حرف وشارد من معانيه
كل الناس بتفكر فيه
انا مين؟
وانا ليه؟
حرفٌ يكتب بما تحدثه الظنون، وحرفٌ يكتب من خيالات الشجون، وحرفٌ يرسمُ الحركات قصصا وحكايات، وحرف ثار على ما لايُريد فمات.
هنا بيت القصيد، وبستان يفوح من عطر حروفه، هنا المعاني والسحر والدل...
عاوز حاجه تِسّكنْ روحي في الجنه تعيش احلام وتتمنى تحققها واعيش مبسوط مع الواقع وتبعد عني احزانها ممكن حاجه نشربها ندوبها فى كاس سكر تضيع مر من الأيام .... ألاقي وصفه لعلاجي شراب منقوع وعنابي لقيته جنبى فى الدكان وكان الإسم متموه وضايع وصفه والعنوان
ورقم مكتوب على العلبه طلبته رن راح قاللي علاجك كَتبه أهل زمان حجاب ملفوف ومتدبس معاه كام حبه من رُمان وقفت للحظه بتردد رد وقاللي فى الدكان كتاب ع الرف كان مركون وبلون مصفر الوانه فى أول صفحه تفتحها تلاقى فيها عنوانه طلعت جريت وانا حافى هناك الوصفه لشغافى مُسكن روحي من الاوجاع يريح راسي ودماغي ماليها صداع .... ورق مسطور ومترتب كلام مكتوب ومن رسمه كلام الغاز كلام وحروف تبصلها شبه إنسان عرفت بسرعه افهمها كلام للجان فزعت وسيبت أوراقه جريت من خوفى وبهرول خبطت فى درفة الدكان وقعت فى حفره مرسومه كما الدايره وصوت فى الأرض يتحرك جيوش سايره ببص بعينى المحها نجوم دايره وليل من شدة الظلمه سواد ضلمه. ... وقلبى لحظه كان حاسس بنبضه قل، جمود فى ايدي وفى رجلي كأني أتشل صرخت بعزمي وبصوتى خلاص مبسوط لقيت الوصفه مش عاوز صراخ او صوت .... صحيت والفجر بيأذن عرفت الوصفه وعلاجي كتاب ع الرف ناسينه واول صفحه فاتحينه هنا العنوان. مسكن روحك الهايمه قراءة سوره من القرءان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
