قلبي والشيخ

الثاني والثلاثين

تمارة...خالي يريدنه فاجت خالتي اصيح النه كلنه
انه وزهراء ورائد وعلي
نزلنه زكعدنه بالهول
تمارة :ها خالو
زهراء...نزلت وكعدت بدون صوت
رائد :ها خالو ان شاء الله خير
علي :اي كالت خالتي رايدنه خوماكو شيء
حيدر ابو سمير :بوية تمارة وعلي انتو الكبار وانتو الي تفتهمون اكثر شي وما اقصد اصغر من رائد وزهراء
رائد :لا بلعكس اخذ راحتك
ما حجيت غلط
زهراء...اكتفيت بهز راسي وابتسمت لخالي
حيدر :بوية انتو مو شوية بقيتو خارج العراق
علي :اي صح
حيدر :اجاني ابوكم و...
علي قاطعته :ابوي اجاك
تمارة :مو على اساس ما ايريدنه
رائد :ابوي مو معقولة شنو
حيدر :خلوني اكمل وبعدين احجو لا كلساعة واحد مقاطعني
تمارة :اخذ راحتك محد ايقاطعك بعد
حيدر :اتعرفون ابوكم اكيد ما سكت وضل ايدور عليكم وما خلة مكان ما دور بي واجانه وهددنه وبعدين من شاف محد منكم طلع واشهر جر اشهر وسنوات وبقى ايراقب بينه حسباله احنه ضامينكم واستمر هذا الحال سنتين وابوكم لا ليلة ليل ولا نهارة نهار
اتهبذل علمودكم وطبعا الشي الخلا يوكف عنكم هو امكم يوم اجه خبرها الله يرحمه ضل تقريبا شهر ورجع مرة ثانية ايدور عليكم مثل المخبل ياهو الي يشوفة يكلة ما شفت اولادي ابوكم ايريدكم محتاجكم وخالي ابوكم ما اله ذنب اتبهذل والله العظيم الدم ما ايصير ماي بوية هذا ابوكم فكروا وكونوا عاقلين انتو هسة كبرتو وعرفتو الصح من الغلط انتو هسة واعين بسبب الحياة الي خلتكم اتمرون ابظروف اكبر من عمركم يا خالي الي اطلبة منكم وخلاصة الكلام هو ابوكم بحاجة الكم
ولو اتكرمتوا بس شوفوا خلو كلبة يرتاح
خلو يرتاح من التدوير عليكم يا بوية كافي هاي اثلاث اسنين شنو استفاديتو رجعتو لوطنكم الاهلكم
شوفو ابوكم ابوس اديكم

تمارة ...هو يحجي واحنه ادموعنه اصب محد بينه كدر يكض نفسة وما يبجي رائد الي ما ايحب احد يشوف دمعته لو شما ايصير بجة وما وكفن ادموعة

زهراء ابجي واحجي :اريد ابوي تمارة انتي قنعتيني اجي علمودة كلتي راح نرجع مثل قبل كلتو راح نرجع ننجمع انه وانتو وبابا وماما راح نرجع ليش جذبتو علي ليش
حيدر :كافي خالو ..اخذتها لحضني ضلت تبجي بهستيريا
زهراء :ليش انه يا الله كل الي بعمري اهلهم يمهم ويهتمون بيهم وعايشين يم امهم وابوهم وكل يوم ابوهم يرجع من الشغل وامهم يمهم تطبخ وهمه ايدرسون خالو انه انحرمت من هاي الاشياء ليش ها ليش اريد اسأل امي عن قميص حلو لو لا اريد اخذ من ابوي مصرف اريد اطلع وياهم اريد اشوف امي الي صارلي ثلاث اسنين ما شايفتها وبالخير اتموت واحنه اولادها مو يمها عشنه بعيدين عن كل الي لازم انكون يمهم ونكون سوة عايشين
تمارة :لا تبجين كلنه مثلج رائد وعلي
وبعدين مو بس احنه اكو هواي مثلنه بدون اب وبدون ام وعاشوا اسوء من العشناة الي عشناة احنه بالنسبة الهم ولا شيء زهراء الحياة تمشي اذا انتي وكفتي هية ما توكف ولا تنتظر اليوم احنه او اكلج هسة راح نطلع للبصرة ونجي ويانه بابا نجي هنا ونعيش وما نفترق ابد ابد بس انتي لا تبجين
علي : اي هسة يالله انروح
تمارة :يالله شكرا خالو حيدر وخالة سمية وانته سمير شكرا انتو الي وكفتو ويانه
سمير :شنو هل حجي احنه اهل
سمية :صدك جذب انتن بناتي واعز والله شهد احبجن بكدهن واكثر
زهراء :واحنه انحبكم انتو عائلتنه
حيدر :ما اكدر اخليكم اترجعون وحدكم لازم اروح وياكم
علي :خاف ما بيك حيل خالي وانه اخاف عليك
حيدر :بيه حيل اكثر منك
علي :دوم ان شاء الله
تمارة :امين

زهراء ..طلعنه للبصرة وانه نمت من الدوخة والسيارة عبالك كاروك من الهز والطسات  ومن وصلنه حسيت بصوت يكعدني يبجي ويحجي بس ما فرزنت الكلام لاني بين النايمه والكاعدة
بس اجت الكلمه باذني بابا كعدي ..زهورتي...بنيتي
كعدت وانه ما مصدكة الي يصير شنو جاي اسمع بس فتحت اعيوني وشفته حضنته وما اريد اتركة ابوي تعبان وعيونه الي جنت اكعد بحضنه واباوع الهن خضر  وانه وارثتهن منه احبهم لعيونه ما يوم مر وانه وصغيرة ما كعدت بحضنه واباوع عليهن

مسلم دموعي ينزلن وحدهن :يروحي وعيون ابوج
زهرتي
زهراء :بابا حبيبي
مسلم :شلونج  بابا
زهراء :مو زينه ابد بابا اشتاقيت لهاي الكلمة بابا
مسلم :حبيبتي باباتي
زهراء...ما فاركت بابا ابد من وصلنه للبصرة وهو باقي يم عمي واحسهم ما قابلين برجعتنه

تمارة....وصلنه للبصرة وابوي جان كاعد برة الباب بيت عمي يم رجال جبير وجا يحجون وفينة السيارة يمهم استغربوا وبعدين نزل علي جان بابا كاعد بس من شاف علي كام وما يعرف شيسوي فرك وجهه طلعت انه ورائد وخالي حيدر وسمير
بس زهراء جانت نايمة اجانه بلهفة شبكناة وصرنة بحضنه واصوات بجينه تشهد علي الجيران كل الي جانو واكفين يبجون على بجينه وبعد ما اناس فكونه وسكتونه سئل على زهراء بخوف
علي :بسيارة نايمة هية اصلا عادتها ادوخ وتنام
ههه
مسلم :اي ههه ...رحت الها اشوفها (وصار الي صار فوك)

مسلم...كعدت الصبح غير عن كل يوم دائما جنت اكعد ما الي خلك والدنيا طافرة من عيني بس اليوم مختلف ما اعرف شنو السبب طلعت ولكيت حجي كاعد يم الباب سلمت علي ودخلت للبيت جبت كرسي وكعدت يمه واحجي ويا وبقينه نص ساعة تقريبا واجت سيارة وكفت كدامنه وطلع منها ابني علي ما صدكت فكرته سراب لو اني دايخ لو لان اليوم كعدت وما بيه مثل كل مرة فكرت انو جايين ايذكروني ارجع حزين بس الهيئة راح تبدأ سعادتي من كال بابا وراى تمارة وبعدين رائد حياتي الي لونها اسود رجعت ملونه (وصار الي صار فوك)

زهراء :بابا
مسلم :هاا بوية
زهراء :ليش من اجينه انته موجود انته بخيج وقت بعيادتك
مسلم :تركتها بوية بيوم الي ختفيتو
زهراء :هااا

زهراء : """"""""""
مسلم :"""""""""
مسلم :اي هههه
زهراء :هههه
تمارة :على شنو دضحكون
زهراء :ادخلت غيورة
تمارة :انه اغار ومن منو انتي
انه ما سألتج بابا على شنو ضحكت
مسلم :كافي بوية شبيجن ما ضحكنه على شي

زهراء من المستقبل(محد يعرف على شنو ضحكنه وهسة انه ناسية بعد ما كبرت)

رائد :اي صدك بوية شنو اخبار رافد
زهراء :اي صدك بابا

مسلم :.....