صحينا تاني يوم بعد إنتهينا من موضوع النضافه وطبعا إتشاكلنا أنا وآديلا البمسح البيت منو 😂،،، زي الساعه ٨كدا جو عُمال عشان يضفرو الحوش كان معاهم ولد شاب كدا، آديلا قالت لي عايني الولد دا سمح كيف 😂،،، قلت ليها آديل اتقي الله وادخلي، قعدو اشتغلو لحدي الساعه عشرة امي عملت ليهم الفطور بعد الظهر فاتو قالوا بجو بكرة وبكملو، ابوي جاء، قال لينا تعبان الليله شوية عشان كدا جاء بدري ،، قريب العصر كدا عملنا الغداء واكلنا، أبوي قال لي تبارك الكيس الجبتو معاي هسي دا قومي جيبي، مشيت جبت الكيس، قال لي افتحي، لقيت فيو كم إسكيرتي وتشيرتات واسبورتين وعبايه وفستانين وجزمتين مع الفساتين 😍،، قلت واي ابوي شكرا مع انو ما كنت محتاجه 😍😂،، قال لي صح بكرة نازله السنة الجديد قلت لي يب يب 💃،، قال بس الفستانين ديل واحد ليك والتاني لي آديلا، آديلا كانت في المطبخ بتعمل في الشاي، أمي نادت ليها جات طالعه شايله صينيه الشاي وريتها الحاجات،،، أمي قالت لي الليله العصر امشو ناس حبوبتكم أمس الجمعه فقدتككم، قلت ليها خليها الجمعه الجايه، ابوي قال لي لالا امشو الليله ما معروف يمكن تنشغلي بالقرايه وما تمشي، قلت لي كويس ظاب... آديلا قرصتني 😂، قلت طيب حاضر إن شاء الله ي ابوي 😂💛،،، فعلا العصر أنا وآديلا لبسنا ،،، آديلا قالت لي اعمل روج،،، قلت ليها اي اعملي عشان جدو يوريك اعملي قلوس ساي ها و اطلعي 😂،،، أبوي طلب لينا ترحال قال لي أنا كلمت أحمد يرجعكم كان إتاخرتو،، قلت لي كويس مشينا،، وصلنا ناس حبوبه لقينها هي وجدو قاعدين تحت الشجره ومعاهم أحمد، مشيت سلمت عليهم، حبوبه قالت لي والله يوم الجمعه فقدتككم، قلت ليها ما تفقدي عزيز وغمزت ليها طبعا جدو اسمو عبد العزيز وبتقول لي عزيز 😂😂💛،،،، قالت لينا قوموا جو، قلت لي أحمد إنت بجاي الليله، قال لي كنت بلعب في النادي القريب من هنا وابوك اتصل لي وقال لي ارجعكم قلت ادخل لي حبوبه،،، قلت لي ايوااا، قال لي آديلا كيف مع المدرسه ي شافعه وقعد يضحك 😂،،، قالت لي ما بعرف شافعه في عينك 😒،،،، جدو قال لي اقعد زعلا كدا لما بعدين تقول دايرها وتابك 😂،،، قلت لي بالضبط كدا ي جدو 😂💛،،، قال لي آديلا هسي أنا برفضوني عليك الله ، آديلا قعدت تضحك، طبعا أحمد دا ود عمي صلاح بدرس مختبرات خريج السنه دي،،،، حبوبه جابت لينا عصير وقعدنا نتونس، قالت لي اها ي تبارك مف عريس،، عاينت لي أحمد قلت لي أحمد 🌚💔،، قال لي نعم، قلت لي مش البت بعقلوها لي ود عمها، قال لي اكيد طبعا 😂،،، قلت لي طيب رايك شنو تعرسني لانو انا شكلي مضايقه الناس ديل شديد 🌚💔،،، جدو قعد اضحك قال لي لكن أحمد دا عايزنو لي آديلا نحنا من زمان 😂،،،، قلت لي صحي الكلام دا ي أحمد 🙂💔،،، قال لي والله لو آديلا رفضتني ممكن افكر فيك 😂😂😂،،، آديلا قالت لي واي لا إحترم مشاعرها شويه ي أحمد 😂💔،،، مشيت قعدت جنب حبوبه قلت ليها شفتي أولادك ي تيتا 🙂،،، قال بكرة ي يمه يجيك عدلك ولا تشتغلي بيهم احسن من أحمد زاتو، قلت ليها اصلا ولا فاضيه ليهم 😌💛،،، أحمد وآديلا قعدو يضحكو،بعد العشاء لما جينا طالعين أحمد قال لي نغشي بيتنا،، أنا ركبت وراء وشبه رقدت قلت لي آديلا اركبي قدام يلا 😂،،، وصلنا البيت لقينا عمو صلاح وخالتو سامية قاعدين ، سلمنا عليهم إسراء كانت نايمه اخت أحمد ما طولنا طلعنا طوالي،،، وصلنا البيت طوالي نمت وآديلا قعدت تقراء زي الساعه ٣كدا آديلا صحتني، قلت ليها مالك، قالت لي قومي عايزة اوريك حاجه،، قلت ليها آديلا خلي الواطه تصبح، قالت لي لالا، قومت وقعدت في نص السرير، قالت لي رايك شنو في أحمد،،،أنا بقيت عامله كدا 🙂🙂🙂🙂،،،، قلت ليها آديلا إنتي ما بتخافيي الله ولا شنو 🙂💔،،، مصحياني الساعه ٣ عشان تقولي لي رايك شنو في أحمد حمه تاخدك إنتي وأحمد في يوم واحد ورقدت 🙂،،، قعدت تصحى فيني برضو اتخيلو بس عديمة الاحساس 🙂💔،،، رفعت راسي قلت ليها وربي ي آديلا تاني تصحيني اقسم بالله اكوريك والله واخليك تفتشي في البتقولي لي امي وابوي 🌚🙂🙂💔،،، قالت إتخمدي خلاص 😒،،، بقلبي قلت عليك الله عان المراهقه دي 🙂💔،،، صحينا الصبح صلينا وكالعاده عملت الزلاببه،، آديلا قالت لي سرحي لي سرحت ليها وطلعت المدرسة زي الساعه ٨ مشيت جهزت لبست عبايتي الرماديه الجابها لي ابوي ومعاها اسبورت رمادي َشنطه رماديه وساعه رماديه وعندي كاب رمادي شلتو في يدي وطلعت ع الجامعه 😂💕،،، لقيت مريم ورزان جو وطبعا رزان نااايرة 😂💛،،، كنا مبسوطين كيف إحساس بقينا توب سنير 😎،،، بعد المحاضرة مشينا الكفتريا و طبعا مريم كان ما إتنمرت على البرالمه ما بتقدر تتنفس😂😂😂،،، تعلق على دا ودا تنادي البنات تقول ليهم حلاتكم،، نادت ليها بت كدا طلعت برلومه مختبرات وحلوة حلا،،، قالت ليها والله جمالك دا خسارة في المختبرات 🙂💛،،، البت قالت ليها المختبرات صعبه صحي،، رزان قالت ليها حسب حالتك الاجتماعيه يعني مثلا انا مخطوبه خطيبي بونسني وبشرح لي شايفها ساهله لكن عايني ديل سناجل عشان كدا تعبانين 😂😂😂،،، البت قالت ليها أنا متزوجه على فكرة عاينت لي يدها لقيتها محننه انا مريم عايزين نموت من الضحك لما بقيت خاته يدي في خشمي مريم مسكتني من يدي وطلعنا برا الكفتريا وقعدنا نضحك 😭😂😭😂😭😂،،،، بعد إنتهينا ودخلنا لقينا رزان بتاكل اول ما شافتنا قعدت تضحك، قعدنا، قالت لي صراحه البت صدمتني 😂🔥،،،، قلت ليها والله ما قدرت اعبر انا 😂،،،، مريم قالت لينا رايكم شنو كان لقينا طريقه نشتغل مع ابوي في العياده،، رزان قالت ليها بري انا ماشه اشتغل مع أسامه في الصيدليه كورس الصيدله القريتو دا يضيع هباََ منثورا 🙈💛،،، قلت ليها تافه طبعا،،،، إنتهينا محاضرات ورجعنا البيت.
_____________________________________________
كان نايم في غرفتو فجاءه سمع صوت زول بكوريك ليو وبطق في الباب شديد قام سريع وفتح الباب لاقها براءه اختو بتبكيي، شغاله لي بلال قوم شوف ماما اغمي عليها 😭😭،،، نزل سريع لقى امو مُغمي عليها في الصاله ، قال لي براءه امشي سريع جيببي مفاتيح العربيه وبقي يحاول يصحى امو بس ما صحت، براءه جابت المفاتيح وسندوها لما وصلو الباب لقو آبوهم داخل، إتخلع وقعد يسالهم مالا رفعها في العربيه ومشو المستشفى، بقو قاعدين على أعصابهم لحدي ما الدكتور طلع، قال ليهم بس شكلها أهملت حبوبها شويه الإيام دي ولا أخرتهم فحصنا ليها الضغط والسكري وكويسه الحمدلله 💛،، بلال كان عايز يكورك في براءه لكن مسك نفسو لما شافها هي زاتها قلقانه،،، ساقو امهم و مشو البيت دخلها غرفتا و قعد جنبها ومسك يدها وباسها في رأسها قال ليها عليك الله ما تخوفينا عليك الله صحتك أهم شي 💛جات براءه داخله وشايله عصير بلال شال منها العصير وشربو ليها جاء آبوهم داخل طلعو الاتنين، بلال قال لي براءه انا ما قلت ليك ما تنسي مواعد الحبوب وما تخليها تتعب،، قالت لي والله هيي بتقول الا تشتغل في البيت مع انو الشغاله بتشتغل لكن كان ما وقفت معاها ما بترتاح، قال ليها المهم إخدي بالك منها هسي امشي سوي لي قهوة طالع انا، جاء آبوهو قال لي ي ابوي انا ماشي لي بسمه طولت منها ومنو اكلمها بي امي، قال لي اي احسن بس عشان ما تقول لينا بقيتو ما بتكلموني بالبحصل ليكم من مشيت منكم ، جات براءه ختت ليو القهوة شربا وطلع غرفتو لبس جلابيه وشال مفتاح العربيه وتلفونو وطلع،، في بنات كانو في الشارع اول ما شافو قعدو يتهامسو وهو سمعهم، واحده قالت لي التانيه مش دا بلال ود شيخ عبد الحكيم إمام المسجد، قالت ليها اي لكن ها مفتري وعاجبو روحو شديد،، بلال غضب لما سمع كلمه مفتري دي لانو هو ما كدا خالص قال لي الناس دي بتحكم على الناس ساي كدا بدون ما تكون بتعرف عنو اي حاجه ساق عربيو ومشى لي اختو بسمه، فتح لي الباب راجلها محمد سلم على وقال لي ادخل لقى رزاز بتلعب في الأرض دنقر شالها قال ليها وين ي حبيبه خالو جاء رامز طالع بعد سمع صوتو، سلم على قال لي كيفك ي بطل، قال لي تمام طولت ما جيتنا، قال لي والله بس الشغل، محمد قال لي اقعد اقعد جات بسمه طالعه سلم عليها في رأسها ، بعد سألها من احولها وكدا ورزاز لسه قاعده في رجولو،،، قال ليها والله طبعا الليله امي تعبت شويه،،، بسمه قالت لي بخلعه تعبت ولي ما إتصلتو على ي بلال،، قال ليها كويسه هسي ي بسمه ما تخافي،، محمد قال لي هسي كيف إن شاء الله كويسه،،، قال لي اي كويسه الحمدالله،،، بسمه قالت لي خلاص برجع معاك اشوفها،،، قال ليها لالا مف داعي كويسه بس تعالي بكرة إنتي والاولاد هي زاتها طولت منهم،،، قالت لي خلاص إتصل ليها اطمن عليها،، بلال إتصل على براءة قال ليها ودي التلفون لي امي،، بعد بسمه اتكلمت معاها واطمنت بلال طلع منهم،،، وهو في الطريق إتصل عليو صاحبو حيدر (اتذكرتو مش القال لي ظبطتا ليك فرسه نجهز ليك الشقه 😒) قال لي تعال لينا في شارع النيل،،، لفه ومشى ليهم لاقهم بشربو في شيشه قعد معاهم وقعد يشرب طبعا زولكم معلم في الشيشه مرة يطلعها بي انفو ومرة بي اضني 😂،،، جو بنات مارين أصحابو قعدو يعلقو تعاليق مقرفه شديد الا هو كان بسمع فيهم وهو ساكت ومركز في تلفونو كان نفسو يوقفهم لكن ما بقدر وبأي حق إذا هو بشرب وبسكر وبحضر فيديوهات إباحية يعني وقفت على مشاغله البنات 💔سكت منهم لحدي ما البنات فاتو، قعدو يتونسوا لحدي الساعه ٩اتصلت عليو بسمه قالت لي منتظرنك بالعشاء،،، قام منهم وطلع عربيتو رشه روحو بالعطر كتير وشال لي لبانه وعطر العربيه (دا كلو خوف من الحاج 😏) وصل البيت لقاهم ختو العشاء وامهم معاهم، سلم عليها في رأسها قال ليها حنون اها كيف بقيتي 💛، قالت لي كويسه اقعد اكل،، قعدو ياكلو وطبعا كالعاده آبوهم لازم يفتح موضوع ديني ويقعدو يتكلمو فيو، قلبك العتيق ٢
الا هو كان ساكت،، ما لانو هو ما بحب الكلام الكتير أو هو إنسان سكوت أو هو بارد أو هو مفتري زي ما بقولوا عليو وكان بضايق شديد من الحتة دي 💔 كان ساكت لانو اصلا هو ما عارف هم بقولوا في شنو هو بعيد من ربنا كل البعد هو ابوهو إمام مسجد يوم واحد ما مشي صلى في المسجد الا يوم الجمعه بس 💔أغلب بنات اهلو معجبين بشخصتو وبحاولوا يتقربوا منو لكن هو كان ببعد من اي زول زي العايش براهو، لانو بقول على نفسو إنسان سي وسخان شديد من جو وما عايز يأذي زول قريب منو 💔،،، اكل سريع وقام وهو مضايق، مافي زول اهتم بي حركتو دي مع انو طوالي بعملها لانو هم بالجد شايفين انو شخصيه بلال كدا.
#نتعلم
تقريبا بلال بعمل بجملة"فسادكم لأنفسكم" 💛
#نتلاقي
