الحلقة الثالثة 3️⃣ من رواية
#معشوقتي_السمراء 💜🙈
#متابعين_بصمت ... علقو تعليقاتكم تفرحنا ولو كلمة شكر ...
::::::::::::::::::::::::::::
......
زين :: ( قعد يشبحلها )
نغم :: ( صدمة العمر .... تشبح لي ملامح وجهه الي تغيرت 180 درجة شاب الي ماكانش عنده ولا زاوية من زوايا شكله حلوة وله جميل جداً بي لحيه سوداء ونضرت عيونه وشخصيته دققت في كل شئ ... في نفسها تقول معقولة هذا نفس الولد الي يسافر قبل 10 سنين ... هذا زين الي ماتوقعتاش يرجع ... وفي نفس الوقت هوا كان يشبحلها بس بدون اي احساس بي صدمة او بلاستغراب ....
زين :: أهلاً ( بكل شقة عمياء وبي ابتسامة مستفزة )
نغم :: ( سكتت شوي وبعدين ردت عليه بكل هدوء وبي شخصيتها القوية المعروفة ) اهلين بيك ...
( بدون ماتقوله الحمد لله ع سلامة )
زين :: ( مع رفعة الحاجب والابتسامة الي ع جنب الي تخلي في عيونه يتسكرو .... ) نسيم ... نسيييم تعالي للبنت
نغم :: ( نصدمت وقعدت تفنص )
زين :: ( ابتسامة ) شوية وتجيك تفضلي انتي ...
( وطلع )
نغم :: لا ي راجل .... ( مصدومة )
نسيم :: نغم ! ... أهلاً خوشي شن متحشمة .. من البنت الي قالي عليها زين ؟
نغم :: أنا .. !!
نسيم :: تتسهوكي ؟ ... غير بجديات من هيا ههههههه
نغم :: تي انا والله ... معليش حتى هما 10 سنين عنده الحق مايعرفنيش ... غير هيا خلينا نخشو ..
نسيم :: باه خوشي انتي نستنى في سهير وبناتها ....
نغم :: ووووك ماتقوليش فدوة شياطين جاية ؟
نسيم :: هههههههههههه اي ... غير خوشي تو نجيك ..
نغم :: هم احرف وخلاص ...
:::::::::::::::::::::::::::::::::
::::::::::::::::::::::::
::::::::
( في صالة الحوش )
نسيم :: نادي زينب تفرق معاك ... انا بنمشي نقعمز مع البنت شوية ...
رؤى :: باه ناديها ...
نسيم :: باه تو ناديها .... زييييينب .. زييينب
زينب :: نعم .؟
نسيم :: تفرقي مع رؤى بنمشي نقعمز مع فدوة شوية ...
زينب :: شن جو نغم شافتها ؟ هههههه ..
نسيم :: اي قاعدة تكرها كان نخليها شوية تقتلها ههههههههه
................................
( +_+_+_+_+_+_ )
يوسف :: مش وقته الي بديره خيرنا عاد ؟
زين :: انا جيت ع خاطر الجو هذا يعني اكيد مش حانقعمز كل شوية نقول مش وقته ... بنمشي نكلمه شن يحساب روحه يتصرف مع امي هكي وكيف يمد ايده ع اختي يحسابها سايبه ..
يوسف :: تحسابني مش مضايق .. تحسابني مش هامني الموضوع .. لكن عيلتك فرحانه بيك وكلهم ملتمين ع خاطرك ويستنو فيك امتى تجي وتبي تمشي تتعارك مع بوك توا مش وقته بكل ...
زين :: ( سكت شوية وبعدين بصوت واطي وكأنه يتكلم مع روحه ) الا هيا ..
يوسف :: كيف ؟
زين :: لا شئ ..
يوسف :: نوض نوض خلي نمشو للحوش في هلبه جاين بي يسلمو عليك ..
زين :: ( بي تنطوير ) باه نوض هي ...
......................................................
( في حوش #أمل )
( مقعمزة نسيم توري لي فدوة في صور زين مع البنات )
فدوة :: ( صوتها رقيق وباردة و مغرورة جماعة الماركة وجو .. لما كانو يقرو مع بعض في الابتدائي كانت تتمستك وتقعمز جنب زين صغار عشاق ههههههه ) محلاه .. ماشاء الله طرفوش يهبل
نغم :: ( تشرب في لقهوة بي غل غلها وتقلد في صوت البنت ) طرفوش ..
زينب :: اسكتي خيرك ؟ ... خلااص ي بنات خلي نهدرزو فكونا من صور ..
نسيم :: ... شن جوك شن جو لقراية ماشية ؟
فدوة :: تمام الحمد لله ... انتم شن جوكم ... نغم شن جو المحل ؟
نغم :: ( من غير نية ترد ) كويس ...
فدوة :: أمس جيت ولقيتك مهناش لقيت ملاك صاحبتك ...
نغم :: أي ماعنديش وقت نمشي فاقعدت .. وانتي علاش مشيتي عندك طلبية ؟
فدوة :: لالا مشيت نشوف لانه عيد ميلادي قريب ونفكر بنديره كبير ..
نغم :: امممم كويس ..
زينب :: اااه واي عجبك شئ ؟
فدوة :: اي في تشز كيك حلو و حلويات تانية كتبتهم لي صاحبتك ..
نغم :: كويس ...
( خشت عليهم فطيمة )
فطيمة :: ي بنات جي يوسف وقال مع صحابه ديرو قهوة وطلعولهم ... نوضو بسرعة
نسيم :: جاية ماما ...
نغم :: خودني معاك ( بصوت واطي ) حاسة روحي نخنقت ..
نسيم :: نوضي هههههههههه
:::::::::::::::
( في لمطبخ )
نغم :: مبرد دمها ...
نسيم :: خلي لبنت ف حالها هههههههه ...
نغم :: اي دقيقه زي الي قالت تعرف ايميل خوك ... قصدي استغربت احنى قداش لينا ماشوفنهاش وهيا ضايفة خوك ؟
نسيم :: اي مره جت تهدرز سألت عليه مشي خديت ايميله وضفاته ..
نغم :: أي امالا علاش فرحانه بي شوفت صوره قريب خشتلهم ..
نسيم :: ههههههه ماهو ي حلوة زين مايحطش في صورة ع لفيس يحط فيهم ع لانستا وريتهملها .... انتي شن مضايقكك ؟
نغم :: شئ حبيبتي مش مضايقة من قال مضايقة اصلاً ... تشوفه ولا ضيفه ولا تحبه شن دخلني انا .. تحسابيني متعفلقه لالالا حشاي انا نتعفلق
نسيم :: ( تشبحلها ) اممممم اي صح هههههههههههه باهي باه ... شدي هاك اطلعي قدامي
..............
:::::::::::::::::::::::::::
( قدام الباب )
نغم :: أيو ... تعالى قدام لباب خود صفر ....
يوسف :: تمام شوية بس ...
......
نغم :: أنتي شدي هاذي وهاذي خليها لوطه يالله انا بنخش ...
نسيم :: وين ماشية ؟ ... تعالي ... نغممممم
.......
يوسف :: (وقف ... عنده ضحكة يتسكرو عيونه يولو طبقة ههههه و غمازة مش عادية ) يسلمو ايديك ...
نسيم :: ألله يسلمك ... تبي حاجة تانيه ؟
يوسف :: نبي سلامتك ...
نسيم :: ( تبتسم )
يوسف :: ( وهيا خاشة نادها ) نسيم !
نسيم :: أها نعم ...
يوسف :: ( باسها ع خدها خطف ) نحبك
نسيم :: ( تضحك ) هههههه ..
:::::::::::::::::::::::::::::::::::::::
( مع ليل )
فدوة :: إنتي وين حطيتي ؟
نغم :: ( بعصبية ) يعني لو نعرف كنت قلتلكم نوضو دورو عليه ... عاجبني طولكم مثلاُ ؟
فدوة :: ( نتمصط )
زينب :: أسكتي بي شوية خيرك تكشخي ..
نغم :: ي ماما انتي كانه مالقيتش مفاتيح سيارة كيف بتروحي ي ذكية وبوك راقد ...
منى :: تو نلقو خلاص ريحي روحك انتي ...
نسيم :: ي بنات البسو لولاد بيخشو ...
نغم :: تو وقته هذا ؟. ...
زينب :: لا المفروض يوقعو عندك قبل مايخشو ولا ؟
رؤى :: ألبسنا خلي يخشو ...
::::::::::::::::::::::::::::::::
زين :: خش خش تو نتفاهمو بعدين هههههههههه
يوسف :: باه هههههههههه
زين :: سلام عليكم ... ( قعمز جنب حناه ) حنااااي هههههههه كيف الحال
حناهم :: خيرك تصيح شن قالولك طرشة
العيلة :: هههههههههههههه
زين :: لا حشاك ... هههههههه
نغم :: ( طلعت ادور هيا ولبنات )
يوسف :: خيركم ؟ .... شن نغم دوري على عقلك هههههههههه
العيلة :: هههههههههههههههه
نغم :: ( شبحتله ) ماضحكش ..
يوسف :: بجديات على شنو أدورو ؟
زين :: ( يشبح لي نغم )
زينب :: عندك حق ... كانه عندها عقل راهو ماريحتش مفاتيحها ... مفاتيح سيارة راحو ..
يوسف :: لا ! ....
زينب :: واللهي ...
رؤى :: هاذم ؟
زين :: ( حك بي صبعه جيهة رأسه حركة شباب يعني ) لا لا هاذم متعي ..
نغم :: ( شبحتله ورجعت ادور )
يوسف :: دورتو برا ؟
نسيم :: دورنا في كل مكان مالقيناش ...
زين :: ( شبح لي حناه ) المهم انتي حالك باهي ؟
الجدة :: الحمد لله ي وليدي انت كيف حالك وشن مداير ؟
نغم :: ( من العصبية قريب تطربق )
فطيمة :: شوفو في دار رؤى الداخل ..
زين :: الحمد لله ....
الجدة :: شنو ماجبتش عروسة ولا حاجة ؟
نغم :: ( وهيا أدور دار انديترو زي من ضربها بي موس ههههه )
زين :: هههههههه ( شبح لي نغم بي رفعة الحاجب ) لا هوا في بنات شووووق لكن مش الي انا نفكر فيها ...
الجدة :: هههههه ريتي ولا
فطيمة :: لا ي وخيتي وليدي بناخدله ليبية زيه زيها لا ي وخيتي لا ياخد أجنبيه لا شئ
نغم :: ( شبحتله وضحكت متع تستاهل )
زين :: عادي ( شبحلها ) قصدي يعني في اجنبيات مسلمات واحسن من مية ليبيه راه ...
الجدة :: اهو من توا نقولهالكم زين يختار من يبي ايواه ههههه
يوسف :: وبالنسبة لي يوسف نظامه زي زين ولا عادي مش ضروري يتزوج ولا كيف جوي انا
العيلة :: هههههههههههه
رؤى :: لا انت خلي عروستك عليا ... ( وشبحت لي نسيم )
نسيم :: ايواااه نسينا نغم هيا عاد دورو معاي ...
رؤى :: هههه باه
نغم :: أهواااا هههههههههههه واخيراً الحمد لله ههههههههه
منى :: الحمد لله ياربي الحمد لله بنتي قريب مشت فيها هههههههه
العيلة :: هههههههههههههه
( طلعو برا بيروحو هما و سهير وبناتها )
منى :: سلمها ياربي سلمك حبيبة .. نتلاقو ماطوليش علينا عاد
سهير :: ان شاء الله منو نتلاقو ع خير يارب
زين :: يالله مع سلامة ديرو بالكم من طريق ...
( الي كانو واقفين هما منى و زينب وسهير و فدوة مشت سهير ركبت و منى وزينب ركبو )
فدوة :: ماهدرزناش ... يالله المهم تو نهدرزو حتى ع لفيس ... الحمد لله ع سلامتك
زين :: سلمك ..
فدوة :: مع سلامة
( مع طلعت نغم )
نغم :: ( وقفت تشبحلهم من بعيد )
زين :: مع سلامة ...
( مشت فدوة ركبت ... وجي زين خاش )
نغم :: ( وهيا طلعت )
زين :: ال( وطولها لين نغم وقفت وتلفتت )
نغم :: ( تلفتت )
زين :: المفاتيح معاك ولا؟ .. مش تنسيهم مره تانيه
نغم :: ( تنرفزت ) لا معاي .. ( وطلعت )
زين :: ( ضحك ) ههههههه
........................................
.....................
( تاني يوم صبح )
( في سيارة )
زينب :: كانه بتقعدي تنقي بندير حادث ريحينا خيرك شن أول مره نطلع انا ؟
نغم :: باهي تو نشوفو ... تصير حاجة لي سيارة نذبحك ..
زينب :: باااااااهي بااااااهي خير جدك سكري ...
نغم :: باه ردي بالك سلام ...
زينب :: ( وهيا تسكر في تلفون وحطاته في واحد يوخر ) ها ها ... راك تخبطها لالا احييييييه ( خبطها )
.:.:.:.:.:.:.:
زينب :: ( نزلت مسكرة عيونها وتكلم في روحها ) لالا ياربي ان شاء الله ماصارلها شئ يارب يارب ( فتحت عيونها ) هييييييي نهار اسود
زينب :: ( بعد مافاقت من صدمة ) ( جت جنب روشنه ) طقطقطق شن بتنزل ولا مخاطركش ...
( أول مانزل ... شاب جميل لابس جاكيت اسود ونظرات سود وجينز داكن )
زينب :: ( قامت حواجبها متع لا واللهي ) اسفة لو ازعجنا حضرتك ي باشا ... انت شايف الي درته ولا لين يأهلوك ؟
:::::::::::
كرم :: شن درت ؟
#يتبع....................................
#سلمى
