الفيس بي نفسه أعترف انه الحلقة طويلة ونزلها ع بارتات هههه المهم متابعة طيبة هذا الPart 1 الحلقة الثلاثون والاخيرة من رواية 👌🏻❤️
#معشوقتي_السمراء .. 🍃🙈
:::::::::::::::::::::::::::::::
زينب :: سلام عليكم !!
نورهان :: وعليكم سلام ...
( بكلـ حشم وأدب لم تكن فيه من قبلـ ههههـ عطتهم القهوة وقعمزت ... )
( نورهان تشبحلها وتتأملـ فيها وزينب حالتها حاله ... )
...............................................
( ف حوش #أملـ )
يوسف :: معقولة اكيد تتسهوكي ....
أملـ :: لا مانتسهوكش ... يالله قعمز انت وياه ...
يوسف :: تي ياسرونا عاد بلا جو .....
أملـ :: يالله قتلكـ ,,,, وانت وين ماشي تعالى جاي معااه
زين :: من معاه ؟
أملـ :: انت قعمز معااه يالله ...
زين :: ( ضحك ضحكة متع خيرها هيا ) هههههـ معقولة خالتي .. نقرا القراية هاذي كلها ونتعب ع عمري وف الاخير نقعمز نطبق كنينكس .. والله مايجي منها الكلام هذا هههههه
أملـ :: ههههههههههه قعمز قلتلك ....
نسيم ورؤى :: هههههههههههـ
زين :: ( شبحلهم ) هذا الي فالحين فيه راك تتفولحي انتي وياها ف حاجة تنفعك ....
أملـ :: سكر فمكـ هاذم عرايسنا ..... يقعمزو ويرحو روحهم ايوااه
يوسف :: ( وهوا يطبق مسكين ) وانا شنو ؟ ... الي بيركب الخيمه ماهو حتى انا عريس ولا مش طالع عليا ... شنو ي زين ؟
زين :: احلا عريس والله هههههـ
يوسف :: ( شبح لي حناه ) شنوو ؟ .. حنااااااااي
الجدة :: وميه ان شاء الله خيركـ شنو قالولك طرشة ...
يوسف :: هيا برا عاد هي كل مانصيح قولي نفس العبارة ... باه ي حناي انا عريس ولا ؟
الجدة :: تريس امالا شن ترا حد يقول غير هكي ...
زين :: ( شبحلها وضحكـ ضحكة من قلبه لين عيونه هربو ) لا ماتخافيش هوا من ناحيه انه مافيش حد بيقول غير هكي فاهوا مافيش حد بيقول غير هكي هههههههههههههـ
يوسف :: تريس ي عنجد تريس ههههههههههههـ
فطيمة :: هذا هوا تسهوكو غير ع حناكم يالي ماتتحشموش .. امي .. قالك يوووسف انا عررريس ولا ؟
الجدة :: ااااه عريس هههههههـ .... ياودي هما قالو عريس لكن منظرك مش جايب هكي بكل ههههههههههههـ
العيلة :: ههههههههههههههههههههـ
يوسف :: هيا خودلك هي بديت ملطشةةة عند حناكـ ,,,
زين :: منورةةةة حناااي هههههههههههـ
.......
( ع خشت منى )
منى :: سلاام عليكم .... من توا الباب مفتوح ههههههـ دووم ان شاء الله ...
أمل :: اوووو منو وين وين ههههههههـ معقولة هكي ... كيف الحال ..
البنات :: سلام عليكم .....
أمل :: ( بصوت واطي لي منى )شن جابكـ مش اليوم في ناس جاين لي زينب ؟
منى :: اي اي عجبتهم وروحو مشي جبتهم وجيت ....
أمل :: باهي باهي الحمد لله العقبة لي نغم يارب ..
منى :: أمين ياربي ....
( سلمو ع العيلة وقعمزو )
منى :: فطيمة نوضي معاي بنجيب شوية بياض من بره ..
فطيمة :: هيا نوضي هي ....
:.........................................................:
( ف جنان )
منى :: تعالي لا نبي بياض لا واحد نبيكـ ف موضوع ...
فطيمة :: أن شاء الله خير ..
منى :: الموضوع بخصوص زين ونغم ...
فطيمة :: خيرهم ؟
منى :: هوا زي الي فهمت انه يبو بعض ... سألتها وقالتلي اي ومافهمت منها شئ تاني لكن قلبي حاسسني ...
فطيمة :: ههههههههـ شنو شكله بيمشو كلهم فرد مره ...
منى :: هههههههههههـ يعطيهالك .... غير توا نبي نتأكد انا وماعرفت كيف هانغم ماتخدي منها لا حق ولا باطل
فطيمة :: يعني المحقق الي عندي بنستجوبه انا ؟...
منى :: هههههههـ يعني ...
فطيمة :: لالا فكري ف حاجة تانيه والله هالبالطه مانقدره ...
منى :: هههههـ باه استني ...
فطيمة :: ...........
.::::::::::::::::::::::::::::::::::::::::::::.
( ف الحوش )
رؤى :: ماما قلبت عليه دنيا رااه ...
أمل :: ولاش قالبه دنيا وماخليتي ماردتي هوا مكان بعتك ليه بري شوفيه غادي ...
رؤى :: واللهي قتلكـ مالقيتاش نوضي انتي ...
أمل :: باهي باه مش عارفة كيف بديري حوش انا ...
رؤى :: تو نحكيلكـ بعدين هههههـ
العيلة :: هههههههههههه...
( زين كان مقعمز جنب حناه ... والشباب يهدرزو ويضحكو وجو سمح )
الجدة :: شنو انت امتى ناوي تتزوج ولا ماتبيش .... ولا كانش مافيش من راضي بيكـ هههههههه
الشباب :: هههههههههههههههـ
زين :: ماهو كان تصبري تو نجاوبكـ هههههه.... لاااا لااا مزال ...
الجدة :: ع شنو مافيش من عجباتكـ من تبي تخطبها هكي حاجة ...راك تخدم ع عمرك زي هالفرخ هذا ....
يوسف :: عقابها فرخ منورة حنااااي منوررة
الشباب :: ههههههههههههههه
زين :: هههههـ .. ( شبح لي نغم ) واللهي شن بنقولكـ ي حناي ... هوا في ... لكن هيا ماتبيش
نغم :: ( تفنص )
الجدة :: منو هااذي الي فالحة غير تتجكتر ع وليدي ااه .... والله تلقى احسن منكـ ولا احسن منكـ ,,,,
زين :: نوريهالك حناااي ....
الجدة :: شنوو ؟
الشباب :: هههههههههههههههههههههـ
نغم :: الحمد لله جت فيها وماسمعتش ... ههههههه
الجدة :: ع شن تضحكو ؟ ... تو تكبرو ومعاش تسمعو يالي ماتتحشموش ...
يوسف :: علاش شن عادات امالا ...
الشباب :: هههههههههههههههههههههـ
زين :: ( يعلي ف صوته شوي شوي ) ي حنااااااي قلتلكك نوريهاااااالك ..
الجدة :: اااخ ي معفن عندك صورتها هههههههـ
يوسف :: ( ضحك ضحكة من قلبه ) هههههههههههههههههههههـ هيا بتقولك ي صايع غير تحشمت هههههههههههه
زين :: ( شبحله ) انت خليكـ لاهي في لي دير فيه ...
الشباب :: ههههههههههههههههههههـ
زين :: لالالا مش صورتهاااااا ...
الجدة :: امالا شنوووو ؟
يوسف :: ي حنااااااي احنى بس نعلو صوتنا انتي لاااا نسمعووو فيك هههههههههههـ
الشباب :: هههههههههههههههههههـ
الجدة :: هههههـ والله ماتتشحم ..... وانت امالا شنو؟
زين :: لالا هيا مقعمزة اااهيااااا .. شفتيها ...
الجدة :: ( تتسهوك حطت ايدها ع يوسف ) هااذي ههههـ
يوسف :: لا سلامت نظرك ي بعيد هذااا انا .. لا حناااكم شهادة بالله ولا دمها سكر شربااات هههههههههههههههـ
الشباب :: هههههههههههههـ
زين :: ههههههههههـ لالا هيا ... شفتيها .... هيا هيا ( يأشر بي صبعه .... ونغم حالتها حاله )
الجدة :: ايواااه .... حاط عينكـ ع بنت خالتك ي معفن هههههههه
يوسف :: احسن مايحطها ع البراني اهو قريب ولا لبعيد هههههههههههه
رؤى :: ترا ريحنا من كومنتاتك انت الي زي الفاصل يخشو ف نص ..
الشباب :: هههههههههههههههههههـ
زين :: اي ... ( ويشبح لي نغم )
نغم :: ( مبستمه ومتحشمة وخدودها حمر )
الجدة :: تبيها ووو ؟
زين :: نموت فيها انا ي حناي
الشباب :: اوووووووووو هههههههههههههههه
الجدة :: شنو ؟ ...
زين :: لا نعلي صوتي عااادي ... قلتلك نمووووووت فيهاااا انا
الجدة :: ( تحشمت العزيز ) ههههههـ خزي عليك اسكت
يوسف :: هههههههههههههههههـ حناكم تحشمت وانتم ولا قلتو نسكتو هههههههـ
فطيمة :: ماشاااء الله دووم ضحكتكم ي حنه ... ضحكونا معاكم ههههـ
يوسف :: قعمزي تحصلي تنوضي انسي الموضوع هههههههه
منى :: ( جت جنب امها ) امي كيف حاااالك اليوم ؟
الجدة :: الحمد لله ي بنيتي احسن ... كيف حالك انتي وراجلك ؟
منى :: الحمد لله ... بكريي ف ناااااس جووو يخطبووو ف زينب
الجدة :: ماشاااء الله ماااشاء الله الله يباارك الله يتمم ع الخير ان شاء الله
منى :: هههههههـ ان شاء الله ... وبكري كلمووووني عيله وبيوو يجوو لي نغم
زين :: ( قام راسه طول شبح لي نغم ... وبعدين شبح لي منى )
نغم :: ( سكتت ولا كلمة جمدت .. )
الجدة :: منو ؟ ... عيلة منو ؟
منى :: مانعرفهمش قولو بيجو تو نتعرفو ...
نغم :: وخيرني اخر من يعلم ؟
منى :: شن بنشاورك امالا .... قعمزي واهمدي بلا هبال البنات يتحشمو ف هالمواضيع وانتي بتناقشي ...
نغم :: اكيد مش حياتي .... شن زينب شاورتيها ؟ .... مش شاروتيها وقالت باهي ولا ؟... كيف يصير هكي وانا مانعرفش
رؤى :: اهدي خيركـ ؟
نسيم :: خلاص خيركـ يجو قولي لا .... اهدي
منى :: لا ومحلاها تقول لا ... ياسركـ جوكـ هلبه ترفضي وتعاودي من عااابيه بيجيك مزال ااه ؟
فطيمة :: شن ي بنيتي كان فيه موضوع ف حياتكـ هدرزي لي ميمتك وقوليله يجي شن تستني ولا تبي ترفضيهم كلهم ؟
نغم :: هذا مايبررش انه توافق ع ناس يجو من غير مانعرف ...
منى :: وكلمي انتي وجيبي انتي علاش تخلي فيا هكي نتصرف
العيلة :: ( كلها متفاجئ بي الحديث الصادم هذا )
منى :: من مزال بيجيكـ وانتي ترفضي وتعاودي اااه ؟
زين :: انا ...
فطيمة و منى :: ( الي يبو وصلوله ..... صح كان رده صدمة من المستحيل حد يفكر يديرها تقدرو تقولو شن جو الهندي هذا بس الحب ممكن يصنع المعجزات .... مش بضرورة بس ف رواية نشوفو اصناف واشكال من العلاقات رومانسيه مرات في ف حياتنا بس من نادر وجودها )
فطيمة :: شن انت ؟
زين :: انا نخطبها وبنجيها ... علاش معاش في من يخطبها ولا يجيها ....
فطيمة :: علاك برداه وقتك توا هههههههـ
زين :: مانبردش انا .. وانتم الي زودتوها ..... ناس مافيش خطوبة لا ... زي ماعطيتيهم موعد تفركسيه تمام خالتي
منى :: واللهي شن بنقوللهم ؟.. ياسر ياسر بلا هبال
زين :: مش هبال ... قوليلهم عادي ساهله ولد خالتها يبيها ... ماعندكمش ف طيب نصيب
العيلة :: ( جميد ولا حرف )
نغم :: ( متحشمه ومش عارفة كيف تتصرف ... بصراحة توتر كان حليفها ف وقتها مافيش حاجة تانيه ممكن تحس بيها ... رد فعل زين قوي ومش متوقع ورمانسي حبتين ههههههه )
منى :: شن تقول انت وقت برادتكم توا ؟
زين :: ( وقف ) لا حولا ولا قوة الا بالله .... نقولها بي العربية .... انا نحبها بنتكـ نبيها .... نبي نتزوجها ... نبي بي لحلال .. نغم لي حد تاني لا ... انسي الموضوع ... وصلت توا ؟ ( عصبيته كانت واضحة ..... اكيد مش شدة العشق برضو )
نغم :: ( هنا دماغها ع عيونها ع لسانها ع قلبها كله صارله ستك )
زينب :: ( بصوت واطي للبنات ) ياااربي انا شوفت المشهد فين قبل كده ههههههههه
البنات :: هههههههههههههههه
رؤى :: اسكتي ي فرخة هههههههههه
فطيمة :: وخيره ماتعرفش تدوي لين يجي حد يخطبها البنت ولا كيف ؟
نغم :: ( لين دمعتها نزلت )
زين :: واللهي كنت بنتكلم لكن حظرت جنااابكم خاشين ع قوي طول ...
منى :: هههههههههههه صار باهيه الكذبة هاااذي ع الاقل استفدنا حاجة ...
يوسف :: هههههههههه باهي قلتي ي خالتي راهو جبنا سبوول وتفرجنا اكتر بتعمق ع وجهه القرد هوا هههههههه
العيلة :: هههههههههههههههه
زين :: باهي بلاش منها الكذبات الي تحرق العصاااب هيا ..... ( شبح لي نغم تبكي )
نغم :: ( من شدة الفرحة دمعت هههههه )
زين :: هااا عجبكم هكي بكيتوهالي ....
رؤى :: وووو عليا نااا نغموشتي وووو ههههههههههههه
زينب :: ( شبحت للعيلة ف تأملـ وقالت الكلمة الي كلكم توا تفكرو فيها ) شن ي عيلة مش حاااسين انكم افورتو شوية يعني زي الي بدينا عيلة وكتيبنا رصاصي وعايشين بي طول والعرض ولا شنو
العيلة :: ههههههههههههههههههههههههههههههه
منى :: راك تتحشمي وتكبري هههههههههههههه
يوسف :: واللهي صدقتي فيها هههههه
::::::::::::::::::::::::::::::::::::::::::::::::::::::::::::::::::::::::
#سلمى
