طبعاً لا أسف ع تأخيير لانه مش بأيدي انا كنتــــ حاصلة في مكان ولاب في مكاااان والكل شاف وضع البلاد ... يالله أستمتعو
الحلقة الثانية والعشرون من رواية
#معشوقتي_السمراء 🍃🙈
:::::::::::::::::::::::::::::::
زينب :: باه امشي قدامي امشي ههههه
كرم :: باهي هههههههه
...........................................
( في #المقهى )
زين :: شن بتطلب ؟
يوسف :: انا مانبيش شئ ...
زين :: شن الموضوع خطير امالا ههه ... خير ان شاء الله ؟
يوسف :: أطلب انت تو نهدرزو ...
زين :: لا طارت نية .... احكي شن في ...
يوسف :: تمام ... شوف زين الموضوع بتتقبله تمام ماتبيش تتقبله لازم تعرف انه مافيش حد نقص من قيمتك ف الموضوع هوا ...
زين :: ان شاء الله خير ..
يوسف :: انا ي ولد ناس حبيت اختكك ونبيها بي لحلال ... تبني نخطبها توا .. تو تو نطلع انا ويااك عادي مانوخرش ... تبي تسألها اسألها ... تبي تفكر فكر ... لكن انا مش حانسيبها ومش حانوخر سواء ان كان انت وافقت ولا رفضت ..
زين :: ( وخر وتكه ع ضهره وقعد يشبحله )
يوسف :: انا الي عندي قلته ... وانت دير رايك ...
زين :: ونسيم ؟
يوسف :: شن بتستفيد من رد ؟
زين :: رضا اختي ... ولا شن رايكـ
يوسف :: ( شبحله وسكت ..... كان خايف من ردة فعله بي معرفت انهم عاشو علاقة .... جوابه كان من خوافه ع نسيم ) مانعرفش ... تقدر تسألها
زين :: يعني انت تبيها وهيا ماتعرفش ؟
يوسف :: اي ....
زين :: امالا خلي نسألها وناخد رضاها وبعدين ربي يكتب الي فيه الخير ....... انا مش حانلقى احسن منكـ لي اختي ... وان شاء الله خير
يوسف :: ( أبتسم ابتسامة خفيفه رغم كميةةة السعادة الهائلة الي في قلبه ) منور
زين :: بوجودكـــ ..........
::::::::::::::::::::::::::::::::::::::::::::::::::::::::::::::::::::
( ف شارررع )
كرم :: شن هذا ؟
زينب :: تره تره هههههههه ... احم احم .. هذا حوش نعمت ..
كرم :: من نعمت ؟
زينب :: جاااارتنا ...
كرم :: لا ماهوا واضح انه هيا جارتكم لانه الحوش جنبكم ... بس سؤال كان ع من هيا نعمت ....
زينب :: ااه اي صح ..... نعمت ي سيدي بن سيدي عندها شجرة ليم كبيرةةةةةةةةةةة وحلوةةة اهيا تشوف فيها ولا ؟ ...
كرم :: اي باه ؟
زينب :: ماهو اسكت بنكمل ........ كنا كل مانروحو من المدرسة ننقزو ونخنبو منها ونهربو .... ( سكتت شوية وبعدين ) يهربو !! .... يعني انا كنت ننمسك في الاخير لانه تحبني هلبه ..
كرم :: ههههه ايواااه وبعدين ؟
زينب :: ولا قبلين .... انت شن فكرت ؟؟؟؟ ( وهيا تبتسم الابتسامة شيطانيه )
كرم :: مستحيل ههههه ...
زينب :: لا مش مستحيل ... يالله ههههه
كرم :: انكـ مهبولة حاجة معروفة ... لكن انا لا ..... مستحيل ..
زينب :: ( تعصبت بصوت تكشيخ ) والله ... ناااافخلي عضلاتك ع الفاضي يعني ؟؟؟؟؟؟؟؟؟؟ ... يالله يالله انقز خلي نخنبو شوية ليماااات ..... شن هذااا ماتحبش المغامرات انت حر لكن تحمل مداامكـ حبيتني ...
كرم :: ( بصوت واطي ) هذا هوا ماحبيتكـ ف نهار مبروكـ
زينب :: سمعتكـ ......
كرم :: هههههه ... المهم كيف بننقزو
زينب :: صار ماحبيتني ف نهار مبروك صار ...
كرم :: لا حبيتي نتسهوكـ ,,,
زينب :: لالا منور ماحبيتني ف نهار مبروكـ صح ...
كرم :: لالالا واللهي مافي منها دوة حبيبتي نحبك انا معقوله
زينب :: لالالا كيف اكيد ماحبيتني ف نهار مبروكـ ااي ..
كرم :: ( بتكشيخة مضحكة ) تي لاااا ي ودي .... نبصرووو شن ماتبصروش ههههههه عليك حاله اسكتي وانتي علقتي ..
زينب :: ( بنظرااات الملاك البرئ ) باهي هكي كويس تكشخ عليا هكي ؟ ...
كرم :: ( ضحك ضحكة عسل وقرب منها وحضنها ) ي حليلي وخلاص تعالي تعالي ع كتر مانحبكـ ع كتر مانقدرش ع زعلكـ ...
زينب :: معاش تعاودهااااا
كرم :: أبداااً ههههه ... خلاص عااد
زينب :: ههه باه ...... يالله امالا
كرم :: مصره حضرتكـ ,,,, هههههه باه يالله
زينب :: هههه شبك ايديك انا بننقز ونعطيك سلوم تنقز باهي
كرم :: من قالكـ سلوم ف جنانها ؟
زينب :: تي حشوم عاااد عيب ي قدر
كرم :: اشييييه هاذي ههههههههههههه ...
زينب :: يالله شبكـ ايديكـ ههههه ...
::::::::::::::::::::::::::::::::::::::::::::::::::::::::::::::::
::::::::::::::::::::::::::::::::::::::::::::
( في حوش #أمل )
أمل :: بنيتي انا طالعه تبي حاجة كلمي يوسف باهي ...
رؤى :: باه .... خويلة حتى انتي ماشية ؟
فطيمة :: اي شوية مانعطلوش بنيتي .... يالله ف حفظ الله
رؤى :: ان شاء الله ...
............
تلفون :: ترن ترن .... ترن ترن
رؤى :: أيواه الو !!
سند :: #لاتعليق
رؤى :: ألووو ...
سند :: #لاتعليق ...
رؤى :: ( سكتت .... بس ماسكرتش .... سكتت بس مافصلتش الخط .... فضولها القاتل لي معرفة المتصل اكبر من ان تغلق سماعة ف اذنه ... لماذا وكيف لا تعلم لماذا شعرت بي انه هوا كيف شعرت لا تعلم )
سند :: ( صاامت وكأنه ينتظر منها ان تُتمتم بي اسمه .... صامت وينتظر صوت تنفسه لي يشعر وكأنه عايش .... لماذا وكيف لا يعلم ... لماذا اتصل لي يطمئن لا يعلم كيف اتصل بيها لا يعلم )
رؤى :: من معاي ؟
سند :: أنا ( بدون أي تردد بدون اي توقف قالها بصوت هادئ )
رؤى :: ( صمتها في ذاااك كان معبر عن شعورها .... جاء ف ذهنها عملية انقاذها ف اثناء الخطف .... تذكرت صوته ونبرااات الخوف فيها )
سند :: رؤى !
رؤى :: ( تبداء بي الكلمة وتنهيها قبلـ قولها تُتمتم وتسكت ولا تعلم ماذا تقول )
سند :: لو سمحتي قولي اي حاجة ماتخليش اتصالنا هذا يتم من غير فايدة ...
رؤى :: ( بصوت الخوف ذاااك ) شن بنقول ؟
سند :: أنا اسف ...
رؤى :: بعد شنو ؟ ..
سند :: عندكـ الحق .. نعرف انه مش مهم توا نتأسف او لا ... لكن نبيكـ تسامحيني .... ...
رؤى :: وعلاش ؟ .... يعني تبي تفهمني انكـ اتصلت بيهم كلهم الي قبلي وتأسف منهم ؟
سند :: لا .... أنتي غير ..!!
رؤى :: ( لحظة صمت عند عقلها لي يستوعب مده وقاحة الكلمة .... هنا يتوقف تردد عقلها ... يتوقف لي تستوعب )
سند :: اي ... حبيتكـ ،، ( بصمت مفاجأة وبي تنهيدة حزن )تسمعي فيا ؟
رؤى :: ( بي أستغراااب وبي صدمة كبيرة وبي استهزاء ) انت واحد مجنون ....
سند :: ممكن ... او معاكـ حق .... لكن مش معنى اني مجنون ف هذا يعني نكذب ....
رؤى :: ( بنفس الاستغراب والاستهزاء ) مريض ...
سند :: لكن انتي ماسكرتيش عليه المجنون والمريض .. ماسكرتيش وقاعدة تسمعي فيه .. شن معناه هذا ؟ ... شن معناه ؟
رؤى :: مافيش معنى الا اني نبي نسمعكـ باش نضحكـ عليكـ ونفهمكـ انكـ مريض ومجنون .... مستحيل يكون عندكـ قلب تحب بيه لا انتي لا صحابكـ
سند :: باه فاهميني كيف عرفتي في بداية المكالمة بي مجرد ماقلت انا ... اني انا نفسه ...
رؤى :: صوت الحقرااء مايتغيرش ويكون موجود في ذاكرة ماينتساش ...
سند :: ماقتنعتش ...
رؤى :: مش مهم ....
سند :: ( صمت )
رؤى :: ( صمت .... لا تفهم شعور الذي يمنعها من اغلاق الهاتف )
سند :: صمت ... يمنعه من اغلاق الهاتف .... )
رؤى :: ( صمت ..... لي تنزل دمعات الحزن الذي لا تفهم معناها )
سند :: ( صمت مع ....... جفاااف ورجولة وخشونة في نزول دمعااات وحيدة بي خطوات خفيفه )
رؤى :: ( صامتة مع الاستماع الي قلبها المجنون قائل كلمات الحب الزائفة )
سند :: ( بي تنهيدة كبيرة ) تكرهيني ؟
رؤى :: مش قادرة نوصفلك قداش ( اجابة بدون تفكير )
سند :: ( مع باتسامة هاادئة خفيفه ) هه يكفي انكـ عندكـ شعور اتجاهي حتى لو كان كره ...
رؤى :: ( غمضة عيونها وهيا تبكي قالت ) سكر ....
سند :: تقدري حتى انتي ... يالله
رؤى :: ( بي اعترااف ققااااتل عااااشق محب راااائع ) ( مع صوتها في البكاء ) باللهي عليكـ تسكر انت لانه لو عليا انا مش حانسكر ..
سند :: ( في هالحظة ابتسم ) هه سألتكـ كيف عرفتيني وكذبتي .... نسألكـ مره تانيه ... كيف عرفتيني انا .... كيف رؤى ؟
رؤى :: ( بي نفس صوت البكاااء الكبير وبي قفل العينين ) اساساً مانسيتكش باش نعرفكـ ...
سند :: ( قالها بي سرعة نزول دمعه من عينيه قالها بي سرعة الحزن في قلبه قالها وهوا مغمض العينين ) نحبكـ ,,,,
رؤى :: ( ردت بدون اي تفكير ردت بدون اي مقدمات او بدون مقدمة صمت الممله ردت بي صوت البكاء القاتل وهيا مغمضة العينين ) حتى انا ....
( هنا تبداء #قصة_حب ممنوعه من قبل المجتمع والعائلة )
:"::::::::""""""""""""""""""""""""""""""""""""":::::::":
( في حوش نعمت )
كرم :: ( كيف بتكلم )
زينب :: اششششش ... نهارك احرف راك تسمعك هههه ... شد مني ...
كرم :: خلاص ياااسر ...
( من قال كرم ابو عضلات المغرور ينقز يجيب ليم من حوش جيران وبي درقة ... ي مااشاء الله عليك ي زينب )
زينب :: باه ....... يالله كملنا خلينا نطلعو قبل ماتشدنا توا ....
كرم :: مش(قص)
نعمت :: اهلاً اهلاً .... شنو ماحرمتيش ؟
زينب :: ( بي صدمتها مع فتحت عيونها ) ي والله نهار مباااركـ ...
:::::::::::::::::::::::::::::::::::::::::::::::::::::::::::::::::::
( في محلـ الحلويات )
ملاكـ :: حبيبتي والله استحشتكـ الحمد لله ع كل حال .... باه كيف حالها رؤى توا ؟
نغم :: الحمد لله كويسة .... يالله غم ونزااح
ملاكـ :: اي والله ...
تلفون :: ترن ترن ... ترن ترن
ملاكـ :: ردي انا بنمشي نشوف طلبيه لانه مجموعتها بتجي توا
نغم :: تمام بري تو نجيكــ ,................ ( بي ابتسامة عريضة ) حبيبي ..
:.:.:.:.:.
زين :: ياربي انا وخلاص .... مع صوت الي يهبل وكلمةةة طيرلي في عقلي معاش نقدر نتحمل انا هكي .... ياريت نقدر نحضنك ... توا
نغم :: ههههههههههههههههههههه ... واللهي مانقدرش نوصلكـ الا صوتي الحلو والكلمة الي تهبل ع هاتلفون يعني مافيش اختراع يخليك تحضني فيه ههههههه
زين :: اي نقدر نحضنكـ لكن لو تكوني كريمة وتنوضي تفتحيلي الباب ...
نغم :: ( تلفتت لي الباب . ) هههههههه مهبول ...
( ناااضت وهيا في اتجاه الباب ... وقفت قدامه .... بعدين سكراته بالمفتاح )
زين :: خيركــ ,,, ؟
نغم :: ممكن تفهمني وانت مريض كيف تمشي للخدمة ؟
زين :: لا ماتقوليهاااش .... باه غير افتحيلي الباب ونخش لي حبيبتي ونحكيلكـ ,,,
نغم :: مستحيل ........ معاااقب ..
زين :: لا باللهي عليك .... عاقبيني حاجة تانيه هاذي لا ...
نغم :: واللهي هذا الي عندي ... اكتفي بي شوفتي من وراء الزجاج ...
زين :: يالهي هههههههه ... هيا حبيبتي عااد ... انحبكـ انا
نغم :: مستحيل ....
زين :: حبيبتي انتي معقوله تتحملي وانا بعيد عليكـ ؟
نغم :: عادي ....
زين :: لا باللهي عليكـ مش وقت عنادكـ توا .... هيا عاد
نغم :: مستحيييييييل ..... خليكـ هكي استحشني وموت بي ناركـ باش مره تانيه تسمع الكلمة ي سياااادة المحقق ..
زين :: ايوااااه هيا هكي يعني ؟
نغم :: اي ...
زين :: امالا خليكـ الداخل .... وانا بنوقف برا بنصيح انه انا نحبكـ وخلي العقاب ينفعكـ ...
نغم :: ( بي ضحكة استهزاء ) ههههههههههه ع اساس توا ...
زين :: يعني مستخفتيني ؟
نغم :: لا حبيبي بس مستحيل اديرها هههههه
زين :: اي امالا تفرجي .........
( قدام #المحــــــــــــــــــــــــــــــل )
زين :: ي عاااااااااااااااااالم ي هوووووووووو انا (قص)
نغم :: ( سكرتله فمه بي ايدها ) نهارك اسود ....
زين :: اممممممم
نغم :: شنو ؟
زين :: ( يشبح لي ايدها )
نغم :: ( نحتها ) مهبول ....... محلاها وكان كملتها ..
زين :: ( يشبحلها ........ قدم خطوه ) معاش تعاوديها ..
نغم :: ( وخرت خطوة ) الي هيا ؟
زين :: ( قدم خطوه ) الي درتيها ....
نغم :: ( وخرت لين خشت للمحل ) الي هيا ؟
زين :: بتعاقبيني عاقبني بي اي حاجة الي انه نبعد عنك ...
نغم :: ( أبتسمت في قمة العشق وسعادة )
زين :: فاهمة ؟
نغم :: ( هزت بي راسها وهيا مبتسمه ( نعم ) )
زين :: يعني معاش تعاوديها
نغم :: ( هزت بي راسها وهيا مبتسمه (نعم ) )
زين :: ههههه ( قرب وحضنها ) نحبك ...
نغم :: هههههه نموت فيك ....
:::::::::::::::::::::::::::::::::::::::::::::::::::::::::::::::
::::::::::::::::::::::::::::::
( عند حوش نعمت )
نعمت :: ومن هذا جديد ؟ .... شن انتو حتى كبرتي مزال عقلكـ صغير ههه
زينب :: واللهي انا كبرت صح لكن شجرتك قاعدة تهبل هههههه
كرم :: ( ساكت ........ موقف بايخ نحط فيه برستيجه ههه )
نعمت :: من هذا ؟ هههه
زينب :: هذا .... ( مع ارتباكـ وبموقف مضحك لي هاالمجنونه ) هذا ولد ولد ولد عم بوي .... ولد عم بوي ولده ولده ... يعني بوي ولد عمه ول(قص)
نعمت :: فهمتكـ ههههه ... اول مره نشوفه ... اهلين بيك
زينب :: كانو مسافرين وتوا جو .. قاعدين عندنا .. لكن خويلة ماما ماتعرفش انه جبته هنا مش تقوليله .... تمام ... خليها بناتنا ...
نعمت :: هههه ماهو كانه تعرف راهو ماخلاتك تجي
زينب :: صح هههه
نعمت :: وين كنتو مسافرين ؟
( مع بعض )
كرم :: مالطا
زينب :: برطانيا ...
( شبحو لي بعض )
زينب :: ف البداية مالطا بعدين مشو لي برطانيا .... ماهو يقرا غادي ...
نعمت :: اااه ... شن تقرا ماشاء الله ؟
( مع بعض )
كرم :: اقتصاد
زينب :: لغات
( شبحو لي بعض ههههههه )
زينب :: وقفف من الغات وتوا يقرا اقتصاد ههه ... يالله امالا خويلة ... مع سلامة ...
نعمت :: الله يسلمك ههههه معاش تعاوديها هههه
زينب :: ههههه تمام ...
:::::::::::::::::::::::::::::::::::::::::::::
::::::::::::::::::::::::::::::
( في ليل )
زينب :: ههههههههههههه ياسيدي سوري ... اسفين ... حطمنا برستيجك ... لكن بزمتك ... ايدي ع راسك ونبي كباسك ههههه انت مش مبسوط هههههه
كرم :: مهبوله هههههههه ... تعرفي كانه انا مانحبكش راهو وريتكـ ...
زينب :: هههههههههههه اي معناها الحمد لله انكـ تحبني ههه
كرم :: ههههه ........................ زينب نبي نسألك
زينب :: تفضل ...
كرم :: عرفتي لما كلمتنيني وانتي تبكي اليوم الي انتي كنتي في مضايقة ..
زينب :: اي ...
كرم :: خيركـ ,,, وقتها شن الي خلاكـ تتصلي بيا ؟ ..
زينب :: يعني كان في موووضوع في العيلة وانا كنت مضايقة منه ... وحبيت نحكيلكـ
كرم :: يعني لو مافيهاش مشكله ... نبي نعرف شن هوا الموضوع ..
زينب :: لا عادي ... وقتها كا(قص)
..............
#يتبع..........
#سلمى
