الحلقة الثانية عشر من رواية
#معشوقتي_السمراء 💜🙈
#تفاعل_بي كلمة شكر تفرحنااا ♥️♥️....:.:.
::::::::::::::::::::::::::::::::
زينب :: ياربي .... حي عليا ... اي صح انا لساني طويل ومارحمت حد ... لكن انا نخاف نقعد بروحي ... وووك عليا
صوت :: طووووف طق ...
زينب :: ( انخلعت من صوت )هييييييه ...
( لفت زينب للباب من جديد مافي حد خطم .... شعور بي لخوف في وقتها كان احساس زينب ... )
الصوت :: طووووووف طق
زينب :: ( غمضت عيونها من الخوف ) ياربي ... ياربي ... ياربي ...
( مغمضة عيونها وبي همس تتكلم ياربي ياربي ... فجأة >
كرم :: إنتي شن ديري هنا ؟
زينب :: ( من الخلعة ) ااااااااااااااااه(قص)
كرم :: ( حط ايده ع فمها ) اشششش .. خيرك ؟ ....
زينب :: امممم ...
كرم :: ( قعد يشبح لي عيونها وسرحان فيها .... وبعدين وخر )
زينب :: خلعتني ...
كرم :: شن اديري هنا ؟
زينب :: كنت نستنى ف بابا فوق ونسيت انه شركة تسكر ساعة 8 ونص ...
كرم :: ماهو كانه عندك عقلـ راهو مانسيتيش ...
زينب :: ( تعصبت ) ع فكرة مش وقته الكلام البايخ هذا ....
كرم :: ( شبحلها وكان بيمشي )
زينب :: استنى استنى استنى ... ( مسكت في ايده )
كرم :: ( شبح لي ايدها .... وبعدين شبحلها .. مشي نحت ايدها ) خير ؟
زينب :: ماتمشيش .... قصدي اقعد معاي .. لا قصدي يعني انا نخاف .. خليك معاي لين يجي بابا ...
كرم :: تخافي ؟؟؟ ... غريب البنت صاحبة لمشاكل تخاف ؟
زينب :: صاحبة المشاكل ؟ ...
كرم :: المره الجاية لما يكون الغداء عليك كتري من الفلفل اليوم كان شوية .... ماهو انا نحب الحار
زينب :: ( فنصت عيونها ) ااه ... لا مش انا الي درت الغداء اصلاً ....
كرم :: ااي صدقت ....
زينب :: باه باه ... خلاص ... انا اسفة ممكن توا تقعد معاي ...
كرم :: ( مشي فتح باب شركة وخدي كرسي وقعمز عليه ... )
زينب :: ( أبتسمت .... ومشت قعمزت ع كرسي ... وقعدت تشبحله وتبتسم )
:::::::::::::::::::::::::::::::::
( في حوش #أملـ )
نسيم :: غيري ...
رؤى :: شن تبي تتفرجي ؟ ....
نسيم :: حطي نسمة فيها مسلسلات تركيه حلوه .... تقريباً توا يعاودو في سنوات ضياع ...
رؤى :: تو هما حبو بعض وتزوجو ونخطفو ونحبسو وين ضياع في الموضوع مافهمتش ...
نسيم :: نخطفو نحبسو ؟؟؟؟ هذا مش ضياع ولا انتي عمياء هههههه
رؤى :: هههههه قصدي طبيعي عادي ... شدي هاك نمشي نجيب شاهي ونجي ...
نسيم :: باه ...
.:.:.:.:.:.:
يوسف :: ( تبص عليها ) حبيبتي كيف حالها ؟
نسيم :: ( تبصت راسها ) كانت تستنى فيك هههههههه
يوسف :: ههههههههه .... ( قعمز جنبها ) كيف حالك توا ؟
نسيم :: مش اوي بس الحمد لله ...
يوسف :: اكيد لانه مش انا الي دهنتكك .؟ هههههه
نسيم :: اممم اي ههههههههه
يوسف :: ههههههه ( وقف باسها ع راسها ) انا طالع تبي حاجة ؟
نسيم :: يس ..
يوسف :: عيوني ؟
نسيم :: سلامتك ودير بالك ع روحك ...
يوسف :: ههه حاضر ...
نسيم :: نحبككك ..
يوسف :: حتى انا يالله سلام
نسيم :: يالله في حفظ الله ....
:::::::::::::::::::::::::::::::::::::::::::::::::
( في مركز الشرطة )
عز دين :: ي سيدي تفضل ...
زين :: منور عزو .... تعبتك معاي
عز دين :: ي رجال ماتقولهاش عاد ....
زين :: ( أبتسم ابتسامة تخفي الاحساس بي الضيق )
عز دين :: اي احكي ... شن مدايرة فيك بنت حواء هههههه
زين :: ههه االي ماقدرش يديره ولد أدم ههههه
عز دين :: ههههه ... شنو شكلك لي شوشتك الحب هههه .. ماتقولهاش رد بالك احنى ماعندناش فيه راه ههههه
زين :: هههه .. مانعرفش ... مانقدرش نحكي عليها ... خايف يحسدوني فيها ناس ههه
عز دين :: اووووو كبيرة هههههههههه ... احكي احكي
زين :: معليش ... مافيش حد يحكي ع عرضه وشرفه ... وهيا هكي ...
عز دين :: عندك الحق ... يالله انا بنخش وكانه بتمشي توكل مافي شئ اليوم ...
زين :: تمام ... ...
::::::::::::::::::::::::::::::::::::::::::
( في حوش #منى )
نغم :: ( وهيا ترتب في سريره بترقد ... رن تلفونها ) ..
:::::
التلفون ..:: ترن ترن ترن ترن ..
نغم :: ( اولـ ماشدت تلفونها ولقت المتصل زين ... صبرت فكرت شوي شوي وردت )
زين :: ( ساكت )
نغم :: ( ساكته )
زين :: ( ساكت )
نغم :: ( بصوت هادي وحنون ) ألو !
زين :: ( بصوت هاااادي يملأه الحنيه وروح العااااشقة مع رجفة الحب القاتلة وصوت الاطفال في تعبير عن مشاعرهم ) في كل يوم في العشرة سنين الي كنت فيهم بعيد كنت فيهم قريب منك في تفكيري فيك في انه نفتح في صفحتك نتابع في حالتك من منشوراتك ... مافي شئ في راسي الا انتي .. نفكر فيك نفكر كيف وليتي كيف كبرتي كيف تصرفاتك تغيرت ولا لا .. حافظ كل حاجة فيك غضبك فرحك .... هذا شن يسمو فيه ؟ .. مش حب لالا .. حاجة تانيه ... زي الي انا مريض بيك .... مانعرفش ... بس لو هكي صح انا مريض بيك .... مانبيش نشفى ... انتي احكيلي .. انا شنو ؟
نغم :: ( من الكلمات الي كانت من قلبه طالعه من الكلمات الي في كل حرف زاد نبض قلبها اكتر واكتر من الكلمات الي رجفت اول ماسمعتهم من فرحتها نزلت دمعاتها ... )
زين :: صوتك و عيونك وضحكتك ... اهم حاجة عندي .. ممكن انتي تحسابي انه انا في العشرة سنين الي فاتو ناسيك ... لا بس انا مافهمتش انتي شنو بالنسبة ليا ... انا نفكر فيك ديما وهلبه ... لما نسمع صوتك نفرح نحس روحي اسعد انسان في دنيا لما كنتي في المدرسة وتضحكي وانتي معاي نحس روحي درت انجاز ... لما نشوفك عيونك نبداء مانبي شئ غير انه نمنعهم ينزلو دموع ....
نغم :: ( بكل هدوووء و بكاء الحب صافي ... صمت كان حليفها في ذاك الوقت )
زين :: لما كنا نقرو مع بعض ... نغار من اي حد يقرب منك نبيك ليا وبس ... نبيك جنبي ماتضحكي مع حد الا معاي ماتكلمي حد الا انا ماتكلي ماحد الا معاي ... نرفعك ونجيبك انا ... كل مره يجي خاطري نضرب الي يقعمزو فيه معاك في الامتحان ... مستيحل ننسى اليوم الي انتي مقعمزة في الفصل و جنبك ولد وتشبحيلي ومضايقة في وقتها حسيت روحي حقير لانه خليته يقعمز جنبك جي خاطري نوض نقتله
نغم :: ( وسط دموعها واحساسها الجميل بسماع الكلمات العاشقة ضحكت ضحكة برئة هادئة ) هههههههه
زين :: ( سكت شوية وبعدين ) انتي هبلتيني .... خلتيني مانعرفش اذا كنت نحبك ولا نعشقك ولا مجنون بيك ولا مريض بيك ولا شنو بزبط ... ( بصوووووت مخنوق وفي شهيـــــــتتتق طوووويل وتنهيدة ) انتي شن درتي فيا ؟
نغم :: ( في هذا الوقت يكفيها انها سمعت احلا واروع كلمة في حياتها #نحبك ... شن استنت منه الكلمة هاذي سنين وسنين .... غمضت عيونها نزلت اخر دمعتين فرحة ابتسمت ابتسامة سعاااادة حلووة زينة بيها وجهه )
زين :: ( سكت فترة طويله ... )
( خلااااص هنا سكتو زوز مافيش حد رد ع تاني ... نغم رقدت ع سريرها وهيا حاطة تلفون في وذنها و زين ركب سيارة و وخر الكرسي وحط تلفون في وذنه ورقد وقعد اتصالهم بي بعض شغااااال )
::::::::::::::::::::::::::::::::::::::::::::::::::
( في شركة )
( بعد تفكير داااام ساعة في بال زينب بي أنه حلو وشخصيه والمفروض ماديريش فيه هكي .... زي صغااار فكرت فكرت ورقدت )
كرم :: ( وهوا يدخن ... لوح دخان وتلفتلها بيقوللها كلمي بوك )
زينب :: ( كااانت شبه الباااربي وهيا راقدة هههههههه بريئة هادية حلووة )
كرم :: ( في مكانه ولي اول مره يبتسم ... ناض نحى جاكيته وغطاها ... قعد يشبحلها بعدين اتصل هوا بي بوها )
::::::::::::::::::::::::::::::::::::::
الاب :: زينب .... ززينب ... بنتي نوضي انا جيت نوضي خلي نروحو ..
زينب :: ( ناضت ) اااها ....
الاب :: ( تلفت لي كرم ) صحيت ي حسن بارك الله فيك ... واللهي كانه مش منك راهو قعدت بروحها
زينب :: ( وهيا تغمض في عيونها وتفتح وتبتسم ومتكيه ع بوها وتشبح لي كرم ) ااي والله .. صحيت
كرم :: ( شبحلها وبتسم ) ولا يهمك هذا واجبي ...
الاب :: المهم كمل وسكر الباب وروح ... يالله تصبح ع خير
زينب :: تصبح ع خير ( وتبتسم )
::::::::::::::::::::::::::::::::::::::::::::::::
( تاني يوم صبح )
طق طق ......... طق طق
زين :: ( فتح عيونه لقي صاحبه يطق ع روشنه )
عز دين :: وين ي راجل خيرك رقدت هنا ؟
زين :: ( يحك في عيونه .. ) خدتني نومه .. ( بعدين ركز ع تلفونه لقااااه تسكر مافيشي شحن ) اوووف شن سكره هوا توا ...
عز دين :: ههههه نوض نوض خود شحن اشحنه وافطر معاي نوض
زين :: ههههه تمام ..
::::::::::::::::::::::::::::::::
( في حوش #منى )
منى :: نغم ؟ ... نغم حبيبتي ؟
نغم :: ( مع ابتساااامه وهيا مغمضة عيونها ) نعم .
منى :: هههههه خيرك ماما نوضي خيره تلفون في وذنك ؟
نغم :: ( فتحت عيونها وشبحتلها ) انتي تهبلي .... صباح الورد
منى :: ههههههه واللهي انتي الي هبلتي ي بنتي هههه ... صباحك سكر نوضي افطري بوك وزينب يستنو نوضي
نغم :: من عويناتي ..
منى :: ههههههه يسلمهم ياربي
::::::::::::::::::::::::::::::::::::::::::::
( في شركة )
( كرم وقف ع رسبشن ويوقع وبطلع وفي زوز واقفين ع رسبشن يهدرزو )
الحارس :: اااي ياريت تجي حتى اليوم ههههه
الحارس2:: اي ولا ... محلاها هيا تقولي مش بنت المدير ههه
الحارس :: طالعة لي امها ....
كرم :: جاي تخدم هنا انت ولا جاي تفصل في ناس ؟ ..
الحارس :: نعم ؟
كرم :: كلمتي مانعاودهاش مرتين .... احترم نفسك ومعاش تتكلم ع اعراض ناس هكي ....
الحارس :: وكانه ماحترمتهاش شن دخلك انت ؟
كرم :: اممم شن دخلني .. ( ينحي في ساعته )
سليمان :: ( صديق قريب منه كرم ) حسن هدي روحك .. وانتم الهو في خدمتكم
الحارس :: لا خليه .... شن بدير شن يعني وكانه قلنا عليها حلوة
كرم :: ( ضربه بي راسه ) لا عادي مافيها شئ ... ( نزله لوطه ) تعرف تسكره فمك .. تعرف ولا ماتعرفش ..
سليمان :: ي حسن .....
#يتبع
#سلمى
