قلبي والشيخ

بارت الثاني والاربعين

سلام عليكم

بعد مرور اربع اشهر...
تمارة ...بعد الف محاولة من سيف بقيت مصرة على نفس جوابي

وبيوم من الايام
اجاني ابوي وكال ...
-يا بوية الفات المات واندفن خلي انتركة على صفحة ودام الرجال شاريج
تمارة :ما جاي اتقبل وجودة بحياتي قسم بالله ومكدر اتخيلة اصلا
ابو تمارة :بس بوية اتخسرين اذا تبقين هيج عنيدة وانه بوية كل ما الي وصاير اقترب من الموت
تمارة :اسم الله عليك لا تكول هيج انه ولا انته

تمارة...ابوي بهاي الاربع اشهر كلش تعب وبين كل كلمة وكلمة يكح وميكدر يكوم من الفراش
وصار عندة التهاب بالقصبات الهوائية

زهراء :بابا اكعد تتريگ بابا بابا
اهز بجتفة وبابا ما يحجي ولا يتحرك وحتى ماكو نفس صحت وانه ارجف وابجي تمارة علي رائد
تمارة ..نزلنه واحنة خايفين ونتعثر بالدرج وشفنة بابا  وطلعت وانه مو مستوعبة واصرخ وطلعت من البيت وانه اكول
بابا لا بابا لاتعوفني مثل الكل اجة خالي ولكاني كاعدة بالبستان الي يفصل بين بيتنه وبيته وادك على راسي واكول جذب
جذب خالو بابا ما مات ولا بي شي اي ما بي شي والله اجت مرت خالي وبناتة اخذني عافني خالي وراح لاخواني

تمارة...مرت الايام بوجعها وبحزنها صرنه كلنه ما نحجي هواي ابد على كد السؤال ومرات منرد اصلا مرت اشهور واحنه مدخلنه بيتنه باقين بيت خالي وقفنه كلشي شغلنه ودراستنه مو سهله ابد امك وابوك يروحون جرح امي ما نشف بكلبنه ولا اصلا راح ينشف بس لجمه ابوي وبدل الجرح جرحين زهراء صارت خرسة شكد حاولنه تحجي ولو حرف بس ابد متنطق يعني هية شافت امي وهية ميته وهي الي شافت ابوي بفراش موته
انعزلنه بغرفة وتمر الايام واحنه واحد ايباوع لثاني

رجوع اربع اشهر (منذ موت والد تمارة.

سيف..بعد ما سمعت بوالد تمارة اتوفى اتركت كلشي وراي من الخلافات واجب علية اروح واعزيهم
اتصلت على يوسف
سيف :الو
يوسف :هلا خوية عسى ما شر
سيف :والله والد تمارة انطاك عمرة اليوم مر علية هسة حتى نروح
يوسف :لا قدر الله وما شاء فعل الله يرحمه اي هسة جاي
سيف :يله يله انتظرك لا تتأخر
يوسف :اي مسافة الطريق

سيف...بعد ما اجاني يوسف انتقلنه لمكان العزاء والناس كلش اهواي وما قصروا والله عزيناهم بس رائد وعلي يبجي عليهم الصخر محد يحس بيهم بس الفاقد والدة وانه واحد من الفاقدين
رحت وكعدت يم علي ويوسف راح يم رائد
سيف :كلنه على هذا الطريق
علي :ابوي سيف كبرت مية سنه هسة انه انكسرت
سيف :كول يا الله
علي :ونعم بالله

يوسف ..لكيت رائد يبجي ماخذ اله زاوية وحاط عكاله على عيونه وصوت بجية كسر كلبي ذكرني بيوم مات ابوي وكعدت يمة وضليت ابجي بس صوت البجي مالتي اعلى حتى اهوه اتفاجئ وضل ايباوعلي وبدل ما اواسي صرت ابجي انه ويا وانه انطي كلمة عن الاب وهو يرجع ينطيني وضلينه ساعتين نبجي
يوسف :اخ يا بوية انكسرت بفراكك
رائد :حيلي انهد بلياك
يوسف :المن عفتني لهاي الدنية التاخذ ما تنطي
رائد :ولك بوية انحب عليك نحيب النسوان خليتني
يوسف :اي والله يا بوية يا بوية