اسفة ع تأخير عويناتي لكن كان عندي عرس وانتم تعرفو عاد الحوسه والقصة المهم هاذم حلقتين تمتعوووو 🙈❤️🌸😍😂
الحلقة الخامسة عشرا من رواية
#معشوقتي_السمراء 🙈🍃
#تفاعلـ ولو بي كلمةةة شكر تفرحناا :.:
:""""""""""""""""""""""""""""""""""""""""""""""""""""""":
أملـ :: اهلاً .... شن مع بعض امالا ؟ ... وين كنتو ؟
شباب :: ×/ ( لا تعليق )
( الموقف كان صعب كانت كلـ العيلة مقعمزين يشبحو لي شباب لما خشو ... نغم كانت في المقدمة وجنبها زين ويوسف كان في الخلف وكان واضح تأثر على وجهه )
أملـ :: خيركم سمله ؟
نغم :: ( بي دموع مش مفهومه تنزل ولا تقعد في عينها بي تصرفات الخوف واضح عليها ) خالتي ... ( يتحركو شفايفها بس ماطلعش في صوت مترددة تتكلم )
زين :: ( تقدم وجي جنب خالته ) البنات اليوم وهما مروحين في من جامعة وقفتهم سيارة حاولو يخطفوهم زوز بس ضربو نغم وخطفو رؤى ...
أملــ :: نهار اسود ... رؤى وين ؟ .. ( ومشت لي يوسف ) اختك وين ي يوسف ..؟ ... بنتي وين اااه ؟ ... بنتي وين ؟ ... ( قعدت تخبط ) وووووك عليا بنيتي ووووه ي ميمتي عليها بنيتي ... وين بنتي وينها ي زين وينها ؟
فطيمة :: كيف هكي وين ؟ .... كيف لي توا ماحد فيني يسمع نهاركم الي درورو فيه ....
زين :: مش وقته توا .... الموضوع صار و قدر الله ماشاء فعل ... خلاص عاد ... الي نبيه منكم توا تهدو لانه احنى مش مقصرين وبنلقوها ان شاء الله
يوسف :: ( أنسحب بي شوية وطلع .... )
نسيم :: ( لاحضت انه طلع مشت ورااه )
أملـ :: ( جت تخض في نغم ) كيف يخفوها قدامك وماديري شئ كيف ؟ ... مش وخيتك هيا . ... وين كنتي ي نغم وين كنتي بنتي خدوها انتي وين كنتي ؟
زين :: ( جبد خالته ) شن تقولي خالتي انتي ؟ .. شن تحسابيها وقفت تتفرج حتى هيا كانت ف المستشفى ضربها وهرب ...
أملـ :: اااااااه ي ناري يبنيتي سامحيني من حرقتي ع بنتي ولعت فيك سامحيني
نغم :: ( تبكي وساكته )
زين :: ( بدوون مايلاحظ ولا واحد مسك ايد نغم ويضغط عليها ) خلاص اسكتو ماتخفوش رؤى بترجع صدقوني ...
نغم :: ( تبكي )
::::::::::::::::::::::::::::::::::::::::::::::::::::::
( في جنان )
يوسف :: ( مقعمز وساكت لا يبكي لا صادر منه اي تصرف )
نسيم :: ( جت قعمزت جنبه ) ماتخفوش ان شاء الله رؤى بترجع زين وشرطة مش حايخلوها وكل شئ بيرجع تمام ..
يوسف :: ( كان متبص راسه لوطه وساكت )
نسيم :: ( سكتت شوية وبعدين جت بتنوض )
يوسف :: ( مسكلها ايدها ) خليك .... خليك معاي
نسيم :: حاضر ... قاعدة
::::::::::::::::::::::::::::::::::::::::::::::::::::::::::::::::::::::::
( وقت الي كان فيه جو متوتر في حوش العيلة عرفت منى وجت للحوش ولتمة العيلة مع بعض ... والكل كانو مضايقين ويفكرو في رؤى ... كانت رؤى في مكان تاني ... >>>
::::::::::::::::::::
في #المصنع
مهاب :: وامتى بتكلمهم ؟
كرم :: تصدق مليت
مهاب :: من شنو ؟
كرم :: من اسألتك ... قلتلك الف مره انا ندير مانبيه وبعدين تعرفوه صح ولا ؟ ... ريحنا
مهاب :: باه تمام ... وين سند ؟
سند :: أهواا ...
مهاب :: وين كنت ؟
سند :: كنت نجيب في حاجات اكيد مش حاتخلوها جيعانه البنت ..
كرم :: لا وكان تبي ترفعها للمستشفى ارفعها عادي ديرلها كشف دوري وجيبها ....
سند :: نتكلم ع جوع .... يعني البنت كان جاعت كيف بدير انت ؟
كرم :: ماشي ماشي ... برا شوفها ناضت ولا لا
مهاب :: ( جاي بينوض )
سند :: استنى تو نمشي انا ...
كرم :: غطي وجهك ماتنساش ...
سند :: لا ماتخافش ماننساش ...
::::::::::::::::::::::::::::::::
( في دار الي فيها #رؤى )
( رؤى كانت مقعمزة في زاوية وتبكي وخايفة )
سند :: ( خش و وقف قدامها ..... هيا كانت تتلكمس في بعضها وتغطي في راسها وتبكي )
رؤى :: انتم شن تبو مني ؟ .. باهي وين انا ؟ ... عيلتي اكيده ادور فيا توا باللهي عليك طلعوني باللهي عليك مادرت شئ انا باللهي عليك ...
سند :: كانه جوعتي ولا تبي مياه طقطقي ع لباب تو نجي ( جي طالع )
رؤى :: باللهي عليك انت اكيد عندك خوات وماترضاش فيهم هكي باللهي عليك ..
سند :: ( طلع )
::::::::::::::::::::::::::
( تاني يوم مع المغرب )
( في حوش #أملـ )
( امل نزل ضغطها وراقدة وجنبها خواتها والبنات مقعمزين في وسط الحوش ومعاهم شباب )
زين :: ( جااه تلفون ) الو .... ( ناض طلع )
::::::::::::::
زين :: أيواه عزو
عز دين :: ايواه انت وين ؟
زين :: في الحوش طلعت بكري مشيت للمركز ومافهمت شئ وكأنه مش عاطي ابلاغ انا ع رؤى بكل
عز دين :: باه غير اسمعني نبي نقولك حاجة
زين :: شن ؟
عز الدين :: لكن ماتتوترش ... احنى مانعرفوش مرات غلط
زين :: شنو ؟
عز دين :: في بنت في طريق المطار لقوها مقتوله جابوها لي ثلاجة ... تجو تشوفوها هيا بي نفس الموصفات وزي عمر البنت الي خطفوها
زين :: ( أنصدم وغمض عيونه بي عصبيه وخبط ايده ع الحيط ... )
عز دين :: زين وينك تسمع فيا ؟
زين :: جايك ... خليك ف مكانك جايك
عز دين :: تمام
::::::::::::::::::::::::::::::::::::::::
زين :: يوسف
يوسف :: ( شبحله )
زين :: ( هز بي راسه ) تعالى نبيك ..
يوسف :: ( ناض وطلع )
نغم :: شوية ونجي
البنات :: باه ..
:::::::::::::::::::::::::::::::::::::
زين :: اسمع مرات غلط المهم توا انه احنى نمشو ونشوفو اذاكان صح او لا ؟
يوسف :: ( بي تنهيدة ) تمام ... تمام هيا خلينا نمشو
نغم :: وين بتمشو ؟
زين :: ( شبحلها ) انتي شن طلعلك من داخل ؟
نغم :: انت جاوب ع سؤالي قبل وين ماشين ؟ ... في حاجة جديدة
زين :: لا ... يالله خوشي انتي قاعدة مريضة ..
نغم :: مش حانخوش ... وشن صار في حاجة جديدة وماتبوش تقولو ولا ؟
زين :: لا مافيش .... ( بي عصبية ) يالله خوشي
نغم :: مش حانخوش ....
زين :: نغم !
يوسف :: جت اخبارية انه في بنت مقتوله في طريق المطار وممكن تكون اختي وانتم واقفين تتناقشو ع نخش مانخشش
نغم :: كييف؟
زين :: اششش اسكتي ... يالله الداخل توا ...
نغم :: مستحيل .... رجلي ع رجلك وين مابتمشو انا معاكم الله مانخشها ....
زين :: انتي مهبوله ؟ ...
نغم :: ( مشت لي جيهة سيارة ) معاكم بنمشي معاااكم ايواه
يوسف :: خلاص زين خليها تمشي هيا ....
زين :: استغفر الله عليا العظيم ... اركبي ...
::::::::::::::::::::::::::::::::::::::::::::::::::::::::::::::::::::::::
( في #المستشفى )
دكتور :: منو الي بيخش ؟ ... بس واحد
( شباب قعدو يشبحو لي بعض وكلـ واحد فيهم فقد شجاعته في وقتها ... كل يوم نسمعو في القصص هاذي والله اعلم كيف يواجهو الناس مصيبتهم ي روحي عليهم وكيف تشوف الام بنتها مقتوله وتنهار ..... تقدمت نغم >>
نغم :: ( بي تردد ورجفة وخوف واضح في صوت >> ا ... ا.. انا .. انا بنخش
زين :: ( شدلها ايدها ) لا حبيبتي انتي ماتقدريش تخشي نخش انا ...
نغم :: لالا انا بنخش ... ( شبحت لي يوسف .. بصوت واطي بينها وبين زين ) اكيد مش حانخلي يوسف يديرها ...
زين :: ( تلك النظرة الذي تعبر عن الخوف ... تعبر عن خوفه عليها من موقفها ... كيف بتخش شن بدير خايف عليها عيونها الي حزينة و واضح عليهم الخوف ... ) تمام
نغم :: نخش توا ؟
دكتور :: اي تعالي ...
::::::::::::::::::::::::::::::::::::::::::::::
:::::::::::::::::::::::::::
:::::::::::
دكتور :: ( وقف جنب الجثة وقام الشرشف من عليها ) هاذي هيا ؟
نغم :: ( نهااارت بي البكاء ) لا ... لااا مش هيا ... مش اختي لا ... ( طلعت )
زين و يوسف :: يشبحولها وخايفين من الاجابة
نغم :: ( تضحك وتبكي وخايفة وفرحانه ومنهارة وسعيدة حست بي كل شئ في وقتها ) مش هيا هههه مش هيا مش رؤى ... مش هيا
زين :: اووووه الحمد لله
يوسف :: ( قعمز حط ايده ع راسه ويبكي ) الحمد لله ... الحمد لله يارب ... الحمد لله
نغم :: مش هيا ... الحمد لله مش هيا ..
زين :: ( مشي لي نغم ... ) حبيبتي ( حضنها ) خلاص ماتخافيش كل شئ تمام مش رؤى واكيد حانلقوها ..
نغم :: الحمد لله ...
يوسف :: ياااربي ...
:::::::::::::::::::::::::::::::::::::::::::::
( في #المصنع )
مهاب :: البنت ماسكتتش تبكي وتعيط وتخبط ع الباب وخلاص ..
كرم :: خليها تو تسكت ...
مهاب :: مافهمتش هذا تاني يوم ومزال ماطلتبش الفلوس كيف بدير باه ؟
كرم :: ايواااه شكلكك مش ناوي تكلم معنا ... شن قتلك انا قبل اه ؟
مهاب :: باهي باه .... اهلاً
سند :: اهلين
مهاب :: كان نفهم وين تغيب ..
سند :: عطيتو للبنت تاكل ؟
كرم :: ايوااه و مولي بيبي ستر للبنت ماشاء الله ههههه
مهاب :: هههههههههه
سند :: البنت يوم كامل من غير ماكله ... شن صار مش ع اساس ماتتحملش حد يضايق البنات وماتتحملش من يتكلم عليهم بطريقة مش كويسة شن صار ؟ ..
كرم :: دنيا دوراه وشكلها دارت دورتها وغيرتني ...
سند :: ماتخلينيش نوض نفتحلها الباب ونخليها تمشي
كرم :: انت ماتخلينيش نولع فيك سند ....
سند :: اقعدو فيها تو نعطيها انا ...
مهاب :: ريح روحك تو نعطيها انا ...
سند :: لا انا ... انت قعمز
مهاب :: مش بكيفك .... بعدين البنت من لما جبناها وماخليتنيش نشوفها
سند :: ( تعصب ضربه بنويه ) شن للفرجة هيا
كرم :: هيه هيه هيه هيه انت وياااه
سند :: للفرجة هيا ي حمار .... نشوفك تقرب منها راس نكسره
مهاب :: تي وين تحساااب روحك انت ي ****** ااه
كرم :: ( دف مهاب بعيد ) سكررره فمك انت .... ( شبح لي سند ) وانت اسكت .... معااااش نبي نسمع صوت ولا واحد فيكم
سند :: ماشي بنعطيها حاجة تاكلها ... ويجيب ربي نشوفك جيهتها نذبحك ي مهاب واللهي نذبحك ...
مهاب :: تو نشوفوه ...
كرم :: ( خبطه بي ايده ) قتلك اسكت ولا ؟ .... سكره
مهاب :: باهي سكتت ....
::::::::::::::::::::::::::::::::::::::::::::::::::::::::::::
( في دار #رؤى )
سند :: ( خش وقعمز حطلها صونيه ) تفضلي ...
رؤى :: مانبيش ..
سند :: اسمعيني من امس ماكليتي شئ ... هذا مش حايخليك ترجعيلهم بسرعة
رؤى :: مانبيش ..
سند :: خيرك ماتصيرلك حاجة كولي حتى شوية
رؤى :: قتلك مانبيش .... كانه خايفين ع صحتي لي درجة هاذي علاش حابسيني هنا ... تبو فلوس ولا ؟ .... اي خلاص امشو اطلبو من عيلتي فلوس وخلوني نروح .... انا مادرتلكم شئ ... ( وبدت تبكي ) واللهي مادرت حاجة
سند :: تمام تمام ... تمااام انتي مادرتي شئ واحنى صدقيني مش حانديرولك شئ اماليك بيدفعو وبترجعيلهم صدقيني ...
رؤى :: نصدقكك؟ ... مانبيش ناكل ومانبيش مياه ...
سند :: اووووف براحتكك هاذي صونيه بتاكلي باهي ماتبيش انتي حره ... ( وناض طلع )
::::::::::::::::::::::::::::::::::::::::::::::::::::::::
( في الحوش )
( نغم مقعمزة في جنان )
نغم :: ( تفكيرها كان كله تبي تذكر اي حاجة رقم سيارة لونها تفصيلتها اي حاجة )
زين :: ( جي قعمز جنبها ) حبيبتي شن دير في صقع بروحها ؟
نغم :: مش مذكرة شئ .. لا لون سيارة لا رقمها لا شكلها لا صوته لا شكله لا شئ .... مش مذكرة شئ ...
زين :: حبيبتي قتلك ماتعبيش روحك تو تذكري ....اهدي اول حاجة وماتتعصبيش
نغم :: ( مسكت ايده ) كله مني ولا ؟ ... يعني لو انا ماخليتاش ياخدها مش كان احسن اوو ياريت خطفني معاها
زين :: يعني لو انتي معاهم توا كان احسن ؟ .....
نغم :: اي ... انا نحس في روحي(قص)
زين :: لا مش احسن ... انا نحمد ربي ونشكره انك معاي ... لو صارتلك حاجة كيف كان صار فيا ... لما اتصلت بيك وقالولي انك ف المستشفى تقولي ابصر من جبد قلبي ... كيف وكانه اتصلت ومارديتيش ولا(سكت ............... حضنها ) مانبيش حتى نفكر فيها انا .... ماتخافيش رؤى بترجع وكانه ع قطع رقبتي المهم انتي مايصيرلك شئ ..
نغم :: ( وهيا تبكي ) باه ... خلاص معاش نقول هكي .. لكن انت خليك معاي باهي
زين :: حاضر :::
:::::::::::::::::::::::::::::::::::::::::::::::::::::::::::
( تاني يوم صبح في المركز )
عز دين :: ممكن تهدى شوية العصبية مش حاتجيب نتيجة انت مش ف امريكيا راك ..
زين :: مش قصة ف امريكيا ولا هنا .. القصة انه انتم مهملين بي طريقة تافه ... كيف يعني مافيش كاميرات .... كيف تقدرو تخدمو ع لحاال هذا ... عرفت علاش انت في مجتمع فاشل زي ماقلتلك
عز دين :: غير اهدى شوية وكل شئ ينحل
زين :: ( خبط ايده ع طاوله ) معاااش تقولي اهداء ... هجيت في الحوش قدام الكل بيما فيه الكفاية ..... نوض نوض ...
عز دين :: وين ؟
زين :: بنمشي نسأل رجال الامن الي قدام جامعة اذا كانت في سيارة مشبوهه وقفت اكتر من وقتها او لا ... بنحاول نعرف اي حاجة اي تفصيل حتى لو كان صغير
الموبايل :: ترن ترن ترن ترن ترن
زين :: اطلع وانا جايك ....... الو
:.:.:.:
:.:.:.:.
:.:.:.:.:
نغم :: الو زين وين انت ؟
زين :: حبيبتي انا ف المركز خير شن في ؟
نغم :: انا اذكرت اذكرت شوية حاجات بالك تفيدكم ؟
زين :: اي اي اكيد تمام انا شوية ونكون عندك باهي ؟
نغم :: تمام ..
#يتبع
#سلمى
::::////////////////////////////
الحلقة السادسة عشرا من رواية
#معشوقتي_السمراء 🙈🍃
""""""""""""""""""""""""""""""""""""""""""""""""
نغم :: الو زين وين انت ؟
زين :: حبيبتي انا ف المركز خير شن في ؟
نغم :: انا اذكرت اذكرت شوية حاجات بالك تفيدكم ؟
زين :: اي اي اكيد تمام انا شوية ونكون عندك باهي ؟
نغم :: تمام ..
::::::::::::::::::::::::::::::::::::::
( #في_المصنع )
سند :: أسمع مني وردها لي حوشهم البنت ليها مده ماكلت شئ كانه ماتت كيف يصير فيك ؟
كرم :: ولا حاجة ...
سند :: تي تكلم بي جديات ال÷÷÷÷÷÷ خيرنا
كرم :: تمام .... شن تبني ندير نمشي نردها نقولهم واللهي بنتكم مابتش تاكل قلت خلي نردها ولا ؟ .... تقعد هنا لين نتصل بي عيلتها يدفعو نردها مايبوش مانردهاش فاهم ولا ؟
سند :: وكانه ماتت ؟
كرم :: قدر الله وماشاء فعلـ ,,, وصلت ؟
سند :: وانت امتى ناوي تكلم عيلتها ؟
كرم :: توا ... نطلع ونكلمهم
سند :: ماشي باه .
كرم :: ( حط أيده على كتف سند ) ماديرش حاجة غلط باش ماتخصرنيش وربي مايوريك لما حد يخصرني شن يصير فيه
سند :: ( كان متعصب على خاطرها ساكت يشبحله وقارن حواجبه وخلاص )
:""""""""""""""""""""":
( في حوش العيلة )
أملـ :: نسيم بنتي وينه يوسف ؟
نسيم :: ااه خالتي ؟
أملـ :: يوسف يوسف وين ؟
نسيم :: ااه مقعمز برا ... تبيه ؟
أملـ :: لاالا خليه .. حناك وين ؟
زينب :: راقدة جنبها ماما وخويلة فطيمة ...
أملـ :: باه برو نوضو ديرو حاجة كولوها ...
نسيم :: خويلة خديتي حبتك متع ضغط ؟
أملـ :: اي خديتها بنتي .... نوض كولو حاجة نوضو
نسيم :: حاضر ........
:::::::::::::::::::::::::::::::::::
:::::::::::::::::::::::
::::::::::
( في المطبخ )
زينب :: نسيم عطيني هريسة من ثلاجة ... نسيم ..... نسييم ( تلفتت ) ... نسسسسيييييم ... نسيييم خاااااالتي ... ي مامااااا .
أملـ :: خيركم شن فيه ؟ ...... سمله اللطف خيرها ؟
زينب :: مانعرفش ....
أملـ :: يوووسف .... ي يوووسف
( هنا يوسف من الاول يمع في عياطهم خش يجري .. )
يوسف :: ( وقف قدام المطبخ ..... شاف نسيم دايخة ع الارض وهما واقفين عليها )
املـ :: تعالى ولدي قيمها الداخل تعالى ....
يوسف :: ( جي قامها ودخلها لي صالون .... )
( الكل واقف عليها وهوا واقف ع الحيط ....... كان وجهه مفسر هلبه حاجات الخوف اولاً الاحباط تانيا الحزن ثالثاً كان مش فاهم خيرها )
نسيم :: ( فاقت بشوية بشويه )
أملـ :: ناضت ناضت .. عطيني مياه زينب بسرعة ..
زينب :: باه حاضر ...
نسيم :: ( حطت ايدها ع راسها ) اااي راسي .. ااااه
فطيمة :: ( تبكي ) خيركك ي بنيتي حتى انتي خيرك ؟
منى :: خلوها تفيق قبل ..... جيبي معااااك ريحةةة ي زينب
زينب :: حااااضر ..
نسيم :: راسي يوووجع ... ااااي
أملـ :: ي حليلي عليكم كان تقولولي شن الي صاير معاكم بس اااخ غير وكانه تقولولي ....
نسيم :: ماتخافوش .... انا بس شكلني من تعب هكي ... خلاص
يوسف :: نوضي البسي نرفعك للمستشفى ..
نسيم :: ( مابتش تشبحله بكل ومابتش ترد )
أملـ :: اي نوضي سلم بنتي نوضي ..
فطيمة :: نوضي ماما نوضي ..
نسيم :: ماما خويلة واالله مافيا حاجة .. خلاص ... تو نرقد شوية نكون كويسة ...
يوسف :: ( متعصب ) خاطري نفهم علاش تسكير راااااس هوا ..
نسيم :: ( وقفت ) انا بنخش نرقد شوية ويولي حالي باهي ...
أملـ :: باه براحتك ....
يوسف :: ( طلع وسكر الباب بقوة وراه )
:":":":":":":":":":":":"""""""""""""""""""""":":":":":":":":"
( في دار )
نسيم :: خلاص معاش تبخي ...
زينب :: شمي كويسة ريحة ...
نسيم :: تي فايقة انا شن بنشم ....
زينب :: باهي بشوية .... بلاش جعلك ماشميتي شن دخلي فيك انا
نسيم :: اسفة والله ماقصدي نشكخ عليك غير راسي مش متحمله
زينب :: انتي مش غير انا ... حتي يوسف كان يكلم فيك وانتي ماترديش عليه ولا شبحتيله ... ماشفتيشي كيف كان خايف عليك مسكين ...
نسيم :: ( ساكته )
زينب :: قصدي ماتجيش راهو ياسر اخته مخطوفة وامه مريضة وحناي و نغم مش مذكرة شئ وانتي بتجي تكشخي
نسيم :: ( كان انفجار معتاد للبنت العصبية بعد كتم لي مشاعر مجروحة داخلها ... هنا وقفت نسيم بدت تتكلم وهيا تتحرك في ارجاء الغرفة بي عصبية وبدموع ماوقفوش وتحرك في ايديها فوق وتحت ويمين ويسار ) ..... باهي وانا شنو ؟ .... انا ماكنتش انانيه وجيته وقتله علاش خليتني ..... علاااش خليتني بروحي ..... شن يكون شعورك لما يجيك الي انتي ماتقدريش تتنفسي الا وانتي معاه ويقولك لازم تنسيني .... شن يكون شعورك لما فجأة تحسي بي الحاجة الحلوة الي في حياتك تخلت عليك بي كل بساطة وفتاتك ..... انا لما كنت ضعيفة مجروحة كان هوا جنبي وكان هوا الي يدويلي في جروحي ... قتله مايسيبنيش ودااارها ... قتله ع اكتر حاجة تجرحني وحققها ..... شن تبي مني يكون تصرفي ..... وقفت جنبه مسكت ايده حاولت نقرب ونحضنه حاولت نفهمه انه انا حبيبته الي مش حاتخليه بس لا .... في حاجة مش قادرة تخليني ي زينب في حاجة خانقتني وكانه تقولي فوتيه هذا الي دمرك وجرحك وسيبك ... يوسف حقير .. يوووسف واللهي واللهي واللهي حقير .. ( بي تنهيدة كبيرة بعد كمية دموع الي درفتها ) انا نكرهااااا
زينب :: ( ناضت وهيا تبكي معاها وحضنتها ) خلاااص حبيبتي خلاص انا اسفة واللهي ماقصدي نتكلم هكي واللهي اسفة ... بس بعد الي صار ماحد عارف روحه شن يتصرف ... خلاص سامحيني باللهي عليك
نسيم :: ( تبكي )
::::::::::::::::::::::::::::::::::::::::::::::::::::::::::::::
( شباب في جنان )
زين :: حبيبتي وحده وحده وقوليلي شن ذكرتي ؟
نغم :: الي خطفنه ... الي يعني خطف رؤى .. كان مش لابس قناع يعني مش ملتم ... كان طويل ... مش هلبه يجي اقل منك تقريباً ... وكان اسمر ... اي كان اسمر وشعره منكوش مش ناعم لانه ركزت فيه لما نزل من سيارة وجي جيهتنا ... ونزل رؤى .... كان في جرح في رقبته واااضح هلبه كان كبير تقريباً جرح مووس ... اي موس
يوسف :: كويس كملي ...
نغم :: بس مانذكرش حاجة تانيه ....
يوسف :: ( شبح لي زين ) تقريباً هذا كافي يعني مانبيش ندخل في شغلكم بس انا هكي حاسس .. ولا شنو ؟
زين :: حبيبتي حاولي تذكري معاي جرح هذا وين كان بزبط يمين ولا يسار ؟
نغم :: ( غمضت عيونها وفتحتهم بسرعة وهيا محبطة ) مااانعرفش .. م ... منعرفش لانه ... لانه بصراحة كويس اني اذكرت جرح ... مانعرفش ...
زين :: تمام تمام .... كويس حبيبتي هكي كويس خلاص .... نوض يوسف امشي معاي
يوسف :: يالله ....
نغم :: وين ؟
زين :: للمركز لازم نحاول نطلع الي ليهم سوابق ونبي نشوف الباشا هذا مشرفنا قبل هكي ولا لا ..
نغم :: بنجي معاكم ... يعني بالك لو شفته نذكره .. قصدي يعني ال(قص)
زين :: ( حط ايديه ع خدوها ) حبيبتي ... حبيبتي اسمعيني انا مانبيش منك تجي ولا نبيك تمشي للمركز بكل تمام ... نبيك بعيدة كل البعد عن الحاجات هاذي ... وماتخافيش لو عرفته نجيبه هنا تشوفيه كويس هكي ؟
نغم :: حاضر ...
زين :: محلاها حبيبتي لما تسمع الكلام ولا ؟ ( باسها ع راسها ) يالله خوش مانطولي انا ان شاء الله
نغم :: حاضر .... دير بالك ع روحك ...
زين :: حاضر .... يالله يوووووسف ... يالله خوشي انتي
يوسف :: جيت ... ( شبح لي نغم ) يالله سلام
نغم :: سلام ....... اووووف ياربي صبر من عندك يارب ...
:::::::::::::::::::::::::::::::::::::::::
::::::::::::::::::::::::
::::::::::
( في #المصنع )
مهاب :: هذا تلفون كرم ؟
سند :: اي خليه تو يجي ...
مهاب :: بالك هاذم ناس الي كلمهم ..
سند :: مع هذا ماتردش تو يجي ..
مهاب :: باه ....
كرم :: تلفوني ؟
مهاب :: اي هاكك
كرم :: ( رد ) ايوااه ..........
:::::::::::::::
::::::::::::
::::::
( المتصلـ ساكت .././ )
كرم :: الو ؟. ....
زينب :: انا مانعرفش علاش اتصلت بس ... ولا نقولك خلاص سكر سكر
كرم :: ههه ( ضحك )
زينب :: لا بجد ... دورت رقمك وحصلته واتصلت ومانعرفش ... لكن حسيت روحي مضايقة مخنوقة .. مش عارفة علاش خطرت في بالي انت ..
كرم :: بالك تحبيني ...
زينب :: ( سكتت )
كرم :: ههه ... نبصر ... يعني مش ضروري الحب ليه علاقة لما ترتاحي لي شخص رجلك يرفعوك ليه من غير ماتحسي ... تكلمي عادي
زينب :: ( بدت تبكي ) عيلتي عندها ظروف صعبة ... كل واد فينا يبكي وخلاص ... مش عارفة شن بتكون نهاية المصيبة هاذي لكن انا محتاجة حد جنبي مخنوقة ونحس في روحي مربوطة ومش قادرة نتصرف ...
كرم :: وينك انتي ؟
زينب :: في الحوش ..
كرم :: باهي بري للمقهى الي تلاقينا فيها بعد ساعة وكان تقدري نشوفك غادي ...
زينب :: باه تو نحاول ...
كرم :: تمام ....
::::::::::::::::::::::::::::::::::::::::::
:::::::::::::::::::::::::::::::::::
:::::::::::::::::
( في المركز )
عز دين :: ماعتقدش تلقوهم هنا ...
( ملفات فوق بعضهم و الكل يدور )
زين :: ممكن لكن مش عيب انك تجرب .... يوسف شن صار معاك ؟
يوسف :: مااافيش ....
زين :: وانت ؟
عز دين :: لا مافيش .... شوف لما دارو صيانه للمركز حولو اكتر من مية ملف للمركز تاني ...
زين :: ( حط الملف وشبحله ) كوويس ... وين في اي فرع ؟
يوسف :: هذا وين تكلمت ؟
عز دين :: القصة مش هنا ... القصة انه المركز نحرف كله بي فعل فاعل ومافيش ولا ملف سليم ..
زين :: لعنة الله عليهم .... اووووووف
يوسف :: باهي الملفات الحروقة تلوحت ؟
عز دين :: لا ممنوع قاعدة لكن مستحيل تفهم منها حاجة ..
يوسف :: لا نفهم غير وينها ؟
عز دين :: نوضو نمشو للفرع ونشوفو ....
زين :: يالله مافيش وقت ....
تلفون :: ترن ترن ... ترن ترن ... ترن ترن
يوسف :: ايواه ؟
:"""""""""""""""""""""""""""""""""""""":
كرم :: اهلاً ... يوسف صح ؟
يوسف :: اي من معاي ؟
عز دين و زين :: ؟؟؟؟؟؟؟؟
كرم :: شوف مش ضروري تعرفني ولا تعرف انا وين ... المهم توا تعرف اختك وين ؟... ولا ؟
يوسف :: ي ولد الكلب .... وين اختي ؟ .. اقسم بالله كان تصيرلها حاجة نقتلك اقسم بالله
كرم :: ..............
#يتبع.......
#سلمى
