قلبي والشيخ

البارت الثامن عشر

ادنية عوزتنة على ناس نتعاجز انحاجيهم😪🍃

#الكاتبة فاطمة منصور

_قلبي والشيخ_

تمارة...بقيت افكر اقنع اخواني نشتري بيت بلعراق بس بغير محافظة
رحت لعلي  كاعد على الجرباية وضافن
:علي اريد احاجيك
علي:اذا علمود السفر
تمارة:لالا بس فكرت
علي:انتي اذا ما اتفكرين احسن
تمارة:هااا
علي:ما كو شيء احجي شتردين
تمارة:احنة ليش باقين اهناة
علي:لا اله الا الله محمد رسول الله
تمارة :خلي انروح لغير محافظة احنة ما مرتاحين
...وضليت ابجي بتمثيل ...
علي:الله كريم
تمارة:خوش لعد انتة اموافق
علي:اشوكت وافقت
تمارة:هستوك وافقت
علي:هههه طلعي برة ما الي خلك
تمارة:انتة اتريد الكل يسمع كلمتك وعادي غيرك ما مرتاح المهم انتة
علي....ههههه والله قهرتني
طلعت بسرعة علمود ما ارزلها
تمارة...والله خفت لا ايكوم يكتلني
زهراء :خير شبيج تتنفسين مثل الضفدع
تمارة :انتي ما تحترمين ابد
زهراء :ليش شمسوية
تمارة:اجة اجة
زهراء :منووو
تمارة:رائد
رائد رائد
رائد:هااا
-تعال
-اجيت شكو
-عفية قنع علي
-على شنو
-تعرف على شنو
-هااا ... اهو انتي ما ناوية اتبطلين
-لو اموت
-الله كريم
-شبيكم عبالك كايلتلكم موتوا مو انشيل
علي:تمارة زهراء رائد
تمارة:هذا شيريد
رائد :احترمي شنو هذه
زهراء:امشو لا يصيح
علي:سدو الباب ودخلو
تمارة:ها شكو سدينة الباب
علي:والله دخلت عقلي فكرت انشيل
تمارة:ي حبيبي خوش فكرة والله نرتاح
علي :عندي صديقي بدبي
تمارة:الله عليك يعني راح انروح لدبي
زهراء:ترة وابوي وامي
علي:انة عندي اصدقاء وكلت الهم الموضوع
وخلال شهر راح ايحددون موقع امي
وابوج بكيفة
زهراء:زين امي شلون هيج اختفت
علي:بعد اسبوع نروح ان شاء الله
رائد زهراء تمارة:ان شاء الله

فجاءة اندك الباب بقوة
سيلين اوكفي حروح اشوف منو
دينة: اتخبلتي خلي انصيح لسيف
اجة سيف يركض من صوت الباب
فتح الباب
دينة:هذا انتة
عماد:ي قابل منو غيري ليش منتظرين احد ثاني
دينة  :لا ادخل ...بس وين الجهال
عماد:عفتهم يم امي خطية
دينة :يا وانة طك كلبي عليهم
سيف:دوخري عن الرجال هريتي هري بلاسئلة
عماد:اي والله
دينة
دينة:ها
عماد حجيت يم اذنها علمود محد ينتبة : بس نخلص عشة انروح يا ويلج
دينة :اي خوش
عماد :ي
سيلين :تعالي دينة صبي وياي الاكل
دينة :اجيت اجيت
سيلين...صبينة اكل وتعشينة وبين الاسئلة وين حنروح وعماد يسئل وسيف ايجاوب
ويوسف راح ايجيب عمتي منار
وكملو واجة الكل وتعشو وغسلنة الماعين
سيف :ها عمة ان شاء الله ما زعجناج
منار:لا والله بلعكس انة الزعجتكم
يوسف:افا يمة شنو هل حجي انتي تنورين
البيت يا ازعاج اصلا منو يعرف الازعاج وانتي موجودة فدوه اروح لسبحتج📿
منار:هههه ولك انتة فلا تكعد ملعب على الحبلين
يوسف:وسفة عليج انة املعب شايفتني اشو حتى
ما محاجي بنات ولا يمهن
سيلين :لعد منو عدها سبحة📿
عماد:ههه لا هو قصدة على السبحة📿
يوسف:واخيرا احد فهمني
الكل:ههههه
منار:ولج دينة ديري بالج من رجلج
دينة:يمة ليش اسوة
منار:ملعب مثل اخوج
يوسف وعماد :والله ما امسوين شيء
هههه
سيلين....راحت دينة
وثاني يوم راحو اخواني كلمن لشغلهم
وبقت بس عمتي منار طبعا عمتي
دائما تفرش المصلاية وتكعد اسبح ومن تجي وقت الصلاة اصيحلي
منار: سيلين هسة صارت صلاة
سيلين :لا بعد عشر دقايق
منار:من تجي الصلاة كوليلي خوش
سيلين:اي يمة
سيلين...كلنة انصيحلها يمة
  مرور عشر دقايق
منار :صارت صلاة
سيلين:اي صارت صلاة صلي

تعلقنة بيها ومنكدر بعد انفاركها ابد
وقررنة بس انسافر ناخذها ويانة

بعد مرور شهر

سيلين ...متوترة من الامتحانات باجر عندي امتحان للغة عربية واسلامية والخوف مسيطر علية
منار:رجلية شيصعدني الها
يلة بعد شنسوي اصعد درجة وارتاح عشر دقايق
ولكم خايبين الدرج شطولة
يوسف...شفت امي منار تمشي على الدرج
درجتين وتكعد على الثالثة ترتاح
وتحجي على الدرج😂
يوسف:ها يوم شعدج صاعدة خاف يصير بيج شيء
منار:اي ولك
تعال شيلني وصعدني لهاي سويلينة
يوسف :ههههه سويلينة
...ضربت يوسف بعكازتها
منار:امشي صعدني بلا لغوة
يوسف :تأمرين امر
كضبت ايدها وصعدتها الدرج
ودخلت على سيلين عبالك اربعة ارهاب
منار: خايبة هسة اذا اكضبج وانعنع اضلوعج اتنعنع
سيلين:شمسوية..
منار: اسسس خايبة حابسة روحج
بهل غرفة هاي وعيونج راحن
هوة مو سادس كومي اكلي كومي
... وانتة
يوسف:نعم حضرت العقيد
منار:اسكت ... وروح جيب لهل بت اكل راح تموت
هلبت واحد كال اخيتي اشوفها تاكل ميتة تشرب
شبيكم محد شايل بكلبة حنية
سيلين...مع انو مهتمين بية بس ما اعرف ليش دمعت
وهي تنتبه بسرهة
منار:يا راح تبجي ترى جذب لا تاخذين دور المظلومة
بس احجي هيج علمود ينتبهون ويذكرون كلامي وتحجين الاطفالج وهمة هم
يعني ابقى فد ذكرة وانة باجر وميتة
رجلي بلكبر
سيلين :لا اسم الله لا اتكولين هيج الله ايحفظج النة
منار :وهسة يلة كومي لا ارضرض اعضامج
سيلين :والله يوسف بعدة ما جاي
منار:اي والله صدك
عود ليش الغرفة بس اوراق ضبضبي
الغرفة علمود من تاكلين تنفتح شهيتج
اكول اكو غرفة اهناة
سيلين ليش ما مرتاحة بغرفتج جوة
منار:لا بس علمود اجي ارزلج واروح
وما بيةاصعد درج علمود ارزاله
سيلين:حرام عليج هههههه
منار:فدوه الضحكتج يماه حليتو حياتي
ربي لا يحرمني منكم
سيلين:ولا يحرمنة منج امين
يوسف...هسة انة طالع الاصدقائي
رايح اجيب اكل ليش ههه
والله عيب علية رايح لاصدقائي وعلى كولت
امي اختي ما مهتم الها
...دق دق دق
سيلين:ادخل
يوسف:جبتلج اكل
سيلين:شكرااا اخي العزيز
يوسف:بلعافية بعد اخوج
انة رايج لاصدقائي
سيلين:الله وياك
منار :يلة اكلي
ولك يوسف
سويف
يوسف:اسمع صوت امي
هااا هاااا
منار:خايب تعال نزلني
يوسف:صعدت الدرج بسرعة
منار :شوف شوف كنغر شبيك لو اتطيح ويتكسرا اضلوعك
يوسف:ههه يلة تعالي انزلج

مسلم :صرت مثل المخبل على اولادي ادور بكل مكان عليهم شكو شيء املكة مبيوع لان هوة مكتوب بأسم زوجتي باقي بس بيت اصغير حاليا ساكن بي
صرت على الحديدة والعيادة عفتها
بيوم انعزمت على بيت اخوي عقيل فعفت التلفون عد بنت اخوي الصغير (بنت عقيل)
فلطفل اعتيادي وين يدخل يدخل
وانة جنت برة اشرب جكارة
مجنت اشرب جكاير بس من القهر صرت اشرب
ودخلت البنت الصغيرا على التسجيل
-انطيني الطلفون حبيبتي
طفلة:ما ما
وداست على التسجيل الصوتي
لل.........

يتبع .......

                    تصويت
              يخليني اكملها 💕🌺

خداحافظ همه 🙆🏼‍♀️🌺
وداعا للجميع🙆🏼‍♀️🌺