قال لي، طيب بس عايز اتكلم معاك شويه، قلت لي طيب، ركبنا العربيه وقال لي شارع النيل قريب من هنا، مشينا شارع النيل وقعدنا،، قلت لي طيب اها احكي إعتبرني معالچه نفسيه واحكي براحتك😂، قعد إضحك قال لي إنتي برضو بتقولي چ، قلت لي اي عندي وچع لغه و،، قاطعني قال لي وهيك يعني 😂😂💅،قلت بلضبط كدا اها قول لي ماشي كيف، قال لي والله رجعت لي نقطه الصفر ورجعت أسوأ من اول كمان ،حاجه صعبه والله اتغير انا على الحال دا من عمري ١٩ سنه،،، قلت لي اول حاجه ماف حاجه صعبه طيب اقول ليك حاجه الصعب انو إنت تحاول تهدي ليك زول ولا تغير ليك زول وهو ما عايز كدا يعني وطبعا هنا إنت ما من حقك تغيرو يا تتقبلوا كدا يا تخلي ههو ما عايز يتغير ويبقى احسن وخلاص عايز يتعايش مع سوء دا،، لكن انت يا بلال ما كدا، انت عايز تغير وعايز تبقى احسن يعني عندك دافع والدافع دا كمان من نفسك ودي حاجه كويسه شديدة،،، طيب عايزة أسألك سؤال، قال إتفضلي،،، قلت لي يعني انت مدمن الشراب إدمان عديل،، قال لي شوفي أنا الشراب دا ممكن اخلي بسهوله وممكن ابدا اخفف منو لكن أنا مدمن السجاير ومرات الشيشه، قلت بقلبي دا خربان بكلو ي تبارك،،، قلت لي الحمدلله كويس،،، قال لي كويس!! قلت لي اي كويس الإدمان على الكحول دا صعب علاجو ممكن ياخد سنه من عمرك عديل عشان تشفي،، لكن ممكن السجاير والشيشه دي تخليها بسهوله،، قال لي انا شايف العكس،، قال لي انا اصلا ما بصل مرحله إني اشرب الا لما أكون مضايق شديد،،، قلت لي طيب ممكن تمش تصلي تقراء قرآن،، قال لي ما بقدر💔،،، قلت لي طيب كان ممكن تحكي لي اصحابك،،، ضحك بسخرية كدا قال لي اصحابي!!! أنا ما عايز اقول ليك إنو اصحابي ديل هم الخلوني امش في الطريق دا لانو لما هم عرضو على كدا انا كنت زول كبير وعارف الغلط من الصاح كان بيدي أرفض بس لا ما عملت كدا،،، قلت واي ي تبارك يعني أسامه خطيب رزان بكون زيو كدا 😱💔،، قلت لي عايزة أسألك،،، قال لي انتي كل مرة حتقولي لي كدا اسألي ساي،،، قلت لي طيب أسامه صاحبك دا برضو كدا؟؟ قال لي أسامه لالالا أسامه دا كويس شديد الوحيد الكان بتكلم معاي وبزحني منهم كان طوالي بتكلم معاي بس انا ما شغال بيو يمكن عشان أسامه كان بقول لي إتغير ي بلال عشاني، عشان اهلك، عشان انت عندك أخوات، عشان ابوك إمام مسجد انت ما ينفع تكون كدا،، عشان عائلتك وانا دا كلو ما كان هاميني انا كنت عايز لي زول يقول لي اتغير عشانك انت ما عشان اي إنسان تاني،،، صراحه انا من كلام بلال دا حسيت انو زول عاقل شديد وفاهم شديد،، إحساس زول عايز يتصلح ويقرب من ربنا وما قادر زول قرفان من نفسو شديد عشان هو كدا لكن ما قادر يتغير زول ببعد من كل الناس لانو هو زول وسخان من جو وما عايز يأذيهم والحاصل معاو دا إببتلا واختبار بس،،،، قلت لي طيب ممكن تجي تحكي لي عادي مش بقينا أصحاب بدل تشرب ليك سيجارة ولا غيرو ،،، قال لي إن شاء الله،،، قال لي انا بشرب ٣ صناديق في اليوم،،، شههقت شهقه كبيرة لما ختيت يدي في خشمي،، قعد اضحك، قال لي دا العادي بتاع الاولاد إنتي شكلك بعيده من عالم الاولاد دا،،، قلت لي صراحه يعني انا اصلا ما عندي اخو ولا حتى ابوي بسجر وأولاد اهلي برضو، بعرف اولاد في الجامعه لكن ما عندي بيهم إحتكاك علاقتنا سطحيه،،، قال لي احسن +الله يحفظك 💛،، سكت ساي 😂،، قلت لي طيب شغال شنو انت،،، قال لي بدير شركه ابوي، يعني هو هسي بقى كبير في العمر مسكني ليها أنا،،، قلت لي ايوااا،،، قال لي انتي بتقري شنو،، قلت لي بدرس مختبرات 💕،، قال لي برلومه؟ قلت برلومه أنا توب سنير ي حبيبي 🤨،،، إنتبهت لي نفسي، قلت لي توب سنير توب سنير،،، قعد اضحك قال لي ما ظاهر عليك 😂،،، قلت لي طيب انا ممكن اديك روتين تمشي بيو في يومك هل ممكن 🌚💅، قال لي احكي وانا سامعك، قلت لي اول حاجه إنت تتطلع الأفكار حقت انا ما بقدر وانا إتعودت لانو اصلا الإنسان عبارة عن أفكار، فأنت حاول حسن أفكارك واحمي عقلك من الأفكار السلبيه وإستبدلا بي أفكار إيجابيه،،، والصلاة زي ما قلت حاجه معجزة والله كل ما إنتظمت في صلاتك امورك بتسهل يعني انت بدل تصارع عقلك تصلي أو ما تصلي استعين بيها في إنك تعينك على الصلاه،،، الصلاة دي ثمارها زي ما بقولوا ما بتجيك في يوم وليله بتلقى ثمارها في كل محنه أو مصيبه تحصل معاك،،، معاي انت 🌚💛،، قال لي إنتي متأكدة انو انتي بتدرسي مختبرات ما علم نفس، قلت اي 😂،، قال لي طيب وينو الروتين ما قلتي، طيب مثلا تقوم من الصباح بدري أهم حاجه انك تصحى بدري وتقريبا إنت ما عندك مشكله في الحاجه دي،لأنك زول عملي وهيك يعني، تصلي وتقراء قرآن وتدعي وتدعي تدعي كتير انو ربنا يثبتك💛+تعمل رياضه والله مهمه شديده، تقراء كتاب أو ممكن تعمل مديتيشن تأمل ممكن تتأمل وانت بتسمع قرآن والله بترحيح اعصابك شديد، حاول بعد ترجع من الشغل خصص ليك وقت معين كدا تقراء فيو قرآن 💛،،، قال لي ما عارف يعني اقول ليك شنو لكن بس حاقول
