قلبي والشيخ

بارت الثالث والاربعين

شكثر كسرات
واصعب كسره چانت كسرة الخاطر
شكثر لچمات ونگول الفرح باچر

مصطفى الخزاعي

#الكاتبة فاطمة منصور

علي :هذا انته منو
-نسيتوني
تمارة طلعت اشوف منو اجة لان اتأخر علي لبين ما يفتح الباب
تفاجئت رجال تارس وجهه لحيته طويلة وشعرة طويل واصل لاول كتفة ولابس مناظر 
نزعهن وكال العلي نسيتوني
علي :يعني تكدر اذكرني
-انه عمك يول شني نسيتني
تمارة..من الصدمة احس كلبي يدك بسرعة وصرت ارجف ما ادري اروح اطردة اشبكة وابجي ارزلة معرف بقيت امشي بثقل واذكر من كال العلي انه عمك ونزع نظاراته عيونة ذابلة حيل

علي :انته بعد كل هسنين الغبتها وبعد ما موتت امي وابوي من قهرهم عليك جاي بكل بساطة .....
تمارة...سكتت علي :انتظر علي عوفة خلي يدخل
علي :من كل عقلج يدخل
تمارة :هلي الدم ما يصير ماي خوية
علي :لا اله الا الله ادخل خنشوف قصتك وسبب جيتك والبنية الي موتته يا مجرم ولكم يا خلك الله شلون ادخل مجرم لبيتي حسبي الله ونعم الوكيل عليك وعلى كل ظالم
تمارة :كافي علي ...ادخل رافد
تمارة...دخل رافد وبعدين علي وانه اخر وحدة دخلت
جانت زهراء نازلة من الدرج ومن صدمتها حسبالها رجال غريب دخل
زهراء :ا..اا.ان..انت ممم منو
علي :هذا الظالم
تمارة :علي
علي :هذا عمج رافد المحترم المؤدب الي ما كتل احد ما هجم سمعة ناس ابدا مو هوة هسة ست تمارة عجبج الحجي
تمارة ...احجي برود كاني شخص مريض كوة ديحجي لهذا ضاج علي
تمارة :انه ما قصدت هيج ابد بس خلي نعرف السالفة منه اول وبعدين نعرف اذا ظالم او لا
علي :يا ربي يا محمد شبيج شنو اذا ظالم او لا ولج البنية انكتلت من وراى شدتحجين انتي
رافد :اسمعني علي خلي اوضح القصة وبعدين اروح لاهل لبنية وشيريدون ايسوون بية يسوون بعد ما عندي شي اخاف علي اجيت ابري ذمتي يمكم وما اخليكم معلكين بقصتي الي حرمتكم من بيتكم ...
قاطعة علي :اي وهستوك دريت حرمتنه من بيتنه وعيشتنه وامنه وابونه وغربتنه ببلاد ما نعرف ناسها ولا حراسها وجاي بكل بساطة ابري ذمتي اتبري ذمتك انته وانه صار براسي يتامة يومية اسمع صوت بجيهم يفطر بكلبي ولك انته شنو
رافد :ادري والله اني غلطان بس اسمع القصة مني واحكم والله متشوف وجهي مرة ثانية
علي :هذا شيء اكيد
تمارة : سمعنة قصتك يا رافد دام الكل اهنا
التفتت زهراء وكلتلها صيحي رائد بسرعة
زهراء :حاضر ..رحت صحت الرائد
زهراء ولك رائد رائد كوم شوف منو اجة اكعد بسرعة
رائد :ها ها يا هو مات ...منو اجة ...وثول شبيج
زهراء :ولك فال الله ولا فالك رافد اجة
رائد :منو رافد
زهراء :يا حقك ولك عمك رافد لو اتشوفة ما اتعرفة
رائد ...كعدت كعدة هستوني استوعب تكول عمي رافد وهذا يمتى اجة وغير اتكعدوني
زهراء :يا ضرب مخك انته جا اجاي اسوي انه مو جاي اكعدك يلة اكعد يردوك انزل بسرعة يريد يحجي قصته مو ترجع اتنام
نزلنه انه ورائد وكلنه كاعدين على القنفات وحجة رافد :انه اعتذر واتمنه سامحوني من كل كلبي وخلوني رجاءا احجي بدون مقاطعة
رائد :اي اتفضل محد راح ايقاطعك
رافد ابتسمت اله صاير رجال ويحجي بزودة :انه جنت كاعد بالكوة جان اشوف البنية الحبيتها من كل كلبي جاية وياها جنطتها اجتنه تستغيث بية عمو علي انه مو ذنبي ابد هية اجت كالت الحكني اهلي راح ايكتلوني اخذتها لشقة وكعدتها والله شاهد ما دخلت باب الشقة اجيت اخذت امك ورحت الها تبقى يمها واي حجي غير هل حجي وصل الكم جذب الله شاهد علي كل هل حجيته صار
وامك يا علي انه مو سبب موتها ابد انته تعرف انو امك ماتت وهية مدعومه
علي :اعرف هل شيء لو لا قصتك جان ما صار الي صار
تمارة :لا تعترض على امر الله يا علي
رائد :اي بس خلي ابالك لو الدنية تنكلب ما اخليهم ايمسونك لو اياذونك انته مو مذنب ابد بتهم الي رادو يكتلوها وشردوها انته ما دخلك
صاح علي :انته لا تتدخل
رئد :بس هل شيء من حقي مثل ما هو عمك هو عمي ومو منحق اي احد يطلعني اذا انته ضدة انه لا لانو اذا انته مقهور على امي فامي ما كتلها ماتت لسبب ومو هوة الجان يسوق يا علي
تمارة....بعد ما سمع علي الحجي اتوتر وحط ايدة على شعرة وكال: انتو من كل عقلكم
زهراء :جنت تاهمة بانو مجرم بس هسة اتضح لا مسوا شي
تمارة :انته كلت اخذتها وراحت وياك للشقة الي اجرتها كم يوم وانته الشقة مدخلتلها شلون كتلوها اهلها
رافد :انه مجنت ادري بيها طالعة علمود تجيب اكل وشافوها وعرفها وعرفو مكانها ورجعوها وياهم وصار الي صار
علي :لا حول ولا قوة الا بالله العلي العظيم
رائد :انته ما الك ذنب لازم تجتمع العشيرتين وينحل الموضوع البنية وكتلوها الهمج لان مفكرين البنية من تنكتل ينغسل العار ولو ما همة هددوها وجان التهديد صحيح جان ما شردت يعني منو العار هسة
تعرف يا رافد اني افتخر بيك لان غيرك ما يسويها
رافد :اصلا جنت غلطان...
رائد :بالعكس اصلا انته حاولت تنقذ شخص من الموت مو ذنبك اتعيش مشتت وانته ممسوي شيء ومن هسة راح انخابر عمامي وتخلص السالفة وتعيش حياة طبيعية حالك حال البشر كافي جنك واحد متشرد مو علي
علي :ان شاء الله يصير خير بس هاي القصة قسم بالله لو ما انته وتمارة وزهراء فلا ادخل سمعتني
رائد :مشكور خوية وكثر الله خير استعجلنه بالموضوع
تمارة ...اتصل علي بالكل واضح توتر رافد راحت يمة زهراء حجت وياة وتحاول اتهدي التوتر الي عندة
خلص علي حجي وي عمامي واتصل وي شيخ والشيوخ البقية وحجة وي الكل اتفقو على يوم الاحد تصير الكعدة

علي :رتبت الامور الاحد ان شاء الله يعني بعد يومين
وتنحل السالفة

...ثاني يوم ذكرت اني ما سئلة رافد على انو شلون اندل البيت
تمارة :صدك رافد شلون عرفت عنوان البيت
رافد : سئلت صاحبي تذكرينه اعتقد جان جيرانه
تمارة :يعني رحت للبصرة
رافد : اي بس محد عرفني حتى اخواني ههه
تمارة :صاير جنك عجوز الشيب تارس راسك لو ما صوتك جان ولا صدكت هذا انته هههه
رافد :ههههه ولج سويت نفسي اخرس من رحت سئلته عنكم وكال كعدو يم بيت خالهم واجيت سئلت الناس عن بيت مسلم ابو علي كالو دخل هذا البستان ودخلت
تمارة :اي شنو هل بخت يا ابو شيب كوم زين قبل الكعدة اكو اهنا حلاق خلي يدليك علي سمير
زهراء
زهراء :ها اجيت
تمارة روحي ودي رافد لبيت خالي خل ياخذة سمير للحلاق
رافد :وشنو سئلتيني قبل لا تكولين ودي
تمارة :راح اتروح اتحلق لو بجفجير
رافد :امري لله
    ......
تمارة ومن رجع من الحلاق :اي هسة طلع وجهك والله
رافد :هههههه

تمارة ...ومرت اليومين وخالي اجة وكعد وي رافد وحجة ويا وانطلقو للبصرة

رائد...بدت الكعدة واكو واحد وياهم واصلا هو نفسة الي اجة لزهراء وتمارة وهددتهم وراد رافد باول يوم صارت بي السالفة وجهه من العصبية صاير احمر
وما عاجبة الوضع الحمد لله انحلت على خير وصارت السالفة من الماضي والرجال الجبير حلاها بس بعد ما انهلكنه من الحجي ويا ساعة واحد ايكوم يكتل الثاني بس الحمد بالنهاية انفكت على خير ضلينه ثلاث ايام يلا انحلت السالفة توصل بينه نكوم واحد يكتل الثاني ونطلع انكول على باجر ونحلت على خير انو رافد ما يجي ويعتب البصرة ابدا وهذا الحل رضا الطرفين لانو احنه عايشين بغداد وهو ويانه بقى ورضا عمامي بشكل خاص لانو يكرهونه لان من اجة ماتو امه وابو ويكولون هو السبب

تمارة :رجعو والسالفة محلولة هلهلت ومرت خالي طشت جكليت
زهراء :يعني بدون فصل
علي :لا الرجال خير وفضاها بانو الرافد ما يعتب البصرة ابد
زهراء :اذا هيج الحمد الله بس شلون بيك بلية ما اتشوف البصرة يا رافد
رافد :الله كريم ارجع اربي لحيتي واسوي نفس اخرس
الكل ضحك_ههههههه ....بس تبقى جمرة بكلبهم من الحزن ما تنطفي

......... يتبع

خداحافظ همه 🥳🕶
وداعا للجميع 🥳🕶