- The Meaning of Love -

15

"هايمي : تاو لو مشيت في اللحظه دي وسبتني صدقني لو رجعتلي بتموت مش هرجعلك حتي لو رجوعي اللي هيحييك وده مش تهديد انا ولا برجع في كلامي ولا بهدد انا بعمل اللي بقولو واللي مابقولوش كمان بعملو

تاو رد وهو مديها ضهره : بس انا مش هرجع افهمي اني مابحبكيش وماحبتكيش

قالها بنبرة قاسية ومشي من غير مايبص وراه ولا شاف انها وقعت منهارة وراه من الكسرة اللي كسرهالها ..

قعدت مكانها مقهورة ومكسورة ولأول مره تحس فعلا ان مالهاش ضهر وانها فعلا يتيمة .. وبعد دقايق لقت رقم بيتصل بيها وعرفت انه روبرت مسحت دموعها وخدت نفس عميق ووقفت تاني وردت وهي مش ظاهراله انه كسرها واتكلمت معاه بكل برود ..

هايمي : نعم ،، لا توقيت رائع الحقيقة ظابط اتصالك بالدقيقة

روبرت : مادام قولتي كدا يبقي عرفتي ان انا ، يااه معقول بتحبيني اوي كدا لدرجة انك تحسي بيا من قبل ماتكلم؟

هايمي : بحب امك عارفها؟

روبرت : طبعا لازم تحبي حماتك المستقبلية 😌

هايمي : ده عند امك يا روح امك، ماتتأملش كتير اللي حصل ده كان وقعة الشاطر اللي بألف ، وصدقني  اكبر غلطة هتندم عليها في حياتك انك فكرت تدبر للشاطر ده الوقعة دي لانه لما يقوم مش هيرحم حد

روبرت : شكل حبيب القلب زعلك جامد، مانا قولتلك من الاول ده مايستاهلكيش ده صاحبي من زمان وعارفو مش قد المسئولية ، ماصدقتنيش وعملتي انك ماسمعتنيش، اسمعي مني انا هريحك اوي 😉

هايمي : هه حقيقي انت صعبان عليا ، مخدوع ومصدق الكدبة اللي انت عايشها اوووي، عايزة اعرفك حاجة صغنتوته اوي مصادرك اللي وصلتلك ان انا وتاو فيه بينا حاجة او بنحب بعض عبيط اوي، انا وتاو صحاب من زمان اوي وكل اللي بينا علاقة صداقة واخوة، ف حركة انك ترجعله حبيبته دي كانت حركة ساذجة وغبية اوي ومهروشة حقيقي ضحكتني بس عادي العب براحتك عشان وقت اللعب بتاعك قرب يخلص وانا مابرجعش في كلامي ولا بهدد انا اللي بقولو بنفذه وكمان اللي مابقولوش بنفذه .. و اااه قبل مانسي عايزة اقولك حاجتين الاولي انك عمرك ماكنت صاحب تاو او اي حد من بقيت الشلة والتانيه اني رايحه لحبيبي الحقيقي بعد شهر لو حابب اعرفك عليه ابقي تعالي بدل ماتدور من وراه، وكمان ريح نفسك وماتدورش كتير لان مافيش غيري في حياته باي باي يا..... هه

قفلت في وشو ووقفت تستجمع نفسها تاني وتلحق دموعها اللي كانت بتنزل من غير تحكم اول ماقفلت، لحظات ولقت لوهان بيكلمها..

لوهان بقلق : هايمي انتي فين؟؟

هايمي اول ماسمعت صوتو ماقدرتش تتحكم وقعدت تعيط وماعرفتش ترد ..

لوهان : طب طب اهدي طيب اقولك ماتقوليش حاجة ابعتيلي لوكيشن انا هاجي اخدك

قفلت فعلا وبعتتلو مكانها وماعداش 10 دقايق وكان وصل ولقاها قاعدة علي سور البلكونة، هو خاف وجري عليها بس اول ماوصل عندها قبل مايسأل لقاها بتجاوب..