سمعو صوت تكسير عالي جاي من عند هايمي طلعو بسرعة يشوفو ايه ،لقوها في حاله انهيار وعماله تكسر في الاوضة لسه هيحاولو يقربو منها فجأة تعبت وجريت علي الحمام عشان تتقيأ ، والموضوع كان سيء وكإن امعاءها هتخرج منها . . تشانيول جري عليها مسك دماغها ونزل عليها مياه دافية عشان تفوقها وتوقف استسلام للترجيع ، وبعد دقيقة وقفت ورفعت دماغها وخرجت من الحمام وقفت في نص الاوضة باصة لانعكاسها في المراية، صوت انفاسها بدأ يعلي لحد ما خرجت صرخه وحدفت تليفونها علي المراية كسرتها وكسرت التليفون وبعدها قعدت مكانها تصرخ صراخ هيستيري، صراخ وجع وكسره وقهر ، كلهم حاولو يقربو منها عشان يحاولو يهدوها بس كانت بتزق كل اللي يقرب منها وصراخها بيزيد سوء وبتردد في صراخها -((اخرج من دمااغي))- فضلت تصرخ بكل قوتها لفترة مش قليله لحد ماصوتها بقي مبحوح وشبه منعدم كانو بيراقبوها وعينهم منساله بالدموع مش عارفين يعملو ايه لحد ماوقفت ووقفت صراح وراحت خدت تليفون من درج عندها ، تليفون مش حديث تليفون من التليفونات اللي فيها استشعار طويل واتصلت بحد وحطته علي ودنها . .
هايمي 📱: اسفه علي الازعاج يافندم بتصل في وقت متأخر
النقيب 📱: وقت متأخر ايه ياهايمي انتي شكلك نسيتي احنا كنا بنصحي ونبدأ تدريباتنا ومهماتنا امتي من القعدة
هايمي بصت للساعة لقتها 4 الفجر وده كان وقت اللي كانو بيصحو يبدأو يومهم فيه .
هايمي 📱 : معاك حق يافندم القعدة خلتني نسيت التدريبات
النقيب 📱: متصله ليه بقي محتاجة حاجة؟ وصوتك ماله لا يا اثينا انت متعود منك علي كدا
هايمي 📱: اثينا عايزة تنزل الساحة تاني يافندم ف لو ينفع توقفلي الاجازة .
النقيب قلق 📱: في حاجة حصلت؟
هايمي 📱: هكون عند حضرتك انهاردة بعد الضهر بافندم
النقيب 📱: ماشي يا آسا هستناكي
قفلت التليفون ورجعتو مكانو وبصتلهم .
هايمي : متقلقوش النهاية قربت . . قربت اوي
راحت جابت مكنسة يدوية عشان تكنس بيها التكسير اللي في كل حته ورفضت ان حد يساعدها وبعد ماخلصت رمته علي الهدوم اللي كانت رمياها ، وبعد ماخلصت راحت عشان تنام ناحية السرير اللي حست برعشة لما قربت منه وبصت لتشانيول اللي طلب منهم يروحو ينامو وهو جنبها وهما مشيو بهدوء وهو قرب منها وطبطب عليها عشان تهدا ...
تشانيول : تحبي ننام في الجنينه لو السرير مضايقك؟
هايمي : هينفع في الهوا ده؟
تشانيول : اكيد هينفع هناخد لحاف تقيل عشان الهوا ونروح لحظه
فتح الدولاب وجاب لحافين كبار عشان يحطهم فوق بعض ومخده مسكهم بدراع ومسك ايدها بالدراع التاني ونزلو للمرجيحه اللي في الجنينه
أنت تقرأ
- The Meaning of Love -
Romance- 🌻 فضلا ماتنسوش تعملو Vote لو عجبتكو 🌻 - فيه مواقف بتفقدنا الثقة في اي حد بس ياتري شلة هاروها هتقدر تثق في شلة Wolf بعد اللي عملو واحد منهم في هايمي؟
