My Emperor (Complete)

ME 7

Taehyung ဧည်သည်တွေလက်ခံတာ ၂ပတ်လောက်တောင်ရှိနေပြီ...အဖော်မက်တဲ့သူ့အတွက်တော့ လူအများကြီးနဲ့ခင်မင်ရတာပျော်ဖို့ကောင်းသည်...Jungkook ကြောင့်ဖြစ်တဲ့ မတင်မကျခံစားချက်ကြီးကလည်း မေ့မေ့ပျောက်ပျောက်ဖြစ်လာခဲ့သည်...

ရက်အနည်းငယ်လောက်တော့ Jungkook ကိုမျှော်နေမိပေမယ့် Jungkook ကတကယ်စိတ်ဆိုးသွားပုံရသည်...ပေါ်မလာတော့လည်း သူ့အတွက်တာဝန်တခုလျော့သွားတာပေါ့လို့တွေးပြီး Jungkook ကိုမေ့ထားလိုက်သည်...

Jimin နဲ့တော့စာအဆက်အသွယ်ရသေးသည်... Jimin ကလူကြုံပါးပြီးသူအဆင်ပြေကြောင်း ..ဒဏ်ရာအဆင်ပြေလား.. နောက်တခါတွေ့ချင်နေတဲ့အကြောင်း စာနဲ့ရေးပေးခဲ့သည်...Taehyung ကလည်း ဒဏ်ရာအဆင်ပြေတဲ့အကြောင်း သူလည်းသတိရနေတဲ့အကြောင်း Jimin လည်းကိုယ့်ကျန်းမာရေးကိုယ်ဂရုစိုက်ဖို့အကြောင်းတွေ ရေးပြီးစာပြန်လိုက်သည်..

နောက်တခေါက် Jimin စီကပြန်စာရတော့ ဧည့်သည်တွေ့လို့အံ့သြနေတဲ့အကြောင်း... သူလည်းလာချင်တဲ့အကြောင်း ရေးလာသည်...Taehyung အစပိုင်းတော့လာခဲ့ဖို့ပြောချင်ပေမယ့် Jungkook ရဲ့စကားတွေကိုပြန်တွေးမိပြီး Jimin ကိုမလာသင့်တဲ့အကြောင်း အပြင်မှာပဲတွေ့သင့်ကြောင်း အကြောင်းပြန်လိုက်သည်...မသိရင်သူတို့ကနိုင်ငံတွေအဝေးကြီးမို့လို့ စာနဲ့ဆက်သွယ်နေရသလိုလို...အရင်တုန်းကလိုဆို Taehyung အပြင်ထွက်ခွင့်ရပေမယ့် Jimin နဲ့လျှောက်သွားပြီးတဲ့နေ့တည်းက Jungkook ရဲ့ချုပ်ချယ်တာခံလိုက်ခြင်းဖြစ်သည်...

Jihoon နဲ့စကားပြောဖြစ်တုန်းက Jimin ရဲ့ကျန်းမာရေးအခြေနေကိုလည်းသိလိုက်ရတာကြောင့် Taehyung Jimin ကိုပိုပြီးဂရုနာသက်မိသည်...အဲ့တာကြောင့် Jimin ကိုပိုးမွေးသလိုမွေးနေကြတဲ့ Park မိသားစုရယ်... မျက်စိအောက်ကအပျောက်မခံကြတဲ့ Jungkook နဲ့ Yoongi ရယ်ကို သူနားလည်သွားရသည်...အဲ့တည်းကသူဆုံးဖြတ်လိုက်တာက Jimin ကိုထိခိုက်စေမယ့် ဘယ်အရာမှမလုပ်တော့ဘူးဟူ၍သာ....

Taehyung ဒီနေ့တွေ့တဲ့ကောင်မလေးကသူထက် တော်တော်ငယ်သည်..အလွန်ဆုံးရှိမှ ၁၄ ၁၅ အရွယ်လေး...သွက်သွက်လက်လက်လည်းရှိသည်...ထိုကောင်မလေးယူလာတဲ့ပစ္စည်းက ပုဝါတထည်တဲ့... ဘာလုပ်ရမှာလဲ အဲ့ပုဝါနဲ့မျက်လုံးစည်းပြီးဆော့ရုံပေါ့...သူ့ကိုယ်သူ Nayoonလို့မိတ်ဆက်လာတဲ့ကောင်မလေးကသူ့ညီမလေးအရွယ်ပဲရှိသေးတာကြောင့် Taehyung သူ့ကို Oppa လို့ခေါ်စေချင်သည်...