قلبي والشيخ

بارت الثلاثين

سلام عليكم

تمارة :يلا راح اطير الطيارة يمعودين
رائد :انه خلصت بس شكلها اختج ما عاجبتها الروحه ابد
تمارة :هية دومها ما يعجبها العجب
رائد :اي بكيفجن بعد وحدة يعجبها وحدة لا
زهراء :خلصت امشونة
زهراء...وصلنه للمطار وصعدنه بالطيارة و انه وتمارة نمنه ورائد وعلي ناموا قبلنه

تمارة...نمت وقبل لا تهبط الطيارة بنص ساعة انه كعدت ولكيت علي كاعد
احنه كاعدين بالكراسي انه وعلي سوة وتمارة ورائد سوة

تمارة ...كعدت من النوم وسئلت علي ؛علي حاليا احنه وين ؟
علي :المكان الي بي كل مواجعنه وكل المنه وفرحنه ...اعتقد عرفتي؟
تمارة :هههه اي عرفته
شلون ما اعرفة
علي :اكلج شيء
تمارة :كول
علي :اشتاقيت للكل ... اصدكين؟
تمارة :انه هم والله هههه
علي :هههه والله صرنه نحب كلشي بلعراق حتى الحزن ..غريب هل شيء صح
تمارة :اكيد غريب على الي مو عراقي

.......
وصلنه لبيت اهله لعامر وكعدنه انه ويا بلهول وامه اجت تعاتب بي وتحجي كدامي اني بايكته ورجعت فتحت سيرة الاطفال علمود انزعج واضوج بس هلمرة ابتسمت ابتسامة من الاذن للاذن وعامر باوعلي وضحك وكلهم استغربو

ام عامر :يا سودة علية يمه اتمنيت قبل ما اموت جهالك يدخلون گبلك من تجي واعرف انته جاي منهم شوكت اكحل اعيوني بشوفت جهالك يبعد حيل امك

صفا :يا عمة جا مو احنه جايين علمود هذا الموضوع

ام عامر :شنو يا موضوع ...ااا..انتي حا..حامل

صفا :اي عمة حامل الله ايتمم الي على خير

ام عامر بغيث:امين يا رب العالمين
مبروك يمه
عامر :الله ايبارك بيك

كل الموجودين :يربة بعزك ودلالك

ام عامر :يمه عامر انه قررت اخطب الك بت عمك
عامر :نعم يمة ههههه تشاقين
ام عامر :شنو اشاقة خطبتها وخلص
عامر :يمه....
ام عامر :والله اذا ما ما سويت الها عرس فلا أرضى عليك يا عامر يا ابن بطني
عامر :انه ما كتلج خطبيها
ام عامر :تريد اتفشل امك
عامر :انت خطبتيها انت اتزوجيها كايلج انه اتخطبين يمه انه صفا عندي ظفرها يسوة بت عمي وعمي هم
هههههه والله يمه ضحكتيني شهل حجي خطبتيلي شنو وانه جاي افرحج بحملها شبيج يمه

ام عامر -تمثل تبجي-:هيج انه ما الي اهمية عندك يبن بطني
عامر :خوش حجي باجر انه رايح لبيبيتي تخطب لابوي واذا ما قبل تغضب علي ...ها شرايج يمه
ام عامر :يا عود صدك ولك هيج تحجي وياي ولك انه التعبت عليك وسهرت على راحتك هيج اجازيني
عامر :يمه انتي تريدين تعاستي
ام عامر :انه لان اريد سعادتك خطبت بت عمك
عامر :لا انه فرحتي وسعادتي وحياتي وي صفا
فهمتي يا امي يا حبيبتي يا عيوني يا ام عامر اروحلج فدوة عوفيني وي مرتي فرحان بت عمي ما اريدها ابوس ايدج
ام عامر :يا يمه اكيد هاي ساحرتك
عامر :ايباه جا شحلات السحر منها
ام عامر :يا ربي سترك
عامر :اصدكين يمه كلشي منها حلو حتى السحر ههههه
ابو عامر :اسلام عليكم اشلونج بوية صفاوي
صفا :الحمد الله بوية انت اشلونك
ابو عامر :بوية اذا انت بخير انه بخير
صفا :الحمد الله من الله ابخير بس بعد ما تسألني
عني بس
ابو عامر :يا الله جا بعد عن منو اسئل ههه
صفا :عن ابني
ابو عامر :الف مبروك بوية
عامر ....دخل ابوي وانه كمت سلمت علي وبدة يحجي وي صفا ابوي عكس امي ايحب صفا لان يعرفها خوش ابنية وبت اصول امي ما اتحبها لان اتريد بت عمي قبل ما اخطب صفا اصلاً وانه ما اريدها وجانت اتخطط تاخذلي بت عمي بس صفا خربت مخططاتها هههه

صفا...طول الحجي انه فرحانه من عامر دومه يوكف بصفي لان يعرف امه وهو هذا اسلوبة بلحجي وي كل الناس ما يكدر ايغيرة ابد ويتسودن من بت عمه لان يعتبرها اخته و على الرغم من انو هية اتجنن وتكول للكمر كوم وانه مكانك واحلا مني بهواي واخلاقها عالية ما اعرف شنو السبب ايخلية ما ايريدها وهية تدرس كلية ثانية هندسة  واصلا ما ايهمها عامر مهتمه ابدراستها ودائما هية الاول بدراستها وتحبني ودائما تحجي وياي وتكلي والله ما اريد عامر وانه معتبرته مثل اخوي بس شسوي والله ابوي ايكطعني وصل اذا اكلة ما اريد عامر ايبطلني وضاله ساكته وانه احبج لان خربتي السالفة انه اريد اكمل دراسة واكون نفسي والله بس خلي اخلص كُليتي بعد محد يكدر يجبرني على شيء حتى ابوي الظالم والله ايشكك الكتب من ايشوفنه ندرس الله كريم الله ايطول بعمر امي هية الي تتحمل الضرب من توكف بوجهه علمودنة وفوكاها متزوجه غصب عليها هاي العائلة تتزوج كلة غصب يعني عبالك يدرون افلانه ما اتحب افلان وافلان ما ايريد افلانه يجون همة ويكولون لازم يتزوجون وزوج اختي غصب عنها الأبن  اخوة الجبير ومن تجي زعلانه لان كاتلها فوك كتلتها يكتلها ويوديها الهم بنفس الساعة 

تمارة...وصلنه ورحنه كبل لبيت خالي
دكينه الباب
سمير :منو منو
علي :انه
ابو سمير :من بالباب بوية
سمير وابو سمير : .......

يتبع ......

خداحافظ همه 💫♥️
وداعا للجميع 💫♥️