قلبي والشيخ

البارت الخامس عشر

سلاما على من رحلو وتركو لنا ذكرئ جُمٌيِلّة
في قلوبنا💖
التي ترملت لفراقهم 🥺🥀

#فاطمة_منصور
_قلبي والشيخ_

سيف.. من يوم التركت بي تمارة احس اكو شيء
بية ناقص صح ما تعودت عليها اهواي بس
هية الي ابوي نصحني بيها
بس اني اريد سمية وبنفس الوقت ما عندي مشاعر تجاهها يربي انة جاي اخرب حياتي لو
اصلحها عقلي يكلي انتة تعرف سمية
وگلبي يكلي انتة حبيت تمارة
واكيد العقل احسن لان القلب مجرد للنبض
وبنفس الوقت سمية ما تناسبني
وانة كلبي ما هاويهة (يحبها)
وهنا بدة كلبي ينبض لتمارة وعقلي بفكر بتمارة
صرت على كد ما افكر بيها احلم بيها
بس دائما من احلم اشوفها ما مهتمة
وقوية ومن اوصل يمها اكللها انتي قوية
وانة راح اموت لان تركتج بدون سبب
وانتي ليش ما مهتمة وهيج قوية يعني انتي من الاول ما تريديني تكلي لا... وافز من نومي وضليت على هاي الحالة شهر ونفس الحلم يتكرر
الى يوم من الايام حلمت بابوي يصيح
من بعيد تمارة تمارة ويصيح بكل صوتة
ويطلع الحلم من راسي واضل اصيح شبيها
ويجن اخواتي يكعدني
ومر اسبوعين على هاي الحالة
ونفس الحلم يتكرر بس بكلمات تختلف
مرة ايكلي انقذها ومرة ايكلي ساعدها
ومرة ايكول بس انتة بقيت الها
بدت نفسيتي تتعب لان ما انام
وما اريد انام صرت اخاف انام خاف اشوف تمارة
او يكلي صار شيء او يلومني
ومن انام افز وبكل فزة اصرخ شبيها
رددت اتخبل كل ما احلم بي يراويني
هية ميتة او مكطعة ومن هاي الاشياء
تعبت وبيوم وانة رايح للمستشفى اجاني الدكتور
وگلي
دكتور:البقية بحياتك
سيف:دكتور انتة شتحجي
...كعدت بلكاع انحب مثل الطفل
انعدم مني الحيل صرت اشوف اي شيء
ما اله اي اهمية
وبهاي الحضة اجة ابالي اروح لعمار اكتلة
بس انة حيلي انهدم ما اكدر اوكف
اسودت الدنية ابعيني وما ادري شصار

سيلين...جنت اريد اخذ الطاسة اترسها(املأها)
وفجأة
اجت مرت عمو وعمتي
ايصرخاً يبو ويبو
مات الغالي وخلة اولادة
اغمى على ماما واختي نسحنت روحها(ماعت روحها)
والجهال يبجون وانة من الصدمة دمعة ما وكعت مني اريد اربط شيء مني الي ديصير
وشلون سندي وروحي الي بعمرة ما صاحلي بسمي
كلة ايكلي روح ابوها وحبيبت ابوها
صرت ما اسمع شيء من الي ديصير نتجيت على الحايط واذكر من نلعب ويجون اخواني
يصيحون علي لان مخلية بابا يلعب وياي
العاب وبابا جان ايرزلهم ويكلهم هاي بنيتي
هية اداريني من اكبر
شكد صعب من تذكر
ويجون ايكلولك ابوك مات بطريقة همجية
بطريقة تسلب منك كلشي هوة وحدة
فراق الاب يكسر ويموت الروح ونوب يجون
يكلولك اسكت وراح الدار حقة
هو صح، بس تهدم الحيل لان انتة تريد ذرة
امل وياخذوها منك

دينة...يمة فدوة اروحلج كعدي
عمتها:يا خاف ماتت وراى رجلها
دينة:عمة انتي تحجين صدك
انة بيا حال وانتي تفاولين على امي