قلبي والشيخ

بارت الثامن والعشرون

السلام عليكم
اسفة على التأخير بس جنت ادرس وبدون مقدمات اترككم وي البارت

بعد مرور شهرين ...
صفا ...رحت للدكتورة وصرت دائم اروح
واخيراً صرت حامل وصارلي اسبوعين
رجعت للبيت وانه الفرحة ما سايعتني
اريد بس عامر يرجع وافرحة

..مرت ساعتين وصار وقت يجي بي عامر
اندك الباب

صفا :منو
عامر :انه بوية
صفا :هلا بيك هلا وكل الهلا
عامر :هه شنو اليوم البتسامة من الاذن للاذن
دوم يا رب
صفا ..نمشي ونحجي لحد ما دخلنه للغرفة

صفا :اليوم الفرحة والخير انجمعن سوة
عامر :يا الله احجي بوية
صفا :كمل تبديل واكيد اكمل اذا هيج احسك ما مهتم
عامر :شلون ما مهتم بنيت كلبي

..وهسة كملت تبديل احجي

صفا..شالني وحطني بحضنه
حطيت ادي على حلكي وكتلة
صفا :انه ..حا..حامل
عامر -اتلخبطت ما اعرف شحجي واحس بضيقة بكلبي ما اعرف شنو السبب يمكن لان ما اعرف شلون اطلع لبداخلي شلون اوصف فرحتي وخصوصا الشي التتمناه ومن الشخص الي اتحبة ويحبك بدون اي وعي حضنتها ومسيطرت نزلن ادموعي بس مسحتهن ابسرعة ما احب اراوي ادموعي لاحد-
عامر: يروحي الف مبروك ان شاء الله ... بس ..
صفا :يا بس شنو
عامر :مو يجي وتحبينه اكثر مني
صفا :ههههههه لا طبعا اصلا انت كلبي وانت التقرر اشكد احبة
عامر : ان شاء الله يجي كامل وصالح وما يتعب امه
صفا :امين يا رب

.....
سيلين...حسيت اكو شي مضمون عني لان شكل اخواني كانوا اكو شي ويخصني لان يباوعولي بشفقة رحت وكعدت يمهم جانو كاعدين ما اعرف ليش اجت على بالي عمتي لميعة حيل احبها
فسئلت عنها اشو ضلو واحد صافن بوجه الثاني ويمتمتون

سيف.. باوعت ليوسف واتبلعم اخاف عليها خاف تنصدم خطية منا ابوي وامي وهسة عمتي
يوسف...باوعت لسيف واحجي بكلبي خرب يومج وكتها اذكرينها هسة

سيلين :الووووو شبيكم داحجي وياكم
سيف :م..ما بيها ش..شيء
يوسف :اتسلم عليج
يوسف...بكلبي تسلم عيج وهية بكبرها
استغفر الله ربي
سيلين :ان شاء الله صدك مع اني اشك صاير شي
يوسف :شصاير مثلا بوية لا تتخيلين وبعدين هااا صدك باجر من الصبح انروح للبصرة
سيلين :شفت كتلكم صاير شي بس مترضون اتكولون الي بسيطة اعرف اول وتالي ما ينضم شي يا اخواني الاعزاء
يوسف :وتلومني من ارزلهَ
سيف :كافي لا تلحين حضري غراضج بوية
سيلين :حاضر تامر امر
سيف :عفية السباعية
.....
سيف :اشبيك وياها
يوسف :مو اذا ما احجي هيج اتشك بزايد وتلح يعني هية متعودة علي هيج
سيف :الله كريم انروح والكاتبة الله ايصير .... اكلك وين الحجية
يوسف :جاي اصلي صلاة الوحشة لعمتي
سيف :اي والله وانه كايم اصلي وياها
يوسف :وانه هم وياكم نتوضأ سوة

سيلين..كملت اغراضي لميتهن واغراض اخواني والحجية دخلت لكيتها نايمه لن دخلت ب١٢ الم الها الغراض لكيتها لامتهن هية ولامه ملابس
بديت افكر انو عمي ميت وخفت ورجعت لغرفتي وانه التفكير بمنو مات اكل راسي اكل وثاني يوم كعدني يوسف (اكيد بطريقة همجية هههه)
يوسف :هيوووو هييي كعدي يولووووو كعدي
سيلين :ترا الساعة اربعة وين رايحين احنه شبيك
يوسف :شوف هاي المخبلة يعني اتريدين نطلع بلعشرة مثلا دكومي كومي علمود من نوصل للبصرة انصير دجاج شوي من الحر نفطس
هو بلربعة واحنه نكول متأخرين كومي بدلي
سيلين :اي فهمت شكد تحجي
...كضني من شعري بس ما شد شعري
يوسف :هاي على منو
سيلين :علي انه
يوسف :اي زين ..وها اكلج
سيلين :كول
يوسف :خلصي بسرعة خوش
سيلين :امداني خوش
يوسف :بس نرجع هذا اللسانج ذكريني اكصة
سيلين :ان شاء الله
يوسف :لا اله الا الله