صحيت بصوت آديلا قالت لي تلفونك بتصل، قلت ليها منو، قالت لي بلال، قمت على حيلي قلت ليها جيبي قالت لي لا بلال دا منو يزوله 🌚💔،،قلت ليها زول خلقو الله جيبي التلفون، قالت لي ما بديك الا توريني، وقعدنا نتعابط لحدي ما بلال قفل 😂😂🔥، قلت ليها يلا احسن زاتو، مشيت صليت الظهر وجيت لقيت آديلا جادعه لي التلفون في السرير، شلتو ومشيت راكوبتي😂💛،، إتصلت على بلال ردا على طول، قلت لي بلال كيفك، قال لي تبارك كويس الحمدلله لقيتك متصلة على كنت مشغول أبوي رجعو البيت وكدا، قلت لي صحي الحمدلله، قال لي لكن ما بقدر بس يتحرك كويس، قلت لي اي بتحصل بكون في زي خدر كدا في جسمو وما بقدر يتحرك كويس بس خلو يتمشى كتير وعلاج السكري ما تهملوا واخر حاجه ما ترفعوا لي ضغطو 🌚💔، قعد إضحك قال لي قصدك شنو يعني 😂، قلت لي لالا ولا حاجه اها هسي هو كويس يعني 😂، قال تمام التمام +كلمت براءة انو جيتي المستشفى وقالت لي كنت تناديني اشوفها، قلت لي بنتلاقي إن شاء الله، قال لي طيب بكرة إذا فاضيه الكافي الجنب الجامعه حقتكم،، قلت لي قدام، قال لي شنو،؟! 😂قلت لي اي اي تمام إن شاء الله 🌚💔،،، أثناء ما بتكلم معاو كدا سمعتو بنادي لي براءة، اداني سلمت عليها وكفرت ليها لي أبوها، قال ليها براءة أعملي لي عصير برتقال، قالت لي ما بقدر ياخ عندي قراية،، قعدت اضحك قلت لي واي لصقتا ليك في جبهتك😂💃،، قال لي يوم تكون محتاجه لي بتعمل لي من نفسها، قلت لي الدنيا مصالح🌚💅، قال لي هسي انا زاتي ماشي لي واحد صاحبي بعملوا لي، قلت لي امممم صاحبك 🌚💔، قال لي لا ما قصدي أصحابي ديلك ماشي لي أسامة، قلت لي ايواا سلم لي عليو وقول لي إتلحلح لينا شوية عشان تخارج الأخت دي 😂💃، قعد إضحك قال لي اصلا انا ماشي لي عشان الموضوع دا قال العرس قرب وعندو أمور جايطة، قلت لي لالا تمام في هجيج قريب إذا 💃، قال لي اي 😂، قلت لي طيب انا عندي قراية حاقفل 🙂💔، قال لي استنى دقيقه، قلت لي نعم، قام وقف جنب الدولاب قال البس التيشيرت الرمادي ولا القميص الاسود، عشان ماش لي أسامة،،، قعدت اضحك قلت لي انتو برضو عندكم مشكله مش عارف البس ايه دي 😂💛، قال لي انا مرات مرات وبنادي براءة برضو، قلت لي طيب غايتو انا جيتك في المستشفى كنت لابس جلابية كانت خايله فيك النصيحة 😂😂😂😂💛،، قال لي خايله فيني يزوله ظابط نلبس الجلايبه طوالي كدا ممكن تمشي تقري 😂💛، قلت لي طيب سي يو بكرة 💃،،،قفلت الخط،، وفتحت صوره يدينا انا وبلال يوم ربط لي الخيط وقعدت اتبسم 😂💛 لقيت هواء الراكوبة بااارد نومت ما صحيت الا العصر قمت صليت و دخلت المطبخ وطلعت برتقال مشيت لي امي وآديلا قلت ليهم عايزة اعمل عصير برتقال اعمل ليكم، أمي قالت لي مزاج لكن اعملي لينا طوالي 😂💛، دخلت المطبخ وعملت العصير جاتني رساله من بلال لقيتو مرسل لي صورتو بلجلابيه وكاتب لي انا بتصور مرة في السنة 😂💛، كان لافي ليو سبحة في يدو، قلت لي السبحه شغاله يا فضيلة الشيخ 😂💃، قال لي دي حقة أبوي والله شلتها منو، قلت لي الموهم شغاله 🌚🔥+دقيقه انا زاتي عايزة ارسل ليك صورة، كبيت عصير البرتقال في كاسة وصورتها ورسلتها ليو 💃، رسل لي ريكود وقال لي بالهناء يا انا، سمعتو وما رديت عليو معاقة بعيد عنكم 😂😂💅،،، شلت العصير وديتو للناس امي، آديلا قالت لي تبارك اعملي لي ماسك ظابط نحنا طالعين بعد المغرب، قلت ليها انا غيرت رأي ما ماشه،، قالت لي وإنتي السالك منو ي محشورة انا قصدي انا وامي، قلت ليها چبهتي🌚🔥+حسستيني انتي اخت العريس، قالت لي ما اختو لكن اعتبر من أهل العريس 😂💃، قلت ليها سمح،، بعد المغرب امي وآديلا لبسوا امي قالت لي الباب دا اقفلي عليك كويس لمن ابوك يجي، قلت ليها طيب، بعد طلعو مشيت قعدت في التلفزيون لحدي ما أبوي جاء، قال لي ناس امك فاتو، قلت لي جادين شديد 😂💛، قال لي خلاص قومي اعملي لي غداء،،، عملت لي أبوي الغداء والشاي ودخلت الغرفه إتصلت على رزان ومريم، قلت ليهم هيييي طبعا ما وريتكم الليله خطوبة أمين تذكرو 😂💃، مريم قالت لي اي اي بتذكرو عاد تمام 💃، رزان قالت لي هسي كان وافقتي بيو كان الليله تكون خطوبتك 😂😂💃، قلت ليها تتخيلى 🌚🔥،، مريم قالت لينا بالنسبة للفاينل القرب 🙂💔، رزان قالت ليها بالنسبة لي عرسي القرب 😌🔥،، قلت ليها رزان يعني انتي جادة عايزة تتمي السنة الأخيرة في بيت چوزك 🤣،، قالت لي اجي اقسم بالله جادة 💃،، إتونسنا مسافه كدا وقفلت منهم قعدت اقرا لحدي ما ناس امي جو، آديلا قبل ما تتطلع فستانها قعدت تحكي لي 😂😂💛،،نومنا قريب الساعه ١١بسبها 😂،،، صحيت الصباح بعد ما عملت الطقوس المعروفه حقتي طلعت من البيت وكنت شايله لي شيت في يدي وبقراء فيو ورافعة في وشي فجاءة طقشتا لي زول رفعت راسي لقيتو امين 😂، ما عارفه بس تلقائياََ لقيت روحي بتبسم 😂، قلت لي اسفه ما إنتبهت، قال لي ما مشكله، قلت لي مبروك الخطوبة و ربنا يتم ليكم على خير، قال لي امين إن شاء الله بس ما شفتك شرفتينا، قلت لي والله مع زحمة القرايه بس، قال لي الله يعينك قلت لي امين ومشيت، قعدت اضحك بصوت واطي كدا انا زاتي ما عارفه لي 😂، أثناء ما بضحك كدا تلفوني اتصل لقيتو بلال، قال لي صباح الخير، قلت لي صباح النور بصوت بضحك كدا، قال لي بتضحكي مالك، قلت لي ما اضحك يعني 🌚🔥، قال اضحكي الموهم وين انتي لانو انا وبراءة وصلنا الكافي، قلت لي واي وصلتو عديل انا شارع بيتنا ما طلعت منو،، قال لي انا ما قلت ليك اطلعي بدري، قلت لي طيب طيب افطرو اتونسوا اشربوا الشاي تاني اعملوا اي حاجه لحدي ما اصل 😂، قال طيب اسرعي البت عندها محاضرة، قلت لي طيب طيب وقفلت منو
وصلت الكافي، عاينت لقيت بلال ومعاو بت قاعدين، مشيت عليهم سلمت عليهم،، قالت لي اخيرا شفناك ي توته 😻💕،،، قعدت اضحك قلت ليها كيفك، قالت لي كويسه الحمدالله كيف انتي،،، بلال جاهو تلفون من الشغل قام مننا،،، قالت لي انتي جاده الولد دا صاحبك،،، قلت ليها الولد دا اخوك، قالت لي يعني هسي بتتونسي وبتضحكي معاو عادي،،، قلت لي اي عادي ي بت مالك 😂،،، قالت لي شفتي بلال دا الكلمه وغطها ما بتكلم كتير الوحيد الفي العائله كلها كدا اخوي بدر دا كان شفتي خفة دم مبالغه،قالت لي بس انا قريبه شويه من بلال عشان كدا بتتونس معاو مرات،،، قلت ليها والله ظريف اخوك، قالت لي ظريفة انا حبيبي،، اها إنتي بتقري في كم وشنو، قلت ليها توب سنير مختبرات وإنتي، قالت لي انا سنيورة طب 💃،، قلت ليها ما شاء الله،،، قعدت تحكي لي عن بلال في البيت كيف، وانا كنت مستمتعه شديد 😂💕،، جاء بلال طق لينا الطربيزه قال لينا بقيتو صحبات،،، قلت لي شرت غسيلك غايتو اختك 😂😂😂،،، قال لي هي طوالي كدا خاربه سمعتي،،، قال لينا تشربو شنو براءه قالت لي منقه، قلت لي اي حاجه، قال لي طيب بطلب ليك زي نده عليي ويترز قال لي واحد منقه واتنين برتقال،، براءه قالت لي نسيت أوريك مجنون برتقال لو على أي أكله يكون فيها برتقال 😂،،، قلت لي انا بعرف اعمل أكله برتقال بالقرفه رهييبه،،، قال لي باااااسس تعمليها لي طوالي،، بعد شربنا العصير،، براءه قالت لينا ارح نتصور ي تبارك، رفعت السلفي وقعدنا نتصور وبلال كان مركز في تلفونو قالت لي تعال معنا جر كرسي جنبي وبراءة قعدت تصور،،، قالت لينا اقيفو ياخ كدا ما ظابطه، بلال قال لي ما قلت ليك البت دي فاصله،،، قعدت اضحك،، بلال واقف وراي ودخل يديو في جيبو وابتسم، واي انا قربت احرد ليو الصوره 😂😂😂،،، تاني قال ليها زحي زحي انتي قصيره شال تلفونها وبقى يصور، براءه قعدت قالت كفايه كدا عايزه اقعد بلال قال اقيفي اقيفي اتصورنا صورة وقعدنا، قلت ليهم انا بعد ماشه الجامعه، بلال قال لينا طيب ارح لما طلعنا لاقنا حيدر وعصام، حيدر كان بتكلم بالتلفون عصام سلم على بلال عادي، قام عصام عايز يمدد لي يدو بلال مسكو وقال لي تعال ومشَو بعيد، قلت لي براءه طيب مع السلامه انا ماشه،، قالت لي دقيقه اديني رقمك عشان ارسل ليك الصور اديتها رقمي ومشيت،،، دخلت الجامعه وإتصلت على رزان ومريم إستنيتهم لمن جو ودخلنا المحاضرة كانت كلها عبارة عن الفاينل قرب وشدو حيلكم والكلام المسيخ داك 🌚💔،، بعد طلعنا مريم قالت لينا رايكم شنو تجو تقعدو معاي نقرا، رزان قالت ليها إستحاله نتلمي سوا ونقرا عشان ما نكذب ساي😂،، مشينا الكفتريا فطرنا وكبرنها البيت،،، عدت فترة الإسبوعين والإمتحانات جات،،،،الليل كلو مساهرة مع احمد طلعت روح الولد ما خليت شي وراي ما سألتو منو 😂😂😂،،، صحيت بدري لقيت امي صاحية وعامله لي الشاي والزلابية😂، كل ما اشرب حبة تقول لي تبارك قاريه كويس اقول ليها اي، تاني تقول لي تبارك اي حاجه راجعتيها قلت ليها اي، قالت لي يعني فاهمة اي حاجه، قلت ليها امي ذكرتيني أيام كنت ممتحنه شهادة الأساس 😂، قالت خلي مساختك دي ركزي كويس، قلت ليها حااااااااااضر بوستها في رأسها وطلعتا،،، دخلت الجامعه لقيت مريم ورزان قاعدين تحت الشجرة والشيتات دي مجدعه جنبهم، مشيت قعدت معاهم وبقينا نراجع، مريم طلعت ليها شََوكلاتة وزعتها علينا😂، جاتني رساله SMS من بلال كاتب لي فيها ما تشيلي هم فترة وحتعدي بخير إن شاء الله، رغم بساطه الكلمات انا قعدت اتبسم واتكشم برأي 😂، رزان جرت مني التلفون قالت لي ما وقتو حبيباااا،،، قعدنا نراجع كدا لحدي ما جاء زمن الامتحان،،، طلعنا مبسوطين منو جاء ظريف غايتو 😂،،، وعلى كدا إستمرت فترة الامتحانات مرة أحمد جاء معاي وبلال كان بتصل قبل الامتحان وبعدو طوالي،،،آخر يوم بعد رجعت البيت طوالي نومت صحيت المغرب لقيت ناس امي بتغدو، قلت ليهم اجي لي ما بتصحوني 🌚💔،آديلا قالت لي قلنا تعبانه وكدا يعني 😂، قعدت اتغديت ودخلت الغرفه لقيت تلفوني بتصل لقيتها رزان، يا تافه بتصل عليك من متين انا، قلت ليها كنت بتغداء مالك عايزة شنو 🌚💔، قالت لي كيف يعني عايزة شنو انا عرسي بعد شهر ي بت امي،،، قلت ليها واي لا رزان انتي جادة اصبري شوية إرتاحي من تعب الامتحانات دي 😂😂😂،، قالت لي خلي تفاهتك دي، قلت ليها اها بالجد عايزة مني انا عريسك، قالت لي حتجَوا تقعدو معاي متين انتي ومريومة،،، قلت ليها رزان البايرة المامصدقه 😭😂😭يزوله والله ضحكتيني والله أسامة ما بكون جادي كدا 😂🔥، قالت لي تبارك انجزي، قلت ليها طيب بكرة بتكلم مع مريومة ونشوف حنعمل شنو وبالنسبه لي مَوضوع نجيك متين دي قبل إسبوع من العرس بنجي نستقر معاك اها كدا كيف، قالت ظابط، قلت ليها ظابط يا بايرة 😂، قالت لي طيب ادي التلفون لي امك امي عايزة تعزمها وكدا، قلت ليها كويس 😂، أديت التلفون لي اتكلمت مع ام رزان َادتني التلفون قلت ليها يلا قدي ي بايرة 😂، قفلت مني الخط قعدت اضحك اضحك الزول ما بصدق انو دي رزان القالت ما بتزوج الا تتخرج 😂، اليوم التاني العصر إتصلت على مريم وحكيت ليها اول درامة رزان😂، قالت لي واي البت شفقانه 😂، قلت ليها طيب يوم السبت نمش السوق نشوف حنشتري شنو، قالت لي ظابط،،،،بعد قفلت منها مشيت عملت لي ماسك زبادي وقعدت وقطعت لي برتقال في صحن وقعدت آكل فيو، جات قعدت جنبي آديلا قالت لي تبارك تخريج أحمد قرب 🌚💔، قلت ليها والمطلوب 🌚، قالت لي كيف يعني والمطلوب، قلت ليها تخريج بعملوا بنفشر وبنكشخ ونمش نهججج ونأكل ونجي 🌚💔، قالت لي تصدقي انتي إنسانة مؤلمة، قلت ليها ادري ادري،،، جاء يوم السبت وقمت من الصباح جهزت وطلعت على الزلط جيت اتصل على مريم لقيتها متصله على رجعت ليها، قلت ليها اها وين، قالت لي تبارك جاتني ليك ملاريا طلعت روحي وانتي ي تافه ما فقديني، قلت ليها واي سلامتك هسي ماف داعي تنبزي انتي عيانه 😂، قالت لي تضحكي🙂💔، قلت ليها طيب هسي كيفك، قالت لي حمة رهيبه 🙂💔، قلت ليها خلاص بكسر حنك السوق وبجيك هسي. قالت لي لا لا اوعا البايرة ديك بتقتلنا إنتي امشي هسي واشتري قماشك وانا بعد ابقى كويسه نمش تاني ونوديهم الخياطة بس ما بمانع انو وإنتي راجعه من السوق تشتري لي شوكلاته وتجيني 😌🙂، قلت ليها مريم اقفلي 😂، قفلت مني كدا جاني إتصال مني بلال، رديت ليو قال لي شنو يعني ما ظاهرة كدا،،، قلت لي مع عرس البايرة دي 😂 قال لي شنو قلت لي رزان رزان 😂، قال لي اهااا وإنتي كيفك كويسه، قلت لي شدددديدة وهسي ماشه اطوطح في السوق برأي🌚💔، قال لي براك صحبتك التانيه دي اسمها منو، قلت لي مريم اي عيانه يحليلها،،، قال لي وماشه براك، قلت لي اي ماشه برأي 🌚💅،، قال لي طيب عايني بعد تصلي السوق إتصلي على ما تدخلي لي جو براك.....
غازلها قائلاً :
من سُلالات العَصافير أَنتِ، نَقيه سماوية وكل ما فيكِ مُختزل💙💙💙🌸
#نتلاقي😔💙
