تمهيد
ـــــــــــ
روزي هايمي وهانا راحو يدرسو في جامعة أوكسفورد
روزي وهايمي كانو بيجهزو دكتوراه روزي في علم الانسان وهايمي في التاريخ القديم بينما هانا كانت لسه في سنين الدراسة الاساسية (لانها اصغر) كانت في قسم الكيمياء ...
في الحقيقة ايام دراستهم كانت هادية وصامته وحلوة لحد وقت تجهيز حفل خريجي قسم الادارة ..
في بداية تجهيزات حفل الخريجين كانت الجامعة بتختار طلاب من الجداد الموهوبين يجهزو الحفلة ويحضروها مع طلاب السنة الاخيره .
في كل قسم كانو بيختارو من الافضل وروزي وهايمي وهانا كانو دايما الافضل ف كانو طبعا علي رأس القايمه .. تمام اختاروهم ضمن 10 طلاب يجهزو الحفل اللي كان فاضلو شهر ومن ساعة مابدأو في تجهيز الحفلة وبدأ الهدوء والسلام اللي عاشو فيه الشهور اللي فاتت يختفي ويعلي الصوت .
في اول يوم في التجهيزات والبنات رايحه في الطريق :...
هانا : انا عايزة اعرف يعني احنا ايه يجبرنا نجهز لحفلة لناس غيرنا ايه الزهق ده والله هاين عليا اسيب الجامعة.
روزي : اللي يجبرك المكافأة 😍.
هانا : ياستي مش عايزة احضر حفلة لخريجين انا مانا هيتعملي حفلة بعد كام سنه احضر حفلتين ليه.
روزي : يا هانا ده فيه غيرك يتمني يكون مكانك.
هانا : ياستي خليهم ياخدو مكاني مش عايزاه.
روزي : بس قوانين الجامعة ان الاحسن هو اللي يروح 😁.
هانا : يلعن ابو دي قوانين اديني هتزفت اعصر علي نفسي لمونه واروح.
روزي : لمونه ايه ده احنا هينزل علينا عسل😍.
هانا : عسل 🙂!!
روزي : ايوة عسل ده انا شوفت الطلاب الخريجين حقيقي كنت هاكلهم في الصور 😍🤤 ماسورة رجالة حلوة ضربت 🤣 انا عايزة اعرف ايه مخلانيش ادخل ادارة اعمال بس 🤦♀️ دول يبقو معايا في نفس الجامعة واشوفهم وهما بيخرجو منها يلهوي ع القهرة.
هانا : كلمه زيادة وهرزعك قفا في نص الشارع كدا ومش هيهمني انك الكبيرة.
روزي : ايه انا عملت ايه 🙂؟ ده انا بحاول افك مود بس 😶.
هانا : احسنلك ماتفكيش وتمشي ساكته زي هايمي.
روزي بصت لهايمي ولفت لهانا تاني : هايمي ماشية بتسمع اغاني وبترسم ومش معانا اصلا ماعرفش بترسم وهي ماشية ازاي.🙂
هانا : نفسي اعرف بردو🙂.
وهما ماشيين كدا وهانا وروزي عمالين يتناقرو زي توم وجيري وهايمي مش معاهم اصلا فجأة حد خبط في هايمي وقعها هي والرسومات بتاعتها.
أنت تقرأ
- The Meaning of Love -
Romance- 🌻 فضلا ماتنسوش تعملو Vote لو عجبتكو 🌻 - فيه مواقف بتفقدنا الثقة في اي حد بس ياتري شلة هاروها هتقدر تثق في شلة Wolf بعد اللي عملو واحد منهم في هايمي؟
