في كرهبتو يرحي في سواڤر على بعضو يحب ينسي وجيعة قلبو ينسي غمتو ينسي لحب الي كواه وهدو
تكي راسو تالي وغمض عينو جات دموعها بين عينه تفكرها منجمش ينسي بلي عمل
جات متلاثة واقفة قدام شباك تستني فيه مرعوبة عليه طلبتو اكثر من عشرين مرة وكل مرة تلقي تليفونو مسكر
جات لخمسة متكية فوق لفرش تحل باب بيتها شمت ريحت لبرفان متاعو تلغتت ملهوفة منغير ميعبرها حل لڤاردروب جبد تريكو نحي وشورط بدي باش ينحي في دبشو
-شمس:بيرم راني مزلت في لبيت
-بيرم:...اشهمني فيك
-😔فيبالي مريتنيش...خفت عليك فين مشيت وخليتني
-حاجة تخصني تنجم تو تخرج تخليني نرتاح شوي راسي باش يتكسر بالوجيعة
-علاااش..
-كان ماكش باش تخرجي باش نعاودو طرح لبارح
-...باهي باهي هاني باش نخرج..اما نجمو مبعد ماتفيق نتحدثو نحب نحكي معاك في موضوع
-بيرم:....
غزرتلو ذبلت عينها وخرجت ترمي فوق لفرش برغم ليل كامل مرقدش الا انو لتو منجم يجيه نوم دار مني دار مني منجمش
دخلت للبيت لقاتو مزال فايق
-س...سامحني عمبالي بيك رقدت
-اشتحب
-نحس في راسي يوجع فيا😔😓نجم نرقد بحذاك شوي
-بيرم:...
-متحبش باهي هاني باش نخرج
-ايجا ارقد
-منقلقكش
-بيرم:....لا😐
جات بحذاه وتكت قربلها شوي شم ريحت شعرها تنعوش شوي هي كانت عارفة مشو باش يرقد اما حبت ترضيه مشات تكت بحذاه بلعاني
-بيرم😔
-اممم
-سامحني على عملتو لبارح والله كنت خايفة وانتي تعيط عليا
-بيرم:....انسي الي صار كنت سكران موش حاس بحتي شئ
-بالحق يعني ماكش متغشش مني
-....لا
-ههه ايا باهي فجعتني والله ربي يهديك....اما علاش متغشش
-.......سكتش تو كسرتلي والدين راسي ياارقد يابري اخرج
-ب...باهي هاني باش نسكت متتغشش
مع تسعة قاعدين لكل في بيت صالة قام بيرم وجاء طالع لبيتو
-مرام تحكي بيتبهنيس:يييه شمس فينو لكادو الي تهتري بيه كل يوم يطلعش مجابهولكش
قرصتها شمس غزرلها بيرم وقلها:
-باش نجي ونقصلك اكالسان من وقتاه وليتي تحكي هكا
-علاه اشقلت سيدي خويا اشفاها نفدلك على شمس
-فاطمة:اشبيك علاها لطف وخيتك تفدلك تو نبطلو والله
-شمس:اكهو بيرم سيبها يرحم بوك
بعد علاها غزر لشمس ومبعد طلع للبيت
-فاطمة:شبيه على عصابو هذا
-شمس:خليه دواه عندي
