- The Meaning of Love -

13

استسلم تشانيول لهايمي وبدأ ينسجم معاها بس بعد مابدأ يتعمق في الموضوع معاها وبيخلع الباقي من هدومها ....

هايمي وهو منسجم معاها : لا .. لااا "زقتو بعيد عنها وبعدت وصرخت في وشو" بقوولك لاااا ااابعد عنيييي

تشانيول رجع لورا وبصلها بصدمة من تصرفها وقلق عليها في نفس الوقت ، مسكت هي دماغها بإيديها الاتنين جامد وكأنها كانت عايزة تكسرها وبعدين مسكت فستانها تاني ولبستو ، حاول يقرب منها يفهم فيه ايه بس اول مالمس كتفها جسمها اتنفض وبعدت عنه ..

هايمي : قولتلك ابعد عني ماتلمسنييش

تشانيول عشان يهديها رجع لورا تاني ومسك قميصه يبلسو ..

تشانيول : حاضر مش هقرب منك ومش هلمسك بس فيه ايه حصلك ايه ؟ انتي كويسة؟؟

بصتلو ولقتو باصصلها بقلق وخوف ظاهر اوي راحت مزعقة في وشو ..

هايمي : ماتبصليش بالنظرات دي مش عايزة اشوف وشك الخايف والقلقان عليا ده ، انا مابموتش عشان تبصلي بالخوف ده

تشانيول وهو مش فاهم : هو حصل ايه؟؟ انا مش عارف حتي غلطت في ايه عشان تتخانقي معايا وتبعديني كدا

هايمي ردت بانفعال : ماحصلش حاااجة ومافيش ، كل الموضوع اني ماستحملتش لمسك ليا قرفت من لمساتك ليا دي مقززة

تشانيول تنح للحظه وهو مش مستوعب اللي بيحصل ورد وهو مصدوم : لمساتي ليكي قرفتك و مقززة !!

بصتلو ولقتو في حالة ذهول من كلامها واستوعبت اللي هي قالته .. حاولت تقرب منه وتمسك أيده بس هو زق ايدها بعيد ..

هايمي : ءء تشاني انا .. انا اسفة بجد ..انا...

تشانيول : انا اللي اسف اني قربت ليكي بعد مانتي اللي طلبتي ، مش انا اللي فرضت نفسي عليكي ، اسف ان لمساتي ليكي كانت مقززة للدرجة دي

حاولت تحط ايدها علي كتفه بس زقها بردو وهي كانت هتعيط من اللي بيحصل وهو لاحظ بس بردو ماحاولش يقربلها فضل باصصلها بس ..

هايمي : انا.. انا ماقصدتش كدا صدقني .. كل الموضوع اني... اني ماكنتش مستعدة لسه

تشانيول : قولتلك بدل المرة عشرة بلاش دلوقتي وانتي اللي اصريتي ، ودلوقتي بقيت انا اللي غلطان

هايمي : انت ماغلطتش .. تشانيول انا اسفة انا بجد ماقصدتش اللي فهمتو بس انا ماكنتش مستعدة لأي لمسة من اي حد ، ومش انت السبب ..

تشانيول : امال مين السبب؟! تاو!؟

هايمي : ولا تاو ، تاو ماكنش وحش معايا للدرجة اللي انت متصورها دي ..

تشانيول : يعني كان فيه حد تالت

هايمي : ماتتحسبش كدا عشان هو مكانش فيه حد تالت ... مش قادرة اقول دلوقتي بس كل اللي اقدر اقولهولك اني فعلا مش كويسة والسبب مش منك