الحلقة العشرون من رواية
#معشوقتي_السمراء 🙈🍃
::::::::::::::::::::::::::::::::::::::::::::::::
فطيمة :: استنى استنى ... خيرك كنتي تبكي .؟
نسيم :: لالا شن بي يبكيني ....
فطيمة :: استنى نسيم بنكلمك في موضوع .. قعمزي بنتي .. قعمزي
نسيم :: خالتي تراجي فيا ... صلي انتي توا وبعدين نهدرزو ..
فطيمة :: قعمزي بنكلمك ف موضوع دواء الي كنتي تاخدي وعلاش خديتي ولا تحسابيني مانعرفش ...
نسيم :: خيرك سمله هههه شن بتعرفي ؟
فطيمة :: تو بتقنعيني انك ماخديتيش دواء بالقصد ؟
نسيم :: تي شن الي بيخليني ناخد دواء قصد انا ... شن نبي نموت مثلاً؟
فطيمة :: اي .. ولا شنو ؟ .... هذا كله ع خاطر ولد معقوله ... وين كان عقلك لما خديتي دواء اه ... وين تحسابي روحك انتي بتنتحري وبتقتلي روحك ... شن الي خلق يوسف ماخلقش غيره ؟
نسيم :: ( ف حالة صدمة واستغراب ... وهيا ترفع اصبعتها قائلا ) دقيقه دقيقه ... زي الي سمعت اسم يوسف ؟ ... او سمعت ع خاطر ولد .؟ ... زي الي مافهمتش شن تحكي ؟
فطيمة :: انا كلمته يوسف وقتله يسيبك
( هنا كانت ردة فعلـ نسيم غير متوقعه للأم بعد أنهاء حديث الام فوراً بدءت نسيم قائلا ... )
نسيم :: انتي من سمحلكـ أنكـ تدخلي في حياتي أصلاً ؟ ....
فطيمة :: ( كانت بتكشخ ) ان(قص)
نسيم :: ( بصوت عالي مع غضب واضح ) من سمحلك انتي ؟ ... انتي من انتي باش تفصلي وتخيطي حياتي ع مزاجكـ ,,, شن دخل: اذا كان يوسف الي بنحبه ولا غيره ...
فطيمة :: أنا أم ونعرف شن صح وشن الغلط لي بنتي ..
نسيم :: ( بأستفزاز قاتلـ ... ) انتي ام انتي ؟ ... انتي ام انتي ؟ .... ردي ( بصوت الغضب تانياً ) ردي ... الام تفهم بنتها وتحسها وتعرف فرحتها وحزنها مع منو وكيف ... لكن الي انتي درتيه ماديراش عدوة ...
فطيمة :: نسيم متحملاتك بالسيف ماتخلينيش نتصرف معاكـ تصرف مايعجبكش ...
نسيم :: لا باللهي عليكـ تصرفي هياااااا تصرفي .... بتضربيني ... بتضربيني ؟ ............ انتي شن درتي ي ماما شن درتي ؟ ... معقولة ؟ ...... ي ماما انتي قهرتيني دمرتيني ..... تي كنتي بتقتليني .... شن بتكون حياتكـ كانه انا متت في وقتهاااا شنو ؟
فطيمة :: ( كان صمت حليفها في ذاك الوقت ... كانت تنظر الي عيون الفتاة الي ولدتها ودمرتها رغم المحبة الذي كانت يجب ان تكون .... اين الام واين حنيتها .... )
نسيم :: ( بدموع قاتلا بي حزن رهيب وبي لهفة لي تعرف لماذا امها فعلت ذاك وهذا ... ) علااااش ... علاااش ي ماما علاااش ......
فطيمة :: مانبيكش تعيشي الي انا عشته ي بنيتي ... مانبيكش تبكي بعدين وتدمري زيني .... ان(قص)
نسيم :: ( بي الهدووء الاول >> ) انا مش انتي ... ( بيرفع صوت قليلاً ) انا مش انتي ( بيرفع الى اخر حد ) اناااا مش انتي ي ماما .... نسيم مش فطيمة ... انا مش انتي باش نبكي بعدين او ندمر .. مش انتي واللهي ماااا انتي .... خلوني ف حالي يااااااسرني ... ساير الاب الي مفروض يكون جنبي توا مانعرفش وينه ... ياسرني عيت فديت .... فديت ... خلااااااص ( بصوت منخفض بي اختناق واااضح في تردده ) انا عيت ي ماما عيت ....
فطيمة :: ( بي دمعة الام ) خلاص بنيتي خلااص سامحيني ي ماما سامحيني ي بنيتي خلاص ( حضنتها )
::::::::::::::::::::::::::::::::::::::::::::::::::::::::::::::
( ف حوش #منى )
الاب :: وين زينب ؟
نغم :: فوق نبح صوتي وانا نادي عليها .... اركبلها بابا
الاب :: لا ياودي بتنزل تنزل ماتبيش تملح ...
منى :: خلوها كانه جاعت تتعشاء بعدين تعشو انتو ...
نغم :: وانتي ؟
منى :: لالا والله ماخاطري بنرقد الحق .....
نغم :: باه ماما تصبحي ع خير .....
منى :: وانتو من اهلو ...
...........
::::::::::::::::::::::::::::::::::
( في دار #البنات )
زينب :: يعني ؟
كرم :: يعني واضح .... شن يعني ؟
زينب :: المفروض انك تخدم ... يعني شوف اي خدمة تانيه بمأنك مسكر راسك ع موضوع انك ماتبيش ترجع للخدمة
كرم :: كانه جي خاطري ...
زينب :: نعم ي بابا ؟ ... شن هاذي كانه جي خاطري ؟ ..... حسن ماتعفلقنيش .... امالا لما بتجي بتخطبني شن بتقول لي بابا لما يجي خاطري ؟
كرم :: نخطبك .؟ .... كيف جت هاذي ؟
زينب :: شن كيف جت هاذي ؟ ... اكيد بتجي تخطبني ... ولا ؟
كرم :: ( سكت )
زينب :: لا واللهي ؟ .... بلاش منه الاستزراف هذا ...... حسن !
كرم :: خير ؟
زينب :: منين بيجي الخير اااه ؟..... تقولي ماتبيش تجي تخطبني وتقولي خير ؟
كرم :: قلت توا انا مانبيش نجي ؟
زينب :: امالا !!!
كرم :: انا ماقلت شئ ...
زينب :: واي شن بتقول ؟ ..
كرم :: تبي تعرفي ؟ ...
زينب :: اكيد ... حسن باللهي عليك قولي انت بتجي ولا ؟
كرم :: باهي خليني نشوفك قبل ...
زينب :: هاهاهاها خفة هلبه ...... شن بتشوف فيا ؟ ...
كرم :: نشوفك نقولك بنخطبك ولا لا .... وانتي ديري رايك ...
زينب :: مجنوني رومانسي مش وقت رومانسيتك وحبك توا ..... بوي ف الحوش كيف تبيني نشوفك اه ؟
كرم :: واللهي مش مشكلتي .....
زينب :: تي وين بنجيك وكيف بنطلع ....... حبيبي فوتها اليوم ..
كرم :: معناها مش حاتعرفي جواب للاسف ..... يالله تصبحي ع خي(قص)
زينب :: استنى استنى استنى استنى وانت ماااصدقت ي خويا .... اصبر ... باهي انت وين ؟
كرم :: قدام حوشكمـــ ...
زينب :: قدام منو ؟
كرم :: حوشكمـ ههـ
زينب :: ههههههههههههههههههههههههه مبردك غير وين ؟ ..
كرم :: قدام حوشكمـ شن مبردكـ ,,
زينب :: تي حوش مني ي راجل ؟
كرم :: هههههههههه حوشكمـ ي حمارة
زينب :: ( بي عيطة ) كيييييييييف ؟ ... انت مهبول ؟
كرم :: فيكـ ...
زينب :: ( سكتت )
كرم :: وفي عيونكـ ... وفي ضحكتكـ ،، وفي هبالكـ ,, وفي طيبتكـ ،، وفي عفويتكـ،، ...
زينب :: ( أبتسمت ابتساامة عبيطة )
كرم :: انحبكـ ,,,
زينب :: الله .... معقولة الشاب النكدي يطلع يعرف يقول كلام حلو هكي ؟ ..
كرم :: حمارة بتقعدي طول عمرك تخربي ف المواقف رومانسية ..
زينب :: اااخ ي رومانسية ههههههههههههه . .. ااحم المهم كملـ
كرم :: ههههههه هيا اطلعي ..
زينب :: وين ؟ ..... اااه اي كيف .. قصدي باه ... اصبر اصبر ... ( بتكشيخة ) استنى
كرم :: ( بتكشيخة ) تي باهي هههههههه
.....................................
( في صالة )
نغم :: بابا تبي حاجة ؟
الاب :: لالا بنتي خااش بنرقد انا ... هيا تصبحي ع خير ..
نغم :: باهي قدامكـ كلـ خير ...
الاب :: ( راااااكب ) هاها بي شوية خيرك تلهدي ؟
زينب :: ههههههه ( شبحتله ) ماهو جيعانه .... نبي نتعشاااء ..
الاب :: باه ... بري تعشي من شادك ؟
زينب :: اي نعرف ... حول ...
الاب :: هي بري هي ههههههه ...
::::::::::::::::::::::::::::::::::::::::::::::
نغم :: انا بنرقد ...... كملي عشاكـ وضمي الكوجينه ..
زينب :: باه ..
نغم :: باه ؟ ........ كيف باه ؟ ..ماتبيش تقولي المحاظرة اليومية ؟
زينب :: ( بتكشيخة ) لا بري ارقدي ...
نغم :: بشوية خيرك سمله ؟ .. زينب بتتعشي بس ؟
زينب :: وبنشرب طاسه .... بنتعشاء بس امالا شن بندير ..
نغم :: اممم باه ... تصبحي ي كبدي ..
زينب :: وانتي من اهلو ........
:..................................................................:
( في حوش #أملـ )
أملـ :: شنو نسيم وينها ؟
فطيمة :: رقدت راسها يوجع فيها شكله من الحبوب الي خدتهم ..
رؤى :: حبوب شني ؟
فطيمة :: واخدة حبوب منوم هلبه دارولها تسمم ... انا بنخش نرقد
املـ :: بكري خيركـ ؟
فطيمة :: لا وين بكري ساعة 12 ... هيا تصبحو ع خير
املـ :: وانتي من اهلو .... رؤى نوضي شوفي كانه زين وخوك يبو حاجة و بري ارقدي نيتي باهي ..
رؤى :: حاضر ....
املـ :: بنضم المطبخ انا .... بري يالله
:::::::::::::::::::::::::::::::
( ف #الممر )
رؤى :: كيف كنت جايتكم ...
يوسف :: علاش ؟
رؤى :: بنشوفكم تبو حاجة ولا لا ؟
يوسف :: لالا مانبو شئ ...
رؤى :: باه .... تصبح ع خير ..
يوسف :: تعاالي رؤى نبيك .... تعالي برا ... البسي حاجة عليك
رؤى :: باه ...
.....................................:.:.:.
( في دار #زين )
زين :: اي وشن صار ؟
عز دين :: زي ماخليتها ي شريك مافي شئ جديد ....
زين :: اي ومافي شئ جديد ف المركز ؟
عز دين :: ف مداهمه ع جماعة مخربين تجار حشيش حسب مايلقب بيهم ....
زين :: امتى ؟
عز دين :: شن تبي فيها انت قعمز وريح روحك ... المدعي العام بي طوبته عاطيك اجازة ...
زين :: مانقصني غير هوا انا ..... بعدين ماعندي علاش بناخدها الاجازة اصلاً حالي باهي ...
عز دين :: تي ريح روحك ي راجل .. دورية جاهزة وانا موجود معاهم ...
زين :: وين وامتى ؟ ..
عز دين :: بلا عناد ي راجل خلاص عاد ..
زين :: شنو ي شريك زي الي حسيتكـ تفكيت مني
عز دين :: ههههههههههههه ع الحال هذا .. نبعتلكـ العنوان ف رسالة
زين :: هههههه منور ... يالله سلام ..
عز دين :: هههه ماشي سلام ...
.....................
:::::::::::::::::::::::::::::::::::::::::::::
( في #جنان )
رؤى :: ( ساكتة )
يوسف :: ( حط ايده ع كتفها ) شنو حبيبتي احكيلي ..
رؤى :: ع شنو ؟ ..
يوسف :: اختي متع زمان نبيها ترجع من جديد ... ضحوكه ولي جوها حلو ... مانبيش الي صار يأثر فيك ... خلاص الي صار صار وفات ..
رؤى :: ( مبتسمه )
يوسف :: أستحشتكـ
رؤى :: ( دمعت ) ............... ( حضنته )
يوسف :: باهي ؟
رؤى :: حاضر ...
يوسف :: يالله خوشي ارقدي وتصبحي ع مليون خير ...
رؤى :: وانت من اهلو .. يوسف ..
يوسف :: عيون يوسف أدللي هههه
رؤى :: صاير حاجة بينكـ وين نسيم ؟
يوسف :: ( أبتسم ابتسامة خفيفة ) تصبحي ع خير ..
رؤى :: معناها لازم نهدرزو ... وانت من اهلو ههه
يوسف :: هه ان شاء الله ........
:::::::::::::::::::::::::::::::::::::::::::::::::::::::::::::::::
( ف حوش #منى )
( طلعت زينب من غير مايحس عليها حد ........ )
زينب :: ( مشت لي فم الباب فتحت بشوية بشوية وطلعت وردت الباب وراها ..... مشت لعنده كان واقف جنب سيارة ) بسرعة ق(قص)
كرم :: ( باسها ع خدها ............................ أبتسامه )
زينب :: ( صدمةةة مع فتحت العيون ) لا ياراجل .... ( ضرباته ع كتفه ) غبي ماااك
كرم :: ( وجعاته شوية لانه ضربة كانت في مكان خدش رصاصة )
زينب :: خيركـ ؟ .... معقولة ضربتي وجعاتكـ ؟ ... اسفة ..
كرم :: انتي كل مره تضربني في مكان ... مره ف قلبي وتوا في ايدي ...
زينب :: ( ابتسمت ) ي روميو ؟ .. هههههه بارد ..
كرم :: ههه ...
زينب :: اي ......... وهااك شوفتني شن تبي ؟
كرم :: شئ ... استحشت نشوفك وشوفتك، ...
زينب :: اي جوااااب ي روح ماما .... جواب ...
كرم :: اااااه ... اي نسيت ...
زينب :: سلامتكـ من نسيااان ... يالله ..
كرم :: انا نزلتكـ في نص الليل ومن وراء عيلتكـ مش باش نخلي حد غيري يخطبكـ ويتزوجكـ باش بعدين لما نتزوجو نذكرو مع بعض لما خليتكـ تنزلي ع خاطري .. ولما بوستكـ أول مره ع خدكـ من غير ماتندري ههه
زينب :: ( مع اختفااء الابتسامه والعصبية ) سخيف ... احترم نفسكـ لانضربكـ كف يطرشكـ ..
كرم :: ههههههههه ... لا اله الا الله من حبيت انا ياربي منو ...
زينب :: هههه ...
كرم :: هههههههه مجنونة ...
:::::::::::::::::::::::::
:::::::::::::
( بعد ماروح كرم وخشت زينب ....... قعمزت زينب تتفرج )
:.:.:.
( في حوش #أمل )
يوسف :: ( خش لي دار ....... ) وين ع الخير ؟
زين :: ( يلبس ف حوايجه ) الخدمة ..
يوسف :: باللهي عليكـ،،!!!
زين :: والله هذا هوا ..
يوسف :: قعمز وريح روحك قعمز ....... جرحكـ قاعد ماااطابش وتبي تخدمـ ........
زين :: اي نعم .... وبنطللع وبنمشي وانت مش حاتمنعني يالله حول ...
يوسف :: تي قعمز لاتسمع بيك امك توا توريك ... ولا نغم كان سمعت شن بدير هههه
زين :: ماهو ي شاطر كانه انت ماتتكلمش هما مش حايعرفو نمشي ونجي وماحد يعرف بي شئ .... تمام
يوسف :: زين !
زين :: تماممم ؟
يوسف :: براحتكـ ،، أكيد مش حانجي قد عنادكـ انا ...
زين :: منور ..
:.:.:.:.:.:.:.:.:.
( أولـ ماطلع زين من هنا )
يوسف :: الله تقولي حاسه هالبنت
تلفون :: ترن ترن ترن ترن
يوسف :: أهلاً ..
:..........
نغم :: خيره الاخ تلفونه مسكر .....
يوسف :: بالكـ تم شحنه ...
نغم :: بالكـ ؟ .... انت وين وهوا وين ؟ ..
يوسف :: زوز ف الحوش ..
نغم :: معناها برا عطيه تلفون يالله ...
يوسف :: راقد ..
نغم :: نوضه ...
يوسف :: كلميه غدوا وخلاص انا اصلاً بنرقد وشحني تلفوني بيتسكر وبنحطه في شحن ...
نغم :: كذاااب ..
يوسف :: ع شنو هههه
نغم :: لانك انت لو يذبحوكـ ماتحطش تلفونكـ ف شحن وترقد ... يالله عطيني زين ولا قولي هوا وين ؟
يوسف :: ايوووواه شكلك فاهمه الوضع هه ..
نغم :: امممم معناها مهناش .... وين مشي ؟
يوسف :: لا مشي لا جي الولد راقد وانا بنرقد وتصبحي ع خير
نغم :: باهي ي يوسف باه
يوسف :: باه
نغم :: قدامكـ كل خير
يوسف :: يالله سلامات ......
.....................................................
( في دار #نغمـ )
نغم :: ( تكلم في روحها،،،،، ) اكيد مشي للخدمة ... اكيد مداهمه اكيد .... انا نعرفه اكتر من روحي يموت ولا يقعمز ف الحوش دقيقتين ع بعض .. حماااار ... يبي يخوفني عليه زايد نااقص ... اوووف ... تو حتى رقم صاحبه ماعنديش كيف بنوصله انا هوا ........
:.:.:.:..............................:.:.:.:
( بعد نص ساعة )
يوسف :: أيوااه ؟!!
نغم :: باللهي عليكـ يوسف تقولي وين ؟... انا واللهي خايفة عليه باللهي عليكـ ...
يوسف :: ماتخافيش عليه واللهي ماصايرتله حاجة الله ...
نغم :: باهي كلمه خليه يكلمني ... باللهي عليكـ تلفونه مسكر
يوسف :: تو نكلم صاحبه ونخليه يكلمك باهي ...
نغم :: توا باللهي عليكـ ....
يوسف :: حاضر باه ...
:::::::::::::::::::::::::::::::::::::::::::::::
::::::::::::::::::::::::::::::::
( بعد مرور ساعتين )
يوسف :: تي وينكـ ي راجل نتصل بيك وبي عزو ماتردوش زوز ؟
زين :: كنا ف المداهمة تلفونات مسكره .... شن فيه ؟
يوسف :: نغم قالبه عليكـ دنيا وخايفة عليكـ ..
زين :: تمام ...
يوسف :: كلمها توا ..
زين :: ماشي باه ......
:::::::::::::::::::::::::::::::::::::::::::::::::::::::::::::::::::::
( في حوش #منى )
تلفون :: ترن ترن ....ترن ترن ...
زينب :: اووو سياادة المحقق خير ان شاء الله ..
زين :: وين انتي ؟
زينب :: في ديسكوووو هههههه ... شن رايك ساعة 4 وين بنكون مثلاً ؟
زين :: ههه باهي نبي منكـ حاجة ...
زينب :: خير ؟ ...
زين ::..................
يتبع.............
#سلمى
