- The Meaning of Love -

5

تاو راح ورا تشانيول وكان عايز يعرف مدي قربه بهايمي ولما سمع كلام هايمي واللي عاشته كان هيروح يرد عليها لما لقاها هتعيط بس قبل مايتقدم خطوة لقي تشانيول حضنها وهي حضنتو جامد ف اتراجع ووقف مكانو مش متحمل ولما غمض عينه لانه مش عارف يشوفهم كدا ولما فتحها شافهم بيبوسو بعض لف بسرعة وانفاسه بقت سريعة ..

تاو : لا لا لا لا 🤦‍♂️😭

ماكملش دقيقة ومشي بسرعة لانه ماتحملش وراح قعد جنب لوهان بيحاول يداري اللي هو حاسه في اللحظه دي بس لوهان فهم ان تاو شاف حاجة ضايقتو كان مش عارف يواسيه او يسيبه لان هو اللي عمل كدا في نفسو ف طبطب علي رجلو وبصلو وسكت..

*في المطبخ*

كريس : انهاردة كان يوم جميل بجد بتمني الايام اللي جاية تكون زيه عشان تبقي ذكري معايا.

هانا وهي بتضحك : محسسني انك هتموت 😂

كريس : 😂😂 لا بس هنسافر بعد الحفلة بأسبوع يعني احنا فاضلنا هنا 12 يوم بالظبط

هانا سمعت الجمله دي ووقعت براد القهوة من ايدها وتنحت ..

كريس جري ناحيتها : مالك حصل ايه اتلسعتي ؟ انتي كويسة؟

هانا بصتلو بصمت وحست بوغزة في قلبها وبعدين زقت ايده بعيد عنها .

كريس : فيه ايه 😶؟

هانا نزلت تلم الازاز : مافيش حاجه "جه يقرب يلمه معاها زقتو" انا هعملو ماتتدخلش

كريس فضل باصصلها وهي بتلم الازاز : هانا فيه ايه حصل انتي بطلتي تتعاملي معايا كدا..

هانا قامت ترمي الازاز : كدا ازاي انا مش شايفة فيه اختلاف يلا عشان نخرج

كريس : طب فهميني حصلك ايه؟

هانا بصتلو وعينها هيخرج منها سكاكين ترشق فيه : قولت مافيش يلا

مسكت صينيه اللاتيه وخرجت وهو مش فاهم حاجه وخرج وراها ..

*عند روزي*

كاي سابها بعد شوية وهي مازالت مغمضة ومش عايزة تفتح هي مش فاهمه ايه اللي بيحصل معاها بس هو شعور جميل ومش عايزاه يخلص كاي فضل باصصلها وملس علي شعرها بابتسامة وهي فتحت..

روزي : هتتضايق لو قولتلك مازلت مش فاهمه؟

كاي : مش فاهمه شعورك؟

روزي : حاسة ب اني مبسوطة بوجودك وانا حضناك حسيت باني مش عايزة اسيبك مش عايزاك تبعد بس في نفس الوقت خايفة اقرب

كاي : ليه خايفة

روزي : ماعرفش بعد ماقرب هيحصل ايه خايفة اقرب وانت تبعد

كاي ابتسم ومسك ايدها حطها علي قلبو : طب مش انا اللي هرد هخليه هو يرد علي سؤالك

روزي اول ماحط ايدها علي قلبه عيطت راح حاضنها تاني..