بقى شغال بتلفونو لحدي ما جاهو إتصال من رقم غريب،،، 💔، فتح الخط وقال الو،، جاهو صوت بت قالت لي بلال بصوت مايع كدا،،،، (عرفتوها دي منو صح 😒💅)،، قال ليها ايوا بلال منو معاي، قالت لي إرم، قال ليها إرم منو، لما قال كدا عصام وحيدر بقو مركزين معاو، قالت لي إرم البت الاقتك في محل الشيشه اليوم داك، قال ليها ايواا إتذكرتك، يلا البت قعدت تاخد وتدي معاو في الكلام وهو طبعا متجاوب معاها بسبب الحبة الاخدها، شوية شوية مسار الونسة بقى منحرف 🌚💔💅(تم حذف الكلام حافظاََ على إحترام الذات🌚😂)،،، وحيدر وعصام كانو متكيفين طبعا لانو شافو انو بلال بدأ يبقى زيهم جد جد💔،،، في أثناء المكالمه بلال نام حس نفسو زي الاتخدر،،، نام للساعة ١١،، زي الساعة ١١:٣٠كدا تلفونو إتصل، حيدر وعصام كانوا صاحين، لقو المتصل امو، حيدر قال لي عصام رد،عصام قال لي لالا رد إنت احسن (في إية يا رجاله 🌚💅)،، حيدر قال لي نقول ليها شنو،،، عصام قال لي انا بصحي وإنت رد وقول ليها انا أسامه وبلال هسي في الحمام، حيدر كان عايز يرد كدا الخط فصل، تاني إتصل دخل الغرفه وردا، السلام عليكم، حنان قالت لي بلال يا ولد وين إنت من المغرب، قال ليها انا أسامه ي خاله حنان وبلال دا في معاي،، قالت لي ايوا أسامه كيفك إن شاء الله كويس، قال ليها تمام، قالت لي بلال وين، قال ليها في الحمام هسي كان طالع، قالت لي خلاص كويس وقفلت الخط، طلع لقى بلال قام، قال لي بتقدر تصل البيت، قال لي اي اي كويس بس اشرب لي كبايه قهوه اصحصح بيها دخل غسل وشو ودخل المطبخ عمل ليو قهوة شربا وطلع، وصل البيت لقى امو قاعده في الصاله، قال ليها حنون المصحيك للوقت دا شنو،،، قالت لي مصحيني انت من المغرب ما رجعت البيت قلقت عليك، قعد إضحك قال ليها دا كلام شنو انا بقيت كبير والله،،، قالت لي كبير على نفسك كان بقيت قدري بقلق عليك 😒،،، قال ليها تسلمي لي إنتي هسي امشي نومي، قالت لي عاين صحي هسي لما ردا لي أسامه كنت عايز اعزمو للكرامة العاملنها بكرة لي بدر ويجيب معاو امو، قال ليها أسامه!!،، قالت لي اي اجي ما كنت معاو، سكت ورد ليها طوالي اي اي ما قايل انو هو الرد عليك اي انا كلمتو، قالت لي أسامه دا مش خاطب عايز يتم عرسو متين، قال ليها والله خطيبتو قالت لي الا تتم الجامعه، قالت لي عقبالك يا يمة ندايدك كلهم الخطب خطب والعرس عرس الا إنت يا كافي البلاء 😒😒،،، قال ليها أمي تصبحي على خير دا وقت نقاش حاجات زي دي، قالت لي وإنت من اهلو 😒، ودخلت غرفتها،،،، بلال دخل غرفتو ونام صحي تاني يوم بدري عشان الكرامه، كانت فطور، زي الساعه ٨ إعماموا وعماتو وخالتو منال وبناتها جو، وبدأ برنامج الفطور،،، الرجال كانو في الصالون جاء من أصحاب بلال أسامه وحيدر وعصام،،، بعد الفطور كانوا بشربوا في الشاي، أسامه قال لي بلال هسي ديل عازمهم لي،، بلال قال لي كيف عازمهم لي ديل أصحابي برضو، أسامه قعد إضحك قال لي أصحاب لكن، بلال قال لي انا عارف نفسي بوهم نفسي في بكلمه أصحابي دي بس هسي ما عايز اتكلم في الموضوع دا،،، سمع راجل بقول لي ابو انا والله ما قايل انو عندك ولد غير بلال قايل بلال الكبير،، عبد الحكيم قال لي عشان بدر إغترب كتير أغلب الناس ما بتعرفوا،،، عصام قال لي بلال هاك التلفون دا ليك، شال منو التلفون لقى الاسم إرم حمر لي عصام وطلع، طبعا الست إرم بتتصل عليو من أمس بس هو ما ردا عليها بعد ما إتذكر كلامو معاها،،،، رد ليها الو، قالت لي شنو عامل فيها تقيل، قال ليها مشغول بس، قالت لي ايوااا اها ما تمينا كلامنا أمس، قال ليها عايني ي بت الناس انا امس كنت في حاله عدم وعي فاريت تاني ما تتصلي على وقفل التلفون،، بقى وااقف لحدي ما شافتو نهلة، قالت بقلبها عايني لي السمح المفتري والله ما اخليك بل بلال ابقى ليك في رقبتك ومشت عليو 😂😂💅،،، قالت لي بلال، عاين ليها قال ليها نهله،، قالت لي كيفك، قال ليها كويس الحمدلله، قالت لي طبعا بعد دا بدر دا َحيشتغل معاك في الشركه وكدا،،، قال ليها اي حيساعدني، قالت لي يعني بعد دا حتلقى زمن تزور اهلك طوالي إنت في حاله مشغول،، قال ليها إن شاء الله، سكتت ساي ما عرفت تقول شنو قامت طلعت ليها ساعه من شنططها، قالت لي بلال بس لو سمحت ممكن تلبسني الساعه دي ما عرفت البسها، (غايتو بيجوهَو بكون سبا ليك 😀😂😂💅) شال منها الساعه ولبسها ليها وهي تعاين ليو ومبسوطه، قالت لي شكرا وفاتت، بعد فاتت قال استغفر الله، جاتو براءة قالت لي شنو يا بلال الحركات دي، قال لي حركات شنو، قالت لي ساعه وهيك 😂😂، قال ليها عليك الله فهمي بت خالتك دي تبعد مني، قالت لي تصدقك إنك إنسان بايخ وفاتت،،، بعد ما الكرامه إنتهت براءة وبسمة وتغريد مرت بدر قعدو يرتبو في البيت،،، بلال كان قاعد في غرفتو وبقلب في تلفونوا عمل كم آد كدا لي بنات، سال نفسو لي عمل كدا بس قبل ما يقعد يفكر ويبرر لي نفسو يعني ما عايز يدي نفسو مجال انو يفكر حتى ما عايز عقلو يقول لي البتعمل فيو دا غلط 💔
______________________________________________
مرت الايام وأبوي بقى كويس وبقي يمش الشغل وكان باقي لي إمتحانات آديلا إسبوع بس وانا كمان قربت أنزل جامعه 🌚💔، يوم أبوي الصباح لما جاء ماشي الشغل قال لي ارح معاي إشتري ليك حاجه عشان الجامعه، قلت لي ما بحتاج يعني كل سمستر اشتري إية البذار دا،،، قال لي خلاص هاك دا مليون ونص اشتري كان إحتجي حاجه من حاجات البنات البتشتريها دي اشتري 😂
شلتهم منو قلت لي تسلم لي يا انا 🤭😂💛، بعد أبوي طلع نضفتا البيت بعد الفطور قلت لي أمي ارح معاي البوتيك، قالت لي لكن ما تقعدي تقلبيها ونسة مع الداخل والمارق اشتري من سكات واطلعي، قلت ليها هيييي والله دي حركات إنتي يا امونة😂😂، قالت لي حركاتي، طوالي دخلت غرفتي لبست لي توب بس😂💃، لقيت امي لبست طلعنا وقفنا ركشة َمشينا، طبعا انا كان ما كشفت لي اي حاجه وشفت الجديد شنو والقديم شنو ما بشتري، واقعد اتونس مع الزبائن ومرات اقعد اساعدهم في الاختيار 😂،،،حسيت امي بتحمر لي مشيت اشتريت حاجاتي اشتريت باندات وكريم وشربات بحب حاجه إسمها شرابات لقيت لي واحد لونو أصفر في إسبونجبب اشتريت منو اتنتن واشتريت كم حلق وعطر ومناكير 💃لما جينا طالعين شفت لي سبحة لونها ابيض بتلمع اشتريت اتنين واحدة لي وواحدة لي امي، قلت لي أمي ما عايزة حاجه🌚💔، قالت لي اطلعي بس، قلت ليها عليك الله ما عايزة حاجه،🌚💔 قالت لي الله يطولك ي روح، قلت ليها عليك قولي ساي انا زي بتك والله ما تخجلي🌚💔، قالت لي تبارك 🙂، مسكت يدها وطلعنا وقفنا ركشة 😂😂، َبعد وصلنا البيت لقيت ما عندي موضوع اتصلت علي رزان ومريم قعدت اتونس معاهم، قلت لي مريم اها كيف حبيب القلب 😂💃، قالت لي سيوفي 🙈،،، رزان قالت ليها سيف في رقبتك 😂😂، قلت ليها لي كدا ي رزة الحقد دا الحاله مرتبطه لي 😂😂،،، مريم قالت لي إنتي ما ناويه عليك وافقي بي ود عمتك دا ساي اااا تبارك،،، قلت لي مريم قفلي،،، رزان قالت لي ي تبارك ي بتي انا نفسي اشوفك عروس قبل ما ربنا ياخد امانتو😂😂💔،،، قلت ليها كدا خليك من دا عايني ي مريم قولي لي سيف تبارك قالت ليك مشتاقين وما عايز تعزمنا أقاشي قريب 😂😂،،، قالت لي اقول لي مشتاقين 🙂، قلت ليها اي زوله صاحبي ولا ما صاحبي 🙂،،، رزان قالت ليها المكان الودانا ليو السنه الفاتت تذكرو بتاع الاقاشي 🤤، قلت ليها كنا الوقت مركبين ليو وش النسابة 😂😂😂،، مريم قالت لينا هيي انا قاعده لسه 🙂، قلت ليها هوي يلا انا ماشه انوم وقفلت التلفون،، رقدت نومت صحيت العصر لقيت آديلا بتقراء وريتها الحاجات الاشتريتها واديتها حلق،،، قالت لي قريني زهجت ياخ، قعدت شرحت ليها،لحدي العشاء،،، تاني ابوي جاء عملنا الغداء بعد الغداء مسكت تلفوني وقعدت اقلب في الفيس، وافقت لي على كم طلب صداقه كدا بدون ما اكشف الاكاونت عدم موضوع،، جاني مسج من زول الاكاونت حقو بي "كريزي بوي" قال لي كيفك، طبعا انا بكرهه حاجه اسمها ماسنجر ما رديت عليو،، قلت اكشف الاكاونت لقيت البوسات حقتو عاديه،، فتحت الصور لقيتو ولد سمح سماحه قلت هسي بعد السماحه دي دا شنو كريزي بوي دي إنت راجل عديل 😂😂،،حسيت نفسي زي الشفتو قبل كدا ركزت في الصورة لقيتو نفس الولد الشفتو في خطوبة رزان والشفتو يوم كنا مع احمد في محل الايسكريم، إستغربت ما ظاهر على وهمي ود ناس ود ناس 😂😂،، تاني رسل لي مسج قال لي ما نفسك ندرعها، قلت لي شنو؟!،، رسل لي كلام كدا استغفر الله😳😳😳😳😳.....
- حُب زُلَيخة ليُوسف أوصَلها إلي حبُ الله، فليكُن يُوسفك وسيلة لتَعرفي الله من خلاله، اختاري حُبًا لا يُبعدكِ عَمن هوَ أحق بالحُب💛🌸
#نتلاقي يا حلوين😘💛
