تشانيول وهو ماسك ايد هايمي وقاعد علي ركبته قدامها : هتعرفي بس غمضي عينك...
غمضت هايمي عينها وتشانيول مسك كتفها نيمها علي ضهرها علي السرير ، سرح في ملامحها لحظات بعدين ابتسم وساب ايدها وبِعِد .. هايمي حست بضيق وتوتر لما ساب ايدها وبعد ومش حاسه بوجوده في المحيط بتاعها ، معداش دقيقة وكان رجع ونام علي ضهره جنبها ومسك ايدها وهي شدت قبضتها علي ايده .
تشانيول وهو بيبوس ضهر ايدها وبيحطها علي صدره خاصةً علي قلبه : انا هنا متخافيش
هايمي وهي بتاخد نفس عميق : مش خايفة
تشانيول مبتسم : انا سمعت صوت انفاسك العالية وانا في اخر الاوضة
هايمي : ده عشان سبتني ومش شايفاك ولا عارفة انت فين
تشانيول : يعني كنتي خايفة؟
هايمي : مخاوفي هي ان حد منكو يتأذي او اخسره اويبعد عني واكبر مخاوفي هو اني محسش انك موجود جنبي
تشانيول قرب عليها ببطء وبقي راسه فوق راسها وشه مقابل لوشها فضل باصصلها يتأمل فيها وقرب باس جبينها بوسه هادية وبعد وشه شوية يلاقيها مبتسمه زي الاطفال وقبضتها مشدوده لسه علي ايده ضحك ضحكه هادية ورجع نام جنبها تاني باصص للسقف .
تشانيول بسؤال خبيث : لسه مش مستعده ؟
هايمي بتمثيل عدم الفهم : انا مستعدة بس قولي وهفتح عيني
تشانيول بصلها وضحك بتنهيد : ولو انا مقولتلكيش تفتحي مش هتفتحي؟
هايمي : لو عايزني افضل مغمضه طول عمري وماشية وراك هعمل كدا
تشانيول بصلها وسكت شوية : مش هتخافي اوقعك او اخدعك واستغل انك مش شايفة اللي بعمله
هايمي : صدقني انا عشت حياتي كلها خايفة من البشر وخايفة علي اللي بحبهم روزي وهانا والشباب كنت بخاف كل ماشوف العاب نارية كنت بخاف لما بسمع صوت القنابل في العمليات اللي كنت بتكلف بيها عشت حياتي كلها خايفة وجربت كل انواع الخوف .. معاك بس بقدر اتطمن، لو عملت ايه فيا صدقني وجودك جنبي لوحده كفاية يخليني مش خايفة، تشانيول انا قلبي بيهدي لما بحس بصوت نفسك واسمعه بس يعني يكفيني بس اني احس انك جنبي
تشانيول : حتي لو خليتك مشيتي ورايا لحافة الانهيار؟
هايمي : يكفي اني هكون معاك لو في اخر العالم
تشانيول : حتي لو سبت ايدك وسبتك تقعي؟
هايمي : مع اني واثقة واراهن بعمري وحياتي وكل مافيا انك مش هتعمل كدا بس بردو وقتها هكون مرتاحة انك اخر ايد مسكتها
تشانيول سحبها في حضنه وشد الحضن : انا لو اقدر اخبيكي جوايا عشان حتي نسمات الهوا ماتطرفش عينك هعمل كدا
أنت تقرأ
- The Meaning of Love -
Romance- 🌻 فضلا ماتنسوش تعملو Vote لو عجبتكو 🌻 - فيه مواقف بتفقدنا الثقة في اي حد بس ياتري شلة هاروها هتقدر تثق في شلة Wolf بعد اللي عملو واحد منهم في هايمي؟
