الحلقة الثامنة العشر
#معشوقتي_السمراء 🙈🍃
:::::::::::::::::::::::::::::::::::::
زينب :: ( وهيا تبكي ... )
كرم :: ( حط راسه في راسها ) اششش
زينب :: اسفة ماكانش لازم نكشخ عليك انت حر .. ان(قص)
كرم :: ( بصوت واطي ) خلاص اهدي .. ( بصعووووووبة كبيرة ولي اول مره في حيااااته ) اسف ..... ( ومسك ايدها )
زينب :: ( تبكي وساكته )
:::::::::::::::::::::::::::::::
( في #لمستودع )
زين :: اي دليل ممكن يفيدنا ركز في ملامح وجهه الي قتلك عليهم ... شباب ماضيعوش اي وقت يالله ابدو ...
عز دين :: شريك .. شوف هذا !!
زين :: ترا .... لا ... الي وصفوه فيه علامة في رقبته زي ضربة بخوصة او سكين ...
شاب :: سيدي .... ( عطاه ورقة )
زين :: ( شاافو الورقة ) ايوااه .... شن ؟ ( شبح لي عزو )
عز دين :: ههههههه ي اهلاً ...
زين :: ههههه ... مهاب افندي ... يالله شباب كملنا خدمة ارجعو للمركز عندي ماندير ... شنو شريك معاي ؟
عز دين :: ع الموت تي كيف عاد هههههه
:::::::::::::::::::::::::::::::::::::::::
( في حوش العيلة )
نغم :: ( فتحت الباب وخشت ) نسي(قص)
نسيم :: ( توترت وشبحتلها ) أهلاً
نغم :: شن هذا ؟
نسيم :: ( في ايدها حاجة ) امم .. هذا ... دواء ... دواء لانه راسي يوجع خديت ... اي انتي امتى جيتي ؟
نغم :: ( تشبح لي ايدها ) ااه ... توا ماليش هلبه ...
نسيم :: كويس ... يالله خلينا نطلعو نحطو العشاء احسن مايبدو يصيحو توا ...
نغم :: تمام ... ( وقاعدة علامات الاستغراب علي وجه نغم )
::::::::::::::::::::::::::::::::::::::::::::::
( في المقهى )
كرم :: وحده سحلب ... ومياه ..
الناذل :: تمام ..
كرم :: ( شبح لي زينب )
زينب :: ( كانت مقعمزة هادية ومش حاسه بي ولا حاجة مبلوله وصقعانه بس مش حاسه بي شئ ساكتة وسرحانه )
كرم :: ( بعد صمت قليل .... بصوته الغليظ ابو شخصية .. وبي نظرات قااتله ) مش متعود عليك هادية ؟!
زينب :: ( شبحتله وماردتش )
كرم :: احكي .... كنتي مضايقة ...
زينب :: لا خلاص مافيش داعي ...
كرم :: نسمع ...
زينب :: وانا مانبيش نتكلم ...
كرم :: ( بعد سكوت )
زينب :: ( ساكتة )
كرم :: في حد ضايقك ؟
زينب :: ( شبحتله وبعدين ) هههههههه .. يعني معقولة زينب بي ضايقها حد بتبكي ؟
كرم :: ( شبحلها وبتسم ) امالا ؟
زينب :: شوف في حاجة لازم تعرفها عليا ( قربت ع طاولة) انا صح عندي شكلـ بنت واسمي اسم بنت لكن خليها في بالك انا بي مية راجل ... بنت ولد جدي انا ...
كرم :: هذا علاش عجبتيني .. ( أول ماكملت كلمتها قالها بسرعة فائقة صدمتها )
زينب :: ( سكتت )
كرم :: ( قرب من طاولة ) ولي يخليني مانخافش عليك ... فهمتي ؟
زينب :: ( بي برودة اعصاب ) لا ..
كرم :: ( قرب اكتر ) انا نقدر نفهمك اكتر لكن المقهى فيها ناس ..
زينب :: ( فنصت عيونها مصدومة بطريقة مضحكة وضرباته ع كتفه ) حمار ..
كرم :: ( لي اول مره يضحك ضحكة تجلط ) ههههههه
زينب :: ( وخرت وتكت ع الكرسي وربعت ايديها ومتعصبة زعميتك )
كرم :: ( رفع حواجبه ) ها شن قلتي ؟
زينب :: ( رجعت قربت ) انا مش من نوع البنات الي انت تعرفهم ... فاااهم ؟
كرم :: لي حسن حظك انا ماعرفت بنت ... يعني ؟
زينب :: ( أبتسمت ) مُصر اطيحني وانا مانبيش نطيح ...
كرم :: ( قرب منها ومسك ايدها بهدوء الي يخلي مافيش ولا شخص ركز ) يعني متأكدة انك مش حاتحبيني ؟
زينب :: ( بي برودة اعصاب وبي هدوء في صوتها ورقة ) يس
كرم :: ( بصوت هادي وحنون وكان مليئ بي رومانسية ) حتى وكان حبيتك ؟
زينب :: ( سكتت ونصدمت ) نعم ؟
كرم :: ( يشبحلها ............... بعدين ) ههههههههههه ... نبصرو شن ماتبصروش ...
زينب :: (وخرت ) تعرف انتم هكي ... انتم الي كانو مكبوتين لا يبصرو لا يضحكو نكدين يعني لما يطلعو لي دنيا يبدو يلبزو ههههه
كرم :: ههههههههه ... لكن ياسر قدرت نخليك تضحكي ... صح ؟
زينب :: ( أبتسمت ) صح ... شكراً
كرم :: على ؟
زينب :: ع وقفتك معاي ... يعني لو غيرك كان فاتني ...
كرم :: لكن انا حسن مش حد تاني ... يالله نوضي وقت عليك ...
زينب :: ييييي خايف عليا حبيبي هههههه
كرم :: نوضي نوضي بلا دلع
زينب :: هههه...
::::::::::::::::::::::::::::::::::::::::::::::::::::::::::::
( عند زين )
زين :: يعني ؟
شاب :: يعني انا مانعرفش عليه شئ من لما حول .... بوه ناكره وامه حتى هيا بعد جريمة القتل الي دارها ...
زين :: مافيش مكان يمشيله او صديق مقرب مثلاً.؟
شاب :: مكان مانعرفش لانه ماكنتش قريب منه ... بس قصة انه عنده صديق قريب اي ولد عمه كانو يمشو ويروحو مع بعض من اي مكان بس هذا قبل الجريمة
عز دين :: وين المحروس ابن عمه ؟
شاب :: اهوا الحوش الابيض هما العيلتين عايشين مع بعض ..
عز دين :: تمام شكراً بارك الله فيك طبعاً مسعدتك ليها فائدة اكيد ...
شاب :: ان شاء الله نكون فدتكم بس ...
عز دين :: اكيد منور .. ( شبح لي زين بعد مامشي الولد :: ) شنو ؟
زين :: يالله خلي نشوفو ابن العم شن قصته ...
::::::::::::::::::::::::::::::::::::::
:::::::::::::::::::::::::::::
( في حوش العيلة )
فطيمة :: خيره وجهك ؟
نسيم :: خيره ؟
فطيمة :: وجهك اصفر سمله ....
نسيم :: اي عادي يعني ماتغديتيش ...
فطيمة :: اي تصير لكن مش هكي سمله شوفي تحت عيونك ؟
نسيم :: خلاص ماما مافيه شئ ...
أمل :: ( بصوت المتعب والارهاق وتعب المرض ) فطيمة كلمي يوسف من طلعته صبح معاش اتصل ولا رجع باللهي عليك من نا قصني الله
فطيمة :: باهي باهي غير بري انتي قعمزي امشي ...
::::::::::::::::::::::::::::
نغم :: ألو
زينب :: ايواه
نغم :: انتي وين ؟ ... ماما تسأل عليك من بكري معاش عرفت شن نقوللها ياسري ولا هبال وارجعي توا
زينب :: لو تهدي روحك شويه اختي حبيبتي انا مروحه في طريق
نغم :: احنى هنا مايتين وخالتي امل تعبانه ع خاطر بنتها وانتي طالعه لي صحباتك
زينب :: نغم ريحينه ماتخلينيش ننصبها معاك
نغم :: روحي وحسابي معاك بعدين ...
زينب :: اووووف سكري سكري باللهي عليك
نغم :: حماره ..
::::::::::::::::::::
( نغم وهيا طالعة من دار )
نغم :: نسومه حبيبتي سامحيني خليتك بروحك .. خيرك ؟
نسيم :: لا عادي ... لا شئ
نغم :: خيره هكي وجهك ؟
نسيم :: ههه مافيه شئ غير انتي وماما تبالغو ... بنخش الحمام
نغم :: متأكده ؟
نسيم :: اي حبيبتي ماتخافيش ...
نغم :: تمام ....
::::::::::::::::::::::::::::::::::::::::::::::::::
( ف المركز )
يوسف :: تقعميزنا هنا ع لفاضي ..
خالد :: ( محقق وهوا صديق عز دين و زين ) ولا انك تطلع من هنا حادير شئ ... ع الاقل تلفونك تحت المراقبة
يوسف :: يعني الخاطف مش حايشك في حاجة زي هاذي ...
خالد :: لا .... يوسف كلنا نشتغلو عليها القضية وكلنا بدي هدفنا في الحياة انه نردو اختك للحوش يعني توترك واعصابك مايلزموناش توا ...
يوسف :: اسف نعرف انه هذا شغلكم وتشتغلو فيه ... لكن كل مانفكر انه اختي مع هالكلاب نموت ... تعرف شن يعني نموت ؟
خالد :: هدي روحك ...
يوسف :: #تلفون .. ترن ترن ..ترن ترن
خالد :: رد وخليك طبيعي ....
:.:.:.
يوسف :: ألو
كرم :: شنو بنرجعو نكلمو صغار مره تانيه ؟
يوسف :: احكي شن تبي ...
كرم :: نص مليون .... نص مليون واختك ترجعلك ... يالله انا بنعطيكم 24 ساعة من توا وليكم حرية تصرف
يوسف :: نسمع صوتها ...
كرم :: لا ...
يوسف :: امالا خليها عندك .. وع الفكره انت الخاصر لانه لو درت حاجة في اختي ف تأكد انه قدر الله وماشاء فعل ... شن قلت ؟
كرم :: لا شاطر ... وانا الي كنت نحسابك عيل ... طلعت راجل ..
يوسف :: معاش تحساب لانه مش كل ناس زيك ...
كرم :: تمام ...
:::::::::::::::::::::::::::::
رؤى :: الو .. يوسف ... يوسف باللهي عليك طالعني من هنا معاش نقدر انخنقت والله ( تبكي )
يوسف :: ياعمري انتي ماتخافيش بنعطلك حبيبتي واي حد قرب منك بنقتله .... رؤى دارولك حاجة ؟؟؟ في حد قرب منك ؟ قوليلي اختي نقتله والله نقتله
رؤى :: لا لا مافيش ... لكن باللهي عليك طلعني من هنا انا بديت ننخنق بنموت
يوسف :: لا ماتخافيش انتي تحملي ي روحي وانا بنطلعك وعد
رؤى :: تمام ... تمام ... تمام
.....
كرم :: له له له ... شن هذا بكتوني .... مش معقوله ... شاعري الاخ ولا ؟
يوسف :: خلال 24 ساعة الفلوس بيكونو عندك ي كلب .. لكن خليها ف بالك ... ماحد بيقتلك غيري فااهم
كرم :: رد بالك تهددني ... اكيد الي يراقبو في تلفوني توا يسمعوك و اول مانموت يتهموك .... رد بالك
يوسف :: ( شبح لي خالد )
كرم :: ( سكر )
يوسف :: كيف؟
خالد :: ماقدرناش نحددو الموقع بكل ...
يوسف :: ( حدف تلفون ) كلللب
خالد :: اهداء اكيد تو نلقو حل ...
يوسف :: ( بي عصبية ) معاااش تقولي اهداء ... انت ماسمعتش اختي شن قالت تقول ... اختي كانت تبكي وتبيني نروح بيها وتبيني نهدااااء ... شن شعورك لما اختك تكون بين الخاطفين وانت مربوط مش قادر تتصرف اااااه قووول ؟
خالد :: تمام تمام .... قعمز
:::::::::::::::::::::::::::::::::::::::::::::::::::
( عند زين )
ابن العم :: كان يمشي للاماكن المهجورة يعني المحلات الفاضية الفيلات الي مايسكن فيهم حد او مصانع مثلاً .. لانه يقول انه يحب يقعد بروحه وتعلم العادة هاذي بعد ماتعرف ع شاب ... يقولو انه مش كويس لكن مستحيل نجيبلك اسمه لانه مانزبطاش
زين :: مصانع ؟ ... زي ؟
ابن العم :: مافيش مصنع محدد بس المصانع المهجورة ... يعني قداش بيكون في مصنع مهجور ف طرابلس ... اكيد جو 5 بس
زين :: او اقل ؟ .... ( شبح لي عزو ) شنو شريك شكله لا عشاء لا نوم الليله ... ليلتنا طويلة
عز دين :: هههههههه معليش شريك تصير يعني بعد ها تعب عندي ليك عزووومة مش عادية بكل
زين :: منور ههههه ... مشكور تعبناك معنا
ابن العم :: واااجبي ...
::::::::::::::::::::::::::::::::::::
عز دين :: روح توا واول مايتصلو دوريات ويعطونا اشارة نعطيك خبر
زين :: تمام
عز دين :: يالله سلامات
زين :: سلامات ......
::::::::::::::::::::::::::::::::::::::
( بعد مرور وقت ف الحوش ..... العيلة كلها ملتمه )
نغم :: زينب جيبي مياة وطواسي بس وتعالو
زينب :: باااااه
امل :: نادو نسيم وينها ؟ .. ماكلت شئ من صبح
يوسف :: ( مركز في كلامها )
نغم :: كيف ؟ ... علاش نسيم ماطلعتش من الحمام ؟
زينب :: انا كنت في دار مهناش ...
نغم :: لا كيف هكي ؟
زين :: شن قصدك ؟
نغم :: خشت الحمام نحسابها طلعت انا ليها ساعة توا
زين :: ( مشي للحمام )
::::::::::::::::::::::::::::::::::::
:::::::::::::::::::::::
:::::::::
زين :: نسيييم ؟ .... نسيييم ؟
نغم :: طقطقطقطقطقط نسييييم
يوسف :: طقققطقطقطقطقطق .. زين خلينا نكسرو الباب اكيد مش حاتوقف هكي قتلك ليها ساعة
زين :: وخري نغم ..... هيا واحد ... اتنين ... ثالثة .
بووووووووووووف
نغم :: نسسيييم ....
زين :: نسسسيم
نسيم :: ( كانت طايحة ف لوطه مافيش اي قطرة دم يعني مافيش محاولة انتحار )
امل :: ياااااربي شن هذا الي يصير معنا شن صااابهم البناااات ياربي ...
يوسف :: ( خش بسرعة ) حووول ( قامها ) امشي ولع سياااارة امشي بسرررررعة
زين :: طلع يجري )
يوسف :: ( وهوا قايمها بصوت واطي ) حماااره اكيد مش ناوية تسيبيني حتى انتي .... يعني ناوية تقتليني وترتاحي ...
::::::::::::::::::::::::::::::::::::::::::::::::::::::::::::::::::::::::
( ف المستشفى )
دكتور :: كانت محاولة انتحار واضح ..... واضح انها ليها مده كويسة تاخد في حبوب المنوم ... حبوب المنوم الواضح انها تاخد فيهم اكتر من حبه في اليوم .... صارت معاها صدمة خلتها تتوجه لي طريق هذا ؟
فطيمة :: لا .. يعني عندها بنت خالتها مخطوفة ( تبكي ) وما..... مانعرفش لو .... لو كان هذا سبب
دكتور :: ربي يفك اسرها .... شوفو نصيحتي تتوجه لي دكتور نفسي بيشخص حالتها اكتر مني ع الاكيد
فطيمة :: ان شاء الله .....
( مقعمزين كلهم الممر بعد ماسمعو كلام دكتور )
:::::::::::::::::::::::::::::::::::::::::::::::::::::::::::::::
( ف الحوش )
امل :: يعني شن تحسابي روحك لما درتي هكي شن هبلتي ؟
نسيم ::مانحسبش انه مش كويس .... قصدي الحبوب نحسابهم بيساعدوني نرقد بس ...
زين :: توا انتي تعبانه ومش حانكلمك .... لكن اول مايصير حالك باهي ليها تفاهم تاني معاك ...
نسيم :: ( ساكته )
امل :: وين يوسف ؟
نسيم :: ( قامت راسها وبدت ترسل في عيونها يمين ويسار للموجودين باش تعرف ردهم )
نغم :: برا هوا وماما وخويلة وزينب ....
امل :: ارقدي انتي ... تعالو خلوها ترتاح ...
نغم :: تمام ...
( طلعت امل )
//////////////////////////////////////////////////
نغم :: ( قدام الباب ) حبيبي انزل انت نشوف نسيم ونجي
زين :: تمام ...
:.:.:.:.،,،,:.،,/.:.،,:./,،,:.،,/.:./,،’/,.:./,،/:"؟./,،/:
نغم :: اييييييه ..... شن سبب تصرف الحمار هذ ا ؟ احمدي ربك سعدوك في اخر لحظة تعرفي لو حالتك خطيرة كنتي توا في العناية بين الحياة ولموت ...و ف وقتها بدل مانخسر بنت خالة نخسر زوز .... وين كان عقلك ااه وين ؟
نسيم :: ( مع دموع ينزلو بارداااات وجافات وبدون ماتحس بيهم ) اطلعي نغم ماخاطريش نتكلم ...
نغم :: تمام ... تمام ... لكن ليا تصرف تاني معاك ..
نسيم :: ( ساكته )
::::::::::::::::::::::::::::::::::::::::::::::::::::::
:::::::::::::::::::::::::::::::::::::::::::::
::::::::::::::::::::::::
( في الممر )
نغم :: زين ؟
زين :: ( تلفتلها ) نعم حبيبتي ؟
نغم :: شن ماصارش شئ جديد معاكم ؟
زين :: لاا .. لي توا لا
نغم :: ( ابتسمت ابتسامه استعباط ) يعني ماحدش علمك معاش تكذب مع ناس وانت تشبح لي عيونهم ؟
زين :: لكن انا ماكذبتش ...
نغم :: ززييين ماتعصبنيش كذبت واكيد تعرف مكانه واسمه ومرات حتى عرفت مكان رؤى وماتبيش تقولي ( بي عصبية ) ولا
زين :: ( بي عصبية وحركااات الايد ) ماهي عصبية امك هاذي الي مخليتني مانقولكش ... والله الي بيحب محقق بيتحمل
نغم :: واللهي كان ماتقولي توا لانقتلك وندفنك ف مكان جن الازرق مايعرفاااش ...
زين :: ( تقرب خطواااته وحده وحده ... وهوا رفع حواجبه ) لكن لو انا مانموتش ويشدوك شرطة تكون احلا ... هكي انتي بتكوني المجرمة وانا المحقق الخاص بي قضيتك يعني نقدر نشوفك ..... نحبسك ... نحقق معاك .. زي مانبي ..
نغم :: ( توخر ... توخر ... لين وصلت للحيط )
زين :: ( شد ايدها ) ونمسك ايدك وووو ....
نغم :: ( ساكته )
زين :: وندير هلبه حاجات لكن انا ولد عاالم وناس مانقدرش ..
نغم :: ( بي صدمة وعصبيية ) يااا ... ياااا ... يااااقليلل الادب ... ي حمااار
زين :: ههههههههههههههههههه حلوة حمار ..
نغم :: حوول من وجهي ..
زين :: استني استني استني ... كيف تمشي وانتي متعفلقة مني ؟
نغم :: حوول لنقتلك حق توا
زين :: ي ترضي ي حق توا نعرف كيف نتصرف معاك .... شنو ؟
نغم :: ( سكتت شوية )
زين :: لكن تعرفي طرررف وانتي متعفلقة ي حولتي ....
نغم :: حولة مني هاذي ي اهبل ي ابن الهبله ....
زين :: واللهي حوله غير ركزي في لمرايا ههههههه
نغم :: زززززين واللهي نقتلك ...
زين :: واللهي احلا حوووله والله ( حضنها )
نغم :: ( بي صوت البيبي ) باااه معاش تعفلقني ... نحبك انا ماتعفلقنيش
زين :: لعنة الله عليا وكان مزال عودتها هههه
نغم :: هههههه حبيبي
::::::::::::::::::::::::::::::::::::::::::::::::::::::::::
( مع ليل مع ساعة 3 )
زينب :: وين ماشية ؟
نغم :: بنشرب مياه تبي ؟
زينب :: لالا سكري باب دار وراك نسيم رااقدة خير ماتنوض
نغم :: تمام ....
:::::::::::::::::::::::::::::::::::::::
:::::::::::::::::::::
( وهيا مااااشية للمطبخ زين كان فيه ويتكلم )
زين :: كويس ممتاز جداً ... ولا يهمك مساافة طريق ونكون عندك .... اسمع مانبيش دورية يكفي انت وخالد وواحد من شباب بس .... تمام ... يالله جاي
( تلفت )
نغم :: وين ؟
زين :: وااضح انه ربي يحبني ..
نغم :: اكيد ربي يحبك لانه خلاني نشوفك ... مش كانه ماقلتلي شئ يعني انه مش حانعرف شئ .... وين ؟ .... وين ماشي
زين :: نغم (قص)
نغم :: رد بالك تقولي كلام حلو ومادري شنو .... مش حانخليك تطلع الا وتقولي وين ماشي
زين :: اوووووف
نغم :: تكلم
زين :: عرفو مكان رؤى وماشين بنجيبوها ... مانبيش نقول للعيلة خايف يصير حاجة معنا ويفقدو الامل من جديد ..... سرية العمل هاذي
نغم :: رجلي ع رجلك ...
زين :: مستحيل ... مهبولة انتي ؟
نغم :: اي خلاص امالا نصيح توا ونوضهم ونخليهم بدل ماانا بس نمشي كلهم يمشو
زين :: نغم بلا تسكير راااس
نغم :: معااك يعني معاااك
زين :: نغم
نغم :: معاااااااااااااك ...
زين :: اششششش باهي ... اطلعي قداااامي
::::::::::::::::::::::::::::::::::::::::::::::
( قدام الباب نغم في سيارة وزين يستنى في يوسف 9
يوسف :: تمام هيا .... هاذي شن ادير هنا ؟
زين :: ( شبحله ورفع ايديه متع انت شن رايك )
يوسف :: يالله يالله
:::::::::::::::::::::::::::::::::::::::::::::::::::::::::::::::::::::
::::::::::::::::::::::::::::::::::::::::::::::::::
( قدام المصنع )
زين :: من سيارة ماتنزليش تعرفي كانه تشوفي ف المصنع هذا ينحرق وانا فيه ماتنزليش ... كان يقولوك جدك الداااخل فاهمه ولا
نغم :: اووووووف طريق كله وانت نفس الكلام فهمت فهمت
زين :: انزل هيا ...
::::::::::::::::::::::::::::::::
عز دين :: من هاذي ؟
زين :: هااذي ااكبر راس رشااد شوفته في حياتي .. جايه تتفرج ع الالعاب نارية
عز دين :: ههههههههه ولا يهمك تصير ... المهم توا انه رؤى الداخل ... دخولنا بيكون تكتيكي يعني هما مدايرين احتياطاتهم ...
زين :: كم ؟
عز دين :: الي في المصنع 3 ولي واقفين ف الواجهة 2
زين :: هههه ماتخفش لعبتنا هاااذم ...
عز دين :: يوسف شد ... وقت الي خلاص بكل تتصرف بييه تمام
يوسف :: تمام
عز دين :: يالله توكلو ...
::::::::::::::::::::::::::::::::::::::::::::::::::
( في سيارة )
صوت :: طوف ... طوف طوف
نغم :: ( في كل مره تنخلع )ياااارب .... يارب احميه يااارب سعدهم وقف معاهم
صوت :: طوف طوف .... طوف طوف ...
نغم :: يااااربي ................
( فجأأأة صوت وقف )
نغم :: لاااا هكي هلبه ... بننزل ولي بصير يصير ترا ...
( وهيا تجري .................... قدام الباب )
رؤى :: ( طلعت )
نغم :: رؤى ...؟ ... ( جضنتها ) حبيبتي .... ي روحي انتي .. ي عمري سااامحيني باللهي عليك .. سامحيني ... كيف حالك توا ؟ ..
رؤى :: ( وهيا حزينه ) تمام ... الحمد لله
نغم :: وين زين ؟ .... وين يوسف ؟
يوسف :: ( طلع )
نغم :: ( مشت وقفت عليه ) وين زي(قص) ,,,,,,,, ( او ماتلفتت شافت مطلعين زين مضروب ) .... ( ولا كلمة تشبحله بس )
::::::::::::::
#ملاحظة
نعرف وعدتكم بي جميع الحلقات لكن ايدي ماتسمحش نكتب هلبه لكن ان شاء الله هاذي طويلة بس
#يتبع
#سلمى
