وصلت البيت وكنت زهجانه ما عارفه من شنو إستحميت وطوالي نمتا، حتى أمي إستغربت إني ما سألت من الحصل شنو مع خالتو لنا،، صحيت العصر لقيت أمي قاعدة في الحوش ومعاها خالتو أسماء جارتنا بتونسوا سلمت عليها وقعدت، سألتني من قرايتي وكدا وقعدت مسافه حتى فاتت ، جات آديلا طالعه، قالت لي أمي اكيد اتكلمت معاك في موضوع تبارك وأمين ولدها 😂،، أمي قبلت علي قالت لي هسي كان وافقتي بالولد دا مالوا هدي ورضى خلقه وأخلاق 😒،، آديلا قالت لي اي عليك الله ترحينا من نقه المرة دي 😂😂،،، قمت على حيلي وصلت الخرطوش وقعدت اسقي في الشجر، أمي قالت لي آديلا عليك الله شوفي البت دي،،، قلت ليها أمي أنا الولد دا ما مرتاحه ليو😊،، قالت لي اجي اجي كمان أمين فيو كلمه شفتي عليو شنو محترم وود ناس،، قلت ليها ما قصه شفت عليو حاجه بس كدا ما مرتاحه ليو ما بحس معاو بالأمان وقعدت اضحك 😂😂،، أمي قالت لي مشششم نحنا ي يمه في زمنا داك الواحدة ولا بشاورها زاتو 😒،،، قلت ليها معليش بس زمنككم ما زي زمنا ي امونه 😂،،، قلت ليها كدا خليك من دا اها الحصل مع خالتو لنا شنو؟!،، قالت لي اخوانها ضربو لي فيصل وجاهم وخلو يطلقا، آديلا قالت لي اتخيلي ي تبارك طلع متزوج مرة تانيه وعندو بت ولد،،، أمي قالت لي بعد الفطور جاء اخوها عمرو ساقها، آديلا قالت لي واي ي تبارك كان شفتي عمرو عمرو السرور لكن متزوج 😂😂،، قلت ليها انتي ما مشيتي المدرسه ولا شنو ي فلانه شفتي وين عمرو ، قالت لي والله جاني صداع وما قدرت اكمل اليوم وجيت، قلت ليها اممممم اتسيبي سمح، قلت لي أمي ولسه مصرة على موضوع الشقه، قالت لي والله حاولت اقنعها لكن ابت لكن قلت ليها الايام دي خليك مع امك وابوك تاني شوفي حتعملي شنو في حياتك 💛،،، قلت ليها الله يسهل عليها والله ما تستاهل والله،،، أمي قالت لي البركه في شهادتها نفعتا 💛،،، قلت ليها اي والله،، سمعنا الباب طقا مشيت فتحتو لقيتو أبوي،، بعد عملنا الغداء وكدا أمي قالت لينا بكرة الجمعه تصحو لي بدري عشان نعمل الفطور ونمش ناس حبوبتكم جمعتين ما مشينا،،، قلت لي أمي أنا ما ماشه عندي قرايه، ابوي قال لي يوم ما بعمل ليك امشي ساي، قلت لي طيب ودخلت غرفتي اتضايقتاا آديلا كانت بتعاين لي دخلت وراي الغرفه، قالت لي رايك شنو نلبس فساتينا الجابهم لينا ابوي، قلت لي كويس، قالت لي مالك ما متحمسه، قلت ليها آديلا زحي مني عايزة اقرا، قالت لي امممممم ما ماشه عشان حتلاقي عمار، قلت ليها اي عشان حلاقي عمار 😊💔
_____________________________________________
بعد ما بلال طلع من شقه بلال فات البيت دخل غرفتو طوالي استحما ورقد نام نومه طويله صحي ونزل لقى ناس البيت بتغدو سلم عليهم وقعد، ابو قال لي وين كنت أمس، قال لي كنت بايت مع صاحبي، قال لي وما بتكلف نفسك تكلمنا، قال انشغلتا شوية بس، امو قالت لي اعمل حسابك بكرة حتمش معنا ناس خالتك طولت منهم وما عايزة أي عذر، قال ليها ي امي عليك الله اعفيني عندي شغل كتير بوصلكم وبرجع البيت، ابو قال لي الشركه دي قبل ما تمسكا إنت كنت ماسكه أنا وما عملت عملك دا طوالي في حاله مشغول شوف اهلك ديل شويه بس، قال ليهم كويس ي جماعه اكل شوية وقام، ابو قالت لي والله الولد دا ما عارفه مالوا جاب الطبع دا من وين ما عارفه ما زي باقي اخونوا نهاي،، براءه قالت ليهم خلو براحتو، بلال دخل غرفتو وفتح الابتوب وقعد يشتغل لحدي الساعه ٩اتذكر انو جلابيتو العايز يلبسها بكرة وسخاانه، شال الجلابية ومشى لي براءه في غرفتا، فتح الباب لقها بتبكي،، قعد جنبها وسألها بلهفه قال ليها براءه مالك،، ما ردت عليو وقعدت تبكي زياده، ضمها عليو قال ليها في شنو ي بت،، قالت ليو وهي بتبكي إشتقت لي بسمه من إتزوجت وفاتت وانا حسيت البيت بقى على فاضي، قال ليها دا كلام شنو ي براءه انا مشيت وين وامك وابوك، قالت لي إنتي زاتك اشتقت ليك الفتره دي كلها مشغول مشغول ما عارفه مشغول بشنو للدرجه دي،،، زحها منو ومسح ليها دموعها قال ليها اعفي لي والله الشغل بقى كتير شديد هسي بطلي بكاء وقومي غسلي وشك دا الليله زاتو ما عايزين نتعشي مع ناس البيت ديل ،،،قالت لي لا انا عايزة انوم، قال ليها نوم شنو على بطلاق مف اي نوم قومي قومي معقول اختي حبيبتي تنوم زعلانه كدا ما يهون علي والله، قعدت تضحك قالت لي طيب قامت لبست ليها عبايه ومشت ليو في غرفتو، لما جوا نازلين لقو امهم بتقرا في قرآن في الصاله، قالت ليهم على وين، بلال قال ليها بتك منفسنه،، قالت لي شنو،، قال ليها زهجانه زهجانه ي امي بتك،، قالت لي وماشين وين، قال ليها نتعشى برا ونجي، قالت لي خلاص ما تتأخرو،، طلعو ومشى مطعم ظريف اتعشو وبراءة انبسطت شديد وقعدت تحكي ليو بالجامعه وصحباتها وهي كلامها كتير وبلال بس بسمع فيها لما زهج 😂😂،، بعد اتعشو لفو بالعربيه شويه ورجعو البيت.
______________________________________________
صحينا أنا وآديلا بدري بعد إنتهينا من موضوع النظافه وكدا أمي قالت لينا نجي نعمل معاها الفطور،، بعد إنتهينا، مشينا نلبس أنا فستاني لونو بيجي ومنقط بالبني شفون ومعاو جكت جنز و طرحه بيجية وجزمه بيج فيها فيونكه وشنطه بنية، وآديلا نفس الشي بس حقها فوشي، بعد لبست قعدت ومنتظرة آديلا تخلص، تلفونها إتصل، قالت لي تبارك ردي، لقيتو أحمد فتحت الخط وما إتكلمت جاني صوت حنين كدا قال جمعه مباركه أنا حرفيا إنبرشتا 😂،، قلت لي بصوت براحه كدا تتبارك أيامنا حبيبي 😂😂😂،،، قال لي تبارك!!!،، قلت لي اجلنعم ي عينيا 🤣💃،،، قال لي تصدقي إنتي واحده ما عندك دم،، آديلا قالت لي دا منو، قلت ليها أحمد 😂،،، أحمد قال لي طلعتو، قلت لي لالا لسه،، قال لي خلاص انا جاي اسوقكم، قلت لي لا مف داعي ابوي حيطلب لينا ترحال، قال لي كان عايزين تشحططوا بالترحال حرين بس بجي أسوق مرتي 😂😂،،، قلت لي خلاص اقفل شماعري اتكرفست 😔،، قال لي عايني انا كلمت حبوبه تجهز دقيق عشان تظبطي لينا زلابية من يداك 😂،، قلت لي خلي تسويها ليك مرتك 😒،،،، قال لي ايواا تمام كان عمار كنت سويتها، سكت مسافه قلت لي أحمد 😊،، قال معليش معليش وقفل.
______________________________________________
بلال صحي بصوت براءه قالت لي بلال قوم نسيت انو ماشين ناس خالتو،، قال ليها ماشين من عشرة ي براءه، قالت لي قوم الفطور طيب هسي الزمن بجر😂،، قام استحما ونزل فطر، بعد صلاة الجمعه وصلهم ناس خالتو ونزل معاهم،،، لقى خالتو منال وبناتها وأخوهم علي،، خالتو منال قالت لي وين بلال شنو الغيبه دي،،، نهله بتها قالت ليها شكلو نسي عندو أهل،، قال ليهم والله بس مشغوليات بس ي خالتي،، قعد اتونس مع على، جات نهله قالت ليهم ارح نتصور بمناسبه بلال عبد الحكيم معنا وكدا وقعدت تضحك، طبعا بلال ما بحب الصور أتصور معاهم صورة واحده وقعد 😂،،،، جات قعدت جنبو نهله وقعدت تتونس معاو وهو بس الكلمه وغطاها وهي برأيه بشكل ما طبيعي 😂😂،، براءه لما حست انو بلال زهج من نهله نادتها وقعدت تتونس معاها 😂🤦♀️،،،، بلال قعد معاهم مسافه واستأذنهم وطلع،،، لفه بالعربيه ومشى شارع النيل، ما نزل من العربيه ولع ليو سجاره فتح قروب الشله لقاهم ضايفين بنات،، قال ليهم ديل منو؟؟؟ ، واحدة رسلت لي ريكود قالت ليو دي انا الاقيتك في محل الشيشه ي بلالي(تبلك المطرة ي بعيده 😒) سمع الريكود وما ردا عليها 😂😂،،، فتح القروب التاني لقاهم مرسلين فيدهات إباحية 💔،، ما كان عايز يفتحهم بس فتحهم،،، بعد خلص جدع التلفون وحتى راسو في الديركسون وقعد يبكي 💔،، قعد يبكي زي الطفل العمل غلط وخايف يجو يعاقبو 💔 نزل من العربيه وولع ليو سجاره تانيه ،،، إتصل عليو صاحبو أسامة ردا ليو بعد كم مكالمه، قال لي وين انت ي بلال، قال لي في شارع النيل، قال لي مع شلتك ديك 💔،، قال لي لالا برأي، قال لي طيب جاي عليك، بعد مسافه أسامه وصل شاف بلال واقف جنب العربيه، مشي عليو بعد سلم عليو، قال لي مالك وشك دا كدا،، قال لي مالي،، قال لي حاصل معاك حاجه،، بلال سكت منو،، أسامه قال لي إنت ما ناوي تبعد من الشله دي ي بلال،، قال لي أسامه كان جاي تتكلم معاي في الموضوع دا اتوكل،، أساامه قال لي الموضوع دا كان ما إتكلمت فيو معاك انا ما في زول بتكلم معاك فيو لا اهلك عارفين عنك حاجه عشان يتكلمو معاك ولا المسميهم اصحابك ديل حيتكلمو معاك،، بلال قال لي عارف،،، قال لي طيب مدام عارف منتظر شنو،،، قال لي أسامه ما عايز اتكلم في الموضوع ده وهسي امش،،، قال لي هسي انا ماشي لكن أعرف انو ما بخليك الا توقف الانت بتعملو في روحك دا وفات،،، بلال قعد ساعات وهو بفكر،،، شاف ليو ولد صغير شايل ليو كرتونه فييها حلاوه وشكلولاته وبسكويت ومناديل وحاجات زي دي ببيع فيهم ،، ندة عليو الولد فرح شديد شكلو ما باع حاجه من جاء،،، قال لي عايز شنو،، بلال قال لي الكرتونه دي كلفتك كم؟! الولد قال لي كيف يعني، قال لي يعني الحاجات دي كلها اشتريتها بكم،، قال لي اشتريتهم بي ٥٠٠ جنيه،، بلال طلع من جيبو ٦٠٠ جنيه واداهم لي الولد وشال منو الكرتونه،،، والولد عاين لي بلال بخلعه وشال منو القروش لكن رجع ليو الميه،، بلال قال لي لي رجعتها اعتبرها هديه من اخوك،،الولد شال منو القروش وفاتت مبسوط 💛،، بلال عاين بالجهة التانية للزلط شاف ليو مرة فارشه ليها شوال وقاعده تحت الحيطه وماسكه ليها ولد صغير ومغطيه وشها بالتوب من الشمس 💔، قطع الزلط ومشى عليها ختي ليها الكرتونه جنبها ومسك يدها حتى ليها قروش وقام طوالي،، المرة شافتو قالت ليو الله يديك العافية يا ولدي و يفتحا عليك محل ما تقبل💛،،، انبسط شديد من دعواتها 💛،، إتصلت عليو براءه قالت لي تعال رجعنا.
______________________________________________
بعد ما وصلنا ناس حبوبه لقينا أعمامي وعماتي واولادهم،،،، قعدنا واتونسنا لحدي زمن الفطور جاء والقعده كلها عمار ما شال عينو مني الوحيد الكان حاسي إني مضايقه منو أحمد،، أنا ما كنت بعاين ليو بضحك وبتونس وهو بس بعاين لي،، أحمد جاء قعد جنبي وبقي يتونس معاي،،، أمي جات نادتنا عشان نرص الفطور،،، قمنا انا وآديلا وإسراء وقبس وملك ومروه،،، بعد الفطور دخلنا انا وملك نعمل زلابية،، جو داخلين قبس ومروة قالوا بسو الشاي والقهوة،،، أنا بسوي في الزلابيه وملك تاكل 😂،، ملك دي اخت عمار الأصغر منو قدري في العمر بتدرس معمار،،، جاء عمار داخل وقف اتونس معنا وانا ما كنت شغاله بيو عامله نفسي مشغوله،،، بعد طلع ملك قالت لي إنتي واحده تافه والله ي تبارك لي بتسفهي اخوي دا كدا 😂😂،،، ما اشتغلت بيها برضو 😂،،، بعد المغرب ياسين إقتراح علينا انو نمش الكبري،،، مشينا نحنا الشباب بس الناس الكبار ديل قالوا ما بقدرو😂😂،، اتوزعنا في عربيات عمار وأحمد ومشينا،،، بعد وصلنا عدينها كلها تصوير وعوارة مع أحمد وياسين 😂😂،،، كنا واقفين كلنا سوا كدا و بنتونس، قمت انا مشيت منهم بعيد وبقيت واقفه مركبة سماعتي،،،، فجاءه احس بزول زحا السماعه مني عاينت لقيتو عمار أنا عاد قلبي إشتغل دلوكه....
#نتعلم
بداخل كل إنسان إنسان آخر بداخل بلال العاصي💔،، طفل خايف و إبن بار وأخ حنون ورجل كريم متواضع،،، الإبتلاء بالغنى أشد من الإبتلاء بالفقر،،، الكبير كبير بأخلاقه لا بمركزة إكبر كما شئيت ولكن لا تتكبر💛
#تبارك_محمد💛
#نتلاقي حبايبي أنا 💛
