حالة صرف ممنوعه
وصوت الصرخه مش مسموع
دواير عمرنا دايره
كلام فى حياتنا، لا ممنوع
اظن الحالة دى سايره
ولكُل شبابنا صايباهم
تقولش الروح بقت شايبه
ومفيش ولا حاجه رحماهم
كفاح من أجل تعليمه
وهمه يوم ما يتخرج
يلاقى وسطه عارفينه
فى وسط الزحمه يتفرج
اتارى بلدنا ياصحبي
شبه أحلام
كلام إعلام وسامعينه
كأنه منام
تدوّر جوا واقعنا تلاقى
مفيش
نقول من تانى ع الدنيا
ضياع وسلام
#كرم_محمد _حربي
أنت تقرأ
حرف شارد (ديوان شعر) قصائد
Poetryحرف وشارد من معانيه كل الناس بتفكر فيه انا مين؟ وانا ليه؟ حرفٌ يكتب بما تحدثه الظنون، وحرفٌ يكتب من خيالات الشجون، وحرفٌ يرسمُ الحركات قصصا وحكايات، وحرف ثار على ما لايُريد فمات. هنا بيت القصيد، وبستان يفوح من عطر حروفه، هنا المعاني والسحر والدل...
