قلبي والشيخ

بارت الواحد والاربعين

سلام عليكم

عذروني على التقصير

#الكاتبة فاطمة منصور

تمارة :ثاني يوم رحنه انه وياها للكلية ومثل ما اتوقعت زهراء اجة
سيف :سلام عليكم
زهراء :لا والله واثق بعد جاي اسلم اسمع زين تطلع من حياتها لا الم عليك الكلية هسة وخلي الدنية تنكلب عليك وذيج الساعة ما تلوم الا نفسك يا استاذ سسسسسسيف ...وامد باسمة باستخفاف
سيف :لمي الكلية اريد اشوف شلون

تمارة ...زهراء عبالك امنية وكللها شبيك لبيك امنيتك بين اديك ومقصرت لمت الكلية علية هههه

زهراء :ولو من اعيوني دسمع وشوف

زهراء ...شفت بنات شوي قريبات يمي
زهراء :فدوة لحكونة جاي ايهددنه واحنه والله لايمة ولا بكرباة مجرد قبل جان خطيب اختي ويريد ايرجعها غصب عنها وهية ما اتريدة

تمارة :واجن البنات وصاحن لاخوانهن والولد سمعو وصارت هوسة واجة الامن ونكلبت الكلية علية كلاب واحنه طلعنه للمحاظرة وتم طردة

وبس خلصت المحاضرة كعدنه نحجي

زهراء :اي دشوف منو يندك بزهراء
رحمة :بلا لا تنكلبين بروسلي بروسنه
البنات :هههههه
زهراء :هههه الله عليجن شفتن شلون نصدم
استبرق :اي ههههه
رحمة :والله بعد حتى اسمج يا تمارة نساه اكص ايدي اذا رجع الج بعد هلفشلة هاي وشلون الولد رادو ايكتلو
استبرق :خايبة دكعدي شفتي شلون محد كدر علي
رحمة :ةي صدك بس ليش والله ما يتعيب ليش ما تريدي تمارة هل اجاج وطالب رضاج شبيج بعد
تمارة :انه سبق وكتلجن هذا الموضوع ما اريدة ينفتح
زهراء :يا خوفي من اخوانج اذا درو
تمارة :عادي خل يدرون احنه مو جهال اصلا
زهراء :اي مو جهال مو ردتي اتموتين من الخوف لان يجي للكلية واندل كليتج
تمارة :زهراء الله عليج سدي الموضوع والله كرهت نفسي
زهراء :خلص بس انتي لا اتضوجين انه اسفة والموضوع خلص وما راح ينفتح من هاي اللحظة
اتفقنه
تمارة :اي يا ريت
زهراء :المهم اختي ما اتضوج

تمارة ...ابتسمت الها وانه اعرف هاي القصة ما راح تخلص لحد ما تصير معجزة
خلصنه محاضرات وزهراء اتصلت على السايق رجعها لكليتها

ورجعت للبيت وانه ميته تعب نمت وكعدت بي الاربعة درست اشوي ونزلت جوعانه لان ما اكلت شي
ونسيت اكول مرت خالي هية الي تتطبخ وتودي النه اكل وسمعت بابا ايكول لعلي
ابو تمارة :ترا هاي مو سالفة شنو ابتلو بينه
رائد ..انه كاعد على القنفة مقابيل ابوي وعلي ومتمدد وهمة كاعدين بي الكاع ويحجون وانطيت آرائي :جيبو وحدة هية تتطبخ وراحت فضت
علي :اي والله جبتها خطية البنات ميكدرن اينضفن ويطبخن عدهن دراسة
تمارة :يسلمون الي يفكرون بينه شنو هاي الحنية النازلة اليوم على رائد وشنو هاي الاراء الجميلة
...كعدت على القنفة ...تريدون الصدك عجبتني اراء رائد هههههه
-ههههههه
رائد اصلا مو صوجكم صوجي جاي انطي ارائي الي ينحلف بيهن الكم
-ههههه اي والله ههههه
تمارة :المهم انه حابة احجي وياكم بموضوع
علي :ما يحتاج نعرف
تمارة :هاا ومنو كلك
علي :هههه اجو بنفسيته وكلي وابوج هم يعرف انه كتلة
تمارة :وشلون اجة وكلك؟؟ ويمتى اجاك ؟؟فهمني .
علي :وانتي شلون تدرين وانتي بسابع نومة ههه
رائد :وشنو انه طرطور ومحد ايكلي شنو اشصاير على الاقل كولولي كلمتين مو ما ادري بدنية طشت رشت
علي :اسكت رائد مو وكتك ابد
ها تمارة القرار الج بس لازم قبل ما اتقررين تعرفين شي
تمارة :شنو هوة
علي :ابوة ماتت بهذاك الوقت
تمارة :هههههه يعني فصخ الخطوبة لان ابوة مات هههه ضحكتني تدري شنو گلي
علي :شنو گلج ..حسيت بيها كوة تنطق الحرف كطعت كلبي
تمارة : گلي مجبور علي فهمت مجبور وهسة هو مو مجبور ليش اجة علي انه ما ارهم اله ليش هسة رهمت اله وهو كال كلمن وطريقة ليش اجة طريقي خلة مهتم بطريقة ويتركني فدوة خوية
...اتذكر كل كلمة كالها وتمر بأذني
-اسمعيني زين يا بت الناس انتي ما اترهمين
الي ولا انة ارهم الج وانة جنت مجبور
عليج وهسة كلمن وطريقة اودعناج

سيف ...طلعت من الكلية گبل لبيتهم وشفت علي گلب وجهه علي وما الومة ابد

سيف :السلام عليكم
علي بعدم اكتراث :وعليكم السلام
سيف :اريد احجي وياك كلمتين وارجوك تسمعني زين ...وسردت اله كل الحجي من اول ما مات ابوي..
خلي نفسك مكاني
علي :هي ما الها ذنب
سيف :ارجوك ساعدني
علي :راح احاول احجي وياها بالموضوع واذا ما رادت تحجي مرا ح افتح الموضوع مرة ثانية ابد وهذا الي اكدر علية انه
سيف :اشكرك ما اعرف شسوي علمود اجازيك بس شلون حنتواصل
علي ..انطيته رقم الشغل ورحت
بعد ما حيت ويا تمارة ثاني يوم خابر جاوبته السكرتيرة وحولته الي
سيف :سلام عليكم
علي :وعليكم السلام
انه حجيت وياها واتمنى مترجع اتشوفها ابد وتنساها اودعناك...سديته ورجعت الشغلي

سيف ...جنت كاعد بشركة وكل فكري يمها وكلت خلي اتصل وردت علي السكرتيرة وحسيت بالاحراج يعني حتى رقمة ما انطاني وفوكاها من وراى خشمة يحجي وسد التلفون
مراح انساج يا تمارة لو يضل اخر يوم بحياتي

يتبع ........

وهذا ١٠٠٠ كلمة تقريبا ♥️♥️

خداحافظ همه 💕😪
وداعا للجميع 💕😪