،، تاني رسل لي مسج قال لي ما نفسك ندرعها، قلت لي شنو؟!،، رسل لي كلام كدا استغفر الله😳😳😳😳😳,,أنا بقيت منططه عيوني ومخلوعة،، قصه انو زول يدخل على في الماسنجر ويقول لي كلام زي دا أو يرسل لي ڨيدو أو صورة ما كويسه ما اول مرة تحصل معاي ودا السبب البخليني امسح الماسنجر، لكن انا حقيقي كنت مستغربه في إنو الولد دا ما ظاهر عليو كدا خااالص بديك إحساس انو محترم وود ناس حتى طريقه لبسو بتوحي ليك كدا،، فتحت المسج وكتبت لي "ربنا يهديك إن شاء الله💛"،، ما عارفه لي عملت كدا لي ما حظرتو مع انو كنت بحظر بس، بعد رسلت لي كدا طلع طوالي، تاني فتحت الشات وكتبت لي "حاول جاهد نفسك على أي غلط بتعملوا كبير ولا صغير الرسول صلى الله عليه وسلم قال أصعب جاهد جاهد النفس اقرا قرآن كتير كل ما تزهج اقرا سورة يوسف وربنا يهديك💛" بعد مسافه كدا دخل، رسل لي أسف+أمين 💛💛،،،، قلت لي أسف ما لي انا اسف لي ربنا، قراها وما ردا علي، قعدت افكر لي الناس دي بتعمل كدا لي بتلجاء لي حاجات زي دي عشان تملاء وقت فراغها 💔بس انا حسيت من الكلام القلتو للولد دا زي الكأني بعمل بالاية البتقول" إدفع بالتي هي أحسن السئيه" 💛🔐
______________________________________________
"على لسان بلال"
كنت كالعادة قاعد مع ناس حيدر وعصام،، أنا من يوم اتكلمت مع البت الاسمها إرم دي بقي عادي عندي بتكلم مع بنات في الماسنجر 💔،، فتحت الماسنجر ورسلت لي بت،، بس البت الرسلت ليها دي اول ما قالت لي ربنا يهديك 💛، ما عرفت اقول ليها شنو اقول ليها لا إن شاء الله يعني طلعت من الشات طوالي، بس إستغربت من البت دي عاداََ لما ارسل لي بت كدا يا حظرتني يا نبزتني يا طلعت زي كدا وإتكلمت معاي عادي 💔بس دي اول مرة يحصل معاي كدا،،، دخلت تاني لقيتها مرسله لي كلام كتير كدا قريتو واعتذرت ليها،، كرهت واستحقرت نفسي شديد اللحظه دي طوالي قمت منهم ومشيت البيت، بعد وصلت البيت قعدت افكر لي انا بعمل كدا والسبب شنو كان دي اول مرة اسأل نفسي كدا،، وكلام البت دي جايط في راسي، فتحت الشات وقريتو كم مرة،، عاينت لي إسم الاكاونت لقيتها اسمها تبارك، قلت في نفسي حتى إسمها مريح💛
______________________________________________
إمتحانات آديلا النهائيه خلاص قربت ليل نهار في الكتب يحليلها وانا مرات بساهر معاها،،، يوم كنا في الجامعه بنفطر انا و رزان ومريم، كنت عايزة اسأل رزان من الولد الاتكلمت معاو في الفيس بس لانو هو صاحب أسامه يمكن تكون بتعرفوا بس قلت هسي بتقعد تتعولق فيني وتقول لي عجبك وما عجبك 😑، مريم قعدت تتططق لي قالت لي وين يا الأخت، قلت ليها حدك ياني 😂💛، قلت لي رزان ما نفسك تعرسي عشان انا مكتئبه، مريم قالت ليها اي والنبي نهججج شويه، رزان قالت لينا أصبروا لي بس أسلم ورقه آخر امتحان بجاي اتحبس بجاي، مريم قالت ليها ما قلتي لما تتخرجي😂🔥، قالت ليها عايزة اجرب شعور الواحدة لما تتخرج من بيت راجلا بكون كيف بيت ابوي دا شبعتا تخريج منو 😂😂😂😂💛+لقد نفذ الصبر🌚🔥، أنا ومريم متنا ضحك قلت ليها يا رزان إنتي إنسانه تافه ونواياك مش بريئه خلاااااااصص 😂😂💅،، مريم قالت ليها عايني حفله الحنه جيبي لينا عشه الجبل 😂💃، قلت ليها اي اي عليك وتكون حفله بنات بس 😂💃💃💃،،، قالت لينا هوي هوي إنتو بتحققوا احلامكم في عرسي 🌚💔،،،، قلت ليها يا رزان إذا ما عملتي القلنا ليك سوف أُخبر زوجك بكل شي 😂😂😂، مريم قالت ليها ونرجع من الصاله سوا اصلا ما بنقدر نعيش من غيرك 😂😂💔،،، رزان قالت لينا شامه لي ريحه مسلسل هندي،،، قلت ليهم خلاص بطلو تفااههة ارح المحاضره،ونكبرا البيت انا عندي إنسانه ممتحنه في البيت وهيك يعني،،، قالت لي عقبال تقري بتك🌚🔥،، قلت ليها إنتي اصلا تافه كدا، قالت لي أي والله اصلا 😂💛بعد المحاضرة طوالي مشينا البيت وصلت البيت الظهر شمس تسوي حله سليقه 🌚💔،،، استحميت ونومت طوالي،، صحيت العصر لقيت آديلا نايمه والكتب دي مجدعه جنبها حنيت عليها ياخ 😂💔،،، لميت الكتب من جنبها ورتبت الغرفه، مشيت صليت وقلت اعمل لي حاجه لي آديلا بتكون منفسنه الأخت 😂💛،،دخلت المطبخ وعملت لي صينيه كيكه ومعاها شاي العصر😂😂💔،،، فرشتا الحوش ورشيتو أمي جات قالت لي جاين إخطبوك🌚😂😂،، قلت ليها اجي يا امونه من زمان أنا بفرش الحوش العصر الجديد شنو 😂💛،، بنتكلم كدا آديلا جات طالعه،،، قلت ليها صلى وتعالى 😂،، مشت صلت وجات قعدت إتونسنا كلنا وضحك وهباله غايتو غيرتا ليها مودها شويه 😂💛.
______________________________________________
"عند بلال"
كان طالع من الشركه إتصل عليو حيدر ، قال لي الو حيدر ، حيدر قال لي بلال والله محتاج ليك شديد ياخ أبوي قبل شويه صدم ودينا المستشفى الدكتور قال لينا ليو إسبوع ما عمل غسيل، وقالوا ما حيدخلوا الا ندفع وانا والله ما معاي ولا فلس،بلال قال لي خير خير ي زول بجي عليك هسي مستشفى وين ورهَو اسم المستشفى ركب عربيتو ومشى البنك سحب لي مبلغ ومشى المستشفى، لقى حيدر وامو اختو قاعدين سلم عليهم ونادا حيدر على جنب،، قال لي اها ابوك كيف ولي انتو تهملوا كدا اسبوع ما تعملوا لي غسيل؟! ، قال لي والله ما كان معاي قروش، قال لي كنت تتكلم تتطلب مني انا ولا عصام،، حيدر قال لي خير إن شاء الله بس إن شاء الله يطلع لينا بالسلامه، بلال قال لي طيب هاك دي القروش،، شال القروش ومشى كمل الإجرات ودخلو ابو 💔،،، قعد معاهم لحدي ما طلعو، َنقلو غرفه عاديه، بلال دخل كفر لي وطلع مشي للدكتور،، دخل المكتب قال لي لو سمحت يا دكتور دا ما أسلوب تتعاملوا بيو مع المرضى، الدكتور قال لي شنو؟!، بلال قال لي كيف يعني ما تدخلوا المريض بس عشان ما عندو قروش هسي لاقدر الله لو مات ذنبو حيكون في رقبتك وإنت شكلك ناسي يا حضرة الدكتور انو الطب مهنه إنسانيه وإنت حالف قسم على الكلام دا، الدكتور قعد يعاين ليو وما عرف يرد، بلال عاين ليو وطلع، لقى ناس حيدر طالعين، وصلهم بالعربيه ومشى البيت،،، جاء داخل امو قالت لي بلال وين إنت الساعه ١٠ عديل، قال ليها مشيت لي صاحبى ابو عيان، قالت لي ما يكون ابو اسامة، قال ليها لالا،، دخل غرفتو استحمى ومشى ودخل المطبخ إتعشي وطلع غرفتو،،، فتح الماسنجر، لقاني متصله،،، طلع من حاسبو الوهمي دا😂💅، ودخل حسابو الحقيقي بلال عبد الحكيم وعمل لي آد،، أنا لما شفتا الآد دخلت اكشف لقيتو نفس الولد قلت عايز شنو دا كمان ما إترددت طوالي قلبتو خفيفه مش 😂😂💔،،، ،،، جاني مسج من بلال في الماسنجر مرسل لي تبارك،،،قلت لي نعم،،، تاني مسافة ما رسل لي حسيتو زي العايز يقول لي حاجه بس ما عارف يبداء كيف، قلت لي امممممم فكرت في الكلام القلتو ليك،،، رسل لي طوالي قال لي أنا ما كدا،،،الجمله دي زعلتني عليو 💔، قلت لي ع فكرة ظاهر عليك، قال لي ظاهر عليك!!! شفتيني وين؟ قلت لي يوم خطوبه محمد صاحبك خطيبتو صحبتي، قال لي ايوااا،، قال لي طييب عايز اقول ليك حاجه، قلت احكي، رسل لي ريكود قال لي أنا ما كدا وما عارف الخلاني امش في الطريق دا شنو لا الأسرة ولاالبيئة العيشتا فيها كدا ما اكذب عليك بس ما حصل حاولت ارفع يدي لربنا انو يهديني زي ما قلتي لي ولا حصل فكرت كدا بقعد وبسأل نفسي انا بعمل كدا لي وبندم بس تاني برجع زي اول ومرات أسوأ ، قال لي انا حتى ما مراعي انو عندي اخوات تاني سكت زي القعد يبكي، حسيتو زي العايزني اهدي انقذو من هو بعمل فيو دا، تقريبا هو في الريكود دا حكي لي اي حاجه بتخص حياتو،، قلت لي طيب انت لي حكيت لي هسي انت ضامني ما افضحك، قال لي مستحيل تقولي لي ربنا يهديك وتجي تعملي كدا،، ما عرفت اقول لي شنو، تاني قلت لي بصلي؟
قعد يضحك قال لي انا ابوي إمام مسجد وما حصل صليت ركعة هناك لكن مرات بصلي قال لي انا سئ لدرجه حتى وانا في عز مشاكلي دي كلها ما بحاول الجي لي ربنا بكتفي بحاجات تانيه،، قلت لي اول حاجه انت ما سئ بالقدر البتقولوا دا،،، إذا انت ضميرك انبك على البتعمل فيو دا ابدا ما سئ، ممكن اقول ليك انت بس ما لاقي البهديك، قال لي وانا جيت حكيت ليك عشان حسيت انتي هدايتي 💛،،،، قلت لي طيب اول حاجه إنت حتعملا إنك تصلي الصلاه دي حاجه عظيمه شديد "إن الصلاة تنهي عن الفحشاء والمنكر"،،، قلت لي ربنا بعدها ممكن يسهلا عليك،، قال المشكله انو ربنا مسهلا علي أنا ما ناقصني حاجه انا بستغرب كيف زول زي كدا وبعيد من ربنا كل البعد دا ما حصل قفل لي باب حتى من الناحية الماديه انا ما ناقصني حاجه،، قلت لي عشان ربنا بحبك بس والحاصل ليك دا إبتلاء،، قلت لي طيب إنت اول حاجه تمشي تتوب عديل لي ربنا إن شاء الله توعد ربنا إنك حتحاول بقدر ما عندك ما ترجع للحاجات دي،،، وأهم حاجه تصلي الصبح حاضر وقعدت اتكلمت معاو كتير،،، أثناء ما بتكلم كدا امي نادتني، مشيت شفتها عايزة شنو وجيت، لقيت بلال منزل بوست وكتاب "اللهم إني أحاول فأهدين" 💛🔐
#نتعلم
متقلبون حد الزهول
ترى الخير في إنسان حتى تظنه عاجز عن الشر
وترى الشر في إنسان حتى تظنه عاجز عن الخير(بلال) 💛
فإذا به يخالف توقعاتك
بذرة الخير في إنسان لا تموت
وبذرة الشر لا تهداء.
"القلوب بيد الله وما نحن إلا أسباب ضلال أو هداية"💛🌸
أدهم الشرقاوي💛🌸
