وقالوا ع الأصل روح دور
بلاش لا يغرك المنظر
ولاد الناس تبان معادنها
فى وقت الشده والازماتواهل الاصل ما بيفتهومش
مواقف صعبه أو سكنات
ولاد الأصل لو تسمع
أخوه وكلهم وقفاتولاد الأصل يا خويا
شهامه وجدعنه وسكات
تشوف الفطره بقلوبهم
وتقصر بينهم المسافاترفيق فى الضيقه والفرحه
ولا يفرق مابين اتنين
جميل الوجه لو تلقاه
وحلو السيره بين شخصينولاد الأصل يا اخويا
تلاقيهم فى كل مكان
صوره واحده مرسومه
ومحفوره مابين الناس
تلاقى الكل يعرفهم
تلاقى الكل يوصفهم
بخير وبج وبإخلاصولاد الأصل ياخويا
ولاد للناس
بيجري فى دمهم طيبه
وافعال قدوه فيه إحساس
ولاد الأصل مش لازم يكونوا بأصلهم أعيان
مش شرط يكونوا من الحسبة او ابن فلان
تلاقي الأصل فى الفقراء ولاد أرياف
وكمان بالعز تلقاهم فى كل مكانولاد الأصل ياصاحبي
من الناس وبين الناس
شهامه وجدعنه وخفه
وطيبة قلبهم إحساس
ولاد الأصل ياخويا
شهامة فى عِرقهم
وعرق الأصيل إحساس
#كرم_محمد_حربي
#ذكرياتى_والقلم
#ولاد_الاصول
أنت تقرأ
حرف شارد (ديوان شعر) قصائد
Poetryحرف وشارد من معانيه كل الناس بتفكر فيه انا مين؟ وانا ليه؟ حرفٌ يكتب بما تحدثه الظنون، وحرفٌ يكتب من خيالات الشجون، وحرفٌ يرسمُ الحركات قصصا وحكايات، وحرف ثار على ما لايُريد فمات. هنا بيت القصيد، وبستان يفوح من عطر حروفه، هنا المعاني والسحر والدل...