت نسيم نزل يوسف وسكر الباب بقوة وجاها )
يوسف :: بمأنه امورك تمام وقلتي انه مافيش شئ وماصار معاك شئ ... تخوفيني بي صوتك وتقوليلي تعالى وانا طريق كلها نجري وخايف عليك ومافكرت في شئ تاني علاش .
نسيم :: ( مانحتش الابتسامه من علي وجهه ) انا ماكذبتش وقت قلتلك تعالى وصوتي مخنوق ... لكن لما شفتك نسيت كل شئ
يوسف :: ( يشبحلها وساكت مع قرنة الحواجب )
نسيم :: بابا ناض صبح وكالعادة مالقاش في منو يفش خلقه فش خلقه فيا .يعني اكيد ماما حكتلكم نعرفها مش حاتخبي عليكم . ( وهيا مبتسمه ) لانه ماجهزتلاش لفطور صبح ضربني بس بسيطة ... يعني بعدين قعد يكشخ وينتقد كل شئ وهكي ..
يوسف :: ( احساس الخوف عليها من بعد كلمة #ضربني غمر كل زاوية من زواية قلبه قرنة الحاجب الي فوق تغيرو وعيونه بدت تعبر عن الحب وبس ... صمته كان بعد لحظة عشق قاتله )
نسيم :: بس ولا يهمك اول ماشفتك حسيت انه رتحت مانعرفش بس حسيت انك الامان الي انا محتاجته في وقتها ..
يوسف :: ( #لاتعليق)
نسيم :: يوسف .. أحساسي اتجاهك يمكن عرفوه وفهمو الكل الا انت ... بس انا اليوم عندي جرئ تامه نعترف بيه هههه ... انا اعجبت بيك .. وبعدين وحده وحده حبيتك مش توا ولا امس .. لا من لما كنا صغار ونمشو مع بعض للمدرسة .. ايام لما كانو يحطو فيك جنب سوسن في الامتحانات كان يجي خاطري ننقز عليها ونريشها هههههه ... بس بعدين نقول مستحيل تكون لي غيري .. صح تفكيري ولا زودتها ههههه .. انت حبيبي صح ؟
يوسف :: لما كانو يقعمزو في سوسن جنبي كان الاخ نادر يقعمز جنبك وكان كل شوي يطلب في قلم ومساحة وبعدين يسأل فيك اذا كنتي مرتاحة في تقعميزة ولا لا .. في وقتها كان يجي في خاطري نشد القلم ونرشقه في راسه
نسيم :: هههههههههههه
يوسف :: لكن انا مانوقفش ... في مره ضربته منها بدي يقعمز التالي
نسيم :: يعني في جرتك هوا قعمز التالي هههههههههه
يوسف :: ( طبس وشدها من ايديها ) انتي حبيبتي يعني تقعمزي جنبي انا .. وبعدين من قال احساسك مش فاهمه انا كنت عارف انك بتموتي عليا لكن قلت تو تنسى هههههههه
نسيم :: بنموت عليك ؟؟؟ .. لا صلحها اسمها نموت فيك مش نموت عليك ههههههه
يوسف :: يعني تبي تقنعيني انك مش مايته عليا واحتمال تنتحري كانه حبيت غيرك ولا ؟ ههههههه
نسيم :: ع فكره انت انسان مغرور بارد وغبي و متجكتر وهلبه حاجات ...
يوسف :: انتي هكي تشوفي فيا يعني ؟
نسيم :: اي باهي ...
يوسف :: ( قرب منها حضنها حضن برئ حنون وهوا يضحك ) ههههه لكن انا نشوف فيك اميرتي وحبيبتي وروحي وطيبة وبريئة هههههه
نسيم :: ههههههههههه ...
.....................::............................
( في حوش حناهم )
نغم :: حناي وين دواك ؟
الجدة :: اهوه في درج تاني .... وين زينب ؟
نغم :: في المطبخ ... خودي ... هاك مياه
الجدة :: ............... صحيتي بنيتي .. ماكلمتوش امك .؟
نغم :: لا كلمتها قبل شوية قالتلي بروحو غدوا لعشية ...
الجدة :: باه على خير ...
( في حوش امل )
رؤى :: لا ... لالا .. ههههههههه بجديات ؟
نسيم :: ههههههههههههههههه اي
رؤى :: واخيراً ... من زمان واضح عليكم اصلاً .. واللهي فرحتلكم ..
نسيم :: ههههه ... كان تشوفي انا .. فرحانه قريب نطير هههه
(ف صاله >>>
امل :: ي نسييييييم تعالى كلمي خوك يبيك
نسيم :: هييي نسيت زين ع اساس بنكلمه اليوم ....
:::::::::::::::::
( ف صاله >>
نسيم :: جيت جيت .... ألو
........
زين :: باهي والله ... كيف تنسي خوك ي حمارة
نسيم :: ههههههه معليش حبيبي يعني انا مرات ننسى في امك وين مش حاننساك انت هههههه
زين :: هذا مرض بري عايني ... ولا نقولك انا تو نعاينك اول مانجي نمشو للعيادة طول
نسيم :: دقيقه دقيقه ... تجي ؟ ...
زين :: اي هههه ... جاي غدوا
نسيم :: من هذا ؟
زين :: انا ي حمارة جاي غدوا ههههههه
نسيم :: لالالالا مستحيل .... تتسهوك عليا ؟
زين :: لا هههههه
نسيم :: باللهي عليك تركز معاي كيف يعني بتجي غدوا .. يعني بتركب طيارة وبتجي هنا ... هنا لي ليبيا ...
زين :: هههههههههه امالا بنمشي لي افغانستان
نسيم :: ههههههههههههههههه ي حليلي ...
العيلة :: هههههههههههههههههه
نسيم :: امتى وكيف و وين ؟
زين :: هههههه غدوا ساعة 5 نكون عندكم ...
نسيم :: الفجر ؟
زين :: لا العشية ي حمارة ههههه
نسيم :: باه .. ههههههههههه ... خود ماما تبيك
( خداته فطيمة )
نسيم :: سمعتي خويلة بيجي غدوا مع ساعة 5 لعشية هههههههه
امل :: اي سمعت خويلة ههههههه
نسيم :: ( ف نص الفرحة ) ( شبحت لي خالتها و رؤى ) شن بنقولوله بي خصوص بابا .. ؟
امل :: ماتخافيش بنتي حكتله امك توا ... هذا علاش مروح هوا
نسيم :: لا حولا و لا قوة الا بالله ... ااخ منك ي بابا وخلاص
رؤى :: خلاص حبيبتي تو يروح زين وتمشي الامور تمام ..
نسيم :: ( بي تنهيدة ) ان شاء الله .. بنتصل بي خويلة بنقوللها
امل :: خالتك في مصراته هيا وراجلها دهواري ... كلمي نغم هيا وزينب عند حناك
:.......................................:........................:.
( في حوش حناهم )
( حناهم كانت تحكي لي نغم ع ايامات امها لما كانت صغيرة )
نغم :: هههههههههه وكيف كنتي اديري
الجدة :: نتحمل امك كانت شويطينه طالعتلي هههههههه
نغم :: ههههه وتوا طلعتلكم زينب ههههههه
( ويسمعو صوت عيطة في الكوجينة )
الجدة :: سمله اللطف شن في ؟
نغم :: لا ماتخافيش هاذم اعرض طبيعية لي اختي هههه .. زينب زيييينب ..
زينب :: جيت جيت ... عندي ليكم خبر تــــــــحفه
الجدة :: باه مادامه تحفه علاش العيطة هاذي هههههه
نغم :: ههههههههه .. قولي ي تحفة انتي ...
زينب :: ترا قولو من مروح ؟
نغم :: ماما ؟
زينب :: علاش يعني بتكون مرواحة امك تحفة ع اساس انه هيا كانت مهاجرة ولا كيف ؟
نغم :: هههههههه باه مافيش الا هيا برا باش تروح
الجدة :: تي منو ي بنت ؟
زينب :: بسم الله رحمن رحيم سيداتي سادتي ... اقدم لكم المحقق البارع ابن امريكيا يعود الي ليبيا من جديد ههههههههههههه ... زين مروح غدوا
الجدة :: لا ؟ .. هههههههههههه ماشاء الله ماشاء االله يوصل بي سلامة يارب
نغم :: ( ولا كلمة ) انا ماصليتش بنوض انصلي ...
زينب :: ( سكتت وشبحت لي اختها لانه فاهمه كل تفصيل من تفاصيل اختها الي تبان عليها اول مايذكرو زين )
::::::::::::::::::::......................::::::::::::::::::::::
( اليل كله نغم مارقدتش وهيا تسترجع في ذكريات الطفولة الي تجمعها بي زين .. تذكر وتفكر ونوم هارب تماماً )
:::::::::::::::::::::...............
( تاني يوم )
( في حوش أمل )
( مع ساعة 6 لعشية )
نسيم :: عطل ولا ؟
رؤى :: هههه اصبري انتي صبرتي 10 سنين ماتصبريش دقايق
نسيم :: استحشته مش شوية هلبه هلبه
( شوية وخشت ام نغم )
منى :: سلام عليكم ... كيف حالك كيف حال صحة الحمد لله ع سلامته
فطيمة :: الحمد لله الله يسلمك ويبارك فيك منيوه .. وين البنات ؟
منى :: جيت من مصراته طول هنا لما اتصلت وقالتلي زينب .. هما في حوش امي ..
فطيمة :: بيجو ولا ؟
منى :: اي جاين
:...............................:
زينب :: نغممممممم .... تي هيا عاد مبردك .... واللهي نكسره راه
الجدة :: خيرك ؟ ..
زينب :: خشت بتتوضى وبتصلي ع اساس معاش طلعت ... وقت نبي نمشي ... نغمممم طقطقطقطقطقطقط
الجدة :: بالك تغسل ... خليها تو نمشو خيرك مستعجل انتي ؟
زينب :: تعرفي نمشو بعد مايجي زين نقتلك ....
.....
( ف داخل نغم تتكلم مع روحها )
نغم :: وكان توقفي ع شعر راسك ماني طالعة .. تبيني نمشي ونستقبله مستحيل نمشو بعد مايوصل ....
:.............................:....................:
( ف حوش امل )
لولولولولولولولولولي ...
نسيم :: _ طلعت تجري ونقزت عليه ) استحشتتتتتك ... ي حليلي ( تبكي )
زين :: ههههههههه ي هبله ... حتى انا والله هههههههه كيف حالك غير شن جوك .. هههههه
فطيمة :: انزلي من عليه بنسلمو ...
زين :: ههههههههههه تي انزلي وانتي عنكشتي انزلي ..
فطيمة :: ( حضناته ) حبيبي وليدي ي غالي ... الحمد لله ع سلامتك ربي مايحرمني من صنتك ي وليدي .... ( تبكي )
زين :: علاش باه توا البكي ... تخلو الواحد يفكر يرجع راه هههههه
نسيم :: ( ضرباته ع ضهره ) سكر فمك ههههههه
( خش زين وسلم ع لعيلة كلهم .... وقعمز يهدرز )
::::::::::::::
( في سيارة نغم )
زينب :: ( تمتم ) حمارة
نغم :: نعم زنوبتي شن قلتي ؟
زينب :: سكفمك ....
الجدة :: هههههههههه مقهورة تبي تمشي بكري
نغم :: الله غالب تو نوصلو وتسلمي ... ريتي هالجنتل مان الي بتموتي ع شوفته
زينب :: ( شبحتلها ) نغم اسكتي احسنلك ...
نغم :: ههههه باه ....
::::::::::::::::::::::::
( في نفس الوقت زين مقعمز بين العيلة ويهدرز وفرحان لا سأل ع نغم ولا دور عليها بي عيونه )
( شوية وخشت الجدة وزينب )
الجدة :: لولولولوللي هههههه و الله كان في جهد راهو زغرطة اكتر هههههه
زين :: ( باسها ع ايدها وراسها ) ههههههههه ولا يهمك شوفتك تريح ربي يحفظك ... تعالي نسيم دخلي حناك
نسيم :: هيا هي ...
زينب :: أهلاً .. كيف الحال .. الحمد لله ع سلامة ( وضحكة )
زين :: ي مرحب ي مرحب الله يسلمك شنو جو كيف الحال متغيرة ي ختشه كيف حالك ؟
زينب :: ههههههه الحمد لله .. حتى انت مولي ماشاء الله
زين :: ههههههههههههه بارك الله فيك ... خوشي
زينب :: اي خاشة ..
:......................::
( ف نفس الوقت برا )
( نغم سكرت سيارتها وجت خاشة )
يوسف :: أهلاً
نغم :: ي مرحب شنو جو ؟
يوسف :: تمام الحمد لله شن جوك انتي ... خوشي خيرك برا
نغم :: اي خاشة ..
يوسف :: باه خوشي
نغم :: تي باهي ..
يوسف :: ههههههه ... باه ترا حولي من جنب الباب بنطلع
نغم :: مش جنبه انا ... اطلع ..
( خطوة ترفعها وخطوة تردها .... واول ماحطت ايدها ع مانلية الباب في ذات الوقت زين حط ايده وفتح الباب
......
زين :: ( قعد يشبحلها )
نغم :: ( صدمة العمر .... تشبح لي ملامح وجهه الي تغيرت 180 درجة شاب الي ماكانش عنده ولا زاوية من زوايا شكله حلوة وله جميل جداً بي لحيه سوداء ونضرت عيونه وشخصيته دققت في كل شئ ... في نفسها تقول معقولة هذا نفس الولد الي يسافر قبل 10 سنين ... هذا زين الي ماتوقعتاش يرجع ... وفي نفس الوقت هوا كان يشبحلها بس بدون اي احساس بي صدمة او بلاستغراب ....
..............
#يتبع
#سلمى
