قلبي والشيخ

بارت الخامس والثلاثين

من الخوف انه اغمى علي وبعد ما اعرف شنو صار
رائد ...رحت اصيح لتمارة واخذها للسيارة
لكيتها واكفى وهاي الما تسمه صبيحة وراها وهاي ساحت روحها واغمى عليها ورحت الها ومن حركت كلبي على اختي يعني لو متأخر ثوني جانت موتتها صطرتها راشدي وشردت لو باقية اشوي جان كتلتها ولا من شاف ولا من درة احد صبيت ماي على تمارة فزت قريت عليها المعوذتين ورحت انه وياها للسيارة وبسيارة سولفت لبابا الصار
مسلم :لا اله الا الله الحمد الله والشكر لحكت عليها
رائد :اي والله لو متأخر ثواني جان ماتت دشوف شلون ناعمة بسرعة تموت
تمارة :شدخل هذا بهذا
رائد :دشوفي نفسج
تمارة :اخبل اجنن مو مثلك انته
مسلم :كافي بوية ثنينكم حلوين وسدو الموضوع خلونه نوصل بسلام ..اكلك علي اتصلت على اختك
علي :اي اتصلت عليها
مسلم :اي بوية عفية

تمارة...وصلنه للبيت وكعدت وي بنات خالي وزهراء صرت مضحكة الهن كل ما اسولف يضحكن ازيد
تمارة :واجت اتريد تخنكني و.....
البنات :ههههههه اي هههه كملي هههههه
تمارة :انه ردت اموت وانتن اضحكن بدل ما اتكللي الحمد الله ما متي لا سامح الله بس هوة مو صوجن صوج الجاي تحجيلجن
البنات :اوكفي هههههه تعالي ليش زعلتي
زهراء :هسة صدك جان متي هههه
تمارة :ولي مني زهراء
زهراء :هههههههه اسفة والله ههههه
زين شلون جانت اتريد اتخنكج بمخدة لو بيدها ههههه
تمارة :زهراءءءءءءء

صفا ...مر شهرين على حملي وما كو شيء جديد بحياتي وعامر ما ايخليني اسوي شيء ولازك يريد ايجيبلي خدامة وبيوم جنه دنتناقش بهل موضوع اجت امة ودخلت كبل لغرفتنه هو المفروض تكعد بلهول

عامر :يمة احجي وياها
ام عامر :خير يا مصخمة شمسوية ولج
عامر :شنو السالفة يمة هو هيج يحجون لا اله الا الله
ام عامر: تعال طكني راشدي اطردني من البيت علمودها
صفا :يا استغفر الله انه ما اقبل ايطردج
ام عامر :بلة سكتي ما الج دخل جاي احجي وي ابني
عامر :وانه ما اقبل تحجين وياها هيج
ام عامر :اتصف وياها وتعوف امك الربتك و....
عامر :وهنا اوكفي ربتني انتي على شنو ربيتيني
انه بلنسبة الي اتذكر ربيتيني احترم المرأة وهي هاي مرأة موو شوفية شلون مرة اتخبل
ام عامر :هي هاي هم حاسبة انته مرة
عامر :يمة ردتج عون طلعتي فرعون على كيفج هسة عرفي الموضوع الي اريد احجي بي ياساعة اتكومين للبنية اتكتلينها
ام عامر :انه فرعون اتكول الامك فرعون هذا انته مستحيل ما جنت هيج انته ابد
عامر :ولا انتي جنتي هيج يا روحي
ام عامر :ليش انه شنو جنت
عامر :ما جنتي تحتقرين ولا جنتي اتكرهين جان كلبج ابيض وتحبين الكل وما اسمعين احد كلمة مو حلوة ولا اتضوجين احد شبيج يمة صرتي وي هاي المكرودة هيج ليش...
ام عامر :يعني هسة انه كلبي اسود وحتقر بلعالم واسمعهم كلام مو حلو وصرت اضوج اشكرك يمة

عامر بست ايدها وراسها :لا يمه شهل حجي اقصد ..
ام عامر :لا تقصد ولا شيء الله وياك وبيتك بعد ما ادوسة
عامر :لا والله ما اطلعين
شبيج يمة بس كعدي احجي وياج
ام عامر :لا عوفني انه كلبي اسود
عامر :لا انتي ام كلب الطيب
ام عامر :لايمة انه كلبي اسود ومرتك كلبة ابيض والله ايخليها الك وياخذني وتفتك مني
عامر :لا يمة اسم الله شهل الحجي يومي قبل يومج بس الله عليج لا اتسوين هيج بس والله انتي اهواي اتشدين عليها يعني ما يوم وحدة من نسوان اخواني حجيتي وياها هيج لو لان هاي غريبة وهذنيج بنات اخوانج وخواتج اتقي الله بيها
يمة خطية حرام عليج انه احبها هسة لا اتفكرين بيها لا اتحبينها انه ابنج انه اريدها انه احبها ما اريد غيرها يعني انتي اتشوفيني اوكف وياها ضد الكل يعني شوفي شكد احبها ليش اتريدين تسوين كلشي علمود اتبعدينها عني والله العظيم انه اذا ابتعدت عنها ما ارجع عامر الي يضحك ويسولف اتشوفين واحد عمرج ما شفتي انسان بي حالة نفسية ايكسر ايصيح ما ايشوف احد كدامة انكلب وما اخذ الي تريدينها سمعتيني انه ما احب الي انتي اتريدينها الي يمة الخاطري عوفيني عايش بسلام وياها لا اتحاربينها ابوس ايدج مو علمودها علمود ابنج

ام عامر... اثر بية وفعلا ما جنت منتبها لهذا الشي وهي ما سوت الي شي بس ما اكدر اعترف بهذا الشيء احس ما اكدر صعب حيل علي رحت وعفتهم

صفا :اسفة...
عامر :على شنو اسفة شنو سويتي انتي شنو ذنبج هاا لان امي ما اتريدج شبيج بوية ليش تتأسفين ...ارتاحي لا تشغلين بالج بهيج اشياء هية امي هذا طبعها بس والله كلبها ماكو اطيب منه ابد
صفا :ربي يحفظها الك
عامر :امين ويحفظج الي هم

سيف...وده علي عمي ابو كاسب رايدني بموضوع مهم كلش يريدني اجي بلديوان
رحت ولكيت هواي عالم ووجوه طيبة

ابو كاسب :بوية وكدام الحاضرين انه رجال ما بية حيل احمل هم عشيرة فوك اجتافي واريد ارتاح
وانته يبن اخوي من بعد ابوك الشيخ لو انتو شتكولون
-والله كلنه نشهد لسيف باخلاقة ومثل ما كلت انته تعبت وما بيك حيل اتريد ترتاح واكيد سيف كد المسؤولية ونعم منه
سيف :تسلم
ابو كاسب :وانه يا اخوان ما الي حمل المشيخة وهذا سيف هو شيخكم ان انتم قابلين بي
-شلون ما نقبل ونعم منه ومنك ومن ابوة الله يرحمه ويجعل مثواه الجنه

ضج الديوان وكلهم قابلين بسيف

سيف :رحم الله والديكم بس ...
ابو كاسب :الله يرحم ابوك دامك وافقت اليوم غداكم عندي والذبايح ينذبحن على شرف الشيخ سيف
سيف....خجلني وما كدرت اردة صعبة لزمني من ايدي التوجعني
فضت السالفة والناس بدت واحد يحجي وي الثاني وهذولاك مشغولين بذبيحة وكلمن ملتهي بشيء صحت لعمي
سيف :بس يعمي....
ابو كاسب :لا تتبسبس انته الشيخ من بعد ابوك وما ارضى بغير هيج وما اريد غيرك يصير يا بوية ارفع راس ابوك وراسي وانته اعرفك كدها وعندك صفات الشيخ كلها وانته ثبتت هذا الشيء للكل بواگعت ابوك من اندعم الله يرحمه وكلها تحمد بيك من ذيج السالفة ونعم الشيخ انته يبوي يلة اهتم بلعشيرة واولاده ما الك غيرهم ولا الهم غيرك يشيخ سيف
سيف...ياهو يشوفني يباركالي واشوف يوسف يعجبني حيل من يلبس الدشداشة والشماغ اجة صوبي
يوسف :هلة بشيخ هلا مبروك يخوي
سيف ايسلم ويبارك :الله ايبارك بيك يخوي
يوسف :بوية اذا انتهالشيخ انه شنو
سيف :انته شيخ الشيخ
يوسف :تسلم على راسي يبن ابوي بس والله طالع اتخبل هههه
سيف :هههه انته سوالفك ما اتخلص
يوسف :انه فرحان راح اكعد بصدر يمك عود انه اخو الشيخ وكذا
سيف :اسك لا ايسمعونك شيكولون
يوسف :من هسة اكلك مكان اليمين الي واليسار العمي لان خطية رجال جبير
سيف :ولك اسكت وحلي انفوت للديوان
يوسف :اي يابة انفوت غير احنه اشيوخ
سيف :ههههه اشلون بيك ليسمعك ايكول اول مرة ايشوف شيخ من عائلته ما جن ابوة وجد جدة اشيوخ
يوسف :واذا غير فرحان باخوي قابل اجيك مكشر وبعدين للصراحة انه ادري بيك انته هاي السالفة ما رايدها حبيت اخفف عنك اشوي
سيف :والله يخوي اتريد الصدك ما رايدها ابد ابالي اهواي اشياء وحاير بضميري الماجاي يسكت
يوسف :شنو السالفة ضميرك ... خير ان شاء الله
سيف :خوية على سالفة ......

يتبع ......

خداحافظ همه ♥️💫
وداعا للجميع ♥️💫