الحلقة الثامنة و العشرون من رواية
#معشوقتي_السمراء ... 🍃🙈
::::::::::::::::::::::::::::::::::::::::::::::
يوسف :: اااه يعني تبي زي المره الي فاتت تسمع من غيرك انكـ مسافر ومعاش مروح نفس الي صار قبل بظبط ...
زين :: ( كيف بيتكلم <<
نغم :: كيييف ؟
زين ويوسف :: ( تلفتو .. )
نسيم :: ( كانت ساكتة وتشبح لي نغم ولي شباب )
نغم :: ( من كتر صدمة دموعها كانو ينزلو باردات وتشبحله )
زين :: ( ضايق لانه سمعتهم يشبح يمين ويسار من كتر توتر )
يوسف :: ( ساكت )
نغم :: ماشي ؟ ... يعني بتمشي بتسافر مره تانيه وعادي جداً بدون ماتقولي ؟ ....
زين :: ( يشبحلها وساكت )
نغم :: ( تتكلم بطريقة غريبة بي دموع وضحكات استهزاء في نفس الوقت ) يعني بتمشي زي المره الاول(قص) لالالا مش زي المره الاولى طبعاً لانه المره الاوله انا كنت نحبكـ بس انت لا سافرت وكنت همكـ ف نفسكـ وبس يعني عادي ... أناني بمعنى اصح ... باهي والمره هاذي ... ( بصوت عالي اكتر ) المره هاذي شنوو ؟ ... ( بي حركات ايديها ) انا شنو ؟ ... ماعنديش اي قيمه في حياتك .... بتسافر مره تانيه ولا على بالك انا شن بيصير فيا بنتعدب ولا بنبكي ولا بننجرح مش مهم المهم انت ؟ ... صح ؟
زين :: ( قرب منها وحاولـ يمسك ايدها )نغ(قص)
نغم :: ( وخرت ) لا ... اكيد هكي ... شن بيكون غير هكي ... انت كذبت عليا وانا كنت نخدع في روحي بأنكـ تحبني ... بس كل طلع كذب ... وانت اهم حاجة عندكـ نفسكـ وبس ... تسافر تقرا تتخرج تخدم .. كله انت وبس ... تعرف كيف ... أنا اسفة هلبه لانه شغلتكـ بيا كل المده الي فاتت ... واسفة لانه حبيتكـ ,,, وي خسارة العذاب الي تحملته ع خاطركـ ,,,
زين :: ( وهيا ماشيةةة ... شدها من ايدها ) استني استني ... تمام انا خليتكـ تقولي الي عندكـ ,,, بس مافيش حاجة من الي قلتيها كانت صح .... انا مش كذاب ولا حبي لك كان كذبه بالعكس ... انا حبيتكـ ,, وعشقتكــ بي كل مافي العشق من معنى ومانقدرش نعيش من غيرك .. هذا علاش انا بنمشي .. لانه مانبيش نخسرك ..
( قـــــرب منها وحط راسه بي راسها )
زين :: نحبكـ ونموت فيكـ لكن واللهي مانقدر نعيش من غيركـ افهميني ... ردي بالك ع روحكـ ...
نغم :: ( تبكي ) ...
زين :: ( باســها ع راسها ومشي )
........................
( في #المربوعة )
( بعد مافاقت رؤى )
سند :: الحمد لله ع سلامة ... هههههههـ
رؤى :: ( تفتح في عيونها شوي شوي ..... )
سند :: ( يبتسم ف ابتسامة الاستفزاز )
رؤى :: ( بعد مافاقت كويس تلفتت ... تكلم فيه وهيا توجه في ضربات ايديها لي صدره ) انت حمااار قلبي قريب طاح وانا خاشه بنشوف من هوا الي جي بيخطبني وكيف بنطلع فيه عيب باش نقول لا وانت زي الاهبل وااقف هنا ومرتاح ... كان نبيها فيك نطلع نقوللهم مانبيشي
سند :: ههههههه لا باهي الي ماتبيهاش فيا واللهي
رؤى :: ( شبحتله مدة طويلة شوية ) هههههههههـ غبي
سند :: وتحبيه هههههههههه ...
رؤى :: ( حضناته ) كويس انكـ انت كويس انه مش حلم الانه كنت بنقتل روحي بجديات ... مستحيل نتخيل حياتي من غيركـ اصلاً
سند :: تعرفي انه انا مستحيل نخليكـ ولا نقدر نعيش من غيركـ ولا ؟ ... خلاص اطمني
رؤى :: تمام ... ( بكلـ هدوء وبرائة الاطفال )
..............................
( في دار )
زينب :: ايواااه ؟
كرم :: انتي وين ؟
زينب :: انت منو ؟ ( بكلـ استعباط )
كرم :: لا واللهي علاش هما هلبه امالا ؟
زينب :: هههههههههههههههههههـ ي عنشكلك ضحكتني ....
كرم :: ( ضحك ضحكة مستغرب من ردها العبيط ) هههههـ
زينب :: ( مقعمزة فوق رخامة الكوجينة ) اااي شنو ؟
كرم :: خاطري في يوم تحسسيني انكـ حبيبتي وتكلميني بي أدب وتحترمي نفسكـ شوية ....
زينب :: ( فنصت بي صدمة وهبل ) مستحيل !! ... لالا مستحيل نتخيل نفسي وانا نكلم فيك بي كلام الحب ... متع اهيلن حبيبي طمني عليك والجو هذا لالا مستحيل ...
كرم :: لالا طبعاً المفروض انكـ تكلميني زي صاحبتكـ ..
زينب :: ههههههههههههههههههههـ لالا مانبيش لانكـ بتكرهني اكيد .. هههههههه
كرم :: ههههههههههـ ...
زينب :: ي ربي محلاها ضحكت حبيبي تهبببل ... ع فكرة خلي جووك حلو ديما نسمعكـ كلام حلو ماتخافش ههههههه
كرم :: المشكله اني مانقدرش نزعلـ منك بكل ...
زينب :: هههههـ ,,, انت وين ؟
كرم :: ف القهوة ....
زينب :: اممم والخدمة ؟
كرم :: بنبداء غدوا ...
زينب :: ( بي فرحة ) الله ..... الحمد لله يارب ... شفت كيف دعواتي مستجابه ... خلاص حبيبي كل شئ يتيسر بأذن الله ..
كرم :: امين .... انتي وين ؟
زينب :: واللهي شن بنقولكـ ... ههههههـ انا ف حوش خالتي لانه رؤى بنت خالتي ف ناس جو يشوفو فيها ...
كرم :: شن يشوفو فيها ؟
زينب :: بصوروها ... انت شن رايك اكيد جو يشوفو فيها بيخطبوها ..
كرم :: هههههـ باه ان شاء الله ع خير ..
زينب :: أمين .. بس ف دعوة احلا ... الي هيا العقبة لينا ولا ؟
كرم :: ان شاء الله حبيبتي كل شئ بي حكم ربي وان شاء الله خير
زينب :: امتى ناوي كرم ؟ ( بي عصبية )
كرم :: شنو ؟ ( بي استعباط )
زينب :: تخطب .... نبي نفرح بيكـ
كرم :: زينب بلا هبل .... شن تخطب هيا ؟
زينب :: امالا شن تبيني نقولك .... امتى بتخطبني مثلاً ...
كرم :: أكيد علاش انا من بنتزوج مش انتي ..
زينب :: لا بجد تفاجأت الحق ...
كرم :: زينب !!! .. ماتعصبينيش ...
زينب :: تمام امتى بتجي تخطبني ؟ ...
كرم :: لما تحطي عقلكـ في راسكـ وتكبري ...
زينب :: اي امالا مش حاتخطبني ...
كرم :: هههههـ لا مش مشكله تو نخطبك تو نعقلكـ انا
زينب :: نعقلكـ ؟؟؟ ي ساتر ع ملافظك ي ساتر هههههههـ
كرم :: ياسر ضحكتكـ ولا ؟ هههههـ ,,, امشي يالله تو نكلمكـ بعدين
زينب :: باه ... دير بالك ع روحي ...
كرم :: من عيوني .... نحبكـ
زينب :: انا لا ههههـ امشي يالله
كرم :: ههههـ ...
..................................................................
( في جنان )
نسيم :: نغم نوضي قعمزي الداخل شن مقعمزة هنا هيا نوضي ..
نغم :: ( ساكتة دموعها ينزلو بدون ماتحس ... )
نسيم :: نغم باللهي عليكـ معاش ديري هكي باللهي عليك نوضي هيا ...
يوسف :: شن قاعدة هنا ؟
نسيم :: ( بصوت واطي ) شن هذا الي داره صاحبكـ ؟
يوسف :: ( بصوت واطي ) هوا نفسه خوككـ .. بعدين مشي هوا ..
نسيم :: امتى بسافر ؟ ..
يوسف :: غدوا ...
نغم :: ( شبحتله ) قرر يعني ؟
يوسف :: ( قعمز تحت رجليها ) نغم انتي صاحبتي واختي وصديقة طفولة .... نعرفكـ ونعرف صبعكـ وشخصيتكـ ,, لو هوا يحبكـ حق مش حايخليكـ ويمشي ولو هوا يحبكـ اكتر مما نتصورو معناها بيمشي تعرفي علاش ... لانه هوا بيمشي ع خاطركـ خايف عليك ويحبك ... واللهي زين ونعرفه
نغم :: ( وهيا تبكي ) من شن خايف عليا ؟ ....
يوسف :: ( ساكت )
نغم :: عموماً مافيش حاجة تخليه يبعد عليا حتى لو خايف عليا تمام .... ترا شوية ( وناضت )
........
( طبعاً الي فات هذا كله كان قبل يومين .... بعدين اليومين هاذم .... )
( ف حوش #أمل )
أمل :: المهم توا انه الجماعة اتصلو وقالو انه عجبتهم رؤى وبيجو يوم الخميس ان شاء الله ...
رؤى :: ( ف الممر تسمع فيهم وفرحانه )
فطيمة :: الحمد لله ان شاء الله ربي يكتب الي فيه الخير ...
أمل :: ان شاء الله ... وانتي عااد شدي الهمه بنزوجوهم مع بعض رااه ... نسيم ويوسف ورؤى وسند
فطيمة :: اي اي ان شاء الله هههههـ
...............
( في حوش منى )
منى :: حطي سلاطة ع طاولة واركبي نادي يوكـ واختكـ ,,,, هيا وين نغم ماشفتهاش من صبح ؟
زينب :: مانعرفش اكيد ف دارها ......
.....................................
( فوق ف دار #نغم )
منى :: ( طقطت ع الباب )
نغم :: نعم !..
منى :: ( خشت ) وينكـ ي بنتي من فطور صبح اللطف مانشوفكش ؟
نغم :: كنت نقرا ... نعم تبي حاجة .. ؟
منى :: ( جت قعمزت ع سرير جنبها ) خيرها بنيتي ليكـ مده مضايقة في حاجة ؟ ...
نغم :: لا ماما مافي شئ غير تعبانه امتحانات بس ...
منى :: ماما خيرك ؟ ... ماتكذبيش عليا نعرفكـ انا ,,
نغم :: لالا صدقيني مافي شئ ...
منى :: باهي نسألك سؤال جاوبيني بصراحة ...
نغم :: تفضلي ..
منى :: في حاجة بينكـ وبين زين ؟ ...
نغم :: ( سكتت شوية ) اي ...
منى :: الي هيا ؟
نغم :: كنا نحبو بعض ... ارتحتي توا ؟ ... ممكن تخليني ماما نكمل قرايتي ؟
منى :: كنتو ؟ ... شن معناها كنتو ؟
نغم :: معناها فعل ماضي .... ماضي يعني فات ومات تمام ...
منى :: لاحولا ولاقوة الا بالله خاطري نفهم منك حاجة
نغم :: اي و(قص)
تلفون :: ترن ترن ...ترن ترن ...ترن ترن
نغم :: الو ...
.........
نسيم :: انتي وين ؟
نغم :: ف الحوش علاش ؟
نسيم :: زين كيف طلع من الحوش توا وماشي للمطار نغم تعالي كلميه بالك تغيري رأي ...
نغم :: لا ...
نسيم :: باللهي عليك نغم باللهي عليك ... انا ورؤى ويوسف ماشين وراء بي سيارة
نغم :: مع سلامة ....
نسيم :: الو ! .... الووو ...
نغم :: ( سكرت )
..........................................
( ف المطار )
زين :: انتم تراجو وتعبو ف روحكم ع الفاضي ... يالله سلمو عليا وخلوني نمشي ...
نسيم :: اصبر شوية ... خليك مزال
زين :: يالله خلاص عاد .....
...........
يتبع....
#سلمى
