ناس عمار جو،، بعد ما لبست وجههزت شلت العصير ومشيت ضيفتهم وقعدت جنب عمار،،،، أبوي وأبو عمار بدو يتكلمو. وامي بقت شغاله لي بعيونها إحساس إبتسمي افردي وشك دا 🙂بعد ما خلصو أم عمار قامت وادتنا الدبل، ملك قعدت تصور فينا كم صوره برانا وتاني إتصورا معاي ناس رزان ومريم، على كدا خلصت الخطوبه وفاتو،،،،،،، مرت الايام والجامعه قربت تفتح والتقديم حق الجامعات بدأ وطبعا آديلا حتقدم،،، إتصلت على أحمد عشان يوديها تقدم، آديلا قعدت تحنس فيني الا امش معاها، جاء أحمد ومشت معاو، بعد إسبوعين كدا نتيجته التقديم ظهرت وآديلا قبلوها صيدله جامعه.. وحتنزل بعد اسبوعين أنت نزلت جامعه، كنت من المحاضرة للبيت ومرات عمار بجيني في الجامعه نمش نتغدا ومنو يرجعني البيت،،،اليوم الجمعه ناس امي ماشين ناس حبوبه، قلت ليهم ما ماشه عندي قرايه امي ما إتناقشت معاي، آديلا قالت لي بتقعدي براك، قلت ليها مريم إتصلت على قبيل وجايني، قالت لي تمام زي الساعه ١١ كدا طلعو، قعدت اقلب في الشيتات، لحدي الظهر مشيت صليت، شلت تلفوني عايزة اتصل على مريم عمار إتصل على، ما رديت عليو إتصل تاني رديت قلت لي الو، قال كيفك، قلت لي كويسه، قال لي ما جيتي ناس جدو، سكت منو، قال لي بتكلم معاك انا، قلت لي صحبتي جايني وعايزين نقرا، قال لي صحبتك منو، قلت لي مريم، قال لي الكانت فاكه شعرها يوم الخطوبه ديك، قلت لي اي، قال لي البت دي تباريها ما كويسه، قلت لي عفوا عفوا ما أباري منو، قال لي كلامي واضح، قلت لي وبتأمرني على أساس انك شنوو في حياتى، قال لي كيف يعني على أساس شنو، قلت لي عديل على أساس شنو؟! ولي أمري انت لا راجلي لا ثم ثانيا الكلام القلتو لي دا امي وابوي ما امروني بيو صدقت نفسك انت خلاص!!!! مريم البتقول لي ما تباريها دي معاي من الثانوي وامي وأبوي بعتبروها زي بتهم، قال لي اول حاجه ما تصرخي تاني حاجه انا العندي قلتو، قلت لي وانا العندي قلتو كمان، قال لي تبارك إنتي ما ملاحظه انك من يوم الخطوبه وقبل الخطوبه متغيرة، قلت لي الحمدلله الحسيت، قال لي بشنو، انو انا متغيرة، قال لي لي إنتي محسساني انو انتي مجبور عليَك، من دون ما أشعر قلت لي دي الحقيقه اي عمار انا مجبوره عليك اميي وأبوي جبرومي عليك وانا لسه ما غيرت رأي في إنو بعتبرك زي اخوي عايز تستمر معاي كدا اوكي ما عايز تسمتر برضو اوكي وبعد دا إنت وكرامتك وقفلت الخط في وشو،،، وقعدت ابكي سمعتا الباب طقا مشيت غسلت وشي وفتحت الباب لقيتها مريم، قالت لي مالك ي بت عامله كدا، قلت ليها ادخلي، دخلتها الغرفه ومشيت جبت ليها مويه وعصير، قالت لي في شنو ي بت، قلت ليها زفتها مع عمار، قالت لي في شنو، قلت ليها ما قادرة احكي ياخ اها قلتي حنقراء شنو،، قالت لي في الحقيقه انا ما جيتك عشان نقرا، قلت لي عشان شنو اها،،، قالت لي بلال أمس إتصل على بلال،، ، طبعا لما قالت لي بلال قلبي عايز يطلع من مكانو، إتصل على ما عارفه جاب رقمي من وين سألني منك كان قلقان شديد ي تبارك وحكيت ليو الحصل كلو وقال لي امشي ليها وبعد تصلي، اديني اتكلم معاها، سكت منها ساي، قالت لي تبارك والله البتعملي في نفسك دا ما كويس قبل ما تم كلامها تلفونها إتصل قالت لي دا هو💛، فتحت لي الخط وادتني التلفون وطلعت من الغرفه، بلال شغال الو الو وانا دموعي ما قادرة تقيف لما ما رديت عرف انو دي انا، قال لي تبارك، بعد مسافه قلت لي ايوا، قال لي عملتي كدا فينا لي ما كلفتي نفسك انك تتصلي على و تكلميني وتشوفي انا بعمل شنو، أنا كنت حاسي انو حاجه زي دي حتحصل، عارف انو حتى لو إنتي إتقبلتيَني اهلك كان عرفو ما حيقبلو،،،، قلت لي بلال انا إتخطبت خلاص، قال لي مف حاجه إسمها انك تبقى لي غيري الحاجه دي ما بتخش راسي زاتو، أنا بالرغم من الإنسان الزفت الكان جواي بس انا ما شايف انو في زول بستاهلك غيري،،،قفلت الخط وقعدت ابكي مريم جات داخله قعدت جنبي وقعدت تهدي فيني،،لحدي ما نومت، صحيت بعد المغرب لقيت آديلا قاعدة في الغرفه قلت ليها مريم مشت متين، قالت لي بعرف انا من جينا انتي كنتي نايمه،، قمت إتوضيت وصليت بعد خلصت آديلا قالت لي تلفونك بتصل، لقيتو عمار، قلت استغفر الله العظيم، اول ما رديت قال لي انتي قلتي لي إنت وكرامتك صح وانا كرامتي ما بتقبل اعيش مع إنسانه هي ما عايزني ومجبورة على كمان وزي ما دخلنا بالمعروف نطلع بالمعروف ما عايز اقول ليك امشي إتحججي على امك وخالي محمد بي أي حجة عشان نفسخ الخطوبه نحنا أهل في بعضينا وما حيكون في اي إحراج انا حامش ليو وافهموا الموضوع،، قلت لي تمام وقفل الخط،،، آديلا قالت لي الولد برغي معاك دا كلو وانتي تقولي لي تمام، عاينت ليها وسكت، قالت لي بقى دمك تقيل،،،كان دا اول يوم انوم فيو مرتاحه تاني يوم قبل ما امش الجامعة طلعت الدبله واديتها لي آديلا، قلت ليها إذا عمار جاء هنا أدي الهديه تمام 😘، آديلا طبعا قعدت تعاين لي بخلعه كدا مشيت خليتها في صدمتها دي،،، وصلت الجامعه وإتلاقيت مع مريم جنب البوابه، سلمت عليها عايزين ندخل كدا سمعنا بوري عربيه ورانا، قبلنا لقينها رزان جايه مع أسامه 😂،، نزل أسامه معاها سلم علينا وفات، مريم ليها رزان في داعي تلبسي الشبط دا حنتك رهيبه😂، قالت لينا أسامه قال لي إلا تلبسي إسبورت قلت لي الحنه بتروح كدا 😂، قلت ليها ارح ارح عندي ليكم خبر 💃،، بعد دخلنا مريم قالت لي اها شنو، قلت ليها عمار لقد فسخ الخطوبه، رزان قالت لي كيف يعني هو الفسخا ما انتي، قلت ليها اي اتصل على وقال لي كدا بالحرف وما حنك انا ولا هو اللهم هم وإنزاح،،، عدينا اليوم في الجامعه وضحك وحكاوي رزان عن شهر العسل وماليزيا، قالت من جيت عايزه احكي ليكم واوريكم الصور لكن تبارك كانت منكدها علينا 😂، قلت ليها رزان إنتي قاسيه والله،،، مريم قالت لي بالمناسبة بلال قال ليك شنو، قلت ليها ما قال لي حيعمل حاجه لانو اصلا ما تميت كلامي معاو وقفلت التلفون ،، قالت لي كيف يعني، قلت ليها هيك يعني 🌚💔،، رزان قالت لي تصدقي انك حقيره،، قلت ليها شكرا 🙂،،، بعد رجعت البيت دخلت كدا لقيت آديلا خاته ليها كميه من الماسكات قداها ولابسه شربات وجوينتات َووشها ماعارفه عامله فيو شنو، قلت ليها هاي آديلا قالوا في شنو، قالت لي جامعتي بعد إسبوع ي هنايه لازم ابقي كيكه 💃، قلت ليها ايوااا،، قالت لي طبعا ما وريتك عندي ليك خيرين تعالى اقعدي ، قلت ليها طبعك ما بتخلي اها احكي😂، اول حاجه خالتو لنا عقدت، قلت ليها منو ومتين، قالت لي بري ما بعرف بس الليله اتصلت على امي وكلمتها انو الموضوع جاء فجاءه واصلا ما عملوا اي حاجة عقد في المسجد وخلاص، قلت ليها والعقد عليها منو، قالت لي اسمو هيثم تقريبا كان زميلاها في الجامعه زمان حاجه زي دي غايتو،، قلت ليها ما شاء الله ربنا يسعدها إن شاء الله 💛، وَاها الخبر التاني😂، قالت لي عمار جاء هنا بعد ما إنتي طلعتي الجامعه وفسخ خطوبتكم، قلت ليها كيف، قالت لي ما عارفه الكلام بالضبط لانو كنت مدسيه ورا الباب وبسمع لكن الفهمتو والسمعتو انو عمار قال لي أبوي انو ما قدر يتأقلم معاك من فتره الخطوبة وانو إنتو إتفاهمتو في الموضوع دا وانو القرار دا ما طلع منك انتي براك اخدتو انتو الاتنين سوا وكل شي قسمه ونصيب وكدا لما جاء طالع مشيت ليو واديتو الدبلة، قلت ليها وردة امي وابوي كانت شنو، قالت لي أبوي إتقبل الموضوع عادي بس أمي قعدت تهرج ولكن ابوي حسم معاها الفارغه واقنعها😂، قلت ليها امي وين هسي، قالت لي راقده بهناك من عمار فات الفطور لما قمت عملتو اناا 😂😂،،، يوم الخميس بعد ما ابوي جاء من الشغل كانت الساعه اربعه، بعد ما إتغدينا انا دخلت اعمل شاي سمعتا الباب بطق لبست توبي ومشيت فتحتَو والصدمهه لقيتو بلال 😳🔥، بلعت ريقي خرشميه مرة قلت لي بلال، قال لي ما ممكن اتفضل بدل وقفه الشارع دي وتاني اتصدمي براحتك، قلت لي اتفضل إتفضل قعد في الحوش مشيت وانا حيلي ما شايلني لي أبوي وأمي، قلت ليهم في ضيف برا طبعا ابوي ما حصل شافو بس امي بتعرفوا امي لبست توبها وطلعت الصدمه كانت مضاعفه بالنسبه ليها، بلال قام على حيلو وسلم عليهم ابوي قال لي إتفضل جوا، قال لي لا مف داعي ، وامي عاينت لي نظام ادخلي جوا، دخلت الغرفه، آديلا قالت لي الجاء منو، قلت ليها بلال، قامت على حيلها قالت لي بلال َوقامت طلعت في شباك الغرفه الفاتح في الحوش وانا مشيت وقفت معاها امي جابت ليو عصير 😂،،، آديلا قالت لي واي شوفي القميص ولا الساعه ولا البنطلون احياااا اشهد الله عطرو وصلني لحدي هنا 😂😂😂، قلت ليها آديلا اسكتي خلينا نسمع،،، قال لي أبوي انا بلال عبد الحكيم ، ولد الشيخ عبد الحكيم، أبوي قال لي إنت ولد شيخ عبد الحكيم إمام مسجد...😳،، قال لي ايوا، أنا، أمي إسمها حنان كانت أستاذة وإتقاعدت من فتره طويله، اخوي الكبير بدر متزوج وعندو أطفال كان مقيم في الإمارات لكن هسي جاء إستقرا وانا و هو حاليا بندير شركه ابوي، عندي اختي بسمه مهنديه معمارية متزوجه وعندها أطفال واختي الصغيرة براءة بتدرس طب في تانيه جامعه ودي كدا أسرتي طبعا وزي ما عرفتو انا كنت بتعاطي،،، بس ما إدمان يعني من فتره لي فتره بس قفتها من قبل شهور وبفضل بتكم،،، تبارك بالنسبه ليكم بتكم و الكبيرة كمان واكيد بتتمنوا ليها احسن إنسان بس تبارك بالنسبه لي حياتي صحبتي واختي وحبيبتي كمان اي بحبها وانا اول ما عرفت الحاجه دي كلمتها طوالي وكنت مستني موافقتكم عشان اجي،، ما حاولت العب بيها أو اقضي بيها زمن، وانا لو ما كنت متأكد انو انا حأكون حريص وأمين عليها ما كان وصلت هنا،،، وانا جيت عشان أتقدم لي تبارك وما عايز رد هسي أخدو وقتكم واسألو من اهلي وانا متأكد ما حيذكرهم ليكم الا بالخير وانا زاتي ما حيذكروني ليكم الا بالخير لانو مف زول عارف الحاجه الكنت عايشها غير تبارك، وقام على حيلو أبوي وقفو قال لي إستنى، أبوي قال لي انا لما ام تبارك كلمتني عنك انك بتتعاطي و إنو انت نفس الزول البتي إختارتو كنت متفاجي لانو انا عارف تبارك بتي عاقله ومستحيل تجيب لي زول كدا وقلت أكيد في حاجه ناقصه، ودا السبب الخلاني ما اتكلم معاها عشان كنت منتظرها هي تجي تحكي لي بس ما جات عشان كدا إضطريت اجبرها على ود عمتها بس بعد جيتك دي وكلامك دا ووضوحك دا انا بضمن بتي معاك وبقولها ليك قدام امها انا اديتك ليها وإذا مستعد الأسبوع الجاي دا جيب اهلك وتعال💛، لما قال لي كدا انا دموعي دي صبت مطره آديلا قالت لي علبه شوكلاته انتي شنو اديتك وما اديتك 😂😂، قلت ليها آديلا اسكتي،، بلال قال لي ولي إلاسبوع الجاي بكرة دي نكون معاكم، سلم على امي وابوي طلع،، بعد فات ما حاولت اطلع طلعت توبي وقعدت آديلا كانت تغني لي بصوت واطي 😂😂،، سمعت ابوي نادني، قمت من دون ما أشعر طلعت وقعدت جنب أمي، قال لي ما عارف اقول ليك شنو بس اعفي لي ي بتي، أمي قالت لي ظمتك وظلمتو ساي اعفي لي، قلت ليهم مف داعي والله تعتذرو انا الكان مفروض كان اكون واضحه من البدايه امي حضتني عليها، جات آديلا طالعه قالت لينا دي شنو الدراما دي، اسمعني ي ابوي تقل جيبك جامعتي قربت وانا لسه فردة شراب ما إشترتيها، خليتهم بتكلمو ودخلت الغرفه إتصلت على بلال قفل فيني، قلت يمكن حيرجع بس ما رجع تاني إتصلت تاني قفل فيني تلاته مرات انا بتصل وهو بقفل😂😂، عايزه ارسل ليو واتس لقيتو حظرني 🌚🌚🔥،،، رسل لي رساله smsقال لي انا هونت عليك شهر واكتر كمان لا عبرتيني برساله ولا إتصال وهسي انا كمان بعاقبك بي انو لا حاتكلم معاك ولا حتسمعي صوتي لحدي بكرة عشان تضويفي ربع المرمطه الإتمرمطها عشان اصل ليك 😂💛،،، قعدت اضحك 😂 إتصلت على مريم طوالي، قلت ليها مريومة، قالت لي اها احكي، قلت ليها بلال جاء، قالت لي جاء وين😳، قلت ليها بيتنا، 😂💃، قالت لي دقيقه دقيقه ادخل رزان في المكالمه، بعد رزان دخلت قالت لي اها احكي احكي، حكيت ليهم الحصل كلو، مريم قالت لي يعني خطبوتك بكرة ي حيوانه، قلت ليها يس 😂💃، قالت لي كنتو تألجوا شوية، قلت ليها انا لاقيه تكون بكرة 🙈💛،،، رزان قالت لي خلاص يزوله انا جبت كم فستان سهرة معاي من ماليزيا بجيب ليك معاي واحد بي طقمو واحد لي مريم،،، مريم قالت ليها تتعلي ما تتدلي،،، في الليل داك امي كلمت اهلي 😂😂😂،،، تاني يوم العصر بيتنا دا إتملا وانا بس كنت مستلمهه لي ملك تعمل لي ماسك و تتطلع لي ماسك 😂،، مريم جات براها وجابت معاها الفستان، قالت لي رسلتو لي رزان عشان قالت لي بجي مع راجلي التافه😂،،،، بعد المغرب كدا انا كنت بلبس سمعتا في جوطة وسلام جاتني آديلا قالت لي العريس ووَصل 😂💃💃، أنا اللحظه دي رجولي بقوا يضوبو في بعض،، الفستان كان كوبي منفوش كدا وفيو حزام في النص ومن فوق دانتل مكبوس وطرحه نفس لون الفستان وكعب عالي نفس اللون برضو من تحت ما طويل شديد،، بعد مسافه امي نادتني مشيت وانا شايله الصينيه قدمت ليهم، كان بلال واخو واخواتو وتلاته نسوان و وأسامة، بعد خلصت قعدت جنب بلال 🙈💛،،، في مرة كدا تعاين لي وتتفحص فيني من فوق لي تحت لما وترتني ما عرفتها النسيبه ولا واحدة من نسوان اهلو 😂،، إتكلمو في مََواضيع جانييه كدا، قام ابو بلال قال لي أبوي، زي ما عارفين نحنا جايبن ولينا الشرف نطلب يد بتكم تبارك لي ولدي بلال على سنه الله ورسوله،، أبوي قال لي ونحنا كمان لينا الشرف وولدك ما فيو كلمه وجاء بنفسوا واتعرفت عليو بس انا عندي كلام ، قال لي اتفضل، قال طبعا تبارك بتي لسه ما خلصت جامعه ودي آخر سنه ليها وانا ما عندي بت بتقرا في بيت راجلها قرايتها دي مسؤوليتي انا بعدين الشغل دا حاجه بينها وبين راجلها، لما قال كلمه راجلها مريم كانت واقفه وراي قرصتني في كتفي 😂، ابو بلال قال لي ونحنا ما عندنا اي مشكله تكمل تعلميها وبعدين الله يسهل يلا نقراء الفاتحه، أنا اقرا واتبسم، قامت ام بلال وجابت الدبل💛، بعد لبسناهم ملك ورزان قعدو يزغردو 😂، آديلا وقبس قاموا وزعوا الشياله تاني، في أثناء الونسه كدا بلال قال لي هسي ابوك دا لو حلف طلاق وقال ما عقتدو ما بططلعوا من هنا مالوا، قعدت اضحك قلت لي كلمو 😂💛، ملك جرتني من يدي وقالت لي بلال تعال طلعنا برا وقالت عايزة تصورنا إتصورنا كم صوره كدا وإتصورت مع مريم و رزان، آديلا جات شايله ليها ورد ملون، قالت لي هاك اتصوري بالورد دا 😂، شلت لي اتنين كده، قلت لي بلال احلى دي ولا دي قال لي الفي النص💛🌸
"يا بت الحلال أنا شاري"💛
داخل البيت من بابو وطالبك بالحلال💛
أنتي شخص على مقاس أمنياتي تماماً💛🔐
#نتلاقي💛🌸
