نفسي أتحرر من كوابيسى وقت النوم
نفسي فى حلمى احقق حاجه واكون مجنون
حتى فى نومي حياتي كئيبه
دنيا عجيبه وكل حياتنا فيها همومهم الشغل هتصحي تقوم
هم دراسه وشيء مقسوم
وهم حياتك تعرف فيها تحل مشاكلك
تعيش فى نجاحك، تقتل فشلك
واوعى فى مره تكون مهزومحافظ دايما على أخلاقك على أوقاتك
اوبني حياتك، خططك قوم
يعني تعافر حتى فى نومك
تبدأ ليلتك تقصد نومك
تلقى كابوس
نفسي اتحرر من أحلامى
واسرح فيها بكل ارادتي
نفسي اتخلص من أوهامي
وارسم صوره لمشوار خططييعني هتعرف تحلم بيها
وتحققها بكل مافيها
ولا هتصحي تلاقى الساعه
عدت سبعه وفات القطر
فكر تاني وارسم خطه لفوق السطر
واملى فراغك جوا كتاب
حرر حلمك جوا خيال
وامسح من أحلامك صوره
وفيها كابوسفكر، عافر، وأوعي تسافر
من احلامك برا الدايرهخططك سايره
وانت الساقيه وبيها تدور
شمس نهارك دفء الليل
وفى افكارك حلم جميل
بس الخوف مفروض يتأجل
خاطر جازف
تلقى الحلم فى لحظه يجيك
وهتتبدل كل ظروفك
وهيتبدد فيك الخوف
بص وشوف#إحلم_تاني
#كرم_محمد_حربي
أنت تقرأ
حرف شارد (ديوان شعر) قصائد
Poetryحرف وشارد من معانيه كل الناس بتفكر فيه انا مين؟ وانا ليه؟ حرفٌ يكتب بما تحدثه الظنون، وحرفٌ يكتب من خيالات الشجون، وحرفٌ يرسمُ الحركات قصصا وحكايات، وحرف ثار على ما لايُريد فمات. هنا بيت القصيد، وبستان يفوح من عطر حروفه، هنا المعاني والسحر والدل...