قال لي تبارك كيفك،،، قبلت عليو قلت لي اهلين عمار كويسه الحمدالله كيف إنت،، قال لي بخير دامك بخير،، سكت منو، قال لي اها القرايه ماشه كيف السنة الجايه خريجه وكدا،، قلت لي اي إن شاء الله وإنت كيف مع الشغل،، قال لي تمام الحمد لله،، بقى واقف واتونس معاي و َإفتح في المواضيع، أثناء ما بتكلم معاي كدا كان في سبيبات من شعري برا الطرحه رفع يدو ودخلهم لي جو الطرحه، أنا طبعا إجمدت وبقيت ساكته للانقذنني من الموقف دا تلفوني إتصل فتحت الخط ومشيت بعيد منو لقيتها مريم، قلت ليها مريم انا بحبك شديد، قعدت تضحك، قلت ليها مريم انا بحبك شديد والله اقسم بالله والله العظيم بحبك وقعدت اقول ليها بحبك لحدي ما صرخت فيني وقالت لي ي بت إنتي تافه ولا شنو يحبك برص 😂😂💔،، قلت ليها معليش والله لكن إنتي طلعتيني من موقف بايخ شديد، قالت لي موقف شنو،، حكيت ليها،، قالت لي عاد ود عمتك قليل ادب😂😂💔،،، قلت ليها هيييي برضو ما برضي فيو ،،، قالت لي طيب وقت ما بترضى فيو لي لما إتقدم ليك رفضتي،، قلت ليها مريم إتصلت لي إنتي 🙂،،، قالت هيي صحي نسيتيني زاتو بكرة إن شاء الله ماشه الاقي سيف🙈💛
قلت ليها واي جادة الحمدالله يا تافه شحتفتي روح الولد،، قالت لي على قول رزان البس شنو 🙈🤣،،، قلت ليها البسيني انا،، قالت لي هسي كنت بتكلم مع رزان قالت لي البسي الفستان البستو في الخطوبة حقتا اتخيلي بس يا تبارك🤣🤣،، قلت ليها واي البت دي اووفر شديد 🤣🔪،،، قالت لي خلاص يلا باي أشوف لي حاجه البسها،،، بعد قفلت منها ما حاولت أعاين جهه عمار،، أحمد شافني واقفه برأي جاء وقف جنبي، قال لي مالك واقفه براك، قلت لي ساي، قال لي كيف يعني ساي، قلت لي ساي دي ما إجابه سااايووواا🙂،،، قال لي ع فكره انا شفتك لما كنتي مع عمار،، قلت لي وبعدين،، قال لي انا ما عارف لي ما عايزة تدي عمار دا فرصه والله هو بحبك،، قلت لي بس انا ما بحبو بالعافيه هو وثم ثانيا دا ما حب انا اصلا بطبعي كدا بضحك وبتونس مع أي زول وعفوية شديد واناو عمار كانت صحبتنا حلوة هو افتكر انو بحبو وعلى الأساس دا مشي أتقدم لي،، ، قال لي طيب انتي لي رافضه فيو عيب يعني،، قلت لي أحمد افهم إنت زول عمرك ٢٣ سنه واعي ما قصه انو فيو عيب قصه انو انا ما متقلبه وبس وما قادره اتقبلووا اكتر من إنو ود عمتي واخوي الكبير زيك بلظبط،، قال لي بس انا ما اخوك انا راجل اختك 😂😂،،، عاينت ليو كدا😒، قلت لي أحمد ما تستظرف،، قال لي خلاص خلاص ارح نتصور صورة كدا برانا كدا ي حماتي😂😂،،، وقفت إتصورت معاو كم صورة كدا،، تاني ياسين قال لينا بعد دا نرجع مشينا ناس حبوبه ومنها أحمد رجعنا البيت.
______________________________________________
"عند بلال"
كان شغال في الشركه ومندمج شديد في الشغل إتصلت عليو اختو بسمه، رد عليها، اهلين بسوم، قالت لي بلال مشتاقين ياخ شنو يعني الغيبه دي طولت مننا اوعا تقول لي الشغل شغلك المابنتهي دا،، قعد يضحك قال ليها بصلكم قريب ما تزعلي يا ستهم،، قالت لي بلا كسير تلج معاك عايزة اقول ليك نحنا معاكم في البيت كم يوم عشان محمد سافر القضاربف ام واحد صاحبو معاو في الشغل إتوفت، قال ليها ربنا يرحمها إن شاء الله خلاص بحاول اخلص شغل سريع واجي، قالت لي طيب معسلامه،، ، قفل منها وحاول يخلص سريع طلع من الشركه ، دخل لي سوبر ماركت اشترى شوكلاته وشيبس وحاجات زي دي (اريتك أخوي 🙂)،، وصل البيت فتحت ليو براءه الباب جدع ليها شوكلاته في وشها وقال ليها وين رزة😂😂 دخل لقى امو وبسمه بتونسو في الصاله ورزاز بتلعب في الأرض،،،، شال رزاز وسلم عليها ومشى على امو سلم عليها في رأسها وسلم على بسمه،،، بسمه قالت لي اها قاعدين معاكم ٣يوم نشوف شغلك دا،،، قال ليها نورتو والله وينو رامز،، جاء رامز داخل إتعلق ليو في رقبتو وسلم عليو،، بلال أدهم كيس الشوكولاته والشيبس،، رامز قعد رزاز وكب الحاجات في الأرض وقعد يوزع فيهم 😂😂،،، بلال ما قعد معاهم كتير، دخل غرفتو استحمى ورقد نام، صحى بيدين صغار بهبشو في وشو فتح عيونو حبه لقى دي رزاز كانت بتخت خشمها في وشوَ وتملي رياله 😂😂،، قام على حيلو لقى براءه واقفه وبتضحك،، قال ليها ماشيفها ملت وشي رياله كيف، قالت لي ومالوا زي العسل 😂💃،، دخل الحمام غسل وشو وطلع لقى رزاز في السرير وشاليه التلفون وبتاكل فيو وملتو رياله برضو وبراءه طلعت 😂😂،، جرى عليها وشالوا منها وشال منديل نضف التلفون،، شالها وطلع، كان طالع براءه قالت لي هوي الغداء قرب ينتهي،، قال ليها لما يجهز اتصلي على،، طلع وبقي ماشي برجولوا ويلعب مع رزاز لقى لي مسطبه قعدا فيها وقعد يصور فيها 😂😂💛،،،، إتصلت عليو براءه عشان الغداء، رجع البيت لقى ابو قاعد،، سلم عليو قال وين من قبيل ما شفتك، قال جيت قبيل بس إنت كنت نايم،،، ختو الغداء وبراءه كانت شايله رزاز وبتاكل فيها بس هي مركزه مع بلال 😂💛،،، بسمه قعدت معاهم ٣يوم في ال٣يوم دي حست انو بلال متغير بحكم انو هي كانت أقرب واحده ليو ما كان بقعد بتونس معاهم كتير بس معظم الوقت بقضي مع رزاز سالتو كم مرة إذا حاصله معاو حاجه لكن هو كان بتهرب منها وبمشيها بأي حاجه بس هي ما كانت بتصدقو 💔
______________________________________________
