My Emperor (Complete)

ME 5

မနက်မိုးလင်းတော့ Taehyung တကိုယ်လုံးကိုက်ခဲနေသည်...ပထမဆုံးတခေါက်ကလည်း သူ့အတွက်ခံရခက်ပေမယ့် သူလေ့လာထားသလိုနာကျင်မှုသိပ်မရှိ...ကြည့်ရတာဒီခန္ဓာကိုယ်က Jungkook ကိုကျင့်သားရနေပုံပင်...သူ့အတွက်တော့ ဒုတိယအကြိမ်မြောက်ဖြစ်သော်လည်း နေသားမကျချင်သေး...Jungkook ရဲ့သက်လုံအားကြောင့် သူ့မှာမနာပေမယ့်ညောင်းကိုက်နေသေးသည်...

Taehyung သူ့ဘေးကိုကြည့်လိုက်တော့ Jungkook ကရှိမနေ...ဝမ်းနည်းဝမ်းသာသလိုခံစားချက်ကြီးဖြစ်နေသည်...ဝမ်းနည်းတာကတော့ ဘာလို့မှန်းမသိပေမယ့် ဝမ်းသာတာက Jungkook မရှိတော့သူမျက်နှာပူစရာမလိုတော့ဘူးလေ...Taehyung ရှားရှားပါးပါး သူအပင်ပန်းခံပြီးရထားတဲ့အပြင်ထွက်ခွင့်လေးအတွက်တစ်စက္ကန့်တောင်အချိန်မဖြုန်းချင်တော့...ရေချိုးတဲ့အခန်းကိုသွားလိုက်တော့ ပန်းတွေကိုရေစည်ထဲမှာချွေထားတာတွေ့လိုက်ရသည်...အစပိုင်းတော့ ပန်းတွေနဲ့ချိုးရတာသူ့အတွက်အဆင်မပြေဖြစ်ရသည်...အခုတော့ပုံမှန်လို ​ကျင့်သားရသွားပြီဖြစ်သည်...

Taehyung အပြင်ထွက်ရမှာမို့လို့ ပျော်နေတာကြောင့်ရေချိုးရင်းသီချင်းလေးတညည်းညည်းတောင်ဆိုနေသေးသည်....

"Dy....na...na....na. ....na. ..na. ..hey. ..Dy. ...na. ...na. ..na. ..na. ..hey light it up like dynamite "

မျက်လုံးလေးမှေးကာ စည်ဘောင်ကိုကျောမှီထားပြီး သီချင်းလေးညည်းနေတဲ့ Taehyung ကို Jungkook နားမလည်စွာကြည့်နေမိသည်...

Taehyung ကအခုတလောထူးဆန်းနေတယ်လို့ သူခံစားနေရသည်...အရင်ကဆို သူမျက်နှာညိုးရင်ကို ပြာယာခက်နေတတ်တဲ့ Taehyung...ဘယ်လောက်နာကျင်ကျင် သူမနိုးခင်အမြဲနိုးကာ သူ့ကိုမြတ်နိုးစွာကြည့်နေတတ်တဲ့ Taehyung...အခုတော့ အရင်ကသိမ်မွေ့တဲ့အမူအကျင့်တွေပျောက်နေပြီး တခါတလေထူးဆန်းတဲ့စကားတွေပါပြောတတ်သေးသည်...အခုလည်းသူနားမလည်တဲ့ သီချင်းကိုဆိုနေပြန်သည်...ဒါပေမယ့်အခုလိုလေးဖြစ်နေတဲ့ Kim Taehyung ကတမျိုးလေးချစ်ဖို့ကောင်းနေပြန်သည်...

Jungkook ထတော့ Taehyung မနိုးသေးတာကြောင့်နိုးဖို့ပြင်လိုက်ပေမယ့် နှစ်နှစ်ခြိုက်ခြိုက်အိပ်ပျော်နေတာကြောင့် မနိုးဘဲဝတ်ရုံကို ကိုယ့်ဟာကိုယ်ဝတ်ကာ ပြန်ဖို့လုပ်လိုက်သည်...အပြင်ထွက်တော့အဆင်သင့်စောင့်နေတဲ့ Yoongi... သူပြန်မယ့်အကြောင်းသိတော့ အသီးသီး Yunhwa လျှောက်လမ်း မှာရပ်နေကြတဲ့သူတွေထဲ Kim Taehyung ကတော့မပါခဲ့ပေ...Yunhwaရဲ့တံခါးပေါက်ဝနားရောက်တော့မှ Jungkook စိတ်ပြောင်းသွားပြီး Yoongi ကိုနန်းတော်ပြန်လွှတ်လိုက်သည်.. ဒီနေ့ညီလာခံနားမယ့်အကြောင်းပြောခိုင်းလိုက်ပြီး Jimin ဆီသွားဖို့ပါမှာလိုက်သည်...