My Emperor (Complete)

ME 18

အခန်းတံခါးဖွင့်သံကြောင့် Taehyung ပြတင်းပေါက်အပြင်ဘက်ကိုငေးငိုင်နေရာကနေလှည့်ကြည့်လိုက်တော့ အစားအသောက်တွေကိုင်ကာဝင်လာတဲ့ Bogum ကိုတွေ့လိုက်ရသည်...

"Taehyung နိုးနေပြီလား Hyung နေ့လယ်စာဝယ်လာတယ် "

"အွန်း "

နိုးလာပြီးတော့အရင်တုန်းကလိုအရယ်အပြုံးမရှိတော့တဲ့ Taehyung....နိုးနိုးချင်းသူ့ကိုဖက်ကာ ရှိုက်ကြီးတငင်ငိုတဲ့ကလေးကြောင့် Bogum ပင်စိတ်ပူသွားရသေးသည်...သူ့ကိုဖက်ကာငိုရင်း တောင်းပန်စကားပဲဆိုနေခဲ့သည်...နောက်ရက်တွေတော့ထပ်မငိုတော့ပေမယ့် ခံစားချက်မရှိတော့တဲ့ပုံပဲဖြစ်နေတဲ့ Taehyung...Bogum စိုးရိမ်ပေမယ့်ဘာမှတော့မမေးဖြစ်ခဲ့ပေ...သတိရခါစမို့လို့ စိတ်မတည်ငြိမ်သေးတာလို့ပဲ Bogum ထင်လိုက်သည်...ကလေး Coma ဝင်သွားတာနှစ်နှစ်တောင်ကြာပြီလေ သူတို့ကိုမေ့မသွားတာကိုပဲကျေးဇူးတင်ရမည်...

အစားစားတော့လည်းအနည်းငယ်သာစားတာကြောင့် Bogum ကချော့မော့ကာ...

"ကလေးနည်းနည်းတော့စားလိုက်ဦးလေ "

"တော်ပြီ Hyung ကျတော်စားချင်စိတ်မရှိဘူး "

"အဲ့တာဆိုလည်းစတော်ဘယ်ရီနို့လေးတော့သောက်လိုက်နော် "

ခေါင်းငြိမ့်ပြီး Bogum ဖောက်ကာပိုက်တပ်ပေးထားတဲ့ဘူးလေးကို Taehyung ယူပြီးသောက်လိုက်သည်...သူ့အကြိုက်တွေကိုအခုထိမမေ့သေးတဲ့ Bogum...၂နှစ်တောင်ကြာသွားပြီကိုအနားမှာရှိနေပေးတဲ့ Bogum ကို Taehyung အားနာစိတ်တော့ဖြစ်မိသည်...အခုချိန်မှာသူ Bogum ကိုပြန်ချစ်လို့မရတော့ သူ့အချစ်တွေကတစုံတယောက်နဲ့အတူ သေဆုံးသွားခဲ့ပြီ...ဒီဘဝမှာတော့သူထပ်ပြီးချစ်နိုင်တော့မယ်မထင်...

"Hyung အလုပ်မသွားဘူးလား "

"အွန်းနေ့လည်နားတယ်လေ ကလေးOmma လာမှပဲအလုပ်ပြန်လိုက်မယ် "

"သူဌေးကဆူနေဦးမယ် ကျတော်ကိုစိတ်ပူစရာမလိုပါဘူး ကလေးမှမဟုတ်တာ "

Taehyung စကားကြောင့် Bogum စိတ်ထဲဝမ်းနည်းသွားမိသည်...အရင်ကဆိုနေမကောင်းတဲ့အချိန်သူ့အနားမှာအမြဲကပ်ကာချွဲတတ်တဲ့ကလေးက အခုတော့ရင့်ကျက်တဲ့ပုံစံနဲ့သူ့ကိုနှင်လွှတ်နေသည်...Coma ဖြစ်ပြီးရင် လူတစ်ယောက်ရဲ့အကျင့်ကအဲ့လောက်တောင် ပြောင်းလဲသွားတာလားလို့ Bogum တွေးနေမိသည်...