- The Meaning of Love -

17

في مطار اكسفورد (او مايسمي بمطار كيلينغتون) متجهين لمسقط راسهم ومش عارفين ترتيبات آسا (هايمي) هتاخدهم لفين ، واول ما الطيارة اتحركت بيهم تفاجئهم هي وتشانيول انهم قررو يتجوزو اول مايوصلو ..
كلهم اتحمسو للموضوع وباركولهم ببفرح ، وفي حين هما بيباركولهم هايمي دخلت غرفة مقفولة في الطيارة (للمعلومات الطيارة خاصة) وسابتهم من غير ماتقول كلمه بس هما كانو عارفين ان فيه مليون حاجه في دماغها..
عدي مايقرب للساعة وهي جوا لوحدها بعدها خرجت خدت هانا وروزي وايثان وايدن ودخلو شوية وخرجو وهي جوا خرجت بعدهم بدقايق قعدت مكانها جنب تشانيول سندت دماغها علي كتفو وغمضت عينها عشان تنام قبل مايوجهولها اي اسئلة ...

ساعات الرحلة عدت من غير مايحسو ، وصلو والشباب كانو هيقيمو معاهم في بيتهم لزيادة الامن اللي ذهلهم فخامته وحجمه، كان قصر مش بيت عادي، تحسوه بيت ملكي يصتف قدامه صف من احدث العربيات في كل الماركات الغالية مع دراجات نارية سريعة ،، منظر المكان كان مبهر ومذهل بشكل مبالغ ماتوقعوش كل ده ، دخلو واستقبلهم العاملين في البيت و وصلوهم لاوضهم ، دخل كل واحد ولقي حاجاته مترتبه في الاوضة بنظام (بعتو متعلقاتهم في رحله اليوم اللي قبل سفرهم وكان العمال في البيت رتبوهم فعلا حسب الليسته اللي بعتتها هايمي مع الشنط) دخلو استحمو وغيرو هدومهم ونزلو عشان يتعشو سوا وهما بيحطولهم الاكل علي السفرة هايمي وجهت كلام لرئيسة العاملين في البيت ..

هايمي وهي بتقطع الاستيك بتاعها وملامح باردة : شكرا علي الوجبة وشكرا علي الخدمة البرفكت اللي قدمتوهالنا الفترة اللي قضيتوها معانا بس دي هتكون اخر ووجبه تقدموهالنا..

رئيسة الخدم بتوتر : هو حصل حاجه؟ حد مننا غلط في حاجة؟ .. ءء اخر وجبة ...

كلهم كانو باصين لهايمي باستغراب مستنين تبرير

هايمي بصتلها بابتسامة خالية من اي مشاعر : لا محدش غلط في حاجه بس احنا مستغنيين عن خدماتكو اخر حاجه تقدرو تعملوهالنا تجهزولنا حفلة صغننه كدا قبل ماتمشو وممكن تحضروها معانا لو حابين

رئيسة الخدم : سيدة هايمي.. حصل ايه خلاكي عايزة تستغني عننا حد قصر في حاجه؟ ..

هايمي : بيتهيألي انتي قضيتي وقت كافي يخليكي تعرفي اني مابحبش اعيد كلامي قولت ماحدش عمل حاجه ، بس احنا مابقيناش محتاجين خدم خلاص

رئيسة الخدم : بس ..

هايمي :روحو جهزو الحفلة مش عايزة تاخير روحو هتلاقي ليسته محطوطه في المطبخ مكتوب فيها المطلوب منكو ..

رئيسة الخدم بصت للخدم عشان يروحو وراها ومشيت وهما وراها ..

هايمي : هتعرفو كل حاجه في وقتها ، دلوقتي خلونا ناكل عشان نروح نسجل جوازي انا وتشاني ونجهز علي مايجهزو الحفلة