تاني يوم بعد الخطوبه آديلا جات صحتني الصباح بدري، قلت ليها مالك ي بت من الصباح، قالت لي قومي امشي معاي السوق عشان اشتري حاجات الجامعه،،، قلت ليها خليها يوم تاني ي آديلا هسي ما قادره، قالت لي ع فكره جامعتي بكره 🙂، قلت ليها برضو ما بقدر اتصلي على أحمد يمش معاك،، قالت لي اخت السواد والرماد يلا، إتصلت على أحمد وكلمتو بعد مسافه جاها ومعاو إسراء وفاتو،، أنا صحيت زي الساعه عشره مشيت إستحميت وصليت، لقيت امي جهزت الفطور خلاص 😂، قالت لي رايقه لكن تعالي افطري ساي، قعدت معاها، قالت لي ما عندك جامعه الليله، قلت ليها عندي وشغاله محاضره الساعه واحدة بس ما قادرة،، قالت لي ما قادرة مالك سويتي شنو من أمس غير مديتي يدك َولبسوك خاتم 😂😂😂،، قلت ليها امي ما كدا لكن السهر دا مرهق، قالت لي امممممم مرهق انا صاحيه من سته صباحا، قلت ليها امي ما تحكيها معاي كدا 😂🙂،،، بعد فطرت غسلت العده ودخلت الغرفه، شلت تلفوني لقيت تلاته مكالمات من بلال، عايزه ارجع ليو كده إتصل، قال لي عامله فيها تقيله على انا 😂، قلت لي اجي دا كلام شنو 😂كنت بفطر مع أمي برا والتلفون في الغرفه، قال لي ما مشيتي الجامعه يعني، قلت لي ولا ماشه، قال لي شغاله كم، قلت لي واحده 🌚🔥، قال لي ١٢ونص انا بكون واقف ليك برا فاهمه، قلت لي بس انا ما ماشه، قال انا العندي قلتو+عايز انكد عليك من الصباح بسؤال كدا، قلت لي اصلا نكدت علي من قبيل اها قول، قال لي الكلم امك بقصتي منو انا شاكي في زول بس عايز اتأكد، قلت لي والله انا زاتي ما عارفه بس بسأل أمي أنا شايفه حتى إذا عرفتو منو ما تسألوا خلي واعفي عنو وخلي حسيبو الله،،، قال لي كدا بعد نتلاقي بس هسي اتاكدي لي من امك، قلت لي طيب، مشيت لي امي لقيتها بتشرب في شاي، قلت ليها امي عايزه أسألك، قالت لي اها، قلت ليها إنتي الكلمك بقصه بلال منو، قالت لي وهسي الجاب السيرة شنو الفات مات، قلت ليها عايزه اعرف، قالت لي في بت إتصلت على وحكت لي حاجات كتيره عن بلال ما كويسه وقالت لي عارفاك ما هتصدقي انا حارسل ليك ڨيديوهات، بعد قفلت مني طوالي رسلت لي ڨيديوهات في الواصطاب، قلت ليها أمي أنا الف مره قلت ليك اسمو واتساب 😂😂😂،،، قالت لي هسي إنتي خليتي دا كلو بقيتي في الكلمه دي، قلت ليها اها كملي طيب سوري، قالت لي الڨيديوهات كان فيها بلال وهو سكران وكدا، قلت ليها طيب رقم البت لسه عندك، قالت لي شوفي التلفون هداك جو في الشاحن، مشيت شلت تلفونها وفتحت الواتساب 😂، لقيت الڨيديوهات لسه قاعده سجلت رقم البت في تلفوني، ومسحت رقمها والڨديوهات،، رسلت الرقم لي بلال قلت لي دا رقم البت الكلمت امي عنك وقفلت الشبكه،، زي الساعه ١٢ كدا مشيت جهزت لبست فستان رمادي نص بسيط كدا كم ومعاو كوت جنز وإسبورت ابيض وطرحه ابيض بي رمادي، وانا طالعه امي قالت لي ماشه وين، قلت ليها هييييااا نسيت اكلمك غيرت راي وماشه 😂😂،، قالت لي غايتو،طلعت وطبعا الشمس تلفح لفح 🌚🔥،، لما قربت على الزلط شفتا بلال واقف جنب عربيتو ولابس فريم،،، وصلتو قلت لي بلال، قال لي عيونو كنت بس ما تجي، قلت لي واو كنت حتعمل شنو حضرتك 😂، قال لي ارح ارح، ركبنا العربيه وإتحكرنا فتح أغنيه مصطفانا حقت البت الحديقه، قمت انا غيرتها وفتحت غنيه ي ضلنا، غيرها تاني، قلت لي انا بحب دي، قال لي وانا بحب دي وغيرها، قمت غيرتها، قلت لي بس انا بحب دي، قال لي بس انا بحبك إنتي، عاينت لي كدا، قلت لي ما عايزها 🙂، قعد إضحك 🙂،، قلت لي رسلت لي رقم في الواتس شفتو، قال لي اي، قلت لي وعرفتها، قال لي اي، ضربتو في كتفو قلت لي سغيل انت ما تتكلم معاي زي الناس،قال لي اي عرفتها بت بعرفا وهسي محتار اعمل ليها شنو هي بت بت لو كان ولد كان ممكن أقل حاجه مشيت ضربتو لكن بت دي اعمل ليها شنو،، قلت لي بلال انا قلت ليك المسامح كريم ربنا حيحاسبها على العملتو دا،،، قال لي إن شاء الله،،، وصلنا الجامعه بعد نزلت، ندة لي، قبلت عليو قلت لي نعم، قال لي تعالي، مشيت وقفت جنب الشباك قلت لي احكي، طلع النظاره الشمسيه ولبسني ليها، قال لي بخاف عليك انا 😂💛، قلت لي تاني ما حترجع وقبل كدا اديتني كاب، قال لي حلال عليك وعقبال انتي حلال على،،، قعدت اعدل في النظاره قلت لي اممممم طيب باي باي 😂💛💛،،، دخلت الجامعه لقيت مريم ورزان جنب القاعه، سلمت عليهم قلت ليهم ما كنت جايه طبعا، مريم قالت لي أنا زاتي لكن امي طردتني من البيت طرد 🌚💔، رزان قالت لينا انا ما بقدر اقعد في البيت برأي وأسامه طلع الشغل من بدري قلت احسن اجي اتموضع شويه، طبعا انا ومريم بقينا نعاين ليها من فوق لي تحت سبعه مرات😂😂😂،، مريم قالت ليها ما شاء الله الجامعه بقت بالنسبه ليك موضوع رزان قومي قومي قدامي الدكتور دخل 🌚💔،، طلعنا من الجامعه العصر، وصلت البيت لقيت آديلا نايمه وجنبها أكياس، قعدت فتحتهم ما خلت شي ما جابتو 😂، صحت لقتني بكشف، قالت لي اها حلوات، قلت ليها اي ذوقك ولا ذوق إسراء، قالت لي والله أغلبهم ذوق أحمد 😂😂،، قلت ليها اجش خلاص بعدين الشيله خلي يمش معاك برضو ، قالت كلبه 😂،،،،،،، تاني يوم آديلا صحت من سته انا صحيت بي جوطتها😂، قمت معاها،، لبست وإستنيتها لما خلصت، جات طالعه قلت ليها بت جامعه بت جامعه 😂،، أبوي قعد يوصي فيها وكدا وامي زاتها شغاله شغل عجيب 😂، قلت ليها تعالي اصورك صورتها وطوالي ختيتها إستوري وكتبت "برلومه صيدله 💛"،،طلعنا سوا، قالت لي تبارك انا خايفه امشي معاي، قلت ليها انا المشي معاي منو بتتعودي ومف حاجه بتخوف زي المدرسه بس إعتبريها مدرسه مختلطه حديثه بدل الكتب برَوجيكتر وخلاص 😂😂، قالت لي وصيتيني لكن، نزلت هي أول وانا مشيت، وصلت الجامعه وقعدت احكي لي رزان ومريم عن حماس آديلا 😂، مريم قالت لي ع فكره انا كنت اكعب منها بذكر صحيت الصبح لما جات الساعه ٦دي انا حرفيا من عرفت اعمل شنو لانو كنت جاهزه بكلو شعري دا كنت مسرحه 😂😂🔥،، رزان قالت لي انا العكس يلا صحيت متاخره 😂،،، نهايه اليوم بعد ما رجعت البيت، آذان العشاء كدا دخلت واتس، لقيت بلال مرسل لي إشتقت ليك، قلت لي كان إشتقت لي كنت إتصلت 🌚💔،، قال لي والله الليله الشغل كان كتير شديد وجيت هسي وتعبان، قلت لي مصدع يعني، قال لي اي والله، قلت لي اطلع برا، قال لي كيف، قلت لي اطلع برا وارفع راسك فوق بتشوفني وكدا الصداع بروح 😂💛💃، قال لي على أساس انك القمرة، قلت لي اصلا، قال لي واحلا منها💛🌸
______________________________________________
بعد مرور شهور:
أول ما زاعو إسمي بالكامل طلعت المنصه كان امي وابوي وآديلا واقفين، طلعت المنصه ومريم ورزان وراي وطبعا مريم تزغرد 😂💛سلمت على امي وابوي في رأسهم وحضنت آديلا 💛،،، سلمت على الدكاتره وإستلمت الشهادة 💛،،،وقفت مع ابوي وأبوي وآديلا وإتصورت كم صوره، نزلنا ووقفنا انا ومريم رزان بعيد من الناس شويه وما خلينا صوره ما إتصورنها،،، جو ناس ملك وأحمد وإتصورت معاهم،،، بعد التخريج خلص رجعنا أحمد البيت،،، دخلنا انا وآديلا غرفتنا آديلا طوالي نامت بي فستانها، ام انا مشيت إستحميت ولفلفت شعري حتى قدرت ارقد😂، عايزه انوم كدا تلفوني إتصل لقيتو بلال اول ما فتحت الخط، قال لي دكتورتي🌸، قلت لي دكتورتك زعلانه منك السفريه ولا السجميه دي ما عرفت تجي الا في الأيام دي😔💛،،، قال لي اول حاجه مبروك التخريج وما تزعلي مني عارفه ظروف شغلي وعقبال نحضر تخريج أولادنا سوا 😂💛،،، قلت لي زعلانه يزول بس 😔،،، قال لي المَوضوع كان بيدي والله ما كنت مشيت اها عايزني اصالحك كيف، قلت لي إتصرف😔، قال لي طيب رايك شنو ازغرد ليك 😂، قلت لي شنو شنو 😂😂، قال لي اذا كشرتك بتفك مستعد اعمل اي حاجة 😂، قلت لي طيب اها اها انا سامعه، قال لي بس ما توري زول عشان هيبتي وكدا تمام 😂💛، قلت لي من عيوني بس يلا اها 🤣، قال لي شايف الموضوع بسطتك شديد بتحبي بهدلتي للدرجه دي 😂، قلت لي بلال ارح 🌚🔥،،، اول ما زغرد كدا انا فكيت ليك الضحكه بعيد 🤣🤣🤣🤣،،، آديلا رفعت رأسها وهي مغمضه وإتقلبت بالجهه التانيه، قال لي لسه زعلانه، قلت لي لا ابدا😂🔥،، قال لي طيب تصبحي على خير بتكوني تعبانه، قلت لي جاي متين 🙂، قال لي إحتمال الأسبوع الجاي انزل السودان، قلت لي هو السودان قاعد تحت ولا كيف 🌚💔، قال لي تبارك امشي نومي، قلت لي طيب وإنت من اهلو ورقدت نومت،،،،،، بعد إسبوع بالظبط كانت المناقشه انا ورزان كنا متوترين الا مريم الفرفوشه فينا 😂💛الحمدلله دخلنا وتمت بنجاح 💃💃💃،، بعد طلعنا وسلمنا على أهلنا و وووو 😂،، مشينا انا ومريم رزان مطعم وعزينا نفسنا عز 😂💃،،، بعدها مشينا توتي وآخر حاجه مشينا بيت رزان إتغدينا معاها وطلعنا،،،،،بعد إسبوع كدا بدأ برنامج الحبسة وكده 😂،،،يوم الحنه في عز الغناء والناس دي هايجه، جاتني آديلا قالت لي بلال عايزاك في التلفون طبعا من جاء من السفر ما لاقيتو،،، قال لي عايني انا واقف برا تعالى هسي، قلت لي السمك ي حبيبي امي بتكتلني😂💅،،، قال لي بغض النظر عن كلمه السمك دي انا ما قاعد اقولها تعالي برا سريع قلت ليك، قلت لي طيب خمسه دقايق بس 🌚🔥، مشيت لي مريم قلت ليها بلال واقف برا ارح معاي قعدت تتعابط معاي حتى وافقت مشيت رفعت شعري كلو فوق بي مشبك ولبست لي طرحه ولاعارفها حقت منو وما جايه مع الفستان اصلا اللهم سترتني 😂😂💅،، مرقنا انا ومريم،، شفت عربيه بلال واقفه على مسافه من بيتنا، مريم قالت لي بستناك هنا طيري سريع دقيقتين ما زيدين😂، قلت ليها طيب طيب، مشيت عليو اول طبعا الدنيا ضلام ولع الفلاش في وشي 😂، قلت لي عيوني ي فالح نزلوا، قال لي مشتاقين شديد، قلت لي انا اكتر 😔،+لخص سريع انا ماشه 😂، قال لي انتي اصلا كدا، قلت لي اي والله هسي زمن زاتو ماف عشان اقعد اترمسن😂، قال لي طيب دقيقه مشي فتح العربيه وجاء شايل كيسين هدايه،قال لي طبعا اكيد انتي ناسيه انو الليله يوم ميلادك عشان كدا اصريت انو اقابلك، قلت لي و واي نسيت والله،،،، سمعت مريم يتمادى لي، قلت لي بتكلم معاك بعدين وووو شكرا شكرا، قال لي عايز شكرا بطريقه تانيه، قلت لي احسن تتلاما ومشيت 😂😂🙈💛،،،، مريم قالت لي دي الدقيقتين، قلت ليها خلاص ياخ ارح، قالت لي دا شنو، قلت مريم لما ندخل،،، دخلنا براحه كدا ختيت الحاجات في غرفتنا وطلعت،،،، بعد الحفله خلصت رزان كانت ماشه نظام الأخت عندها راجل وكدا 😂😂،، مريم قالت ليها عاد بقعد انا البايره دي 😂،،، قالت لينا هييييي طبعا عايزه اوريكم، قلت ليها اها،، قالت لينا صحبتكم حامل، أنا ومريم بصوت واحد قلنا ليها حتسميها تبارك حتسميها مريم 😂💃💃،،، قالت لينا هوي ها أنا قلت ليكم يداب يعنى يداب هو نطفة شنو سميتو لي عديل 😂😂،،، قلت ليها مبروك يزوله مع انو ماجاي فيك دور الامومه 😂، مريم قالت ليها الله يعينَو اسامه ي يمه حيبقوا لي شافعين 😂😂😂،،، قعدت تعاين لينا من فوق لي تحت قالت لينا معسلامه ي حقيرات😂،،، دخلنا انا ومريم الغرفه لقيت آديلا وملك وإسراء فتحو أكياس الهدايه🙂كان معاهم علبه شَوكلاته تقريبا أكلو نصها 🙂🙂🔥،،، مريم شافتهم مشت قعدت معاهم، قلت ليهم دا شنو، إسراء قالت لي بلال السرور جاب ليك طقوم كامله حقت ساعات والشوكلاتة دي، قلت ليها انا ما شايفه شوكلاته شايفه أكياس شوكلاته 🙂، ملك قالت لي تعالي تعالي خليت ليك ديل بالجنبه كدا، قلت ليها سوف أخبر بلال بكل شي 🌚🔥،،، آديلا قالت لي أخبري 😂،،، تاني يوم الصباح مشيت عشان اصبها عند ناس حبوبه عشان بيتنا جاط شديد،،،،، كانوا معاي ملك وإسراء وقبس ومروة ومريم ورزان كانت بتجيني الصباح وبتمش المساء الأخت حامل عاد 😂😂،،،،، يوم العرس الصباح افتش لي تلفوني من قمت من النوم، صحيت البنات قالوا ما عارفينو مشيت لي حبوبه قالت لي اناا تلفوناتكن دي شكلها ما بعرفها،، بعد صحو كدا مريم قالت لي تلفونك معاي ي مزة، قلت لي وطيب بتتعاري لي،،،قالت لي عشان سي بلال ما يتصل 😂، قلت ليها مريم احسن تبطلي هبل🙂،، قالت لي مف قالوا بشيل نورتك 😂💅،، قلت ليها بقولوا كدا إذا شافني 🌚💔،، قالت لي طيب بشيل نورة صوتك 🤣🤣🤣،،،، سكت منها ساي طبعا 🙂💔،،، لما قرب زمن صلاه الجمعه ادتني ليو 😂،،، كان بلال قاعد في الديوان مع ابو واخو واعماموا وأولاد اهلو وكميه من الرجال لما جاء زمن الصلاة مشوا المسجد كلهم بعد ما إنتهت الصلاه بدو العقد💛، اتصل على طبعا ما قال ولا كلمه انا بس كنت بسمع وساكته، مريم قاعده جنبي منتبه اكتر مني تقول عقدها هي 😂،، بعد ما خلص العقد تاني بس بقيت سامعه جوطة وناس بتبارك،،،،، رزان وملك بقوا يغنو ويزغردو😂💃💃،،، شويه كدا وجانا أحمد بالعربيه كانت معاو آديلا ركبنا معاو ومشيناا,,, وصلنا الكوفير بدو يعملوا لي في الميكب وكذلك مريم رزان وباقي البنات،، بعد ما خلصو لي ميكب ولبست الفستان طبعا كنت محجبة بقيت واقفه قدام المرايه جو البنات مريم شغاله تنطط عسل عسل 😂💃💃💃💛،، رزان كانت عايزه تنفعل برضو بس قلت ليها إنتي حامل يختي 😂 💅،، طبعا كلهم كانو لابسين سوا الا رزان مطقمه معاهم بس لابسه توب،،، بعد مسافه كدا سمعنا صوت عربات بتعمل بوري،، ملك وآديلا قعدو يغنو العريس جاء العريس جاء 😂😂😂🔥،،، أنا بقيت متوتره وقعدت أعاين لي روحي في المرايه، رزان جات نزلت لي الطرحه في وشي 😂💛،،، سمعنا صوت بلال قال احم احم،، أنا ما حاولت أقبل اصلا 😂، البنات مشوا عليو وباركو ليو، جاء وقف وراي وانا شايفه في المرايه،،وقف وراي وقبلني عليو وانا يدي لما بقوا باردات😂، رفع لي الطرحه وانا لسه منزله عيوني، وطبعا مريم والجامعه الطيبين واقفين جنب الباب واي واحدة رافعه تلفونها😂💛،، قعد يعاين لي من فوق لي تحت باسني في راسي وقال لي "يا أرض إحفظي ما عليكي💛"،،، ومبروك علينا 🥀،، أنا حرفيا ولا كلمه ما قادرة اطلعها،،،، ملك قالت لينا هييي نحنا عايزين نهججج الحفله بتنتهي 😂،،، بلال قعد إضحك شربك اصابعو مع أصابعي َ طلعنا، ركبنا العربيه، اول ما إتحركت، قلت لي بلال، قال لي عيونو، أنا ما عايزه ارقص سلو ولا حاجه 😂، قعد اضحك قال لي نظام بتخجلي محنك اصلا الموضوع مافي راسي 😂، قلت لي طيب،،، وصلنا الصاله ونزلنا دخلنا الصالة كانت كلها ضلام بس في شويه انوار ملونه بس خافته، أنا بقيت ماسكه في بلال عشان حرفيا ما شايفه😂، بقيتا ماشين حبه حبه، كنت مفتكره انو حنمش نقعد طوالي بس إتفاجاءتة بي بلال انو حنرقص 😂😭، وقفنا في نص الصالة وبدينا نرقص، قلت لي بلال دا إتفاقنا 🙂،،، قعد إضحك لي مشبتك ساي، قلت لي بوريك 🙂🔥،،، قعد إضحك شديد لما الناس إنتبهو معانا، قلت لي بلال لا شوف الناس بتعاين كيف، قال لي خلينا من الناس حتعملي لي شنو 😂💛، قلت ما عارفه🌚💔،،،قال لي جمال دا يناس ما قادر انا 😂💛💛،، نزلت راسي وقعدت اتبسم، بعد ما خلصت الاغنيه وقعدنا، بدأ الهجيج والناس دي بقت ترقص، جاء زمن الجرتق وبلال كان حاجه مبالغه 😔💛، كان واقف وسط اصاحبو وببشر,,, جاء وقف جنبي وبقيتا نجدع في الفال 😂💛💛💛،،،، بعد ما خلاص إنتهينا وجينا طالعين ابوي قال لي بلال البت دي امانه في رقبتك، بلال قال لي فوق راسي وجو عيوني 💛،،، سلمت على امي وآديلا قعدت تبكي بكيت معاها 😭،،،،،ابت تفكني لما زحتها مني إسراء،،، ركبنا العربيه وانا بقشقش في دموعي، وبلال شغال يضرب في البوري ومبسوط الحيوان 😂😭،،، لحدي ما إتحركنا هو يضرب في البوري،،، قلت لي خلاص صدعت انا 🌚💅،،، وصلنا الشقه،، أنا واقفه ورا بلال وهو كان بفتح في الباب، أو ما دخلنا كانت ضلام بقيت ماسكه في بلال وماشه وراء لحدي ما فتح الانور، قال لي خوافة 😂، قلت لي امممممم،،، قعدت في الكنبه وبديت افك في الشبشب، بلال واقف ويعاين لي وانا حاسه بكدا لما إتلبكت وما قدرت افكو 😂،قعد اضحك على وجاء قعد قدامي في الأرض وفكا، قلت لي المضحك شنو 😒،،،، قال لي قومي قومي،، دخلنا الغرفه، قال لي دقيقه وطلع،، فكيت التوب ووقفت قدام المرايه بطلع في الأساور،لبست لي قميص ورقدت، جاء بلال داخل قعد جنبي بقى يصحى فيني وانا عملته فيها غمرانه 😂🔥، قال لي عارفاك صاحيه قومي رموشك بترمش، قعدت اتبسم وقمت قلت لي كنت عايزه انوم بس انت صحيتني، قال لي اي عارف قومي اكلي قلت لي شبعانه، قال لي لا تاكلي، قلت لي ما بحب آكل بليل ورقدت إتغطيت بعد مسافه كدا، حسيتو رقد جنبي وجراني عليو انا نططه ليك عيوني،،، قال لي كدا احسن🙈💛،،،، صحيت تاني يوم لقيتو ما في جنبي، استحميت وطلعت، لقيتو قاعد في الصاله، قلت لي صباح الخير، قال لي صباح خير شنو الساعه اربعة، قلت لي انتي جادي، قال لي شكلك ناسيه أمس حصل شنو 😂🌚،،،قلت لي اممم ايوااا ومشيت المطبخ ما كنت عارفه عايزة شنو اصلا 😂،،جاء لاحقني وانا كنت واقفه في التلاجة، جاء حاوطني من وراء وباسني في خدي، طبعا انا إتجمدت، قلت لي جيعانه 🌚💔،،، قال لي اقعدي هنا وانا اعمل احلا اكل لي احلا قمر 🙈💛،،، بعد ما عمل لي للاكل َاكلنا مشينا قعدنا في الصاله لقيتو في حبوب بندول في التربيزة، قلت لي ديل حقاتك، قال لي اي والله مصدع شديد ورقد في رجولي، قلت لي عاين لي الصداع بروح، طوالي قعد يعاين لي قعدت اضحك عليو قلت لي صدقت 😂😂😂💛،،،، غمض عيونو وقعدت أدلك ليو في حبينو لحدي ما نام 💛🌸
وكتين بقينا خلاص سوا🙈
وتلاشت الاحزان بعيييد
كنت الفرح والنور كماان
كنت الملامح والرضا🌸
غنيت عليك كل الاغاني المفرحة
كل السعادة المشتهي🎶
وبفرح معاك كل الفررح
بس الا حزنك لي اناا
وانا بيك بقيت ذي الطيورر
مهااجرة لي فصل الشتاا
فرحاانه تلقي الجو هناك
وانا جوي بيك انت وكفي..
..💛🌸🌏
#نتلاقي 💛
