قلبي والشيخ

البارت الثالث والعشرون

بدأت حياتي حين قالت امي :رضيت عنك📿🥰

#الكاتبة فاطمة منصور

_قلبي والشيخ_

تمارة ...كملنه العشة وزهراء سوت كلشيء خطية وانه بالي شاردة بلموضوع
تعشينه وكملنه وصعدت لغرفتي بقيت كاعدة لحد ما اجت براسي الفكرة
نزلت لغرفة علي
دخلت بدون ما ادك الباب وعلي حاط البطانية على راسه
تمارة : علي علي
علي :بسم الله الرحمان الرحيم
شبيج بويه
تمارة :اسم الله حبيبي كمزتك
علي :مو مشكلة احجي شبيج
تمارة :اسمعني
لازم انروح لكربلاء هناك نتصل بابوي
وبعدين يجي ونكمل كل الاجراءات
بس لازم مظفر يقبل
علي :اي خوش فكرة بلامام نعقد
تمارة :اي ان شاء الله بس لازم تحجز فيزة وهاي السوالف الي ما اعرف عنها شيء هههه
علي: اي هذن علي انه ومظفر والله كريم
يلة روحي كملي نومتج
تمارة :لا ما اكدر انام بعد

تمارة....طلعت من الغرفة مالت علي وتوجهت للمطبخ وراح اسوي حلويات وهم اسوي دولمه زهراء مشتهيتها بس المشكله معندي
ورق الي انلف بي الدولمه راح اسوي المحشي الطماطه والفلفل البارد والبصل ومن يكعد
رائد اخلي يجيبلي ورق عنب علمود الف الدولمة
_وهيج نخلص من روتين تمارة تقريبا كل تفكير تمارة صاير بطبخ تعرفون الانسان من ايريد ينسى او
يتناسى يلتهي باشياء ويحاول يشغل عقله_

زهراء :صباح الخير ... 'بصياح'
تمارة :صباح النور صباح النور شبيج صوتج شعلوة
ليكول صوت دلاله
زهراء :اليوم متحمسه جدا جدا
اليوم النشاط والصحة مجتمعات عندي

رائد :عدا العقل مسوي اعتصام

زهراء :تروح فدوه لعقلي انته وعقلك هذا المزنجر

رائد :هلا هلا جنت انه اتعارك وي تمارة
وعايفج انتي وهسة تمارة صارت العاقلة وانتي التخبلتي

زهراء: اي تبا للهدوء الذي اكتسح عقلي
والحمد لله اليوم اعلن جنوني للجميع
من علي الى تمارة الى ... ما اكو شيء اي بس لعلي وتمارة
رائد :الحمد لله الذي خلصني من المجانين والحمد لله الذي جعلهم لا ينطقون اسمي

تمارة :هههه قويه رائد منك هايه
رائد :الحمد لله يا اختاه
تمارة :يله تعالو اكلو

زهراء :اكيد مراح اكعد يم الشيوخ
تمارة: ههههه
رائد: - _ -

بعد مرور شهرين على سهيل .....

سهيل... بعد مرور شهرين وتحسنت حالتي راجعت نفسي كلش زين وحسيت نفسي ما الي غير امي واختي وابوي الي ايامه معدودة....

... من جنت عاجز وايدي مكسورة
ورجلي مكسورة ومكدر اتحرك من الم رگبتي
وامي هية اتوكلني
وهية تعتني بية وتخاف علية من الابرة ...

واختي الي تجي من بيتها وتحاول ما تراويني
دمعتها علمود ما انقهر وترتب الغرفة وتعتني
بابوي وامي وانه زودتها عليها
صرت عله وصعب واحد يحس
هوة عله على البني ادم ... على الرغم من انو ما محسسيني ويحاولون
يضحكوني .... وانه الجنت بكل الطرق احاول ابچيهم بتصرفاتي العدوانيه وي اهلي بدون سبب وبدون ذنب اذيتهم ....