طيب قبل ما اقول ليك يا بلال ما تعصب على عليك الله وافهمني انا كنت عايزة اكلم بدر لكن إنت عارف طبعو و.. قاطعها احكي يا براءة في شنو، قالت لي أول ما دخلت الجامعه إرتبطه لي مع واحد من دفعتنا، أنا كنت بحبو ولما إرتبطنا طلع هو كمان بحبني، ظريف شديد بقى عادي نطلع مع بعض أتصور بتلفونو عادي وبرسل ليو صوري انا كمان عادي، في اللحظه دي براءة عاينت لي بلال عشان تشوف تعابير وشو كان ظاهر عليو انو مضايق وبحاول يضبط اعصابو، قال ليها كملي لي سكتي،طوالي قعدت تبكي (اهااا شوفتي حركات تبارك دي ما تسويها 😂😂)،، قالت لي آخر فترة بقى متغير معاي، كم مرة بطلب مني قروش وبدي عادي عشان انا بحبو وهو كان بقول لي انو حيتزوجني، لحدي ما يوم طلب مني قروش وانا ما كان عندي،، بقى يهدد فيني انو لو ما اديتو قروش حينشر صوري، دبرت ليو قروش واديتو، تاني بقى بطلب متى مبلغ كبير اكتر من ٢مليون عشان ما ينشر الصور، كان في كل مرة بقول لي آخر مرة وبوعدني انو يسمح الصور بس كان بكذب على، وهسي انا ما عارفه اعمل شنو يا بلال الولد دا تافه وما حيشبع وحيفضل يبتزني بالصور دي كدا وقعدت تبكي،،، قام على حيلو وتاني قعد جنبها، قال ليها اول حاجه كويس انك كلمتيني، تاني حاجه يا براءة انا ما بلومك على الحصل دا، بلوم نفسي وبلوم أمي وأبوي واي زول مسؤل عنك وبلوم اهل الولد دا، لانو دي فترة مراهقه ونحنا كان لازم في الفترة دي تكون في شويه رقابه عشان ما يحصل زي الحصل دا تمام، تالت حاجه عايز اصححح ليك حاجه إنتي والولد دا ما بتحبو بعض إنتو معجبين ببعض ما أكتر لانو البحب ما بأذي اعرفي الحاجه دي بس برضو قلت ليك ما بلومك يا براءة،،، قالت لي بلال عليك الله ما تزعل مني انا والله ما عملت اي حاجة غلط، قال ليها عارفاك بس انا كنت مفتكرك أعقل من كدا انا ما كنت عايز اتشدد عليك واقول ليك ما تصاحبي اولاد في الجامعه لانو كنت واثق فيك بس شكلو الثقه براها ما بتنفع، عايز اشوف الصور الرسلتيهم للزفت دا😂😂، فتحت تلفونها ورتو الصور كلها كانت صور عاديه جدا وكلها لابسه فيها حجاب، قال ليها اتصلي عليو، قالت لي شنو، قال ليها إتصلي عليو،، قالت لي اقول لي شنو، قولي لي انو القروش جاهز وحنتلاقي في كافي... هسي، قالت لي بلال كيف يعني نتلاقي، مسح وشو بيدو وقعد يستغفر قال ليها براءة إنتي لسه بتسالي يعني انا عايز اخليك تمشي هسي تلاقي،،، إتصلت عليو وقالت لي الكلام القالوا ليها بلال، قالت لي حتعمل ليو شنو، قال ليها بهمك، قالت لي بلال ما تتكلم معاي كدا عليك الله انا اسفه، قال ليها براءة خلي بالك من نفسك فهمتي الجمله دي حافظي على نفسك لحدي ما يجي الزول البستاهلك وكلام زي دا ما يتكرر تاني، قالت لي حاضر لكن ما تكلم ناس البيت، قال ليها إنت مجنونه أكيد ما ف زول حيعرف بس تاني مرة إنتَبهي، هسي كدا وريني صورة للولد دا، شاف الصورة قال ليها اسمو منو، قالت لي مهند، قال ليها تمام هسي بطلي بكاء وطلع.
______________________________________________
مع الايام أبوي بدأ يتحسن والحرج بدأ يبرا وطبعا انا عايشه دور النيرس بكلو 😂😌،، بس قاعده تحت راسو، وطبعا رزران ومريم جوني، وخالتو لنا كمان،،، الليله أمي صحتني بدري قالت لي في مرة جابت حاجات خبيز وعايزك تساعديني،،، قمت إتضويت وصليت، لقيت آديلا طالعه للمدرسة، قالت لي بعدين جهزي نفسك عشان تشرحي لي، قلت ليها سمح اتقطع ليكم انا صاح 🌚💔،،،، نظفت البيت واديت أبوي الدواء وقعدت أخبز مع أمي لحدي الظهر، خليتها تعبي في الخبيز في الجرادل ومشيت صليت نومت، صحتني آديلا العصر قالت لي قومي اشرحي لي،،، قلت ليها آديلا بشرح ليك بليل هسي ما بقدر،،، قالت لي عارفاك تعبانه لكن الامتحانات قربت الحاجه دي كان ما فهمتها ما برتاح،، عاينت ليها بقرف😒🙂💔،،، قلت ليها تعالى اتزرعي اشرح ليك تقول الامتحان بكرة،،، قعدت اشرح ليها لحدي المغرب بعد إنتهيت سمعته لي صوت مرة بتسلم على أمي، طلعنا انا وآديلا، لقينها لنا ومعاها اولادها،،، سلمنا عليها، وطبعا انا وآديلا قعدنا نتشاكل في لميس البت جميله بشكل ما طبيعي 😂💛،،،، أمي قالت ليها ادخلي جو الغرفه، لنا قالت ليها لالا الجو حلو في الحوش،،، أنا قعدت معاهم وآديلا مشت تعمل عصير،،، لنا قالت لي أمي اها محمد بقى كيف، قالت ليها والله ماشي في تحسن الحمدلله 💛 بس هسي نايم،،، قلت لي أمي هسي كان انا كنت نايمه زي الوقت دا كان القيامه قامت 🌚💔،آديلا جات ختت العصير وقعدت،،، لنا قالت لي ي بت عشان ابوك عيان، قعدت اضحك قلت ليها اها إنتي كيف مع الشغل، قالت لي والله تعب شديد هسي جيت ناس أمي عشان اشيل الاولاد قلت أمر عليكم،،، أمي قالت لي تاعبة روحك مالك يا لنا اقعدي مع امك ساي،،، قالت لي والله شايفه كدا احسن هسي قريب حافتح عيادة، أمي قالت ليها ربنا يسهل،،، قلت لي حسن وحسين (السمايه متين يوم الاتنين 😂) مالكم ساكتين كدا،،، حسن قال لي انا نعسان، أمي قالت لي كر علي تعبانين،،، اتونسوا معانا مسافه وطلعو،،، بعد فاتو قلت لي أمي امش اصحى ابوي،، قالت لي إنتي مالك مضايقه 🌚🌚💔،،،، قلت ليها حاشا،،، قعدت اتونس معاها في الحوش، قالت لي شعرك دا عليك الله من متين ما ختيتي في مشط،،، عملت روحي ما سامعه 😂😂، قالت لي بتكلم معاك انا والله لو ما بخاف الكذب من عمليه ابوك ما سرحتي، قلت ليها والله انا لو ما بخاف تدقيني من أجزتا ما سرحتو🌚💔💅،،، قالت يا يمه البنات كلهن افتشن للشعر بالزيوت والكريمات وإنتي عندك عايني عامل كيف قومي جبيي حاجات التسريح قومي،،، قلت ليها امي خلي الصباح هسي ما قادرة، قالت لي اجي هسي انا قلت ليك سرحي قلت ليك بسرح ليك انا شوفي الكسل،،، مشيت جبت حاجات التسريح وبنبر وقعدت ليها تسرح لي 😂😂
______________________________________________
بعد ما بلال طلع من براءة مشي الكافي الاتفقو على هو والولد، بقى واقف برا الكافي، شاف ليك واحد جاي ما طويل شديد نافش شعرو زي اليوم الشال جدي 😂😂،،، كان لابس ليو جغلوميه راسطه في يدي غير الفي رقبتو،،، بلال عرفو انو دا مهند بقى بعاين ليو بنظرة إستغراب ودهشة إحساس انو براءة العجبا في الولد دا شنو 😂😂،،، الولد جاء داخل الكافي بلال قال لي لو سمحتا،، مهند قال لي انا،، قال لي مش إنت مهند، قال لي اي عايز حاجه، قال لي وحاجه مهمه تعال معاي ساقو من يدو ووقفو جنب العربيه حقت بلال، مهند طبعا مستغرب، بلال قال لي بتعرف لي مزة من مزز الرباط إسمها براءة عبد الحكيم، الولد قعد إضحك 😂😂،،، قال لي عايز منها شنو دي مزتي ي راسطه، بلال هنا حاول يضبط اعصابو قبل علي الجهة التانيه وقال استغفر الله،،، مهند قال لي عايز تجكسا ولا شنو (يا أخوي لم لسانك عليك احسن بتتدقا😂😂)،، بلال قال لي انا بلال عبدالحكيم آخوها يعني،،، مهند نطط عيونو،، بلال قال لي مالك يا اصلي ما حصل قالت ليك المعلومه دي ولا شنو،،، مهند بلع ريقو قال لي وعايز مني شنو،،، بلال قعد يعدل ليو في قميصو طبعا هو أطول منو شديد قال لي بالنسبه للصور البتهدد بيها اختي هي صور عاديه جدا انا اخوها الواقف قدامك دا إذا عايز بنشرها ما تعمل فيها راجل علي بنات الناس اعمل فيها راجل مع الرجال وهسي اسمعني افتح تلفونك دا وامسح اي زفت صورة لي براءة،،، قال لي وكان ما مسحتهم، قال لي يبقى حتقضي باقي اليوم دا وإحتمال البعدو في السجن 😊،،، مهند طوالي فتح التلفون بلال شالوا منو وقعد امسح في الصور وادا التلفون قال لي عاين براءة اختي معاك في الجامعه ومعاك في القاعه لو جات شكت لي منك من بحصل ليك خير وعينك دي ما تملاها منها وكان لقيتها في الشارع تغير طريقك تمام وفات منو،،،، وهو في الطريق إتصل على عصام، قال لي وين انتو، قال لي وين يعني في شفتي انا وحيدر بس قال لي خلاص جاي عليكم، دخل عليهم لقى عصام وحيدر بتونسوا،، عصام قال بقينا ما بنتلاقي كتير، قال لي بس ياهو الشغل لكن هسي اخوي بدر جاء بشيل عني شوية،،، حيدر قال لي عايز اقوليك تذكر البت الاقتنا في مححل الشيشة ديك،،، قال لي ماله،،، حيدر قال معططنا بيك وفي النهاية اديتها رقمك،، قال لي إنت عارف انو ما حاتكلم معها إنت مفروض تفهمها الحاجه دي.،،،قال لي والله زنت لي كتير،،، عصام قال ليهم كدا خليكم من دا عاينو الحبوب دي، بلال قال لي حبوب شنو دي مخدرات؟!،،، حيدر قعد إضحك قال لي حد الله بيني وبينها (إنت بتعرف الله يعني 🙂)،، بلال قعد إضحك قال لي توبت،، عصام قال ليهم المهم دي ما مخدرات بس حاجه كدا بتظبط الراس،،،، بلال قال لي ياها مخدرات يا غبي كدا اجيب اجرب(تجرب إية يا ود الشيخ 😂😂)،، بلال بلع ليو واحدة حسة انو راسو لافي رقد في الكنبه شوية كدا راسو هدا بقى شغال بتلفونو لحدي ما جاهو إتصال من رقم غريب.. 💔
#نتعلم
كلام لي كل أم واب وأخ كبير واخت كبيرة راقبوا بناتكم راقبو أولادكم ماا معقوله إنت تدي ليك تلفون لي بنت او ولد فى عمر مراهقة بدون كنترول راقبوهم بطريقه ما يحسوا انو إنتو بتراقبوهم،،، يا بنات خلو بالكم من نفسكم 💛
#تبارك_محمد💛🌸
#نتلاقي
