- The Meaning of Love -

10

هايمي فضلت واقفة صامته مش عارفة تقولهم ايه لان هي نفسها مش عارفة هي حاسه بإيه ..

تشانيول بتردد : هايمي قولي اللي انتي حاساه بصراحة ونوعدك مش هنضايق منه ايا كان ....

هايمي خدت نفس عميق وبصت للارض لحظات بعدين بصت لتشانيول : تشان لو عايز الصراحة ف الصراحة اني مابحبكش ..

تشانيول سمع الجملة وكإن مكعب تلج كبير نزل عليه جمدو وتوقع اللي هتقولو بعدها وبص لاتجاه بعيد...

هايمي كملت : واصراحة ان لسه فيه شوية مشاعر عندي متعلقة بتاو..

تاو عينه وسعت من اللي سمعو وقلبو كان هيرفرف وتشانيول غمض عينيه واداهم ضهرو....

هايمي كملت : .... بس الجزء اللي متعلق بتاو متعلق بصداقتنا اللي كانت في الاول وماينفعش اقول عنه حب لان حبي لتاو مات ومافيش ميت بيصحي .. عارف حتي لو انا فاهمة غلط واللي جوايا ليك ده حب ف انا بردو مش هوافق اننا نرجع تاني حتي لو مازلت هموت عليك لان حتي لو حبك بقي صادق حتي لو سامحتك ع اللي فات لو رجعت حبيبتك تاني هيفضل عندي شك انك بتخدعني هفضل افتكر انك مليت فراغك بيا وانا مابقبلش علي نفسي اكون سد فراغ ومابقبلش بالفرصة التانيه ف يكون افضل ان لو رجعنا نرجع اصحاب بس مش اكتر

تاو رجع لوضعيته تاني لان اللي توقعو لقاه حاول يتقبل الموضوع وحاول انه يبتسم علي قد مايقدر .. هو اصلا كان عارف انها كارهاه ف انها تبقي عايزة ترجع صداقتهم ده يعتبر اكتر من اللي كان عايزو..

تاو : يعني انتي مش عايزة حد فينا..

هايمي : مين قال كدا؟

تاو : انتي قولتي مش بتحبي تشان ومش هترجعيلي

هايمي : ايوة انا قولت كدا بس ماقولتش اني مش عايزة حد اولا انت هترجع في دايرة الاصدقاء ثانيا انا قولت مابحبش تشانيول اه بس ماقولتش مش هحبه انا ماحبيتوش حتي الان لسه او بمعني اوضح مشاعري ليه ماقدرش اوصفها بحب لسه لحد ماتأكد عشان ماكونش كدبت عليه بس اقدر اسميها انجذاب اعجاب او حاجه زي كدا.

تاو بص لتشانيول وتشانيول رفع راسو في صمت وصدمة ومالفش حتي يبصلهم هو فاكر ان هو سمع غلط او بيتخيل...

هايمي : تاو ممكن تسيبني اتكلم معاه شوية؟

تاو بتنهيده : اه اكيد همشي وانتو اتكلمو

هايمي : شكرا

تاو مشي وهو يمكن احسن لانه ع الاقل رجع صداقته معاها ومع تشانيول اينعم حزين انها مش هتبقي معاه بس هو هيحاول يتقبل الوضع ويتعود عليه ..
هايمي بعد ماتاو مشي وقفت ورا تشانيول ومسكت ايده وسكتت هو قعد يتكلم وهي مابتردش ..

تشانيول : انتي ليه قولتي كدا لو مابتحبنيش ماتوهمينيش بآمل لو مابتحبنيش مش هزعل لو قولتي كدا عشان تزودي الندم عند تاو قوليلي بس قولي الحقيقة هايمي