الحلقة الرابعة عشرا من رواية
#معشوقتي_السمراء 💜🙈
#تفاعلـــ ولو بي كلمةةة شكــر تفرحنااا
:::::::::::::::::::::::::::::
زينب :: واللهي وااااااللهي ...
يوسف :: ( قعمز ع كرسي وهوا مصدوم )
نسيم :: ( تبكي )
":":"::
( تعالو مع بعضـ نرجعو بي زمان شوية )
::::::::::::::::::::::::::::::::::::::::::::::::::::::::::::::::
( في حوش #منى )
منى :: عاد مش تجينا غير لما أمك تبي حاجة ايوااه ..هههه
زين :: لا ان شاء الله تو نجي ... ( شبح لي نغم واقفة ع لباب هيا وزينب ) جايات أكتر ...
زينب :: ( نخصت نغم ) ي سلاام
نغم :: ( فنصت بي عيونها )
زين :: يالله سلامات توا ...
منى :: سلم ع امك واختك راك تنسى ...
زين :: أن شاء الله يوصلـ ...
منى :: تعالي نغم وصلي ولد خالتك لي برا زودي ... وانتي خوشي معاي ..
زينب :: باه .... امشي يالله هههههه
نغم :: حماره ههه ..
:::::::::::::::::::::::::
( قدامـ باب الحوش )
زين :: ( وقف ع سيارةة وتكه عليها )
نغم :: ( قعدت واقفة )
:":؛><
( هنا زوز يستنو في واحد منهم يبادر بي الحديث بس مافيش فايده ... هيا بصراحة كان يحرقلها في دمها واقف يشبحلها ومبتسم اتبسامة الاستفزاز والمسكينه واقفة تستنى فيه يتكلم .. )
:":؛><
نغم :: ( ملت ... ) يالله سلامات ...
زين :: ( وهيا قدم بكل هدوء وحنية عااامرة ومسك ايدها وغمرها زي طفله .. )
نغم :: ( كانت لي تزرع ابتسامة بريئة حقيقه تعبر عن حب صافي ... ابتسامة فتاة مجنونه حبيبها كانت تنتظر الحضن .. رفعت يداها وحضنته بي قوة قائلةةة ... ) كنت نحسابك بتخليني نخش وبتمشي ..
زين :: اششش ماتتكلميش خلينا هكي شوية ..
نغم :: ( في لحظتها زادت قوة حضنها له وكأنها تحاولـ ان توصلـ معلومة بي انها لاتريد بعده عنها أبداً )
زين :: ( بصوت منخفض بصوت حنون بصوت الشخص الطفولي امام حبيبته بي كلـ مايملك من عشق قال في أذنها >> ) أنحبك ...
"><"><"><"
؛؛ أخيراً قالها .. قال احبك قالها ... وانا قلبي قلبي قلبي قلبي نبضه توقف بعدها ... ؛؛
"><"><"><"
نغم :: ( نظرت له ... دمعت عيناها ... وبكلـ خجلـ رائع زينة خدها بي لون الاحمر لي تغمر راسها في حضنه ... )
زين :: ههههههه حبيبتي ..
نغم :: ( ساكتة )
زين :: ( وقفها وخلاها تحط عينها في عينه ) وانتي ؟
نغم :: حمار ... يعني شن رأيك .... نموت فيك انا
زين :: ههههههههه .. يالله خوشي صقع عليك الجو متغير ... تو نكلمكـ ,.,
نغم :: باه ... يالله دير بالك ع روحكـ
زين :: حتى انتي ...
( ركب سيارة ومشي وبعدين هيا خشت )
:::::::::::::::::::::::::::::::::::::::::::::::::::
( نجو لي زينب بعد مامشت لي المقهى ولقت كرم )
( في #المقهى )
( كانو مقعمزين كل واحد فيهم لاهي بي همه .... )
زينب :: ( تلعب بي الكاشيك )
كرم :: ( رفع عينه وشبحلها )
زينب :: ( سكتتت ... سكتتت ... سكتت بعدين خلاص ) اييي مليت انا .... قصدي امتى حضرت جنابك بتقولي نوضي ؟
كرم :: ( سكر تلفونه وحطه ... وقعد يشبحلها )
زينب :: ( ساوت تقعميزتها ) شوف ... انا انسانه نحب نتكلم ... يعني لوك لوك طول الوقت مانسكتش ... ونكره الشخص الهادي ساااكت ... انا مجنونه ونحب نغني نتكلم ندير عركة اي حاجة المهم ندير انجاز ... شوف انا من نوعي لو ماتكلمتش يجيني توحد ... ي تتكلم ي نوض ايوااه ... اووووخ واخيراً تكلمت ..
كرم :: ( ضحك )
زينب :: هههههههه اسفة بس بجديات هيا هكي .. قصدي انا هكي ...
كرم :: هههه باه تكلمي نسمع فيكك ..
زينب :: زي هههه
كرم :: اي حاجة مش تتكلمي هلبه ...
زينب :: باه ... شوف انا نتكلم ع روحي وهكي وانت تتكلم ع روحك ...
كرم :: مانحبش نتكلم ع روحي ...
زينب :: باه ي سيدي انا نتكلم هكي باهي ؟
كرم :: تمام ( وخر وحط رجله فوق الكرسي وشبحلها )
زينب :: شوف ي سيدي .................
::::::::::::::::::::::::::::::::::::::::::::::::::::::::
( بعد ماوصلـ يوسف رؤى للجامعةةة ومشي للحوشـ مقرر أنه بيكلمـ أم نسيم لانه بعد الكلام الي قلاته رؤى بدي يفكر في موضوعه مع نسيم بتفكير جدي )
::::::::::::::
( في حوش #أملـ )
يوسف :: سلام عليكم ؟
فطيمة :: خوش خوش مافي حد ...
يوسف :: شنو جو ؟... وينهم ؟
فطيمة :: نسيم فوق تتفرج وامك مشت لي حوش جيرانكم مش عارف شن عندهم ..
يوسف :: ( قعمز جنبها ) باهي كويس نبيك في موضوع اصلاً ..
فطيمة :: خير ان شاء االله ...
يوسف :: لا خير خالتي .. شوفي خالتي انا كنت بنفتح الموضوع معاكـ لكن صارت حاجة خلتني نفتحه معاكـ بطريقة هاذي ...
فطيمة :: اتكلم وليدي خيرك .؟
يوسف :: شوفي ي خالتي انا شاري بنتك ونبيها وبصراحة هيا في بالي ليها مده ... انتي شن رأيك موضوعنا يمشي ولا شنو ؟
فطيمة :: يولدي نكذب عليك وكانه نقولك مش فاهمتك انا حاسة بيكم ونفهمكم وحسيت انكم تبو بعض ... وكان تبي الحق وصراحة ي ولدي بنتي مش ليك ولا انت ليها .. انت صاحب زين وانا متأكد زين بيرفض كانه عرف ..
يوسف :: ( سااكت ويسمع فيها )
فطيمة :: اسمعها مني وسيبها وانت الي قوللها انكم مش لي بعض بتضايق اي بتبكي اي لكن تو تتعود خير مايرفض خوها وتتفارقو بي طريقة ماتعجبش ولا واحد فيكم
يوسف :: لكن وكانه سؤ(قص)
فطيمة :: اسمعها مني قلتلك ... وانت براحتك كان تبي شقي والعذاب ليها خليك معاها وكانه تبي تكون فرحانه ومرتاحه سيبها وخليها بنصيب ي وليدي ... اانا تشوف فيا شن صار معاي ومانبيش بنتي تتعذب زيني ...
يوسف :: ( أمتلكه صمت في الاول وبعدين ناض ..... )
::::: ( طلع يوسف ركب سيارته ومشي ) :::::::::::
:::::::::::::::::::::::::::::::::::::::::::::::::::::::::::::::
( في وقت الي نغم طلعت ومشت بتروح بي رؤى )
نغم :: كلمي ماما شن تكلمي فيا انا
زينب :: هيا بتقولي لا وانا نبي نسيم بنحكيلها حاجة ... باللهي عليك تكلميها انتي .. اهو ملاك قالتلي بتمشي لي جيهة هذيكه بتوصلني
نغم :: باهي باه دراااه
( ركبت رؤى )
نغم :: هلا حبي .... سكري انتي انا توا بنروح بي رؤى تو نجي غادي
زينب :: باه سلمي عليها ...
نغم :: باه ...... هلا شن جو ؟
رؤى :: تمام .. منو هاذي زينب ؟
نغم :: اي تبي نسيم تبي تجيكم تكلم فيا تبيني نكلم ماما ..
رؤى :: ههههه ...
نغم :: انتي شن جو قرايتك ؟ ... شن هذا ؟
رؤى :: خيرك ؟
نغم :: مانعرفش في سيارة وراي سوداء زي الي تبي تجي قدامي نخليلها ف طريق لكن ماتبيش تجي ...
رؤى :: فوتيها حبي راهو بنخشو من جيهة الحوايز اجري ماتعدليش عليها ..
نغم :: ماتخافيش منها عادي ...
رؤى :: ووك خطرلهم يختفو توا سيارة هما ؟
نغم :: تي اسكتي اهو في سيارة قدامنا خلاص .... هاااا
رؤى :: خيره هذا ؟
نغم :: ( وقف يمين )
رؤى :: ماتوقفيش ...
:::::::::::
( نزل مهاب من سيارة وجي لي جيهة رؤى ونزلها من سيارة وفي ايده سلاح )
مهاب :: انزلي .... انزلي
رؤى :: حووول ايدك ... تي حوول نغم .. حووول
نغم :: هي هي انت شن تحساب روحك ادير ... حووول ايدك من عليها .. ( دفهاااا ) ااااااه ..
رؤى :: ( تبكي ودف فيه ويجبد فيها )
مهاب :: اسكتي انتي امشي معاااي ... تي اسكتي ...
( حاوولت نغم تمشي وراه وهيا تحاول تجبد رؤى وتنقذها خبطها بي المسدس ع راسها تاحط طوول فاقدة للوعي ... وخدي رؤى ومشي )
:::::::::::::::::::::::::::::::::::::::::::::::::::::::::::::::::
( وقفت سيارة ونزلت لي نغم ركبتها ورفعوها للمستشفى .. )
::::::
( في المستشفى >>
شخص :: شوفي هذا تلفون البنت الي جبنها ..
شخص2:: ردي عليه وقوليله .. خلي يجوها ردي
.....
شخص :: ألو
زين :: ( مقعمز في المكتب .. ) ايوااه ..
شخص :: سلام عليكم
زين :: ( ركز انه مش صوت نغم ) ألو ... من معاي ؟
شخص :: انا القيت صاحبت التفون طايحة جنب سيارتها جيهة الحوايز ....
زين :: كيييف ؟ ... انتم وين ؟
شخص :: انا في المستشفى ؛؛؛؛؛؛
زين :: تمام ثواني ونكون عندكم ..
:::::::::::::::::::::::::::::::::::::::::::::::::::::
( بعد مافهمنا شن صااار نرجعوو للوقت الحالي )
( #في_المستشفى
زين :: ( مقعمز في ممر المستشفي .... دمعته نزلت من عينه وبعدين مسحها وقعد حاط ايديه ع راسه )
دكتور :: زين ؟
زين :: اي دكتور ... شن صار باللهي عليك ماتقوليش في حاجة خطيرة ؟
دكتور :: لالا ماتخافش عليها امورها طيبه وكل الموضوع انه من اثر صدمة الحادث هيا توا فاقدة الوعي ....
زين :: اووووف .. استغفر الله .. الحمد لله ... مشكور دكتور .... ( مسك تلفونه )
::::::::::::::::::::::::::::::::::::::::::::::::::::::::::::::::::::::::
( بعد ماقالت زينب زي ماشفنا لي نسيم و يوسف .... يوسف ركب سيارته ومشي لي زين في المستشفى ... والبنات كانو مطرين يقعمزو ساكتين ومايقولو لي حد )
::::::
#في_المستشفى
يوسف :: ( مقعمز وحاط ايديه ع راسه ) الاحسن مايعرف حد ... خلي نشوفو شن بيصير قبل ع امل نلقوها قبل مايركزو
زين :: لو فاتو ساعتين تانين حايركزو ... انا بلغت دوريات وكلهم يدورو عليها ... ان شاء الله خير
يوسف :: ان شاء الله ....
دكتور :: أستاذ زين ؟
زين :: ( وقف ) نعم !
دكتور :: البنت فاقت تقدرو تخشولها امورها كويسة ومافيش اي ضرر ..
زين :: مشكور ( مش يجري لي دار وخشلها )
::::::::::::::::::::::::::::::::::::::::::::::::::::::::::
( في المستشفى )
نغم :: ( حضنت زين وتبكي ) واللهي مانعرف شن صار ... مش مذكرة عندي تشويش في راسي نذكر انه خداها وبس
زين :: حبيبتي اهدي مش ضروري تذكري وقتي اهدي شوية قبل
نغم :: خداها من قدامي خدااها من قدامي ي زين انا خايفة عليها ...
زين :: اهدي حبيبتي انا جنبك وماتخافيش مش حايصير شئ لي رؤى ماتخافيش ...
يوسف :: ( قعمز جنب نغم ) نغم َ!
نغم :: ( شبحتله )
يوسف :: ( بي دمعة رزينة من صعب ينزلها راجل ) حاولي تذكري ... ماعنديش غير رؤى انا ... باللهي عليك ... انتي تعرفي الي صاير خلي نجيبوها توا احسن مانسمعو بيها ميته بعد مده ولا...( وسكت )
زين :: ( حط ايده ع كتفه ) اسكت ي راجل شن الكلام هوا .. واللهي لما نجيبهم كان يبدو في اخر دنيا ورؤى بترجع ...
نغم :: حاضر ... حااضر
زين :: ( مسكلها ايدها ) ماتتعبيش روحك ...
نغم :: ( هزت راسها بي معني باه )
::::::::::::::::::::::::::::::::::::::::::::::::
( في حوش #أملـ )
(في دار )
زينب :: ياربي خيرهم ماتصلوش .... ياربي يلقوها بسرعة يارب ..
نسيم :: امين ...
زينب :: نسيم اتصلي بي يوسف بالك عرفو حاجة ...
نسيم :: ( وهما يبكو ) مانقدرش
زينب :: علااش؟
نسيم :: معاش نكلمو ف بعض ولما جيتي قلتي ع رؤى هوا كيف قالها ليا يعني انا مش فاهمه شئ ...
زينب :: حبيبتي انتي ..... ( حضنتها ) ماتخافيش كل شئ يمشي تمام
نسيم :: ياريت ..
زينب :: باه توا اتصلي اكيد بيرد عليك .... ممكن يكون محتاجك توا ...
نسيم :: لا ... اتصلي انتي
زينب :: باهي باه ...
::::::::::::::::::::::::::::::::::::::::::::::::::
:::::::::::::::::::::
( في سيارة )
نغم :: أهو جاين .... كويسة واللهي كويسة مافيا شئ ... خلاص زينب شوي وبنوصلو ...
::::::
يوسف :: مش عارف كيف بنقولها ليها انا توا ...
نغم :: انا تو نحكي ...
زين :: ( شبحلها في مرايا متع سيارة ) خلاص تو نعرفو كيف نتكلمو مع بعض . ماتوتروش جو انتم
::::::::::::::::::::::::::::::::
( لما خشو )
أملـ :: اهلاً .... شن مع بعض امالا ؟ ... وين كنتو ؟
شباب :: ×/ ( لا تعليق )
#يتبع.:::
#سلمى
