تأخيري بس ظروف اسفة جداً وشكراً للي تفهم الموضوع 💔>>
الحلقة السادسة والعشرون من روايةةة
#معشوقتي_السمراء 🍃🙈
تفاعلوووو ولو بي كلمة شكر >>
.....................................................
كرم :: هدا الي عندي رضيت اللهم بارك ... مارضيتش مشكلتكـ ,,,
زين :: اااه لا انت شكلك بتعبني معاااك وطريقة هاذي مش حاتنفعى مع شكلاتك ... امشي امشي ..
"""""""""""""""""""""
( ف حوش #أملـ )
أمل :: رؤى .. رؤؤؤى !!
( ف دار #رؤى )
نسيم :: باه اصبري بالك يرد عليك خيرك .... غير اصبري ..
رؤى :: مايردش ي نسيم اتصلت بيه قريب عشرين مره ... خيره مايردش ....
نسيم :: تي غير اهدي وقعمزي دوختيني وانتي تلفي ...
رؤى :: ( تلف في دار يمين ويسار )
نسيم :: اوووف عطيني من ايدك هاتي قعمزي انتي ...
........
سند :: ألو ..
نسيم :: ( بصوت واطي ) هاك هاك شدي رد ..
...
رؤى :: فهمني خيرك ماتردش ... اتصلت بيك قريب عشرين مره وينك ااه ... انا هنا طايحة ف مصيبة وانت مش عارف وينك ..... سند نكلم فيك
سند :: ( بكل برود ) خيركـ حبيبتي شن فييه ؟
رؤى :: ( تبكي )
سند :: باه علاش البكي توا ؟
رؤى :: (ساكتة )
سند :: رؤى ماتنرفزنيش خيرك تبكي شن فيه ؟ ... من ضايقك ؟
رؤى :: في ناس بيجو يخطبو اليوم ؟.... بيجو يخطبوني اليوم
سند :: ( سكت )
رؤى :: خيرك ساكت ؟ ... قتلك بيجو يخطبوني ....
سند :: ( بكل برود ) باه ربي يكتب الي فيه الخير ؟
رؤى :: نعم ؟ ...
سند :: قتلك هذا نصيب شن بديري خلاص .... بري مرات يكون احسن مني ... وتكوني مرتاحه مع اكتر مني ..
رؤى :: ( سكتت من صدمة )
سند :: ربي يسعدك ..
رؤى :: تبصر ولا ؟
سند :: اكيد لا .... في بصارة ف موضوع زي هذا ؟
رؤى :: كنت تكذب عليا ؟
نسيم :: ( بصوت واطي )خيره ؟ ... شن قالكـ ؟
رؤى :: يعني ماكنتش تحبني تكذب ؟
سند :: تو شن دخل هذا ف هذا .... نحبك نحبك اي ... تيمش نحبك نموت فيك انا ... تي انتي اغلا حاجة وانظف حاجة في حياتي وتقوليلي كنت نكذب .... لكن هذا نصيب ي رؤى هذا نصيب ..
رؤى :: ( بي كل ثقة ) تمام .... اوكـ ,, صح نصيب ... صدقني تفكيرك تفكير انسان عاقل .... تمام ... وان شاء الله ماحيطلعو العيلة من حوشنا الا وهما راضين ... لانه نصيب ..
سند :: ( أبتسم ) تمام ... مع سلامة ... ديري بالك ع روحك ...
رؤى :: ( سكرت عليه )
...................
نسيم :: خيره ؟
رؤى :: من هوا ؟
نسيم :: سند شن من هوا .... خيره شن قالك ؟
رؤى :: من توا مافيش حاجة اسمها سند تمام .... وانا اليوم العيله الي جايه من وين ماكانت جاية بنوافق ... ان شاء الله سكار حشاش بنوافق
نسيم :: شن تخرطي انتي ؟... انتي شن قالك ي مصيبة ؟
رؤى :: اطلعي ماما تنادي اطلعي ...
نسيم :: الله ماطولك ياروح ........
......................................................................
( ف #المركز )
( ف غرفة #تحقيق )
كرم :: ( مقعمز ع الكرسي وقايم راسه فوق بكل ثقة يرد ويتكلم )
زين :: ( واقف وحاط ايديه ع طاوله ) شن شكلك مزال مش ناوي تحكي ؟..... ادووووي نكلم فيك انا ..
كرم :: قلت الي عندي ... متعب روحك جايبني هنا وحاطني ف دار بروحي ... هذا ع اساس انه انا بنخاف ولا كيف ؟ ....
زين :: ( بعصبية ) سؤالي واضح ..... من كان معاااك ... تكلم
كرم :: بروحي ... وجوابي واضح ...
زين :: ( كيف بيضربه )
عز دين :: هيه هيه هيه زين شن ادير .... خيرك هدي يا راجل ...
كرم :: خليه خيله بالك عنده مايدير
زين :: حقييير ... واللهي لما نقتلك ي كلب ....
كرم :: تمام من غير ماتحلف مصدقك ....
عز دين :: انت صكر فمكـ ,,, زين زوود اطلع برا ....
زين :: (دف عز دين ) وين بنطلع وين .... مانيش طالع لين يتكلم ... من كان معاااه ... مش حانخليه ....
عز دين :: تي خلاص ي راجل شن قتلك انا عاد .... اطلع تو نتفاهم معاه انا
كرم :: برااا كل مره واحد .. اانا عيت رااه ..
زين :: اشييي الحيواااان ...
عز دين :: تي قتلكـ صككررره فمك انت ولا ....
كرم :: تي ماشي باه ...
زين :: ( دف طاوله وطلع )
كرم :: ( شبح ل عز دين ) تفضل .... اسأل ....
عز دين :: ( قعد يشبحله )
:::::::::::::::::::::::::::::::::::::::::::::::::::::::::::::::::::
( ف المحل )
سند :: لا نبيهم يكونو حلوين وخفاف ...
صاحب المحل :: هاذم اخر خواتم جوني من تركيا نظااف وحلوين ...
سند :: وريني ...
تلفون :: ترن ترن ....ترن ترن
سند :: شوية بس ....
::::::::::
سند :: الو ؟
مهاب :: ايواه ... وين انت؟
سند :: خير شن تبي ؟
مهاب :: نبيك ف موضوع ..
سند :: ماعندي مانتكلم معاك خطااني وشوف عمرك يالله ...
مهاب :: الموضوع كبير ي راجل بلا جو العويل الي دير فيه
سند :: قتلك ماعندي ماندوي معاااك ...
مهاب :: تي ماشي باه ... راهو كرم مشي سلم روحه وقالي لا نعرفوه ولا يعرفنا يعني بتحمل المسؤوليه بروحه
سند :: كيف ؟ .... شن تخرف انت .... كيف صار هكي وشن الي خلاه يمشي يتكلم ؟
مهاب :: مانعرفش ... لكن انا راكبه فيه نااار ... اكيد الكلب المحقق هذا الي اسمه زين هوا الي مدايرله حاجة ....
سند :: شن دخل هذا في هذا ؟
مهاب :: مانعرفش لكن .. تو نعرف كيف نتصرف معاه ..
سند :: انت وين ؟
:::::::::::::::::::::::::::::::::
( قدام #محل الحلويات )
مهاب :: عندي ماندير ....
سند :: مادير شئ تودرنا فيه ... انا تو نحاول نوصل لي كرم ... وانت ريح روحك مش ناقصنه مصاايب ..
مهاب :: تمام ...
سند :: صكر امشي ......
""""""""""""""""""""""""""""""""
( ف محل #الحلويات )
نغم :: حبيبتي سخني حاجة كولي حاجة ماتقعديش هكي انا بنعطي الطلبيه لي صحابه وبنجي تمام
زينب :: تمام ملاك ماجتش ؟
نغم :: لالا مش ضروري بسرعة بسرعة انا بنكمل ومروحة ..
زينب :: تمام ..
نغم :: تمام حبيبتي يالله سلام ....
.؟.....................................................؟..
( ف حوش #أمل )
فطيمة :: اي خلاص هذا ساااد هما جاين اكيد بيشوفوها وبيروحو مزال شن بيخطبو رسمي ...
نسيم :: تي استهدو بالله بالك حتي مش خطوبة ...
فطيمة :: اسكتي انتي ...
امل :: هههههههه اي والله حق احنى تحمسنا هلبه هههههه
نسيم :: هههههههههه
رؤى :: ( ساكتة )
فطيمة :: تي ماتسمعيش كلامها هاذي ههههههههه ..
يوسف :: سلام عليكم ...
نسيم :: ( شبحتله شبحةةة ... )
العيلة :: وعليكم سلااام ...
يوسف :: ( حط البضاعة ع طاولة وقعمز ) شن جووكم ... شن كملتو ؟
أمل :: اي كملنا .... ماقالش امتى بيجو ؟
يوسف :: لا .... خليهم انتي امتى مايجو يجو ... ( شبح لي نسيم ... مع رفعة الحواجب وضحكة ) شن جو ...
نسيم :: ( فنصت فيه )
يوسف :: ههههـ .... اي وين زين ؟
فطيمة :: مانعرفش طلع من صحب اكيد ف الخدمة ...
يوسف :: ااه تو نكلمه ... بنمشي نجيب حناي ...
فطيمة :: باه اخطم ع بنات خالتك منى جيبهم معاك ...
يوسف :: تمام باه .... بنوض ندير دوش انا ...
امل :: باه تو نحطلك حاجة تاكلها ..
يوسف :: لاالا مانبيش بندوش وبنطلع ....
...................................................................
( ف حوش #منى )
زينب :: ( مقعمزة ف دارها وسرحانه )
#تذكر >> كرم :: ( شبحلها وبعد مده من صمت ) شفتي موضوع بنت خالتكـ الي حكيتي عليها امس ...
زينب :: ( ولا كلمة .... هزت بي راسها بي معنى اي )
كرم :: ( سكت شوية ...... نزل راسه ورجع قامه ) انا الي خطفتها ... ......
.................
زينب :: ( تبكي ) ( شدة تلفونه تشبح لي رقمه ... )
#تذكر >> كرم :: زينب ؟
زينب :: ( قامت راسها ..... وااااضح العصبية الي في وجهه وقرنة الحواجب )
كرم :: شن قاعدة اديري هنا ؟
زينب :: ( قدمت ليه بكل عصبية وضرباااته بي ايدها ع صدره ) انا حماره الي كلمتك .... انا اخترتك من بين مليون شخص باش نشكيلك ونحكيلك .... مش قتلك مانعرفش علاش اتصلت بيك وقتلك سكر ( ضرباته مره تانيه وهيا تقول ) وسكرت ماحد غصبك تقولي نتلاقو .... جيت نبي نشوفك لانه عندي احساس بنرتاح معاك لكن انت خليتني وكأنه كلبه عادي .... اصلاً علاش بتهتم بيا منو انا اصلاً بالنسبة ليك ....
كرم :: ( واقف يسمع فيها شن تقول )
زينب :: ( وهيا ماشية .... شاااارع كان خالي من ناس ... )
كرم :: ( جي وراها سحبها من ايدها ليه )
زينب :: ( وهيا تبكي ... )
كرم :: ( حط راسه في راسها ) اششش
زينب :: اسفة ماكانش لازم نكشخ عليك انت حر .. ان(قص)
كرم :: ( بصوت واطي ) خلاص اهدي .. ( بصعووووووبة كبيرة ولي اول مره في حيااااته ) اسف ...
::::::
زينب :: ( اتصلت )
...
( ف #المركز )
زين :: تلفون مني هذا ؟
احمد :: ااه هذا تلفون الولد الي جاااك هذا الي توا ف تحقيق ...
زين :: كرم ..... عطيني ...
( المتصل .. #رقم )
احمد :: مني ؟
زين :: رقم ...
احمد :: عطي يتكلم بالك واحد من عيلته ... اصلاً احنى ماعندناش امر بالقبض عليه ...
زين :: ماهو هذا الي بيهبلني انا ....
احمد :: عطيه عطيه ...
.....................................
( ف غرفة #تحقيق )
زين :: ( حدف تلفون ع طاوله ) شد ....
كرم :: ( شبح لي رقم ...... انفصل الخط ) شن هذا
؟
زين :: ف رقم كان يتصل ... ( حط ايديه ع طاوله ) بالك واحد من جمااعتك ... رد رد خلي نتعرفو عليه ...
كرم :: انت من قالك تمسه اصلاً ... رديت ؟
زين :: نعم ؟ .... انت منو انت باش تحاااسبني تي وين حااسبك روحك انت ؟
كرم :: ( بعصبية لانه رقم كان رقم زينب وكرم خايف يكون زين رد ) رديييت ولا لا ؟
زين :: ( يشبح لي عز دين ) اشييي هذا قاعد يسأل .... لا مارديتش .... خير ان شا ء الله ؟
كرم :: ( سكت ... )
تلفون :: ترن ترن ...ترن ترن ...
كرم :: ( يشبح للفون يرن ومش قادر يرد )
زين :: رد ....
كرم :: ( ماشبحش لي حد عينه من ع تلفون ماتنحتش )
عز دين :: تعالى نطلعو برا .... اطلع
زين :: لا شن رأيك نرفعو لي فندق خمسة نجوم وخلاص ...
عز دين :: اطلع معاااااي اطلع ..
زين :: الله ماااااااطولك ياروح ....
::::::::::::::::::::::
كرم :: ( رد )
...............................
زينب :: ( ساكتة )
كرم :: ( ساكت )
زينب :: اتصلت ع امل ترد عليا بي نفس الصوت الاول ... لما تقولي حبيبتي ... ونطلع انا كنت نحلم .... ونحلف معاش نرقد تاني باش مانحلمش بي حلم حقير زي هذا ....
كرم :: ( ساكت )
زينب :: حسن ... كرم .... اياًيكن .... بس رد عليا .... باللهي عليك ... نحلم ولا ؟
كرم :: لا .. ( مع نزلت دمعة من عينه ) ... ماتحلميش ..
زينب :: ( بصوت طفلة البريئة .... بصوت هادي ... بي لكنة عبيطة ... وبي خوف ف تردد الكلمات ) علاش ... باه علاش ؟ .. علاش هكي ؟ ..
كرم :: ( بي حزن ... بي ضعف .. بي قلة ثقة الي كان يمتلكها كرم ... بي دموع الاطفال وبي صوت مخنوق مع تنهيدة ) مانعرفش ... واللهي مانعرف ...
زينب :: باه ممكن نسألك سؤال ؟ ... بس سؤال واحد
كرم :: قولي ..
زينب :: تحبني ؟ ... اوو لا ... حبيتني ؟ ..
كرم :: ( ساكت )
زينب :: باللهي عليك ... انا من امس ميتة الله يخليك قولي سبب يخليني نعيش ع خاطره ... قولي حاجة وحده من قصتنا مش كذب ... جاوبني ونعطيك كامل المسؤولية بأنك تكذب عليا عادي المهم ريحني ....
كرم :: شئ الوحيد الي مش كذب ف قصتنا انه انا بجديات حبيتكـ ,,, انا بجديات نحبكـ ,, وقاعد وبنقعد نحبكـ ,,
زينب :: باهي ... خلاص ... نبي نشوفكـ ,,, نبي نكلمكـ ,, انا مانقدرش نعيش من غيركـ ,, انت وين ؟
كرم :: ( شبح لي دار الي هوا فيها ) .. ( أبتسم ) مانقدرش .. مانقدرش نشوفكـ ,,,
زينب :: علاش ؟ ... وين انت ؟ ... باللهي عليكـ . انا قررت بنعطي فرصة تانيه لي علاقتنا ... انت وين ؟ ... خليني نشوفك شوية بس ...
كرم :: مستحيل .... سامحيني ... باللهي عليك حبيبتي تسامحيني ... وتأكدي ومعاش تسألي نفسكـ سؤال هذا ... تأكدي انا نحبكـ , نموت فيك انا .. تمام
زينب :: ( بي خوف كبير بي صدمة ) ماتسكرش ... كرم ... كرم ماتسكرش ...باللهي عليك ... كرم .
كرم :: ( صكر )
زينب :: كرم .... كرم ... (حدفت تلفون ) ياااربي ... يااربي
..........................................................
( ف #المركز )
عز دين :: افهمها هيا ... هوا مش محبوس هنا هوا جي سلم نفسه لا عندنا آدله .. ولا عندنا شهوود ... ولا حتى حاجة .. يعني يقدر المدعي العام في اي لحظة يبعت أذن بي الافراج عليه ...
زين :: ( يشبحله في منتهى صدمة ) اااه وطبعاً تبيني نمشي نقعمز ونتفرج عليه وهوا طاااالع ولا ... ان(قص*
تلفون :: ترن ترن ترن ...ترن ترن ...ترن ترن .
زين :: (بي عصبية وهوا عينه ع عز دين ) الو
...............................
مهاب :: هما كلمتين ... لا بنكتر ولا بنزيد ... اطلع كرم ... ولا مايصيرش خير
زين :: ( شبح لي جيهة تانيه ) شن هيا ؟
مهاب :: الي فهمته ولي سمعته مافيش غيره ...
زين :: منو انت باش تهددني .... وكانه ماطلعتاش شن بيصير ؟
مهاب :: ( شبح لي محل نغم ) ... عندي مانتصرف وف وقتها لا انت ولا انا بيعجبنه الي بيصير ....
زين :: لا راجل .... تي امشي ي عيل امشي ... تعرف كانه نجيب فيتكـ وين انت توا لما نقتلك ...
مهاب :: ماشي امالا ..... غير راااك دورني بعدين بس ...
زين :: الو .... الوووو
....
عز دين :: منو ؟
زين :: مانعرفش ... لكن تو نعرفو من الباشا الي ف دااار ..
عز دين :: استنىى ... غيررر استنى ي راجل ...
............................
( خش بي القوة )
زين :: قااعد مش ناوي تتكلم ......
كرم :: وانت قاعد مش ناوي تريحني وتصدق ... الي عندي قلته
زين :: تي ع منو تكذب ي حمااار ... تي توا واحد من المردف الي معااك تصل بيه ويهدد كانه مانطلعلكش ابصر شن بدير ؟...\ من هذا ؟ .... ولا معجبين
كرم :: ( تعفلق ونصدم من تصرف الي صار وهوا كان متاكد انه مهاب ) صح ... معجب ... بصراحة شهرة متعبه ... لكن الله غالب معجبين كتااار
زين :: تع(قص)
عز دين :: زين .... ريح روحك ...
زين :: ( طلع )
..................................................................
( ف ليلـ )
( ف محل #الحلويات )
نغم :: اي حبيبي كيف بنطلع ..... يوسف مشي بيجيب زينب لكن قالت ماتبيش تمشي فابنمشيلها ...
زين :: المهم ردي بالك ع روحك ... تمام ...
نغم :: اي تم(قص) كح كح كح ... كحكحكح .. تمام تمام حبيبي
زين :: خيرك ؟
نغم :: مانعرفش في صنه غريبة ماعرفتش من وين ...
زين :: ف المحل ولا من برا ؟
نغم :: مش عارفة انا تحت ف المطبخ ... استنى خليك معاي بنركب ....
زين :: تمام كانه ضي راك تقربي منه ....
نغم :: لا هوا شك(قص ... ) هيييييييه .... ياربي المحل ..... زين المحل من برا فيه نااار ....
زين :: كيف ؟ .... شن برا ؟ ... نار شنو ؟ ..
نغم :: ( تقرب من الباب .. ) كحمكحكح ... كحكح ... الباب الباب فيه نااار .. ايييي ... مش قادرة نطلع .... المحل ... محلي ينحرق ...
زين :: الووو .... الوو
نغم :: الووو ... زين ...
#نقطع_الاتصال ....
.................................................
ماتوقعاااتكم للحلقة القادمةةةةة >>> ابدعونا🙊❤️ ..
#يتبع
#سلمى
