حرف وشارد من معانيه
كل الناس بتفكر فيه
انا مين؟
وانا ليه؟
حرفٌ يكتب بما تحدثه الظنون، وحرفٌ يكتب من خيالات الشجون، وحرفٌ يرسمُ الحركات قصصا وحكايات، وحرف ثار على ما لايُريد فمات.
هنا بيت القصيد، وبستان يفوح من عطر حروفه، هنا المعاني والسحر والدل...
وكبرنا من همنا قبل الميعاد بسنين وعشنا فوق عمرنا فى كل يوم سنتين رضينا بيه الهم قعد ومد ايديه . انا كبرت يامه خلاص وبقيت عصب وشديد ونشفت زي الصخر لكن دموعي جليد والشمس كانت هم والبرد كان فى الصيف زاد النسيم عله جوا جسم نحيف قالوا عليا صغير والعقل لسه خفيف
يا امايا ابنك كبر فوق السنين عشرين وتعبنا فوق همنا من كتر قولت اه ونسينا من عمرنا حلم الطفوله معاه فات الربيع ولى ولا شفت الزهور فيه جه الخريف تانى وانا لسه اداوى فيه .. انا رحت ارسم صوره فى الفصل فى الحصه نزلت دموع العين وانتهت قصه ابنك خلاص موجوع ومشاعره فاضت بيه كل اما اقول نشفت يوجعني نبض ضلوع .. يا امايا ليه سبتينى فى قلب الوجع مزروع يا امايا ليه صوتي مبحوح ومش مسموع .. انا قلت اكتب ليكي من قلبي حرفين حب غلبت عيوني القلم والدمع منها انكب .. يا امايا سامحيني من كتر قولت. آه والله وحشتينى حضنك وبتمناه #كرم_محمد_حربي #يا_امايا
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
