قلبي والشيخ

البارت الرابع والعشرين

بس بعيونك اجد رسمي☹💕

#الكاتبة فاطمة منصور

#قلبي_والشيخ

سيلين ... چنه كاعدين نحجي
ونضحك انه والحجة منار
وسيف ويوسف جاي يحجون وي عمي ابو كاسب
وجنت كاعدة وگلي سيف ....

سيف :سيلين حبيبتي روحي نامي

سيلين :ما نعسانه بعد وكت الساعة ثمانية
ونص وانه انام بلعشرة

سيف :چا صعدي لغرفتج

يوسف :كومي لغرفتج يلة لا ادوخينه انريد نحجي وي الرجال

سيف :هاي شكم مرة اكلك لا تحجي وياها هيج ....
يوسف :اتغث يا اخي اتغث الا اطلع روحك الا اتكوم

سيف :يلة حبيبتي كومي درسي

سيلين ...شنو هذه الموضوع المايردوني اعرف بي
صعدت للغرفة ودخلت ...شوي ضليت احوس بلغرفة فتحت لباب شوي وطلعت ابعيني شفت
يوسف طلع من الهول وسد الباب
والله بهاي اللحظة انجمع فضول العالم
كله بيه نزلت على كيف سمعت سيف ايگل
ليوسف ابقة باوع من العين السحرية الي بالباب
"احنة كل البيبان بيها عين سحرية"
خفت ورجعت لان اعرف يوسف ايطيح
حضي  والحجة منار متقصر برزايلها
رجعت وسديت باب غرفتي
طلعت كتبي وبديت ادرس حطيت
مؤقت ساعتين دگ المؤقت
وصارت الساعة تقريبا بالعشرة ونص
رحت فتحت غرفة يوسف
وهو اصلا اذا صارت ساعة بتسعة
وهو منايم يضل اينام وهو كاعد
لگيته بسابع نومة اذا مو بعاشر نومة ههه
ورحت للحجة هم نايمه وسيف هم نايم انه
غرفتي بطابق الثاني وغرفت سيف ويوسف
والحجة بطابق الاول
يعني البيت من طابقين
الثاني بي بس غرفتي ومطبخ الي
وحمام وغرفة ثانية حاطين بيها غراض
وغرفة ثانية مسوينها مخزن للاغذية

سيلين ....رحت لغرفت سيف اخذت تلفونة وصعدت
لغرفتي سجلت رقم كاسب ورجعت تلفون سيف
ورجعت لغرفتي طلعت التلفون وتصلت
بكاسب من ثاني مرة رد

كاسب بنعاس وهو يتثاوب :الوو منو وياي

سيلين :سلام عليكم اني بت عمك

كاسب :والله عندي بنات عم اهواي بس
صوتج اعرفة سيلينه

سيلين :اي هاي انه

كاسب.... جنت نايم وسمعت التلفون ايدك
شلته وشفته بس رقم كلت اذا واحد
يريد ينصب مدري شنو لو من هذول ليبوكون رصيد اله ارزلة كلت خلي كبل افتحة وارزلة
وبعدين كلت لا خاف واحد متيه وحسباله اعودلة لو صدك يعرفني
رديت وتكلي انه بت عمك انه حسبالي حلمان
بس  من كالت اي انه سيلين كعدت كعدةوصحصحت گلتلها...

كاسب بفرحة:يا هلا وكل الهلا اي بت العم
شرايدة ... عسى ما شر

سيلين :والله رايدتك بموضوع بس الله عليك
لا تجيب طاري لاحد